hósdagur 17. oktober 2002síða 13

Nr. 199 - 17. oktober 2002 25 NSÍ fór við øllum skreytinum Í teimum trimum steypakappingunum í yngru deildunum, sum eru avgjørdar tvey tey seinastu vikuskiftini, hevur NSÍ vunnið gull STEYPAKAPPINGAR Jóannes Hansen Tað er ikki lukkuligt, sum NSÍ hevur gjørt um seg í steypakappingunum í ár. HB plagar at vinna dastið av kappingunum, men í ár er tað NSÍ. Fyrst vunnu teir løgmanssteypið á ólavsøku, og tvey tey seinastu viku- skiftini hava teir vunnið steypakappingarnar í dreingjadeildini, smá- dreingjadeildini og smá- gentudeildini. Kappingin hjá gentum 14-17 ár er út- sett og verður spæld kom- andi vikuskifti. Í finaluna eftir brots- sparkskapping Dreingjadeildin var avgjørd í høvuðsstaðnum síðsta leygardag. Spælt varð í tveimum bólkum. Í øðrum bólkinum vóru ÍF, HB og NSÍ. HB og NSÍ vunnu bæði 2-0 á ÍF. Innanhýsis dysturin millum HB og NSÍ endaði 2-2. So var neyðugt við brotssparkskapping fyri at finna út av, hvat av lið- unum skuldi í finaluna. Ta kappingina vann NSÍ 5-4. Í hinum bólkinum vóru B36, KÍ og B68. B68 vann 2-0 á KÍ, og B36 vann 4-0 á KÍ. Innanhýsis dysturin millum B36 og B68 endaði málleysur, og so var greitt, at finalan fór at standa mill- um B36 og NSÍ. Finaludysturin var á Argjum, og NSÍ vann 2-0, sum eisini var støðan í steðginum. Jóhan Petur Poulsen skoraði fyrra málið, og Tórur D. Djur- huus skoraði seinna málið. Hetta var fyrsta ferðin síðani 1986, at NSÍ dreing- irnir hava vunnið steypa- kappingina. Ítróttarsosial- urin ynskir NSÍ dreingjun- um hjartaliga tillukku. FM vinnararnir úr VB luttóku ikki í steypakapp- ingini. Í landskappingini endaði NSÍ á fjórða pláss- inum. Tað var um reppið, at teir undan summarsteðgin- um fluttu niður úr FM bólk- inum og í økisbólk. Í august vóru teir á fótbóltsferð í Liverpool, og eftir ta ferðina fór at ganga framá. Smádreingirnir greipuvinnarar Meðan 1. deildarliðið hjá NSÍ næstsíðsta leygardag var í Klaksvík og vann silv- urmerkini í landskapping- ini, vóru smádreingirnir hjá NSÍ í høvuðsstaðnum. Ør- indini vóru at taka lut í steypakappingini. Spælt varð í trimum bólkum. Bólkavinnararnir vóru AB, HB og NSÍ, sum í finalu- bólkinum spældu øll ímóti øllum. Í fyrsta dystinum endaði tað málleyst ímillum HB og NSÍ. So vann HB 3-0 á AB. Setningurin hjá NSÍ var so at vinna meiri enn HB á AB, og tað eydnaðist. Úr- slitið varð 4-0 til NSÍ, sum harvið var steypavinnari. Fyrr í heyst vunnu NSÍ smádreingirnir FM heitið. Ítróttarsosialurin ynskir NSÍ smádreingjunum hjartaliga tillukku við góða avrikinum. Hetta er fyrsta ferðin yv- irhøvur, at NSÍ hevur vunnið steypakappingina í smádreingjadeildini. Marginalirnir við smágentunum Í smágentudeildini varð steypakappingin síðsta vikuskifti í Runavík og á Toftum. Trý lið vóru í bólk- inum á Svangaskarði. B68 vann 3-0 á B71, og ÍF vann 2-0 á B68 og 1-0 á B71. Í Runavík var sera tepurt og spennandi. HB vann á NSÍ, men tær taptu ímóti EB/Streymi og spældu javnt ímóti B36, og so kom NSÍ í finaluna. Úrslitini vóru hesi: HB-NSÍ 2-1, EB/Streymur-B36 0-0, B36-NSÍ 0-1, HB-EB/- Streymur 0-1, B36-HB 0-0 og NSÍ-EB/Streymur 1-0. Finalan var í Runavík ímillum NSÍ og ÍF, og har var eingin ivi. NSÍ vann 5- 0, og harvið var greitt, at NSÍ fyri fyrstu ferð síðani tað í 1996 var farið undir steypakappingina í smá- gentudeildini, hevði vunn- ið. Ítróttarsosialurin ynskir NSÍ hjartaliga tillukku. NSÍ dreingir. Steypavinnarar 2002. Standandi: Terji Hansen, sum var við í staðin fyri venjaran Finn Johannesen, Rógvi Hammer, Ken Hentze, Kári Bærentsen, Einar T. Hansen, Tórður Thomsen, Hjalmar Dalbúð, Høgni Petersen, Rógvi Nielsen, Anna Hansen. Húkandi: Jóhan Troest Davidsen, Magnus Knudsen, Justinus H. Hansen, Jóhan Petur Poulsen, Kenneth Johannesen og fremst Tórur D. Djurhuus NSÍ smádreingir. Steypavinnarar 2002. Standandi: Øssur Dalbúð, Aljosa Sarsevic, Rógvi Højgaard, Sámal Einarson, Einar Hansen, Jóhan Troest Danielsen, Pætur á Líknargøtu, Sveinur Nielsen. Húkandi: Filip Hansen, Jann Martin Mortensen, Arnold Jacobsen, Bogi Løkin, Brian Aron Jacobsen, Pól Jóhannes Justinussen og Jens Joensen. Venjarin, Abraham Løkin, var henda dagin á 1. deildarliðnum hjá NSÍ í Klaksvík. NSÍ smágentur. Steypavinnarar 2002. Standandi: Unn Hansen, Hansa Hansen, Jacoba Langgaard, Andrea Magnus- sen, Hjørdis Tórbjarnar- dóttir, Annika D. Petersen, Laila Lamhauge. Húkandi: Annika Klein, venjari, Lív Olsen, Heidi á Lakjuni, Poula Lassen, Aslaug Joensen og Heidi Sevdal 25 24 Nr. 199 - 17. oktober 2002 Øll hava eina góð óða s a íðíðu - pop.fo hevur 100 hevur 100 C M Y K 24 B71 vann týskvøldið 1–0, men dómarin metti ikki, at tað var nóg ljóst at fara undir longdu leiktíðina ENDAUMFAR Jóannes Hansen Tað gongst striltið at fáa greiðu á, um EB/Streymur skal halda fram í bestu deildini, ella um B71 skal flyta upp aftur í 1. deild. Avgerðin skuldi havt ver- ið fallin á Sandi týskvøldið. B71 vann 1–0. Málið skor- aði miðvallarin í vinstru, Símun Hansen, tá seinna umfarið var eitt korter gamalt. Tað var rættuliga undirhaldandi og ferðmik- ið. EB/Streymur hevði í 1. hálvleiki tveir møguleikar at skora avgerandi malið á útivølli, men Valdemar í B71 málinum var sera kringur. Í 2. hálvleiki var B71 omaná, og tá kundu teir havt fingið fleiri mál enn tað, sum teir skoraðu. Úrslitið var nett tað sama, sum tá EB/Streymur sunnudagin vann á heima- vølli. So stóð á jøvnum 1–1. Reglurnar siga, at tá skal spælast tvær ferðir fimtan minuttir longd leiktíð. Men dómarin, Oddmar Andreasen, metti ikki, at umstøður vóru til fótbóltsspæl. Tað var vorðið ov myrkt klokkan sjey, og so fór hvør til sín, uttan at teir vistu, hvør fór at spæla í 1. og 2. deild. – EB/Streymur hevur myrkar búnar, og hjálpar- dómararnir høvdu ilt við at meta um rangstøður. Sjálv- ur hevði eg trupulleikar at síggja klokkuna, uttan tá ið eg fór út undir ljósmast- rarnar. Men áðrenn eg blásti av, tosaði eg við báðar liðformenninar. Um teir báðir høvdu verið sinnaðir at halda fram undir umstøðunum, sum vóru, so høvdu vit ikki sett okkum ímóti tí. B71 vildi halda fram, men EB/Streymur segði nei, og so blásti eg dystin av, sigur Oddmar Andreasen, sum leggur afturat, at fótbóltsspælið var gott, og at alt gekk heiðurliga fyri seg á vøllinum, sjálvt um so nógv stóð upp á spæl. Kappingarnevndin hjá FSF viðgjørdi málið á fundi í Hannover fyrrapartin í gjár. Har varð gjørt av, at nýggjur dystur skal spælast á Sandi í dag klokkan 16. Harvið slepst undan myrka- spælið, sjálvt um tað skuldi komið har til, at tað verður neyðugt við longdari leiktíð og kanska brotssparks- kapping. At nýggjur dystur verður spældur hevur við sær, at EB/Streymur við dystar- byrjan samanlagt verður á odda 1–0. Støðan er tann sama, sum hon var, tá dóm- arin blásti illveðursdystin á Toftum millum B68 og B36 av fyrr í heyst. Tað ber ikki til at bíða inntil vikuskiftið við dyst- inum. Eitt er, at bæði í B71 og EB/Streymi eru út- lendskir spælarar, sum trippa eftir at sleppa til hús. Teir ferðaseðlarnar ber tað kanska til at broyta. Men tað ber ikki til at broyta altjóða fótbóltsskránna. U–19 landsliðið fer av landinum leygardagin, og tá vera tveir spælarar hjá EB/Streymi, Marni Djur- huus og Hans Pauli Sam- uelsen, við í ferðalagnum. Tikið uppaftur Karl Vidtfeldt, formaður í kappingarnevndini, heldur tað vera sera óheppið, at tað verður neyðugt at spæla nýggjan dyst. Men tá dómarin týsdagin metti, at umstøðurnar ikki vóru nóg góðar at halda fram, so er sambært reglunum einki annað at gera, enn at byrja dystin av nýggjum á Sandi. Karl Vidtfeldt sigur, at møguleikin at nýta regluna, sum ber møguleika í sær bara at spæla ein dyst á uttanveltaðum vølli, varð nevndur. Sandoyingar høvdu einki ímóti tí, meðan teir í EB/Streymi vóru meiri ivasamir, og so helt FSF seg til tveir dystir. – B71 hevði á aðal- fundinum uppskot frammi um at broyta regluna fyri endaumfarið, soleiðis at bara ein dystur skuldi spælast. Teir komu við uppskotinum, eftir at B71 og Skála síðsta heyst høvdu spælt endaumfar. Tá hildu allir, at tað ver óheppið, at fótbóltsárið varð longt tvær vikur. Uppskotið vann ikki frama. Nú hevði tað ikki undrað meg, um uppskotið at broyta regluna fyri endaumfarið kom aftur fyri aðalfundin. So verður tað upp til feløgini at gera av, hvussu tað skal vera í framtíðini, sigur Karl Vidtfeldt úr Týsklandi. ENDAUMFAR B71-EB/Streymur 1-0 (0-0) 1-0: Símun Hansen, 59. Dómari: Oddmar Andrea- sen B71: Valdemar Nowicki - Ernst Løkjá, Páll á Reyna- túgvu, Slawomir Rad- ziemski - Arunas Mika, Krzystof Radziemski, Sverrir Kjærbo, Eli Hentze, Kári Sørensen (Jógvan Jón Petersen, 56.), Símun Han- sen - Jónsvein Thomsen Gul kort: Eli Hentze, 9. og Slawomir Radziemski, 34. EB/Streymur: Gunnar á Steig - Hallur Jacobsen (Bárður Olsen, 80.), Andrzey Pacek, Esmar Eiðisgarð, Eyðfinn Joensen - Hans Pauli Samuelsen (Vinjard Dam, 60.), Ronnie Samuelsen, Jákup Martin Joensen, Marni Djurhuus - Sorin Anghel, Jón Sigurd Gleðisheygg (Christian Carlsson, 70.) B71 og EB/Streymur aftur á vøllin í dag Liðini áttu hvør sín hálvleik, og tá EB/Streymur hevði sínar kjansir í fyrra hálvleiki, var Valdemar Nowicki ein sannur brandur í málinum Savnsmynd