fríggjadagur 18. oktober 2002síða 15

28 Nr. 200 - 18. oktober 2002 Undan tveimum teimum seinastu um- førunum í 1st Klaks- vík International á Viðareiði, høvdu Eyðun Nolsøe og Ólavur Simonsen báðir møguleika til at ogna sær ein IM norm. Men treytin var, at bæði umførini skuldu vinnast TALV Solby A. Eliasen Viðareiði: Undir bestu um- støðum á hotel Norð fóru seinastu umførini í talv- kappingini 1st Klaksvík International av bakka- stokki mikudagin. Byrjað varð klokkan 11 mikumorgunin, og klokkan mundi líða móti hálvgum trý, áðrenn teir seinastu leikirnir í næstseinasta umfarinum vóru avgreiddir. Og longu tá varð greitt, at hvørki Ólavur ella Eyðun fóru at ogna sær ein IM norm á hesum sinni. Ólavur tapti sín dyst, meðan Eyðun telvaði javnt. Treytin fyri IM norminum var, at báðir dystirnir skuldu vinnast. Sostatt kundi staðfestast, at ongin føroyingur kundi ogna sær ein IM norm. Í níggjunda og seinasta umfarinum tapti Eyðun Nolsøe móti Heina Olsen, meðan Ólavur Simonsen vann ímóti Ole Jakobsen. Sostatt endaði Ólavur fremst av føroyingunum á einum fimta plássi í kapp- ingini. Hann fegnast um úrslitið hjá sær í hesi kappingini. - Eg eri vælnøgdur, hóast tað ikki bleiv til ein IM norm, sigur Ólavur, sum er farin 32 stig upp á rating- listanum. Um áttanda umfar, sum hann tapti, sigur hann, at Jørg Lauert spældi ein løgnan leik, sum Ólavur ikki hevði sæð áður. Tað kom óvæntað á Ólav, og tí megnaði hann ikki at verja upp fyri tapinum. Hann letur væl at hesi kappingini og sigur, at tað er avbera góð venjing at fáa. Ólavur sigur, at hann fer ikki við til OL vegna skúlagongd. Olympiadan fer avstað við næstan einum heilum mán- aða, og tað metir hann vera ov long tíð. Vinnari av kappingini gjørdist danin Kim Pil- gaard. Hann helt, at hann hevði verið sera heppin at vinna, og var sjálvandi sera fegin um tað. Hann lat avbera væl at umstøðunum á Viðareiði og segði av- gjørdur, at hann ætlaði sær aftur til Føroya eina aðru ferð. Nummar tvey og trý gjørdust ávíkavist Jørn Sloth og Ole Jakobsen. So- statt fóru danir avstað við øllum. Spenningurin var avgjørt til staðar á hotellinum ta seinastu løtuna, meðan teir seinastu leikirnir vórðu telvaðir. Og so hvørt sum teir vóru lidnir, settust telv- ararnir at eftirmeta talvini í felag fyri at finna ymiskar feilir. Hetta avspeglaði ein sermerktan seriøsitet. Talv og fótbóltur Men telvarar hugsa ikki bert um talv. Tað bleiv stað- fest á Viðareið mikukvøld- ið. Klokkan hálvgum átta sessaðust allir føroysku telvararnir og onnur, sum vóru til staðar framman fyri sjónvarpinum at hyggja eftir landsdystinum millum Týskland og Føroyar. Og tað var sera stuttligt at síggja hesar menn, sum stutt frammanundan høvdu sitið djúpt konsentreraðir og telvað fyri lívinum, sita og rópa og hveppa seg við hvørja ferð týskarar komu inn í tann føroyska brots- teigin. Tað er nakað heilt serligt at traðka inn í eitt høli, har telvarar sita. Har er so kvirt, at tann so vælkenda knappanálin hevði givið eitt buldur frá sær, um hon datt á gólvið. Men ein merkir eisini konsentra- tiónina hjá telvarunum. Tað tykist, sum teir sita í sínu egnu verð og sansa ikki nakað rundan um seg. Talv er heilafimleikur burturav, tað er púra vist. Og hóast kropsliga møðin ikki er so nógv eftir eitt talv, so eru telvararnir óivað minst líka troyttir, sum til dømis teir føroysku landsliðsleikarar- nir, sum runnu á vøllinum í Hannover í 90 minuttir mikukvøldið. Men føroysku telvararnir fingu ikki høvi til at síggja allan dystin, tí døgurði var á hotellinum. Undir døg- urðanum vórðu virðislønir handaðir til teir tríggjar sum myndaðu toppin á kappingini. Sjálvur løg- maður, Anfinn Kallsberg, handaði virðislønirnar. Hetta var nakað, sum týðu- liga imponeraði útlendsku telvararnar. Hørð telving Rani Nolsøe, formaður í Talvsamband Føroya, sigur, at hetta hevur verið ein góð og spennandi kapping við harðari kamptelving. Men um hann skal taka saman- um, so má staðfestast, at útlendingarnir fóru avstað við toppinum. - Hetta hevur verið ein góð kapping, og ein góður máti at hita upp til Olympiaduna, sum verður um stutta tíð, sigur Rani. Allir telvararnir, sum vóru við í hesi kappingini skulu við til OL uttan Ólavur Simonsen. Í hansara stað er Martin Poulsen komin. Haraftur at verður John Rødgaard eisini við til OL. Rani heldur, at hóast tað ikki eydnaðist føroyingun- um at vinna nakran IM norm, so bleiv spenning- urin í kappingini varðveitt- ur til tað seinasta. - Ólavur og Eyðun megn- aðu at halda spenninginum í kappingini, tí teir høvdu ein góðan dag týsdagin. At tað so ikki eydnaðist so væl í dag, er bert at harmast um, sigur hann. Hann greiðir frá, at henda kappingin varð løgd so tætt við OL við vilja, tí reglarnir viðvíkjandi tíðini eru broyttir í OL, og somu regl- ar vórðu nýttir til hesa kappingina. Uttan at koma ov langt inn í frágreiðing- ina um nýggju reglarnar, sigur Rani, at tað serliga er tíðin, sum er broytt. - Basistíðin er broytt, tað vil siga, at nú hava telvar- arnir til dømis 90 minuttir til 30 leikir. Og ein telvari kann nú sostatt vinna upp á tíð, um tað skal verða. Hetta gevur talvinum ein heilt øðrvísi spenning, heldur formaðurin í Talv- sambandinum og leggur dent á, at henda kappingin tí hevur verið gull verd fyri føroysku telvararnar, sum fingu høvi til at venja seg við at telva undir nýggju reglunum. Føroysku telvararnir, sum fara til OL eru: John Arne Nilssen, John Rød- gaard, Heini Olsen, Eyðun Nolsøe, Hans Kristian Sim- onsen og Martin Poulsen. At enda sigur Rani Nolsøe, at um stuðulin og undirtøkan fyri eini tílíkari kapping aftur verða líka góðir, sum til hesa, so er onki at ivast í, at hon kann fara at verða aftur. Ongin IM normur á hesum sinni Danin Kim Pilgaard streyk avstað við sigrinum í 1st Klaksvík International talvkappingini Ólavur Simonsen vann seinasta umfarið í móti Ole Jakobsen. Tað var tó ikki nóg mikið til at ogna sær ein IM norm C M Y K 28 Frá fríggjadegi 18. oktober til hósdagin 24. oktober Sjómanssendingin Vitin Dawsons Creek UEFA Champions League Sjónvarpið fer undir at senda eina nýggja røð av »Okkara kokkum«. Tað eru Guðmundur Guðmundsson og Kristvin Jacobsen, sum verða »Okkara kokkar" í vetur. Í hesari fyrstu sendingini fara teir at keypa inn, síðan fer Kristvin at gera eina »fiskasymfoni" við stein- bíti, toskaflaki og lippum, og eisini fer hann at borð- reiða við paneraðum mørknetti við grønmeti. Guðmundur borðreiðir við svínalundum, fylt við ca- membertosti, serverðaur við fruktum og grønmeti – aft- urvið er sherrysós. Uppskriftir eru at finna á heimasíðu okkara www.svf.fo og á tekstvarpi síðu 150. Okkara kokkar 1 Skúlagáttin Leygardagin kl. 17.00 Týsdagin kl. 16.55 Tá var kellingin góð Fyri 35 árum síðani vóru brøðurnir Poul Johannes og Andreas Poulsen fyri einum tilburði, sum kundi kostað báðum lívið. Teir eru útróðrarmenn og búgva við Ljósá. Teir vóru á veg til Fugla- fjarðar eftir agni við seks- æringinum Hjalli. Sum vanligt er hjá kønum fólki, styttu teir sær siglingartíð- ina við at sigla gjøgnum sundið millum Risan og Kellingina. Hóast vetrar- dagur var, tóktist eingin vandi vera á ferð, men so var ikki. Eitt óløgið tók bátin, sum eftir fáum se- kundum fór til botns. Í sendingini greiða teir báðir frá, hvussu teir komu frá hendingini við lívinum. Lagt til rættis: Zacharias Hammer. Fríggjakvøldið kl. 20.25 Nýggir partar Sunnukvøldið kl. 20.55 Mánakvøldið kl. 19.00 Mikukvøldið kl. 20.00 29