mikudagur 23. oktober 2002síða 6

10 Nr. 203 - 23. oktober 2002 Nr. 203 - 23. oktober 2002 11 Løgmaður er óivað á rættari leið, tá hann ásannar, at fakfeløgini mugu vera við frá fyrsta degi, nú landsstýrið aftur hevur sett sær fyri at loysa tað nógv umrødda eftirlønarmálið og fremja ein veruligan eftirlønarreform. Men spurningurin er, um tað ikki er dekan ov seint, tí nú hava øll fakfeløgini á privata og almenna arbeiðsmarkn- aðinum fingið sær eftirlønarskipanir fyri limr sínar. Eisini tey stóru feløgini sum Føroya Arbeiðarafelag og Føroya Fiskimannafelag. Men tá tað er sagt, skal leggjast afturat, at fleiri eftir- lønarskipanir eru ikki nøktandi. Sambært skipanini hjá summum av feløgunum, t.d. Havnar Arbeiðsmannafelag og Starvsmannafelagnum, er eftirlønargjaldið rættiliga lágt. Tað er í hvussu er galdandi fyri teir tilkomnu limirnar, og tí má okkurt munagott koma afturat í hesum feløgum, og sjálvandi fyri limirnar í teimum feløgum, sum hava bíðað til landsstýrið kom við eini ella aðrari skipan. Enn er so lítið komið fram, og eftir tí sum løgmaður hevur sagt, so skal arbeiðið byrja við blonkum arki. Orsøkin til hetta er óivað hon, at seinast fór Almanna- og Heilsumálastýrið at arbeiða við málinum, grundað á uppskotið um “fólkatrygging”. Hetta er ein politisk ætlan hjá Fólkaflokkinum, sum ikki bygir á samhaldsfesti, og tí vendu bæði fakfeløgini og Tjóðveldisflokurin og Javnaðarflokkurin tummilin niðureftir. Eftir hesum uppskoti verður útgjald sett í mun til tað, sum ein løntakari hevur goldið inn. Tað merkir, at ein løntakari, sum hevur havt eina lítla løn í arbeiðsárum, fær eisini eina lítla eftirløn. T.d. arbeiðsfólk, fólk í útoyggjum ella fólk í útjaðaranum, har arbeiðsinntøkan í flestu førum er rættiliga avmarkað. Mótvegis hesi ætlan hevur Javnaðarflokkurin víst á Samhaldsføstu eftirlønina sum eitt alternativ. Um henda varð bygd út, sum upprualiga ætlanin var, hevði útgjaldið verið komið upp í fleiri túsund krónur um mánaðin í dag. Uttan at taka munnin ov fullan, hava borgarligu flokkarnir við Fólkaflokkinum á odda saboterað hesa ætlan. Alternativið – fólkatryggingina – hava teir ikki kunnað sett í verk, og fleiri ár eru liðin og fleiri eftir- lønarskipanir eru settar í verk. Hetta hevur gjørt tað, at tað verður upp aftur verri at fremja ein veruligan eftirlønarreform, sum flestu flokkar eru samdir um má koma. Í øllum hesum er so spurn- ingurin, hvussu verður við fólkapensjónini og Sam- haldsfasta. Anaðhvørt tann samhaldsfasta fólkapensjónin ella Samhaldsfasti má vera eitt grundarlag, sum øll eiga at hava rætt til. Hvat so kemur omaná, verður óivað eitt stórt politiskt mál í komandi tíðum, og spurningurin er her, um vinstrivongurin megnar at halda fast um eina munadygga samhaldsfasta skipan. DAGSINS MEINING Sosialurin Gloymið ikki eitt sam- haldsfast grundstøði! VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliassen solby@sosialurin.fo Dagfinn Olsen dagfinn@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 4449520 tel. 225429 e-post: vilmund@sosialurin.fo Rullandi redaktionin: tel. 220507 Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Jógvan við Keldu løgtingsmaður úr ST í New York Við 191 so ymiskum londum til støddar, í búskapi, arbeiðsstøðum, mentan og stýrisskip- anum er torført at fáa úrslit Týsdagin, eg kom út úr stóra tingsalinum, rendi eg meg á eitt risafjølmiðlalið, sum tosaði við og tráspurdi Hans Blix, oddamannin í Irak-kanningunum, um nær hann aftur slapp inn í land- ið at halda fram við kann- ingunum. Hesin kapaciteturin, sum eg eisini sá mikudagin undir sjálvari Irak-viðgerð- ini í Trygdarráðnum - stóð fattur, sterkur og róligur, onkuntíð smílandi og til aðrar tíðir álvarsamur. Hóast tey framhaldandi koyrdu á hann, nevndi hann fyri tað mesta: »Latið okk- um bíða eftir orðaskiftinum í Trygdarráðnum í morg- in«. Hugvekjandi er at síggja, at »talutíðir« er ikki endiliga nakað høgt verður gingið uppí. Talutíðir Irak talaði ein heilan tíma í Trygdarráðnum, har um- boðið vardi seg og fyri tað mesta leyp á USA og Stórabretland, tók upp í saman, aftur og aftur, um somu søguna vit dagliga hoyra úr fjølmiðlunum, so har var einki nýtt í tí hann segði. Ellen Margrethe Høj, danski ST-ambassadørurin talaði vegna ES, í sambandi við danska formansskapin í ES. Kvøldið fyri vóru vit øll boðin til en døgurða í hennara vøkru embætis- íbúð á 14. hædd, har vit høvdu gott útsýni yvir Central Park og hetta ljós- havið, sum eyðkennir bygningarnar í New York. Meðan vit stóðu á altanini, prátuðu vit um hvat el- prísurin í New York mundi vera. Hon helt fyri við einum smíli »væsentlig lavere end i Danmark«. So eg helt fyri, at skuldu vit helst á heilt aðrar leiðir, um vit skuldu sammeta við Føroyar. Men tað var hugtakandi at hoyra, hvussu talan í Trygdarráðnum hjá danska ST-umboðnum varð broytt, har øll limalondini í ES, skuldu góðkenna hana. Seinasta góðkenningin og tað seinasta, sum skuldi fáast uppá pláss kom ikki fyrr enn kl. 9:05 miku- morgunin, sum talan skuldi haldast. Danmark vegna ES Røðan var uppá hálva aðru síðu, og endaði við, at »vit vilja heita inniliga á allar limir Trygdarráðsins at taka eina skjóta avgerð, sum hevur við sær eitt dygt trýst á Irak og vísir mest møgu- ligu hjálp innan ráðið«. Áhugavert, kanska ein færri av óhugna, var at hoyra umboðið fyri Libya, sum ikki hevði skrivaða røðu, men sat og rópti og hótti Trygdarráðið, »sum ikki gjørdi sínar skyldur«, tók sjálvandi undir við Irak, »sum ikki gjørdi sínar skyldur«, tók sjálvandi undir við Irak, sum hann tók til »allur heimurin bara stóð og hugdi at«, meðan henda ómenniskjaliga her- ferð fór fram ímóti land- inum«. Eg spurdi ein, sum eg sat við síðuna av, um hetta vanliga kom fyri, ein tílíkur røðuháttur. Nei, segði hann, hann hevði verið við fleiri ár. Tílíkt hevði helst ikki hent síðani Krutsjov, sov- jettiski leiðarin, tók skógv- in av og lammaði hann í borið. Ja, her er so nógv annað av áhuga og fleiri røður, eitt nú um Kuwait, sum fannst at Irak og arabisku londini, sum meira ella minni hildu saman og á sín hátt ávaraðu um álop. Fund hvønn morgun Annars møtast vi hvønn morgun inni á donsku ST- missiónini, sum er umboðs- stovan har vit fáa fyri- lestrar, frágreiðingar og upplivingar innan ST-ar- beiðið. Vit kunnu eisini fylgja nevndararbeiðnum í teimum seks nevndunum, men tær eru ikki veruliga komnar í gongd enn. Einki er lætt Ja, hvussu skal heimurin liva í friði, mong hjúnaløg sindrast, smá kommunu- stýri eru ósamd, løgtingið stríðist, av og á eitt sindur harðliga. Her er talan um 191 lond av øll sløgum, mentan, búskapum, stýris- skipanum og hugsanum. Í eini av vøkru gongun- um stendur áhugaverd mynd av fólkum, sum Nancy Reagan avdúkaði í 1985. Har standa orðini: »Ger ímóti øðrum, tað tú vilt skal verða gjørt móti tær«. Lætt at lesa, men tungt at eftirfylgja. Í øllum hesum gleðast vit um at fáa loyvi at liva í einum so góðum landi sum Føroyar eru tað. Fyrstu tríggir dagarnir í ST livandi og áhugaverdir 50 ÁR Tíðindaskriv 17. desember í ár eru 50 ár liðin, síðani átta menn komu saman í Bátahøllini á Debesartrøð at stovna eitt føroysk vísindafelag. Navnið gjørdist Føroya Fróðskaparfelag og mið tess at 1) at taka upp sam- starv við tey fólk her á landi, sum áhuga hava fyri vísindaligum starvi, 2) á føroyskum at geva út Fróð- skaparrit, ið er felagsárbók, 3) at fáa til vegar vísinda- ligar bókmentir og virka fyri at fáa settan á stovn ein ognargrunn og soleiðis royna at leggja støðið undir ein komandi lærdómsstovn í Føroyum. Hetta vóru høg mið at seta sær í 1952, men væl hevur vignast. Limatalið er vaksið til 165, harav 100 eru búsettir í Føroyum, 50. bók av Fróðskaparritum kemur út í ár, hópin av vísindaligum bókmentum eru fingnar til landið í býti við Fróðskaparrit - og seinni Supplementa til Fróðskaparrit - og ikki einans støðið, men sjálvur lærdómsstovnurin var veruleiki longu í 1965, tá ið løgtingið samtykti lóg um Fróðskaparsetur Føroya. Og so er hetta bert partur av avrikum felagsins. Her er fyrst og fremst at nevna Málstovnin og Orðabóka- grunnin, ið hava verið til almikið gagn fyri føroyskt Føroya Fróðskaparfelag 50 ár Framhald á síðu 11 Asta V. Joensen Tlf. 220247 Hetta er sjálvandi ikki hvat mín meining er ella tín, tí tað hevur ongan týdning. Men hvat sigur Gud, tí Bíblian er Gud orð, tað sum Gud hevur sagt, líka mikið um tú ella eg trúgva tí ella ikki. Og Guds orð sigur: »Villist ikki, hvørki sið- loysingar = sex uttanfyri hjúnaband og sex ímóti natúruni. Nú skulu øll verða so human, men hyggi eftir djórunum, tey finna betur út av tí enn menniskjuni. Men í Guds orði stendur ikki bara um siðloysi, men eisini um ovát, drykkju- skap, at lúgva, havisjúka = vilja hava alt o.s.fr. hesi skulu ikki arva ríki Guds. Hvat er synd? Tað, sum Gud kallar synd, ella orða- rætt at fara skeivur av mál- inum, og málið er himm- alin, eitt ævigt lív heima hjá Gudi og tað rokni eg við, at øll fornuftig fólk vilja koma til, og tað verði ongar góðar gerðir ella dópur, sum førir okkum hagar, tað er bert ein vegur, og hann eitur Jesus. Hann er nemmiliga ikki ein religión, men ein per- sónur. Evangeliið er at vit kunnu siga ella »bera« alla okkara synd til Jesus, Hann sum vann okkum sigur á Golgata. Eg havi gjørt tað, og geri tað støðugt. Tú kanst eisini fara til Jesus við tínum syndum. Enn er tíð, hvussu leingi vita vit ikki, men leingi verður tað ikki. Bíblian sigur: »Í dag tá tú hoyrir Harrans kall, tá forherð ikki hjarta títt«. Vit eiga ikki ímorgin. Um tú vilt vita hvar hetta stendur í Bíbliuni ella hava eina samtalu ert tú væl- komin at ringja. P. S. Lesið Bíbliuna, alla Bíbliuna og verð sælur = hjartans lukkuligur. Tann best dokumenteraða bókin í heiminum vísindaliga. TÍÐINDASKRIV Hetta tilboð hava ung í miðnámsskúlunum kring øll norðurlond fingið og 23 eru útvald at luttaka í norðurlendsku verkætl- anini: NiF / Nordisk demokrati i fokus 2002. Komandi vikuna kemur Norðurlandaráðið saman fyri 50. ferð. Hetta verður heiðrað við nógvum yms- um tiltøkum. Evnið fyri jubileumsárið hjá Norður- landaráðnum er demo- krati. Og hetta evni er eisini arbeiðssetningurin hjá norðurlendsku ung- dóms web-redaktiónini, ið verður sett upp í Helsinki komandi mánadag 28. oktober 2002. Ung gera tíðindi til Ung á internetinum Av teimum 23 ungu í ferðalagnum, eru 8 vald út at mynda eina serliga web- redaktión, sum skal bera tíðindi til ung, sum video- innsløg, beinleiðis úr Helsinki á internetinum. Tað krevur nógv av teimum ungu at fáa tey "at spinna gull úr gamlari ull" og tað munnu ivaleyst fleiri av teimum ungu halda, um norðurlendska politiska arbeiði. Tað sýn- ist sum, at ung ikki vilja kennast við tað norður- lendska arbeiðið og demo- krati. Ung eru ikki politisk aktiv ídag, sigur onkur. Men tað nýtast tey heldur ikki í hesum redaktionella arbeiðnum. Tey ungu skulu vera sín egin redak- tión, velja vinklar og evnir út úr mongdini av møgu- ligum evnum, ið Norð- urlanda Ráðið hevur at bjóða. Og so kunnu nýt- arnir av heimasíðuni og kjaksíðuni sjálvi gera sær sína politisku fatan. Speedarin í botn, World Wide í einum Ferrari Mánadagin fer redaktiónin til verka og tá verða at síggja á heimasíðuni: www.odin.dk/demokrati/v ideo-upptøkur við og av ungum tíðindafólkunum heilt úr Grønlandi til Fin- lands, Ålandi til Føroya, Danmark og Noregi, Ís- landi og Svøríki. Væntandi verða 30 video-innsløg at síggja á internetinum, tá redaktión- in endar mikukvøldið í komandi viku – og vón- andi verða fleiri skrivaðar greinar við. Málið verður skandinaviskt og enskt. Fyri fólk, ið vanliga ar- beiða ella fáast við inter- netið, er tað at koma til Finlands eitt "Internet - Mekka". Internetsam- bandið har er so vælsignað og gott og 10 Mbit inter- netsamband er sum at koma í himmiríki. Tað vil fyri føroyingar og grønlendingar kennast sum at býta tí 3-hjulaðu súkkluna um við ein Ferr- ari. Eisini hevur sam- starvsfelagin í Helsinki, ið húsar redaktiónini, "Kom- passi", givið redaktiónini eina interaktiva feed-back heimasíðu. Tá hava fólk, eisini við okkara internet- sambandið í Føroyum, møguleika at luttaka beinleiðis í kjakinum og kunnu biðja redaktiónina um at seta politikarum og embætisfólki í Helsinki sínar spurningar - og tað er alt sera demokratiskt. Projektleiðari á ung- dóms web-redaktiónini er Laufey H. Blaasvær, ið hevur roynt eina slíka web-redaktión áður í Reykjavik fyri 2 árum síðani, ið eyðnaðist stak væl. Eftir at stjórin í Norðurlandahúsinum í Reykjavík, Riitaa Heine- maa, hevur kunnað Nord- en i Fokus um henda møguleika at lata ung samskifta við ung á ein nútíðar og ungdómligan máta, hava "NIF" skriv- stovurnar valt at seta eina web-redaktión upp, eina ferð enn. Úr Føroyum er tað 18 ára gamli Heiðrik á Heygum, ið luttekur í verkætlanini og web- redaktiónini. Skráin hjá teimum ungu, í NIF-verkætlanini, er eisini í Helsinki, sum er 3. og síðsti staðurin vitja verður á námsferðini, sera fjølbroytt og víttfevnandi. Tey ungu fara m.a. at vitja finska tíðarritið "Hel- singin Sanomat" og práta við finsk blaðfólk. Tey fara at møta ungdómspo- litikarum frá UNR, "Ung- domens Nordiska Rådet". Vitja finsku ungdóms- organisatiónina "Allians" og gamla studentarhúsið, við tí norðurlendska torg- inum. Tey skulu sjálvandi eisini luttaka í Sessiónini 2002, har Norðurlanda- ráðið hittist fyri 50. ferð. Og undirhald verður á skránni við norðurlendsku u n g d ó m s ko n s e r t i n i , "Hiphop Norden". At enda skula tey eisini hitta sjtóran á Nifin, Ole Norr- back, sum fer at røða um, "Nordbornas rättigheter". Vit vóna at skúlar, ung og hvør tann, ið sýnir áhuga fyri okkara felags norðurlendsku grannum, fara at nýta høvi at vitja h e i m a s í ð u n a www.odin.dk/demokrati/, og luttaka í norðurlendska kjakinum um demokrati, umhvørvi og samleika. Ókeypis ferð til Oslo, Stockholm og Helsinki í eina viku – alt goldið Sonni Jacbsen Fólkaflokkurin og Tjóð- veldisflokkurin lovaðu okk- um, Fóroya fólki, so staði- liga, at ongin avleiðing fór at standast av at skerja blokkstuðulin frá dønum við útvið 400 mill. kr. Men, sigast má, at vit flestøll vistu betur. Hetta vistu tey flestu av egnum lívsroynd- um. Forvinnur ein familja t.d. 300.000 kr. árliga, og hevur føst lán til hús, innbúgv, bil og bát umframt at skulu uppihalda lívinum og inntøkan bráddliga minkar við 60.000 kr. niður á 240.000 kr. so merkir henda familjan tað sera væl. Ein slík familja hevði verið noydd at gjørt nøkur væl. Maðurin hevði t.d. verið noyddur selt bátin ella mátti lánið hækkast! Í yvirførdum týdningi hevur skerdi blokkurin havt við sær júst somu avleið- ingar fyri Føroyska sam- felagið. "Báturin" má selj- ast! Eitt berghol, onkur vega- gerð og ein samferðsluhavn í Suðuroy verða av ongum, fyribils í hvussu er. Gása- dalsbergholið verður, sum ikki einaferð, sett á "hold". Aðrar vegagerðir verða toygdar ella als ikki gjørdar. Pláss er ikki fyri 150 millióna skattalætt- anum, sum lyftið var givið um; pláss er ikki fyri lógásettu 32 milliónunum til byrjan av Norðoyða- tunnlinum o.s.fr. o.s.fr. Hetta bert fyri at nevna okkurt úr rúgvuni, sum pláss nú ikki er fyri á trongu fíggjarlógini. Ávarðaðu Vit vóru fleiri, sum ávaraðu móti skerjingini í blokkin- um og at tað fór at fáa álvarsligar avleiðingar at minka inntøkur lands- kassans so ógvusliga upp á ein gang. Eini 100 mill. kr. vóru tey flestu kortini samd um, hevði landskassin tola at mist uttan tær stóru av- leiðingarnar. Og søgan prógvar so bara nú, at vit høvdu rætt og at yvirivrigu loysingarfólkini í Fólka- og Tjóðveldisflokkinum fóru skeiv. Ein skinsom gongd Ikki tí, eg eri ikki ímóti loysing frá dønum og tað er tann flokkur eg eri limur av heldur ikki, men vit í Miðflokkinum hava alla- tíðina víst á, at heldur enn at "forera" dønum hund- raðtals milliónir, eiga vit at nýta henda pening at gera okkum leys av skuld og til at dagføra samfelagið við - og tað treingir sanniliga til - eftir 12 árum í kreppu eru flestøll øki á almenna øk- inum niðurslitin og til- afturskomin í mun til dagsins standard í teimum londum vit sammeta okk- um við. Leys av skuld og við einum dagførdum sam- felag eru vit tilreiðar at seta fót undir egið borð sum fríir menn og fríar kvinnur! Tíveri hava okkara sam- gongufelagar ikki skilt henda so einfalda og greiða boðskap enn. Vandamikil leið Við allari virðing, so má ein siga, at vegurin Fólka- flokkurin og Tjóðveldis- flokkurin hava vælt at ganga ímóti loysingini, er bæði illgongdur og vanda- mikil. Og tá hugsi eg um hugtakið, "tí tryggu loys- ingina", sum hóast alt flest allir føroyingar ganga inn fyri. Sjálvandi kunnu vit loysa her og nú og so takað skrædlið. Spurningurin er bara, vórðu vit kortini fræls um vit gjørdu á henda hátt? Vit skulu jú liva í hesum landi og til tess krevst peningur. Vit megna tíverri ikki sum er sjálvi at fíggja hetta samfelagið, og kemur peningurin ikki úr Dan- mark sum stuðul, so má hann lænast onkustaðni. Tað er kaldi veruleikin, alt annað tos er reingjan av veruleikanum og rein propaganda, tað vita øll skilagóð fólk. Stuðul skal ikki gjaldast aftur - tað skal lán. Tí er tað, so leingi vit ikki eru fullkomuliga fíggj- arliga óheft, skilabest at vera verandi í ríkisfelags- skapinum. Tolin trívst Við tolni og við Guds hjálp fara vit at vinna á mál. Vit taka tað tíð, ið skal til at gjalda okkara uttanlanda- skuld niður, og vit taka tað tíð, ið skal til at dagføra samfelagið upp á eitt hóskandi støði. Tað nyttar onki at "spæla ótolin" og tað ger bara skaða býttisliga at royna at skunda undir tingini, sum t.d. við áður umtalaðu 400 millióna skerjing. Skerjingin av blokkinum hevur og ferð at draga loysingina út, heldur enn at skunda undir hana! Og ikki minst tí vóru vit ímóti skerjingini. Men gjørt er gjørt og vit mugu tí í dag, sum bretar so skemtiliga siga "face the music" - taka avleiðingarnar. Tað ber fíggjarlógin fyri 2003 greið boð um! VIÐMERKINGAR Hvat er synd Skerdi blokkurin orðabókastarv. Mikla for- lagsvirksemi felagsins við orðabókum og vísindarit- um av ymsum slag er ein annar sera týðandi táttur. Og aftrat Fróðskaparritum hava vit nú fingið almenna vísindatíðarritið Frøði. Felagið hátíðarheldur 50 ára stovningardag sín við til- tøkum í Norðurlandahús- inum 23.-25. oktober. Tey fevna um almenna fyri- lestrarøð við heitinum "Úr- valsfyrilestrar - dømi um føroyska gransking í nú- tíðini", almenna samkomu við heiðursfyrilestri til á- minnis um Chr. Matras pro- fessara, handing av sømd- argávu úr Grunni Kristjans á Brekkumørk, og at enda hátíðarløtu og móttøku. Í sambandi við 50 ára stovningarhald Føroya Fróðskaparfelags verða hesi tiltøk í Norðurlanda- húsinum 23.- 25. oktober 2002: Almenn fyrilestrarrøð við felagsheitinum: Úr- valsfyrilestrar - dømi um føroyska gransking í nú- tíðini. Mikudagin 23. oktober kl. 16.00 Hans Andrias Sølvará, søgufrøðingur, cand.mag. Úr tingsøguni kl. 17.15 Kirsten Brix, bókmenta- frøðingur, ph.d. Upplýsingarhugtakið og Regin í Líð Hósdagin 24. oktober kl. 16.00 Knud Simonsen, havfrøð- ingur, dr.scient. Djúpvatnsgerð í Grøn- landshavninum og rákið við Føroyar kl. 17.15 Hóraldur Joensen, evna- frøðingur, dr.scient. Fitisýrur og fiskastovnar kl. 19.30: Almenn samkoma við heiðursfyrilestri til áminnis um Chr. Matras professara og handing av sømdargávu úr Grunni Kristjans á Brekkumørk. Fyrilesturin heldur Anne- Kari Skarðhamar, dr.art., Høgskolen i Oslo. Heitið: Erindringens Poetikk - en innfallsvinkel til Christian Matras' lyrikk. Fríggjadagin 25. oktober verður boðið til hátíðarløtu og móttøku, siga Føroya Fróðskaparfelag, Fróð- skaparsetur Føroya og Norðurlandahúsið. Framhald av síðu 10 C M Y K 11 10