týsdagur 15. oktober 2002síða 4

6 Nr. 197 - 15. oktober 2002 Nr. 197 - 15. oktober 2002 7 Ein altjóða kapping í talvi fer í hesum døg- um fram á Hotel Norð á Viðareiði. Fimm út- lendskir telvarar eru komnir til Føroya at telva í móti fimm av okkara frægastu telv- arum. Í hesum sam- bandi var lítil mót- tøka hildin í býráðs- salinum leygardagin TALVKAPPING Solby A. Eliasen Móttøkan byrjaði við, at Steinbjørn Jacobsen, borg- arstjóri beyð øllum at vera vælkomnum til Klaksvíkar. Síðani helt Rani Nolsøe, formaður í Talvsamband Føroya røðu. Hann tosaði millum annað um týdningin fyri føroyska telving, at hesin møguleikin til at telva móti sterkum útlendskum telvarum er til staðar. Hann legði eisini dent á, at uttan stuðulin frá vinnulívinum og øðrum fyritøkum í Føroyum, so hevði tað als ikki kunnað latið seg gjørt at hildið kappingina. Og nógv varð eisini gjørt fyri at ein lættliga kundi fáa eyga á stuðlarnar. Á einum lítlum veggi beint aftanfyri Rana og hinar, sum eisini hildu røðu henda dagin, hingu skelti við teim ymsu stuðulunum. Aðrir, sum eisini hildu røðu henda dagin, vóru, Jákup Mikkelsen fyri JFK Heilsølu og so Mogens Nielsen, sum er altjóða dómari og eygleiðir kapp- ingina at alt fer fram, sum tað skal. Á hesi móttøkuni fór lutakastið fram, um hvussu teir skuldu spæla fyrsta umfar. Teir vórðu róptir upp eftir ratingtølunum. Tað vil siga, at tann sterkasti fór fyrst og so niður eftir. Rat- inglistin, sum gingið var eftir, var tann altjóða ratinglistin. Ein fyri og annar eftir komu telvararnir upp eftir eini gávu frá Klaksvíkar Kommunu, har millum annað ein bóklingur um Klaksvíkar Kommunu var. Í hesum bóklinginum stóð so eitt tal, sum segði hvørjum viðkomandi telvari skuldi telva ímóti í fyrsta umfari. Eyðun Nolsøe kom upp sum tann níggjundi í røðini, og hann segði skemtandi: " Hvar er so hatta fýratalið"? Og so tók hann ein bólk- ling, og heppin var hann, tí inni í stóð fýratalið. Tað bleiv ein lítil látur eina løtu. Hví tað var so umráðandi fyri Eyðun at finna fýra- talið, greiddi Rani Nolsøe frá aftan á lutakastið. Tað er soleiðis, at um ein tekur tøl frá eitt til fimm, so fær ein fimm hvít talv og fýra svørt. Og tað er ein fyri- munur í talvi, líka sum tað er ,at hava servuna í tennis. Kappingin Talvkappingin byrjaði leygardagin og tá varð telvað einaferð. Síðani vórðu tvey talv sunnudagin og so tvey um dagin inntil mikudagin, tá kappingin endar. Kappingin fer fram á Hotel Norð á Viðareiði undir framúr góðum um- støðum, har telvararnir eisini búgva. Rani Nolsøe, formaður í Talvsamband Føroya sigur, at orsøkin til at kappingin fer fram í Norðoyggjum er, at hann byrjaði upp á fyri- reikingarnar har, og so var tað so líka til, at kappingin bleiv løgd í Norður- oyggjum. Talv er eitt av teimum fáu spælunum, sum ikki er baserað upp á hepni, um ein hyggur at tí frá einum óobjektivum sjónarhorni. Tað vil siga, at um ein ikki heldur tað vera heppið, at hin ger eitt mistak. So hevur spælið sum so onki við hepni at gera. Tað er eitt spæl, har alt verður strateg- iskt lagt til rættis og tað skal sera nógv konsentra- tión til. Ein má vera væl- fyrireikaður til eina tílíka kapping sum hesa, og høvdið má vera klárt. Henda altjóða kappingin kann sigast at vera ein styrkisroynd hjá teimum føroysku telvarunum. Hvør telvari skal telva níggju talv hvør, og um tað eydnast einum at vinna seks av teimum, so hevur viðkom- andi ognað sær ein triðing av heitinum sum IM meist- ari. Tað, sum verður kallað ein IM norm. IM stendur fyri International Master. Og tað er ein sera heiður- ligur tittul innan talv. Men henda kappingin gevur sum sagt bert ein triðing (ein norm) av tittlinum. So skal viðkomandi telva í tveim- um kappingum aftur at fyri at ogna sær hinar báðar triðingarnar. Ein vinnur bert ein triðing í hvørjari kapping. Og føroysku telv- ararnir hava sjálvsagt sett sær sum mál at fáa fyrsta IM normin í kassan í hesi kappingini. Men sum gongdin hevur verið í kappingini higartil, so letur tað til, at føroysku telvararnir missa ov nógv stig longu í byrjanini. Tað kann tí fara at verða torført at vinna tað innaftur. Men enn eru fleiri umfør eftir, so onki er avgjørt enn. Kappingin endar sum sagt mikudagin. 1st Klaksvík International Kim Pilgaard kom við í 1st Klaksvík Inter- national av tilvild. Á móttøkuni í Býráðs- salinum í Klaksvík leygardagin nýtti Sosialurin høvi til at fáa eitt prát við IM meistaran TALVKAPPING Solby A. Eliasen Klaksvík: Hægst rataði telvarin í 1st Klaksvík International, Kim Pilgaard kom við av tilvild. Ein hevði givið avboð, og so varð hann spurdur, um hann hevði hug at verða við. Hann sigur, at hann hevur spælt í Spania í tvey ár nú, og orsakað av, at hann so tilvildarliga kom við í hesa kappingina, so hevur hann ikki havt so góða tíð til at fyrireika seg. Men hann ivaðist ikki og segði ja beinanvegin, tí tað er ikki á hvørjum degi, at hann fær ein tílíkan møguleika, sigur hann. Hann letur avbera væl at umstøðunum til at telva á Viðareiði. – Tað eru fantastiskar umstøður. Har er friðarligt og perfekt til at telva, sigur hann. Um kappingina sigur Kim Pilgaard, at tað eru fleiri sera áhugaverdir og evnaríkir telvarar millum føroysku luttakararnar í kappingini. Hann nevnir eitt nú Hans Kristian Sim- onsen og John Arna Nilssen. Hann greiðir frá, at hann trekti nummar sjey í luta- kastinum, og tað merkir, at hann skal telva fimm svørt og fýra hvít talv. – Tað er ein vansi, men nú fáa vit at síggja, hvussu leikur fer fram, sigur hann. Kim Pilgaard vann IM tittulin sum 32 ára gamal, og tað verður mett at vera í tí eldra endanum fyri at vinna ein tílíkan tittul. Hann hevur telvað, síðani hann var 15 ára gamal og fyri tveimum árum síðani segði hann sítt starv upp fyri at telva fulla tíð. Kom við upp á avboð IMmeistarin Kim Pilgaard kom við í 1st Klaksvík International vegna avboð hjá einum øðrum Eyðun Nolsøe er ein av føroysku telvarun- um í 1st Klaksvík International. Á mót- tøkuni leygardagin trekti hann fýratalið, sum merkti, at hann í fyrsta umfarinum skuldi møta Kim Pil- gaard, sum var tann hægst rataði av teim- um á altjóða ratinglistanum TALVKAPPING Solby A. Eliasen Klaksvík: Á móttøkuni leygardagin segði Eyðun, at henda kappingin er ein góð venj- ing til Olympiaduna, sum verður seinni í hesum mánaðinum. Hann segði eisini, at hann fór at fáa sína sak fyri beinanvegin, tí hann skuldi møta tí sterkasta. Hann segði, at hann var bæði spentur, glaður og nervøsur fyri hesum møguleikanum at telva ímóti so sterkum telvarum. – Kim Pilgaard er rataður 200 stig hægri enn eg á list- anum, so eg fari ikki at gráta, um eg tapi. Tað er púra vist. Men eg hevði verðið avbera glaður fyri ein javnleik, segði Eyðun leygardagin. Og seinni leygarkvøldið, tá fyrsta umfar var av, frætt- ist at Eyðun Nolsøe og Kim Pilgaard høvdu telvað javnt. Eyðun segði eisini leyg- ardagin, at tað er eitt upp- livilsi bara at fáa møguleika til at telva ímóti hesum útlendsku telvarunum. Hann tosaði eisini hetta at fyrireika seg til eina tílíka kapping. – Tað kann so at siga ikki lata seg gera í dag, um ein telvari ikki hevur teldu. Allir telvarar í dag hava teldu, so ein kann hyggja eftir og fylgja við talvum á netinum. Leygardagin klokkan fimm byrjaði so fyrsta um- farið av kappingini, og sum sagt, so eydnaðist tað Eyð- uni Nolsøe at telva javnt í móti Kim Pilgaard. Sunnudagin telvaði hann so í móti Ólavur Simonsen í øðrum umfari, og tað talv- ið tapti hann. Meðan hann vann ímóti Hans Kristian Simonsen í triðja umfari. Saman við øllum hinum telvarunum, skal Eyðun so telva tvey talv um dagin, inntil mikudagin, tá kapp- ingin endar. Venjing til OL Eyðun Nolsøe vónaði undan umfarinum leygardagin, at hann fór at fáa javnleik ímóti Kim Pilgaard. Og tað eydnaðist honum 1st Klaksvik International: Lutakast fór fram á móttøkuni, um hvør skuldi møta hvørjum í fyrsta umfari á hotellinum á Viðareiði leygardagin Tað kemur neyvan uppá tal at flyta Stuðulsstovnin til Runavíkar, í hvussu er ikki fyribils. Ikki ein króna er sett av í fíggjarlógaruppskotin um til at flyta stovn- in, og landsstýris- maðurin í mentamál- um hevur enn ikki tikið nakra avgerð í málinum STUÐULSSTOVNURIN Jón Brian Hvidtfeldt Líkt er til, at avgerðin, fyrr- verandi landsstýrismaðurin í mentamálum Torbjørn Jacobsen, tók fyri góðum tveimum árum síðan um at flyta Stuðulsstovnin úr Havn til Runavíkar, ikki verður framd í verki kort- ini. Síðan politiska útmeld- ingin um at flyta stovnin kom á sumri 2000, hevur stovnurin at kalla livað í óvissuni. Eftirmaðurin hjá Torbjørn Jacobsen í Mentamálastýrinum, Óli Holm, staðfesti fyri góðum hálvum øðrum ári síðan í svari uppá fyrispurning í Løgtinginum, at avgerðin um at flyta stovnin til Runavíkar stóð við, og hann setti eisini í verk eina kanning av støðuni hjá Stuðulsstovninum. Kann- ingin vísti, at mótstøða var innanhýsis á stovninum móti at flyta til Runavíkar, og síðan er einki hent í málinum. Tá Annlis Bjarkhamar í summar tók við sum lands- stýrsmaður í mentamálum boðaði hon frá, at framtíðin hjá Stuðulsstovninum skuldi takast upp til nýggja viðgerð. Landsstýrismað- urin vil hava greiðu á, hvør uppgávan hjá Stuðulsstovn- inum verður í framtíðini, og hvar og hvussu henda upp- gáva kann røkjast best. Hesar spurningar verður framvegis arbeitt við í Mentamálaráðnum, men niðurstøða er ikki gjørd. Tí hevur Annlis Bjarkhamar enn ikki tikið støðu í málin- um. - Tað er greitt, at politiska útmeldingin hjá undan- manni mínum um at flyta Stuðulsstovnin stendur við, til ein onnur avgerð er tikin, sigur Annlis Bjarkhamar. Hon vísir tó á, at eftir hennara tykki er skilabest at fáa eina mynd av, hvønn profil Stuðulsstovnurin skal hava í framtíðini, áðrenn stovnurin verður fluttur. Millum annað verður arbeitt við, í hvønn mun tað ber til at saman- fletta ráðgevingaruppgávur við tær uppgávur, sum Stuðulsstovnurin í dag røkir. Eingir pengar til flyting Hóast spurningarnir um framtíðarstøðu Stuðuls- stovnsins hava verið nógv umrøddir í Mentamála- ráðnum, so ber til at lesa burturúr fíggjarlógarupp- skotinum fyri næsta ár, at stovnurin neyvan verður fluttur fyribils. Hóast tað fyriliggur ein politisk av- gerð um at flyta stovnin, so er ikki ein króna sett av til endamálið næsta ár, og heldur ikki í langtíðar- ætlanunum er nøkur játtan at hóma. Annlis Bjarkhamar vil ikki siga, hvørt manglandi játtanin skal tulkast sum um at avgerð longu er tikin í Mentamálaráðnum um, at Stuðulsstovnurin ikki verður fluttur kortini. Hon ásannar tó, at skuldi hon komið til ta niðurstøðu, at rættast er at flyta stovnin, so kann tað gerast sera trupult at finna pengar til endamálið, tá einki er sett av í fíggjarlógaruppskotin- um. Til ber sjálvsagt at játta pengar við eini eykajáttan- arlóg, men mest sannlíkt er tó, at landsstýrismaðurin verður noydd at finna pengarnar aðrastaðni á verandi játtan til útbúgving og gransking, skal stovn- urin flytast. Út frá hesum er mest sannlíkt, at Stuðuls- stovnurin, eisini næsta ár fer at húsast í hølunum hjá Mentamálaráðnum við Hoyvíksvegin í Havn. Landsstýrismaðurin í mentamálum sigur, at hon vónar at fáa greiðu á, hvør framtíðar uppgávan hjá Stuðulsstovninum skal vera, innan heilt stutta tíð. Eftir nýggjár verður farið undir fyrstu fyrireikingarnar til bygging av nýggjum hølum til HT-útbygg- ingina í Klaksvík. 200.000 krónur eru settar av til fyrireik- ingarnar í fíggjar- lógaruppskotinum fyri næsta ár SKÚLABYGGING Jón Brian Hvidtfeldt Eins og fleiri aðra staðni í landinum hevur Tekniski skúlin í Klaksvík eisini tørv á fleiri og betri hølum. Tí verður í næstum farið undir fyrstu fyrireikingarnar til at bøta um viðurskiftini, serliga hjá teimum, sum eru knýtt at HT-útbúgv- ingini, ið gevur eitt teknisk studentsprógv. Í fíggjarlógaruppskotin- um fyri næsta ár eru 200.000 krónur settar av til endamálið, sum í uppskot- inum hevur fingið heitið »Norðoya skúladepil«. Annlis Bjarkhamar, lands- stýrismaður í mentamálum, sigur, at pengarnir eru ætlaðir til at fyrireika nakrar langtíðarætlanir, sum skulu fremjast, tá pláss aftur er á íløgusíðini á fíggjarlógini. Eftir nýggjár skal ein byggifyririekingarnevnd setast, sum skal finna út av, hvør besta loysnin er fyri hægri teknisku útbúgving- ina í Klaksvík. Annlis Bjarkhamar sigur, at í fyrstu atløgu verður arbeitt við, at HT-útbúgvingin í Klaksvík skal fáa seks skúlastovur afturat. Um- framt at tað fer at bøta munandi um umstøðurnar hjá teknisku studentaskúla- næmingunum, so fer út- byggingin eisini at geva betur pláss á restini av Tekniska Skúla í Klaksvík, har HT-næmingarnir í dag húsast. Landsstýrismaðurin sigur, at tað er greitt, at 200.000 røkka ikki langt í hesum høpi, men at pengarnir fyrst og fremst eru settir av til eina lang- tíðarætlan, sum um nøkur ár skal síggjast aftur í Klaksvík. Annlis Bjark- hamar sigur, at málið er at fáa tær fimm verandi mið- n á m s ú t b ú g v i n g a r n a r (Student, HF, HT, HH og Fiskivinnuskúlan), sum í dag virka sum fimm sjálv- støðugar eindir, knýttar tættari saman, fyri á tann hátt at skapa nakrar betri og fjølbroyttari útbúgvingar. Sum liður í hesum mál- setningi er so ætlanin at menna Norðoya skúladepil. Fyrireika Norðoya skúladepil Stuðulsstovnurin ikki fluttur fyribils Annlis Bjarkhamar hevur enn ikki tikið støðu til, hvørt Stuðulsstovnurin skal flytast ella ikki. Men staðfestast kann, at ikki ein króna er sett av til endamálið í fíggjar- lógaruppskotinum fyri næsta ár C M Y K 7 6