týsdagur 22. oktober 2002síða 11

Nr. 202 - 22. oktober 2002 21 Hóast FCK og Brøndby framvegis eru í toppin- um, so er stóra sam- røðuevnið í donskum fótbólti, at uppflytar- arnir úr Farum og Køge enn eina ferð fingu fult á útivølli SUPERLIGAN Jóannes Hansen Tað eru tey trý feløgini, sum undan kappingarbyrj- an vóru favorittar, ið eru á trimum teimum fremstu plássunum í superliguni. Men tað vóru avgjørt ikki FCK, AaB og Brøndby, sum fingu mestu positivu umrøðuna eftir tólvta um- farið, sum varð spælt í vikuskiftinum. Tað verður mest tosað um uppflytaraliðini Køge og Farum. Felags fyri tey bæði er, at tey hava verið roknað sum uppløgd evni at flyta niður aftur. Og tað er eisini felags fyri uppflytar- arnar, at teir higartil so rudduliga hava gjørt rokningini til skammar. Sunnudagin settu tey nýggja striku undir, at tey megna at standa seg á úti- vølli, eisini um mótstøðu- liðini teljast millum tey gomlu og sigursvandu í donskum fótbólti. Farum var sunnudagin í Esbjerg, og teir komu til hús aftur við 2–0 sigri. Nichlas Hindsberg skoraði fyrra málið beinanvegin eftir steðgin. Esbjerg kiks- aði uppspæl, og fyrrverandi Lyngby spælarin, sum fyri trimum vikum síðani varð mettur at vera so knæ- skaddur, at hann ikki fór at spæla aftur, hevði hálvan vøllin fyri seg sjálvan, áðrenn hann sneiddi fram- við málverjanum og skor- aði. Seinna málið skoraði David Rasmussen bein- leiðis upp á fríspark, og Farum sigurin var uppi- borin. Køge var í Århus. Tey fyrstu umførini í nýggju kappingini stóð AGF seg væl, tað bar stórar áskoð- arafjøldir við sær, og tað varð roknað við, at AGF nú skuldi stríðast um heiðurs- merkini. Men fleiri tær seinastu ferðirnar hevur gingið illa, og úrtøkan hevur verið sera soltin. Fýra av føstu monnunum hjá Køge vóru ikki við í Århus. Tað hevði við sær, at ein av gomlu liðfeløgunum hjá Óla Johannesen í Hvidovre, Henrik Eggerts, fekk møguleikan, og hann tók so rudduliga møgu- leikan, skoraði og gjørdist dagsins maður. Køge vann 3–1. Teir hava íalt fingið 16 stig, og tað er merkisvert, at trettan av stigunum hava teir vunnið á útivølli. Tað eru seks umfør eftir, áðrenn superligan fer í vetrarfrí, men í Køge hava teir longu næstan fingið tey stigini, sum teir høvdu roknað við at fingið hesumegin jólini. Oddaliðini vunnu ikki FCK, AaB og Brøndby mynda ovasta plássini í superliguni. Men einki av oddaliðunum fekk fulla úrtøku í tólvta umfarinum. Stephan Andersen er ein av gomlu liðfeløgunum hjá Óla Johannesen í Hvidovre. Hann er nú málverji í AB. Har er tað sum á føroyska landsliðnum. Veteranmál- verjin Jan Hoffmann, sum hevur verið skaddur, heldur seg vera nóg góðan at verja málið. Hann og nýggi málverjin stuðla hvørjum øðrum undir venjing, men teir eru kappingarneytar um plássið ímillum stólp- arnar. Tá Brøndby var í Glad- saxe, var Stephan Andersen málverji hjá AB. Úrslitið var 1–1, og tað var vónbrot fyri Brøndby og størsta partin av teimum 7.321 áskoðarunum, sum vóru komnir úr Brøndby. AB kom á odda seks minuttir eftir hvíldina, og Brøndby javnaði beinan- vegin. Siðstu løtuna trýsti Brøndby, og Michael Laud- rup rósti AB málverjanum fyri gott avrik. Brøndby skal hava nýggjan mál- verja, tí Mogens Krogh fer at gevast á jólum. Nú verð- ur gitt, at kanska verður 20 ára gamli Stephan Ander- sen nýggjur málverji í Brøndby ella kanska Jan Hoffmann. Fyri fyrstu ferð í hesum kappingarárinum endaði tað málleyst, tá OB sunnu- dagin var í Viborg. Heima- liðið hevði allar møguleikar at vinna. Í 47 minuttir vóru teir ellivu ímóti níggju, teir høvdu bóltin nógv, og teir løgdu ofta innfyri málið, men teir megnaðu ikki at fáa bóltin framvið væl spælandi Karim Zaza. Í Aalborg var tað veitslu- rómur undan dystinum. Teir tóku nýggjan part av nýmótans stadion í nýtslu. Men undir dystinum var lítið at fegnast um hjá nógvu heimaáskoðarunum. Teir vóru vitni til triðja AaB tapið á heimavølli á rað. Serliga meint mundi tað kennast, at tað var botnliðið úr Silkeborg, sum vann 4–3 og harvið av álvara kom í nánd av hinum liðunum, sum stríðast fyri at sleppa undan niður- flyting. Longu leygardagin var FCK í Parkini. Gestirnir vóru FCM, sum hósdagin skulu royna seg í UEFA Cup. Teir royndu uppskrift- ina, sum teir ætla at nýta ímóti belgiska Anderlecht, og tað hilnaðist væl. Peter Møller legði FCK á odda í 1. hálvleiki, men FCM javnaði í 2. hálvleiki. Danska superligan v t d v - j - t mál mál +/- stig 1 FCK 12 7 - 3 - 2 18 15 3 24 2 AaB 12 6 - 1 - 5 19 18 1 19 3 Brøndby (M) 12 5 - 3 - 4 23 15 8 18 4 Esbjerg 12 5 - 3 - 4 25 24 1 18 5 Farum 12 6 - 0 - 6 17 17 0 18 6 OB (S) 12 5 - 2 - 5 19 16 3 17 7 Køge 12 5 - 1 - 6 21 23 -2 16 8 FCM 12 4 - 4 - 4 16 18 -2 16 9 AGF 12 4 - 3 - 5 17 21 -4 15 10 Viborg 12 3 - 5 - 4 20 22 -2 14 11 AB 12 3 - 4 - 5 14 17 -3 13 12 Silkeborg 12 3 - 3 - 6 14 17 -3 12 Føroyskir leikarar: Todi Jónsson (FCK) Danska 1. deild v t d v - j - t mál mál +/- stig 1 Herfølge 12 8 - 1 - 3 27 18 9 25 2 Frem 12 7 - 3 - 2 28 20 8 24 3 Randers F. 12 7 - 1 - 4 26 18 8 22 4 Vejle 12 6 - 3 - 3 19 15 4 21 5 Skjold 12 6 - 2 - 4 24 12 12 20 6 Fredericia 12 5 - 4 - 3 19 14 5 19 7 Ølstykke 12 5 - 4 - 3 28 27 1 19 8 HFK Sønderj. 12 5 - 3 - 4 27 24 3 18 9 Brønshøj 12 4 - 4 - 4 15 13 2 16 10 B 1913 12 4 - 4 - 4 19 20 -1 16 11 FC Aarhus 11 4 - 1 - 6 18 18 0 13 12 B93 11 4 - 1 - 6 17 20 -3 13 13 AC Horsens 12 3 - 3 - 6 19 23 -4 12 14 Hvidovre 12 2 - 4 - 6 12 26 -14 10 15 B 1909 12 2 - 3 - 7 18 27 -9 9 16 HIK 12 2 - 1 - 9 9 30 -21 7 Føroyskir leikarar: Christian Høgni Jacobsen (Vejle), Atli Gregersen (Randers Freja), Johan Byrial Hansen (AC Horsens) Norska tippeligan v t d v - j - t mál mál +/- stig 1 Rosenb. (M) 25 16- 5 - 4 53 30 23 53 2 Molde 25 15- 4 - 6 45 23 22 49 3 Lyn 24 14- 4 - 6 35 27 8 46 4 Viking 25 10-11- 4 43 31 12 41 5 Odd. Grenl. 24 12- 4 - 8 35 26 9 40 6 Stabæk 25 11- 6 - 8 41 32 9 39 7 Lillestrøm 25 9 - 6 -10 34 30 4 33 8 Våleranga 25 7 -11- 7 36 29 7 32 9 Bryne 25 8 - 6 -11 36 37 -1 30 10 Sogndal 25 8 - 5 -12 34 48 -14 29 11 Bodø/Glimt 25 8 - 4 -13 35 41 -6 28 12 Brann 25 8 - 3 -14 35 48 -13 27 13 Moss 25 6 - 6 -13 30 42 -12 24 14 Start 25 2 - 5 -18 21 69 -48 11 Føroyskir leikarar: Jákup Mikkelsen (Molde) Christian Høgni Ja- cobsen var alla tíðina á vongverjanum í høgru hjá Vejle, sum ikki megnaði meiri enn 1–1 á heimavølli ímóti botnliðnum DANMARK 1. DEILD Jóannes Hansen Ein føroyskur landsliðs- spælari var í vikuskiftinum millum málskjúttarnar í næstbestu donsku deildini. Men tað var ikki Christian Høgni Jacobsen. Hann var vongverji í høgru allar 90 minuttirnar, tá ið Vejle hevði vitjan av HIK, sum er avgjørda botnliðið. Tí var tað púra óvæntað, at HIK legði seg á odda, tá seinna umfarið var hálvrunnið. Innskifti Kenneth Knudsen javnaði til 1–1, tá tað rest- aðu níggju minuttir. Men tað var stórt vónbrot fyri teir 1.030 áskoðararnar, at Vejle ikki megnaði at vinna ímóti botnliðnum. Áskoð- ararnir mundu hava roknað við stórsigri. Hóast Herfølge á heima- vølli tapti 3–1 ímóti Frede- ricia, so eru teir framvegis oddalið. Frem vann 3–1 í Odense ímóti B 1909, og nú er gamla arbeiðara- felagið í Valby næstfremst. Randers Freja tapti 2–0 á heimavølli ímóti Skjold, sum eftir góðu gongdina seinastu vikurnar ikki verð- ur roknað sum nakar lætti- soppur. Hóast tapið er Randers Freja á triðja plássinum, og Vejle er nummar fýra. Føroyska málið skoraði Johan B. Hansen, tá Hor- sens vann 4–2 á útivølli ímóti Ølstykke, sum ikki hevur sama flogið, sum teir høvdu fyrstu nógvu vik- urnar í nýggja kappingar- árinum. Johan B. Hansen, sum var á landsliðnum í fjør, og sum hevur verið skaðaplág- aður, síðani hann flutti úr OB og aftur til barndóms- felagið Horsens, skoraði fyrsta málið, tá tíggju minuttir vóru farnir. HFK Sønderjylland vann 2–0 á Tingbjerg stadion í Keypmannahavn, sum er heimavøllur hjá Brønshøj. Og Hvidovre, sum er triði aftast, megnaði ikki meiri enn 1–1 á heimavølli ímóti B 1913 úr Odense. Føroyski álopsspælarin í FCK heldur seg ikki hava spælt seg av liðnum, men tað er venjarin, sum ger av, hvussu liðið skal síggja út, og hann tykist ikki vilja hava føroyingin ímillum teir fyrstu ÚTISETI Jóannes Hansen Todi Jónsson fær fáar og smáar møguleikar at vísa á besta liðnum hjá FCK, hvør dugur er í honum. – Tað hevur ikki verið serliga hugaligt síðsta mán- aðin. Eg haldi ikki, at eg havi spælt meg av liðnum, men tað er venjarin, sum setur liðið. Eg eri noyddur at virða avgerðina hjá honum og so undir venjing og í dystum at royna at sannføra hann um, at eg eigi rætt til pláss á liðnum. Hetta segði Todi Jónsson á heimasíðuni hjá sær und- an vikuskiftinum. Tá ið FCM var í Parkini leygar- dagin, var svenski álops- spælarin Jörgen Pettersson ikki tøkur. Tað hevði við sær, at Todi var eykamaður hjá FCK, meðan Zuma og Peter Møller vóru í álopin- um. Beinanvegin eftir steðgin kom Todi á vøllin, tí Peter Møller hevði fingið eina skeinu í høvdið. Todi var í álopinum við síðuna av Zuma, men teir fingu einki mál. Einasta FCK málið kom tveir minuttir undan steðginum. Peter Møller skoraði, eftir at Thomas Røll hevði lagt innfyri úr vinstru, og bólt- urin var stokkin frá liðfor- manninum Peter Nielsen og til Peter Møller. Sáttmálasamráðingar Hvørki Todi ella nakar ann- ar sigur nakað um tað. Men tað tykist vera ein partur av orsøkini til, at hann ikki sleppur upp í part, at Todi ikki enn hevur skrivað und- ir nýggjan sáttmála við FCK. Leiðslan í felagnum hevur viljað havt spælarar- nar, sum hava sáttmála fram til 30. juni komandi ár, at skriva undir nýggjar sáttmálar nú í heyst. Men Todi hevur ikki enn skrivað undir. At Todi ikki sleppur á liðið, ger tað sjálvandi truplari hjá honum at verða seldur til nakað annað fe- lag. Reglurnar eru soleiðis, at spælararnir hava rætt at samráðast við onnur felag eitt hálvt ár frammanundan, at teir eru leysir av sátt- málanum, sum nú er gald- andi. Tað vil við øðrum orðum siga, at um Todi ikki hevur skrivað undir nýggj- an sáttmála við FCK á nýggjárinum, so hevur hann eftir nýggjár rætt at samráðast við onnur feløg, og so kann FCK ikki krevja pening fyri hann, tá hann í summar fer frá teimum. Men tað er sjálvandi trupl- ari at selja seg sjálvan av beinkinum ella av 2. liði enn sum fastur maður og málskjútti á besta liðnum. Men enn er rúm tíð til nýggjárs og uppaftur rúm- ari tíð til 1. juli. Todi hevur fyrr í ár sagt, at hann ikki er so fegin um at sita á beink- inum, og at hann vil hava ábending um, hvussu vánir- nar vera at spæla. Í síðstu viku vistu danskir fjølmiðlar at siga, at FCK er í samband við australsk- an álopsspælara, sum teir umhugsa at skriva sáttmála við. Johan B. Hansen millum málskjúttarnar Uppflytararnir seta dagsskránna Todi sleppur ikki framat 21 20 Nr. 202 - 22. oktober 2002 Rosenborg megnaði bara javnleik leygar- dagin, men teir gjørdust sunnudagin meistarar, tí Molde tapti á útivølli NOREG Jóannes Hansen Ellinta árið á rað hevur Rosenborg úr Tróndheimi vunnið NM í fótbólti. Tað man vera fram ímóti at vera einastandandi í heiminum, og í norsku pressuni siga teir seg ikki ivast í, at tað er heimsmet fyri einstakan spælara, at 36 ára gamli Bent Skammelbrud hevur verið við til at vinna ellivu gullkrónur á rað við sama felag. Rosenborg spældi leygar- dagin. Tá vóru teir í Sogn- dal, og úrslitið var 2–2. Tað merkisverda við uppgerðini var, at trý av teimum fýra málunum vórðu skorað upp á brotsspørk. Sogndal legði seg á odda við brotssparki í 6. minutti, ellivu minuttir seinni javnaði Rosenborg við brotssparki, RBK legði seg á odda í 54. minutti, og sjey minuttir undan leikloki javnaði Sogndal upp á brotsspark. Molde heilkiksaði At RBK leygardagin bara megnaði javnleik í næst- síðsta umfarinum gav Molde møguleikan sunnu- dagin at minka um munin til bara eitt stig undan síðsta umfarinum. Men Molde spilti seg burtur á Nadderud stadion, sum er heimavøllurin hjá Stabæk. Heimaliðið var nógv meiri ágangandi, og einki í Molde avrikinum boðaði frá, at gestirnir stríddust fyri at halda tørn í gull- stríðnum. Úrslitið var 4–2, og har- við var Rosenborg meistari. Tá fimm minuttir vóru farnir, var støðan 2–0. Fyrra málið var skot úr sekstan metrum, og tað næsta var sjálvmál. Á hálva tímanum minkaði Molde um munin við brotssparki. Stutt undan hvíldini økti Stabæk til 3–1, og í 2. hálvleiki høvdu teir nógvar møguleikar, tí Molde royndi at flyta spælið fram á vøllin. Seks minuttir undan leikloki varð tað 4–1, og í yvirtíðini skoraði Molde til 4–2. Hóast hann mikukvøldið megnaði besta avrikið av øllum í Hannover, so fekk Jákup Mikkelsen ikki pláss í Molde málinum sunnu- dagin. Jákup sat á beinkin- um og hugdi at dystinum, og tað gjørdu tveir av best kendu norðmonnunum eisini. Kjell Inge Røkke sat og blakaði sær fyri at halda heystarkulanum burtur, og norski forsætisráðharrin, Kjell Magne Bondevik, sat eisini og tók á við Molde, sum er hansara lið. Molde vann silvur í 1998 og í 1999. Nú Rosenborg undan síðsta umfarinum er fýra stig undan teimum, er tað greitt, at Molde ikki fer at megna meiri enn silvur í ár. Tað er møguleiki fyri, at Lyn fer at hótta næst- fremsta plássið. Í gjár- kvøldið skuldi Lyn spæla í Skien ímóti Odd Genland. Um teir vunnu, so eru teir undan síðsta umfarinum á sama stigatali sum Molde. Meiri venjing Molde venjarin, Gunder Bengtsson, hevði ætlað, at Molde skuldi vera fyrsta felagið í ellivu ár, sum megnaði at koppa Rosen- borg av norsku fótbólts- trónuni. Tað verður ikki í ár, men svenski venjarin er longu farin at fyrireika seg til, hvussu tað skal eydnast komandi ár. Hann heldur, at Molde spælararnir skulu venja uppaftur meiri, enn teir hava gjørt. Tað eru spælar- arnir ikki samdir við hon- um í. Teir halda ikki, at tað hevur sást í dystunum, at teir hava verið verri fyri enn aðrir. Heldur halda teir, at verjan ikki hevur verið nóg avgjørd, tá tað stóð mest á. – At vit báðu ferðirnar taptu ímóti Rosenborg hevur verið avgerandi, segði Molde venjarin, tá ið tað var greitt, at RBK er meistari fyri 11. ferð. Sogndal í vanda Botnliðið Start var á Ullevaal ímóti Vålerengen, sum vann 4–0. Moss tapti 2–0 í Bodø, sum harvið bjargaði sær undan bein- leiðis niðurflyting. Moss hongur í sera klønum tráði. Brann úr Bergen hevði møguleika at tryggja sær eitt ár afturat í bestu deild- ini. Í steðginum vóru teir á odda í heimadystinum ímóti Lillestrøm, men teir taptu 2–1. Lillestrøm klár- aði seg leingi illa, men nú eru teir komnir undan. Nú mugu teir í Bergen bíta negl í hvussu so er eina viku afturat. Eftir javnleikin ímóti RBK er Sogndal komið undan beinleiðis niðurflyt- ingini, men teir eru fram- vegis í vanda fyri at gerast partur av endaspæli um pláss í bestu deildini. Í síðsta umfarinum, sum verður spælt nú sunnu- dagin, skal Sogndal spæla í Molde. Rosenborg fær vitjan av Brann, og hinir dystirnir eru Lillestrøm –Odd Grenland, Moss– Stabæk, Start–Bodø/Glimt, Lyn–Viking og Bryne– Vålerengen. Leygarkvøldið varð greitt, at Jógvan Martin Olsen er ársins venjari í 2002. Og nú er greitt, at hann eisini komandi ár fer at hava ábyrgdina av NSÍ. – Eg havi skrivað undir nýggjan eitt ára sáttmála við NSÍ, segði Jógvan Martin Olsen, áðrenn hann leygar- dagin fór til Georgia við U–19 landsliðnum. Fyrr í summar ljóð- aði, at NSÍ og Jógvan Martin Olsen høvdu tvey ára samstarvssátt- mála, men tað var ikki rætt. At Jógvan Martin heldur fram í NSÍ er upp á ein máta merkis- vert. At NSÍ vann steypakappingina og endaði næstfremst í landskappingini legði sjálvandi upp til, at samstarvið fór at halda fram. Men tað er merkis- vert á annan hátt. Í øll- um hinum feløgunum, sum vóru í 1. deild seinasta kappingarár, verður annar venjari í januar komandi ár, enn tað var í januar í ár. Í fimm feløgum vórðu venjararnir skiftir út, tí tað ikki gekk, sum tað varð vónað. Hesi feløg- ini vóru B68, Skála, HB, VB og TB. Í hinum fýra feløgunum er av ymsum orsøkum gjørt av at skifta venjara. Fe- løgini eru KÍ, GÍ, EB/ Streyumur og B36. Einasta felagið í 1. deild komandi ár, sum – umframt NSÍ – fer at hava sama venjara, sum teir høvdu í fjør, verður FS Vágar. Albert Ellef- sen var venjari, tá FSV fór undir stríðið at vinna seg uppaftur í 1. deild, og hann verður eisini venjari, tá FSV komandi ár fer at royna at verja plássið í bestu deildini. -jh Fyrsti dysturin í EM undankappingini í Georgia verður ímóti Ukreina seinnapartin í dag U–19 LANDSLIÐIÐ Jóannes Hansen Leygardagin fór U–19 landsliðið úr Vágum. Henda síðsta føroyska fót- bóltsferðin í hesum árinum hevur EM undankapping- ina í Georgia sum mál. Fyrsti dysturin verður spældur seinnapartin í dag. Hann verður ímóti Ukreina. Hósdagin er mótstøðuliðið Belgia, og leygardagin skulu Føroyar spæla ímóti Georgia. Allir dystirnir verða spældir klokkan 16 lokala tíð. Eingin ivast í, at mót- støðan fer at vera ivaleysa stór í øllum dystunum. Og tað ber væl til at ímynda sær, at mótstøðuliðini fara at taka føroyska liðið í uppaftur størri álvara, eftir at a–landsliðið mikukvøld- ið í síðstu viku stóð fyri so góðum avriki á útivølli ímóti Týsklandi. Undan fráferðini vandi U–19 landsliðið fleiri ferðir. Jógvan Martin Olsen var í Litava og Týsklandi. Tí hevði hjálparvenjarin, Mathias Davidsen, ábyrgd- ina av venjingunum. Andy Olsen úr NSÍ var noyddur at geva avboð. Í hansara stað varð Hanus Eliasen úr ÍF úttikin. Hann hevur alt kappingarárið verið fastur maður á mið- vøllinum hjá ÍF í 2. deild. Í síðsta umfarinum, tá ÍF á heimavølli vann 1–0 ímóti FS Vágum, var Hanus Eliasen ímillum teir mest eyðsýndu. Sum vit áður hava nevnt, so kom tað illa við, at liðformaðurin á føroyska liðnum, Ingi Højsted, sum spælir í Arsenal, var noyddur at geva avboð, tí hann ikki var komin nóg væl fyri seg eftir skaða. Men kortini verður mett, at føroyska liðið er væl mannað. Teir, sum hesa vikuna eru í Georgia, eru hesir: Gunn- ar Nielsen, Frem, Poul Eli Bærentsen, TB, Eli Thor- steinsson, HB, Áki Peter- sen, Skála, Rasmus Nolsøe, Brøndby IF, Rani D. Christiansen, HB, Marni Djurhuus, EB/Streymur, Jann Ingi Petersen, B68, Hans Pauli Samuelsen, EB/Streymur, Bergur Mid- jord, B36, Símun Samuel- sen, VB, Hanus Eliasen, ÍF, Hanus Thorleifsson, Skála, Bárður Danielsen, Skála, Rókur Jespersen, Brøndby IF, Bjarni Jørgensen, HB, og Magnus Skoralíð, GÍ. Jógvan Martin heldur fram Fyrsta royndin sum venjari hjá NSÍ var væleydnað, og nú er gjørt av, at Jógvan Martin Olsen tekur í hvussu so er eitt ár afturat í Runavíkini Molde spilti seg burtur Hanus nýggjur á U–19 landsliðnum C M Y K 20