fríggjadagur 18. oktober 2002síða 5

8 Nr. 200 - 18. oktober 2002 Nr. 200 - 18. oktober 2002 9 - TÍÐINDI TIL SJÓFÓ á Bjarni Djurholm, landsstýrismaður í vinnumálum, ger nú aftur eina roynd at umskipa Postverk Føroya til alment partafelag. Tað er neyðugt, skal stovn- urin hava møguleika at at menna seg og virka í javnari kapp- ing við aðrar, og har- umframt skal um- leggingin tryggja, at stovnurin kann rekast uttan pengar úr landskassanum. Pen- ingurin til umlegg- ingina skal útvegast við at selja Frímerkja- deildina á Argjum til Tórshavnar Komm- unu, heldur landsstýrismaðurin. POSTVIRKSEMI Jón Brian Hvidtfeldt Spurningurin um framtíðar bygnaðin hjá Postverk Før- oya er aftur aktuellur. Bjarni Djurholm, lands- stýrismaður í vinnumálum, sum eisini varir av Post- verkinum, arbeiðir í løtuni við at umleggja stovnin til eitt alment partafelag. Landsstýrismaðurin visir á, at Postverkið, sum í dag er ein landsfyritøka, hevur við verandi bygnaði trupult at menna seg og annars virka og kappast á marknaðinum. Eisini hevur stovnurin fyri neyðini at fáa pengar úr landskassanum á hvørjum ári, skal hann klára tær skyldur, sum politiski myndugleikin hevur álagt honum. Men verður Post- verkið umskipað til eitt al- ment partafelag, so fer tað at merkja, at árliga ískotið úr landskassanum verður tikið burtur, vísir Bjarni Djurholm á. Bjarni Djurholm sigur, at skal Postverkið umskipast til alment partafelag, so verður neyðugt við pengum at arbeiða við. Og pengar- nir skulu útvegast við at selja bygningin hjá Post- verkinum á Argjum, har Frímerkjadeildin heldur til. Bygningurin er virðismett- ur til millum 30-40 millión- ir krónur. Pengarnir frá eini møguligari sølu skulu førast til Postverkið, til dømis sum almennur parta- peningur. Í orðaskiftinum í sam- band við ein fyrispurning í løgtinginum mikudagin førdu nakrir tingmenn fram, at tað kann vera óheppið at selja bygningar hjá tí almenna, samtíðis sum aðrir almennir stovnar mangla høli. Við hesum varð sipað til, at Almanna- stovan kann vænta at verða uppsøgd úr sínum leigaðu hølum í næstum, og tí kem- ur at mangla høli. Tí mettu nakrir tingmenn tað vera óheppið at selja bygningin hjá Postverkinum á Argjum til aðrar, áðrenn greiða fæst á, hvørt tað er rættast, at Al- mannastovan flytur í bygningin. Bjarni Djurholm sær ein stóran trupulleika í at Al- mannastovan sleppur at yvirtaka bygningin á Argj- um. Hann vísír á, at við at selja Frímerkjadeildina til onkran annan enn tað almenna, fær landskassin pengar uttanifrá. Men skal t.d. Almannastovan yvir- taka bygningin, so verður neyðugt at finna tær 30-40 milliónirnar, sum bygning- urin er mettur til, á fíggjar- lógini, so Postverkið fær sínar pengar. Bjarni Djur- holm vísir í hesum sam- bandi á, at Tórshavnar Kommuna hevur sýnt bygninginum stóran áhuga, og sjálvur metir landsstýr- ismaðurin tað vera eitt gott hugskot at selja kommun- uni bygningin. – Eg meti avgjørt, at tað er rættast at selja bygningin á Argjum til dømis til Tórs- havnar Kommunu, heldur enn at onkur annar almenn- ur stovnur yvirtekur hann. Tí við at selja til kommun- una fær landskassin pengar uttanifrá at seta í Post- verkið, meðan vit noyðast á fíggjarlógina eftir pengun- um, skal t.d. Almanna- stovan keypa bygningin, sigur Bjarni Djurholm og leggur afturat, at tað kann vera sera trupult at finna tær 30-40 milliónirnar á fíggjarlógini. Umskipan av Postverk- inum treyt fyri sølu Bygningurin hjá Postverk- inum á Argjum og ein møgulig umskipan av stovninum gjørdist við eitt meira áhugavert, eftir at tølini í fíggjarlógarupp- skotinum vóru almanna- kunngjørd. Longu í august mánað varð greitt, at Post- verkið fór at hava tørv á pengum til rakstur og íløg- ur, eisini næsta ár, og tí setti Vinnumálaráðið átta milli- ónir krónur av til Postverk- ið. Vinnumálaráðið vísti í hesum sambandi á, at fór tað at eydnast at umskipa Postverkið til alment parta- felag og samtíðis selja bygningin á Argjum, so fór ikki at vera tørvur á teimum átta milliónunum á fíggjar- lógini kortini. Tó metti Vinnumálaráðið tað vera rættast at seta pengarnar á fíggjarlógina, tí ikki var vist, at tað fór at eydnast at fáa framt broytingarnar. Men kortini valdi Fíggjar- málaráðið at strika játtanina til Postverkið, sum sostætt manglar átta milliónir krónur fyri at fáa endarnar at røkka saman næsta ár. – Eitt av endamálunum við at umskipa Postverkið til alment partafelag er at sleppa undan á hvørjum ári at noyðast at játta pengar til stovnin á fíggjarlógini. Men tað sum Fíggjarmála- ráðið hevur gjørt í hesum føri er at taka játtanina til Postverkið burtur av fíggjarlógini, áðrenn nøkur umskipan er framd av stovninum, og tað meti eg vera sera óheppið, sigur Bjarni Djurholm, lands- stýrismaður. Bjarni Djurholm leggur dent á, at bygningurin hjá Postverkinum á Argjum skal ikki seljast við tí fyri eyga at fáa fíggjarætlaninar hjá stovninum næstu árini at hanga saman. – Tað kemur ikki uppá tal, bara at selja bygningin á Argjum fyri at sleppa landskassanum undan nøkrum útreiðslum til Postverkið. Fæst ikki undirtøka fyri at umleggja Postverkið til alment partafelag, so eri eg ímóti at selja bygningin á Argj- um, sigur Bjarni Djurholm. Tryggja sær politiska undirtøku Landsstýrismaðurin í vinnumálum sigur, at hann nú fer at tryggja sær polit- iskan meiriluta fyri at umskipa Postverkið. Eitt nú var málið fyri á landsstýris- fundi hósdagin. Bjarni Djurholm sigur, at fæst ikki politisk undirtøka, so verð- ur neyðugt at seta átta milliónir krónur aftur á fíggjarlógina fyri næsta ár til Postverk Føroya. Lands- stýrismaðurin sigur, at fleiri lógarbroytingar skulu til, skal Postverkið umskipast til alment partafelag, og í løtuni verða hesar lógar- broytingar fyrireikaðar í Vinnumálaráðnum. Har- umframt eru nógv starvs- fólkaviðurskifti, sum skulu fáast uppá pláss. Bæði í samband við at umskipa Postverkið, og í samband við eina komandi sølu av bygninginum á Argjum. Men í samband við um- skipanarætlaninar av Post- verkinum, sum vóru frammi fyri góðum tveim- um árum síðan, hevði Vinnumálastýrið samráð- ingar við Postfelagið, og partar av tí arbeiðinum kann nýtast enn, vísir Bjarni Djurholm á. Tórshavnar Kommuna, sum hevur sýnt bygningin- um stóran áhuga, hevur m.a. boðið Postverkinum eitt stórt grundøki við stóra bygningin hjá Postverkin- um á Óðinshædd, sleppur kommunan at keypa bygn- ingin á Argjum. Sjálvur metir landsstýrismaðurin tað vera eina góða loysn fyri allar partar at selja kommununi bygningin. Tórshavnar kommuna fær loyst hølistrupulleikarnar í Argja skúla, og Postverkið fær savnað sítt virksemi á Óðinshædd. Spurningurin er so bara, hvat hendir, um onkur annar keypari sýnir bygninginum áhuga, og er til reiðar at gjalda meira fyri hann enn Tórshavnar Kommuna. Talan er um eina almenna ogn, og verð- ur hon seld, skal hon bjóðast út alment. Postverkið og Strand- ferðslan samstarva Bjarni Djurholm sigur, at í samband við eina komandi umskipan av Postverkinum til alment partafelag verður eisini hugt at, hvussu og í hvønn mun Postverkið og farmaleiðir hjá Strand- ferðsluni kunnu samskipa sítt virksemi. Í hesum næst- um verður nýggjur stjóri settur á Strandferðsluni, og millum annað verður tað hansara uppgáva, saman við stjóranum á Postverkin- um, at finna eina loysn. Bjarni Djurholm vísir á, at ein møguleiki kundi verið at flutningurin av posti og farmi varð skipað sum ein sjálvstøðug eind, sum báðir stovnar kunnu nýta. Postverkið skal umskipast til alment partafelag Bygningurin hjá Postverkinum á Argjum hevur ein týðandi lut í ætlanunum hjá landsstýrismanninum at umskipa Postverkið til alment partafelag. Bygningurin, sum er mettur til millum 30-40 milliónir krónur, skal tryggja fíggjarliga grundarlagi undir eini komandi umskipan av stovninum. Bjarni Djurholm, landsstýr- ismaður í vinnumálum, ar- beiðir í løtuni við at umskipa Postverkið til alment parta- felag. Tað er neyðugt, skal stovnurin menna seg og ann- ars virka og kappast á marknaðinum, metir Bjarni Djurholm. Eydnast tað ikki at umskipa Postverkið, hevur stovnurin tørv á átta milli- ónum krónum úr landskass- anum næsta ár. C M Y K 9 8