týsdagur 5. november 2002síða 9

Nr. 212 - 5. november 2002 17 Hóast tær máttu vera Soley Mikkelsen fyri- uttan, so reistist VÍF í Klaksvík, tá tær seinasta korterið runnu frá Stjørnuni í einum annars jøvnum dysti KVINNUHONDBÓLTUR Jákup Mørk Seinnu árini hava tað júst verið VÍF og Stjørnan, sum hava myndað oddin í før- oyskum kvinnuhondbólti, men í ár tykist okkurt at vera broytt í so máta. Stjørnan hevur als ikki sama fólk at taka av, sum fyri trimum árum síðani gjørdu tær til besta liðið í landinum, og tó at nógv aftur í ár roknaðu VÍF sum favoritt undan kappingini, so hava úrslitini víst, at tær í øllum førum ikki skulu rokna við at fáa serliga lætt spæl í ár. Longu tvær ferðir hetta árið hava tær tapt lands- kappingardyst, og tað er sum so meira, enn tær hava tapt seinatu tvey árini, og tí var talan í nógvar mátar um ein avgerandi dyst fyri VÍF, skuldi sambandið við oddin ikki slitna fullkomuliga. Uttan Sóley Tí var tað helst eisini ein dyggur smeitur, at VÍF mátti vera ein av mest týð- andi leikanum fyriuttan, tá Sóley Mikkelsen ikki sá seg føra fyri at spæla, og í staðin mátti taka sæti við síðuna av Daniel og Ioanau Rápa á beinkinum. Undir øllum umstøðum gjørdi hetta fortreytirnar verri undan dystinum, og leingi var eisini líkt til, at Stjørn- an skuldi geva VÍF ein heilt skarpan gang. Somikið hart spentar vóru vestmannakvinnurnar, at fyrstu trý korterini var millum lítil og eingin mun- ur á liðunum. Serliga í fyrra hálvleiki tóktis tað heldur so, at Stjørnan var við yvirlutan, men VÍF slepti ongan tíð takinum, og í seinna gav hetta at bíta. Venjingarstøðan hjá gest- unum var snøgt sagt eitt vet betri enn hjá heimaliðnum, og so við og við fánaði spælið hjá Stjørnuni. Agne Masenaite megnaði ikki einsamøll at standa ímóti trýstinum, og so skrædnaði seinastu løtuna, tá VÍF eitt langt skifti skoraði átta ferðir, meðan Stjørnan bert fekk eitt mál. Sostatt fekk VÍF loksins aftur ein sigur á kontina, men enn tykjast tær ikki sannførandi í stríðnum um heiðursmerki. Hinvegin sýndi avrikið, at venjing- arstøðan hjá leikarunum er um at vera har, sum hon eigur at vera, og júst hetta hevur seinnu árini verið ein av høvuðsorsøkunum fyri góðu avrikunum. Hvørt hetta so er nóg mikið til ein sess heilt frammi í oddin- um, er fyribils ein ósvar- aður spurningur, og partvíst verður hesin kanska svar- aður, tá tær um eina viku taka ímóti Kyndli í einum dysti, sum longu nú er farin at líkjast einum fyribils far- væl til eitt av teimum lið- um, sum undan kappingini vórðu roknað sum eitt gott boð til ein oddasess. Her verður tað neyvan, at Stjørnan fer at halda til, men hóast tað, so hevur liðið higartil sýnt, at tær væl kunnu spæla upp til tey sterkastu liðini. Enn hevur úrtøkan tó ikki verið til fleiri enn trý stig, men halda tær á fram við sama treysti, so er einki at ivast í, at stigini so líðandi fara at koma, og higartil hevur talan verið um ein javna kapping, so tað er kanska ikki heilt óhugsandi, at tær fara at ota seg longur upp á stigatalvuna, sum árið líður. Dysturin í tølum Stjørnan-VÍF 16-20 (7-7) Málskjúttar Stjørnan: Danijela Ercevic 6(2), Natasja Stamencovic 6(2), Una Olsen 2, Súsanna Hansen 1, Jastrid Gullak- sen 1, Gunnvør Isaksen 1 VÍF: Jacklin Durhuus 8(2), Nicoleta Radu 4(1), Hertha Simonsen 3, Fríða Marjun- ardóttir 3(1), Nikolina Eyð- bjørnsdóttir 1, Jóna Jógv- ansdóttir 1 Brotskøst: Stjørnan 6, VÍF 6 Útvísingar: Stjørnan 3, VÍF 3 Dómarar úr StÍF: Alex- ander Johansen & Marian Cirliganescu Kyndil fekk væntaða sigurin á H71, men spælið var langt ífrá nakað, sum sannførdi um, at talan helst var um eitt av oddaliðun- um í hesum kapping- arárinum MANSHONDBÓLTUR Jákup Mørk Hoyvíkingar vóru illa sperdir, tá teir sunudagin komu í Ítróttarhøllina á Hálsi. Tveir av mest týð- andi leikarunum hjá lið- num, Bárður Brimvík og Halgir Dahl-Olesen, skudlu koma við sunnudagsflog- farinum, men vánaliga veðrið viðførdi, at teir báðir ikki vóru tøkir til dystin. Var Kyndil favorittur undan hesum, so gjørdist leikluturin ikki minni eftir hetta, og tó at alt tóktist ganga sum ætlað fyrstu løtuna, so máttu teir grønu tó ásanna, at sigurin kemur ikki av sær sjálvum. Argaðu leingi Eftir eina heldur ógvusliga byrjan frá teimum grønu so var tað nevnliga so, at hovyíkingarnir leingi arg- aðu Kyndil. Við kontantum verjuspælið royndu teir at steðga kyndilsleikarunum, áðrenn støðurnar gjørdust alt ov vandamiklar, fyri síðani at dúva upp á kontra- álopini. Og tá teir hjá Kyndli als ikki tóktust hava fatað, at teir kundu verða noyddir at stríðast fyri stig- unum, so vóru hoyvíkingar brádliga við aftur í dystin- um. At Kyndil illneitaðist inn á hetta, kom eisini til sjóndar, tá Hanus Jensen fekk reyða kortið fyri at gera seg inn á Jákup á Borg beint fyri steðgin, men samstundis var hetta helst nakað, sum fekk teir grønu at ásanna, at teir máttu taka annað skinn um bak. Í øllum førum var talan um heilt øðrvísi dyst, tá liðini komu útaftur. Kyndil var nú spælstýrandi alt fyri eitt, og tó at tlaan ongan tíð um gjørdist um nakra nið- urspæling av mótstøðuni, so framdu teir ikki sama mistakið aftur. Sigurin varð koyrdur heim uttan stór- vegis trupulleikar, og so- leiðis er Kyndil framvegis við í oddastríðnum. Skal meira til Tað er tó eingin loyna, at annað og betri spæl skal til, um Kyndil skal gera sær vónir um at halda fast um hesa støðu. Longu miku- dagin skulu teir aftur í eldin, tá staðið er Vest- manna og mótstøðuliðið er eitt sært VÍF lið, sum longu nú hevur tapt tvær ferðir, og sum ivaleyst fer at leggja nógv fyri í royndunum at forða triðja tapinum. Dysturin í tølum: Kyndil-H71 28-21 (12-12) Málskjúttar: Kyndil: Finnur Hansson 8(1), Jacob Jónsson 6(1), Rúni Mohr 3, Ken Zacha- riasen 3, Regin Johannesen 3(1), Hanus Jensen 2, Heini Bendtsen 2, Høgni Klein 1 H71: Johnny Djurhuss 7(3), Niels Viggo Niclasen 7, Jákup á Borg 2, Anfinn N. Debes 2, Høgni M. Joensen 1 Brotskøst: Kyndil 6, H71 3 Útvísingar: Kyndil 2, H71 3 Diskvalifikatión: Kyndil 1 (beinleiðis reytt) Dómarar úr Tjaldur: Trygvi Mortensen & Kári Hansen. Í einasta flogbólts- dystinum í meist- aradeildini um vikuskiftið vann ÍF tryggan sigur á Fleyr FLOGBÓLTUR Jákup Mørk Illveðrið sunnudagin viðførdi, at bert ein flogbóltsdystur varð leiktur sunnudagin. Hes- in var millum Fleyr og ÍF, har útiliðið ikki hevði fyri neyðini at sigla til dystin, og tó at tað helst hevur verið nakað ill- fýsið á vegnum, so tókt- ist hetta á ongan hátt at nerva fuglfirðingarnar, sum greitt greiddu sína skyldu móti Fleyr. Sum tað kundi roknast við, so var alla tíðina munur á teimum báðum liðunum, sum hava lagt seg í hvør sín enda á stigatalvuni, og tó at Fleyr royndi at muta ímóti, so var mótstøðan snøgt sagt alt ov sterk. Sum sagt, so viðførdi illveðrið, at allir hinir dystirnir í meistara- deildunum máttu útset- ast. Ein dystur skuldi vera í Havn millum kvinnuliðini hjá KÍF og TB, og í Klaksvík skuldi Mjølnir spæla móti Drátti. Somuleiðis skuldu menninir hjá Mjølni og SÍ, men nú má FBF so finna nýggja dagfesting til hesar tríggjar dystirnar. Fleyr - ÍF 0 - 3 (15-25)(17-25)(17-25): Einasta úrslitið Kyndil-H71 28-21 (12-12): Trupul favoritt-sigur Stjørnan-VÍF 16-20 (7-7): So kom gongd á VÍF Jacklin Durhuus tók leiklutin sum málskjútti á seg, tá VÍF loksins reisti seg og fekk fulla úrtku í trupla útidystinum í Klaksvík Mynd: Álvur Haraldsen Lingi hevði H71 got ttak á og argaði Kyndil, men í seinna hálvleiki kom munurin millum liðini til sjóndar, so Kyndil fekk koyrt ein hóast alt tryggan sigur heim Mynd: Álvur Haraldsen 17 16 Nr. 212 - 5. november 2002 Í einum spennandi dysti í Ítróttarhøllini á Hálsi vóru vágs- kvinnurnar tað lítla pettið kaldari, sum gjørdi, at tær aftur hesa ferð fingu fulla úrtøku KVINNUHONDBÓLTUR Jákup Mørk VB er framvegis oddaliðið í bestu føroysku kvinnu- deildini í hondbólti, og enn hava tær fult stigatal. So- mikið einføld er niður- støðan eftir dystin millum Kyndil og VB. Tað varð annars tosað um undan dystinum, at hetta helst kundi gerast ein av teimum heilt truplu hjá VB, og tó at hetta eisini helt stikk í so máta, so megnaðu tær enn einaferð at fáa fulla úrtøku. Tað tóktist annars longu frá byrjan greitt, at VB undir ongum umstøðum skuldi rokna við nøkrum løttum dysti. Kyndil hevði veruliga gjørt seg til, nú oddaliðið kom á vitjan. Í mun til tapið fyri Tjaldr- inum v´rou bæði Annika Ljósstein og Annika Thom- sen nú aftur tøkar – hóast hetta ikki var upprunaliga ætlanin – og so hevði liðið nú loksins fingið jugoslav- isku Sonju Smiljic til landið. Hjá VB var støðan hin- vegin tann sama, sum hon var fyri einari viku síðani. Arnleyg Hjelm er fram- vegis ikki tøk, og tað merkir so, at størri partur av byrðuni verður løgd á aðrar leikarar. Eitt nú á Mary og Eyðbritt Krosslá, sum annars als ikki høvdu ætlanir um at spæla í ár. Og tað var eisini Kyndil, sum setti dagsskránna fyrstu løtuna. Kanska var spælið eitt sindur trilvandi hjá báðum pørtum fyrstu løtuna. Liðini tóktust hava stóra virðing fyri hvørjum øðrum, og størsti denturin varð lagdur á verjuspælið, fyri síðani at dúva upp á kontra, og hesum hevði VB betri hepni við, men tá glið so kom á spælið, so var tað Kyndil, sum legði fyri. Kanska spældi liðið sínar bestu tíggju minuttir í ár miðskeiðis í fyrra hálvleiki, og fýra mál á rað togaðu tær fram um VB, áðrenn eitt time-out frá beinkinum fekk oddaliðið upp aftur á rættkjøl. Og so byrjaði VB aftur at toga. Eins og tað hevur verið gjørt í hinum dystun- um, so vóru tað serliga tær báðar, Daiva og Reda, sum spælið koyrdi uppá, men hóast hesar vóru alt- dominerandi í málskjóting- ini, so hoyrir tað eisini við til søguna, at hinar á lið- num hildu seg 100% til av- ráddu spæliætlanina. Gjøg- numbrotini vóru nógv í tali, og var tað ikki fyri eina sera væl leikandi Fríðu Petersen í málinum, so var VB leiðslan helst væl meira enn tey trý málini, sum vóru á muni í steðginum. Loynivápnið mundi riggað Í seinna hálvleiki var leingi líkt til, at nú skuldi VB koyra sigurin heim uttan stórvegis toks. Kyndil royndi nú í størrio mun at ansa eftir teimum báðum útlendsku, men tað var misjavnt, hvussu væl hetta eydnaðist. Ikki minst tí Reda men teljast millum gjøgnumbrotssterkastu leikararnar í landinum, eins og Daiva hevur eitt sera lúmskt skot. Heldur ikki tá tær eina løtu vóru tvær í yvirtali megnaði Kyndil at seta nóg nógv trýst á, og so við og við fánaði dirvið, sum annars tóktist stórt fyrstu løtuna eftir steðgin. Javnt og samt økti VB um minin, og tá hálvleikur- in var um at vera hálv- runnin, tóktist alt mest sum avgjørt, men so gjørdi Kyndils-venjarin av at nýta sítt seinasta vápn. Jugoslaviska Sonja Smiljic kundi helst ynskt sær eina betri byrjan upp á Føroya-ferð sína, enn hana hon fekk um Leirvíksfjørð sunnumorgunin, men hóast hetta, so sýndi hon mest sum alt fyri eitt, at hon helst fer at gerast góður fongur hjá Kyndli. Tríggjar ferðir á rað sendi hon bóltin í meskarnar, og so var Kyndil brádliga við aftur í dystinum. VB royndi tó at svara aft- ur, men spenningurin vardi allan dystin. Fimm minuttir fyri leiklok hevði Kyndil minkað niður í eitt mál. VB svaraði aftur, men tá Reda so fekk reyða kortið fyri at hava provokera dómaran, sá brádliga svart út, men jús tí røttu løtuni progvaði hin Daiva akkurát hvat mál- verjar eru til fyri. Fram til tá hevði hon eins og vant staðið ein góðan dyst, men tá tað so veruliga stóð á, togaði hon veruliga stór- spælið fram. Tvey brots- køst á rað vórðu brend frá Kyndli, umframt at aðrar bjargingar vórðu togaðar fram, og so gjørdi tað hóast alt einki, at VB ikki skoraði hesar tríggjar seinastu minuttirnar. Kyndil slapp ikki at teimum, og tá sein- asta bríkslið hevði ljóðað, var fagnaðurin skilligur. Enn ein trupul dystur hevði kastað fult av sær, og framvegis er VB á odda við fullum stigatali. Týðandi dygdir Og tað er sumt, sum bendir á, at VB í ár ætlar sær at roynast drúgvari á tindin- um, enn tær ofta hava gjørt áður. Stríðsviljan hava tær altíð havt, og hann er einki minkaður í so máta. At tær framvegis megna ferðmiklan kontrahondbólt – sum ofta hevur verið teirra vørumerki – fekk Kyndil so sanniliga eisini at kenna, og so tykist liðið í ár at hava funnnið júst tann týdningarmikla neyvleikan í avgerndi løtunum. Júst hesin eginleiki hevur ann- ars verið nakað, sum VB hevur saknað seinnu árini, har liðið mest sum hvørja ferð dró styttra stráðið í jøvnum uppgerðum. Nú tykist vent í so máta. VÍF, Neistin og Kyndil eru øll koppað í tøttum dystum, har seinastu løturnar hava verið avgerandi. Ein dygd, sum kann vísa seg at verða gull verd, men enn er kanska dekan ov tíðliga at staðfesta slíkt. Fyri fyrst ræður tað dystin móti StIF, har VB má vera Redu fyri uttan, men við vanliga stríðsviljanum hjá liðnum, so er hendan forðingin heldur ikki nakað, sum kann ræða. Dysturin í tølum: Kyndil-VB 25-27 (12-15): Málskjúttar: Kyndil: Ileana Manolescu 5, Heidi Maria Akselsen 5, Lotte Sørensen 5(2), Sonja Smiljic 3, Annika Thomsen 3, Marjun Tróndarson 2, Ann Hansen 2 VB: Daiva Toumaite 13(3), Reda Kurkaliskiene(1) 10, Laila Jespersen 2, Eyðbritt Krosslá 1, Eydis Kjærbo 1 Brotskøst: Kyndil 5, VB 7 Útvísingar: Kyndil 3, VB 5 Diskvalifikatión: VB 1 (beinleiðis reytt) Dómarar úr Tjaldur: Trygvi Mortensen & Kári Hansen Hondbóltsstøður 1. Deild kvinnur vunnin tapt mál- dystir v - j - t mál mál munur stig 1 VB 5 5 - 0 - 0 122 99 23 10 2 VÍF 5 3 - 0 - 2 117 104 13 6 3 Neistin 5 2 - 1 - 2 99 97 2 5 4 Kyndil 5 2 - 0 - 3 132 123 9 4 5 StÍF 4 2 - 0 - 2 101 110 -9 4 6 Stjørnan 5 1 - 1 - 3 96 105 -9 3 7 Tjaldur 5 1 - 0 - 4 102 131 -29 2 1. Deild menn vunnin tapt mál- dystir v - j - t mál mál munur stig 1 Neistin 5 4 - 0 - 1 141 122 19 8 2 VÍF 5 3 - 0 - 2 149 124 25 6 3 Kyndil 4 3 - 0 - 1 118 99 19 6 4 StÍF 4 3 - 0 - 1 120 104 16 6 5 H71 5 2 - 0 - 3 115 132 -17 4 6 KÍF 4 1 - 0 - 3 90 101 -11 2 7 Tjaldur 5 0 - 0 - 5 119 170 -51 0 Flogbóltsstøður Meistaradeild, kvinnur v t +/- d v - t sett sett sett stig 1 TB 3 2 - 1 8 4 4 4 2 Dráttur 2 2 - 0 6 3 3 4 3 Mjølnir 3 2 - 1 7 5 2 4 4 ÍF 2 1 - 1 5 5 0 2 5 KÍF 2 0 - 2 2 6 -4 0 6 Fleyr 2 0 - 2 1 6 -5 0 Meistaradeild, menn v t +/- d v - t sett sett sett stig 1 ÍF 3 3 - 0 9 0 9 6 2 Fram 2 1 - 1 4 3 1 2 3 Mjølnir 2 1 - 1 3 4 -1 2 4 SÍ 3 1 - 2 3 6 -3 2 5 Fleyr 2 0 - 2 0 6 -6 0 Kyndil-VB 23-25 (12-15): VB tók av møguleikanum Hóast Kyndil serliga í seinna hálvleiki royndi at ansa betur eftir útlendsku leikarunum hjá VB, so eydnaðist hetta ongantíð, og serliga høvdu tær grønu ilt við at halda kviku og gjøgnumbrotssterku Redu Kurkaliskiene frá málskjótingini Mynd: Álvur Haraldsen C M Y K 16