mikudagur 13. november 2002síða 4

6 Nr. 218 - 13. november 2002 Nr. 218 - 13. november 2002 7 Bíbliufelagið hevði fund mánadagin og ovast á breddanum var ætlanin um at seta eitt sjálvstøðugt føroyskt bíbliufelag á stovn. Sum er arbeiða tey undir tí danska bíbliufelagnum, sum er felags fyri alt kongaríkið BÍBLIUFELAG Solby A. Eliasen Enn er ikki nakar dagur ásettur at stovna sjálvstøð- ugt føroyskt bíbliufelag, men breið semja var á fundinum um, at størri ábyrgd skal verða løgd á føroyingar. Talan er serliga um fíggjarliga partin, at hava egnan búskap at um- sita. Her verður hugsað um innsavningarsíðuna og inn- tøkusíðuna til tess at kunna arbeiða við føroyskum bíbliutilfari, sum samsvarar við endamálið hjá bíbliufel- agnum. Bergur Debes Joensen, prestur og formaður í før- oysku bíbliunevndini (nevnd fyri Føroya stift), sigur, at orsøkin, til at eitt sjálvstøðugt føroyskt bíbliufelag nú fer at verða stovnað, er, at skulu vit gagna føroyingum mest møguligt, so er tað av al- stórum týdningi at føroy- ingar verða sum mest við. – Vit skilja sjálvi best okkara hugburð, og vit eru tey einastu, sum skilja tað føroyska málið, sigur hann. – Tað er so nógv tilfar í útlondunum, men hvat skal flytast til føroyskt mál, duga vit best sjálvi at av- gera, heldur Bergur Debes Joensen og undirstrikar samstundis, at prátið hjá bíbliunevndini um sjálv- støðuggerðing av bíbliufel- agnum ikki upp á nakran hátt hevur við tað politiska kjakið um samband ella loysing at gera. – Koma vit einaferð at hava eitt føroyskt bíbliu- felag, har allar kirkjur og samkomur eru við, verður tað sjálvandi í samstarvi við onnur bíbliufeløg úti í heimi – og helst ikki minst við tað danska, sigur hann. Bíbliufelagsarbeiði Danska bíbliufelagið, sum er felags fyri alt kongarík- ið, varð sett á stovn í 1814. Tað arbeiðir við at umseta og geva út Bíbliur. Í 1998 varð stovnað ein bíbliu- nevnd fyri Føroyar. Í henni sita Bergur Debes Joensen, formaður, Marjun Bæk, skrivari, Rasmus Patursson, Bergur Jacobsen og Dánial á Dul Jacobsen fyri Hvítu- sunnusamkomurnar. Síðani bíbliunevndin varð stovnað, hava tey ar- beitt málrættað við at fáa so nógv bíbliutilfar og annað út á føroyskum. Bergur Debes Joensen vísir á, at tað í 2000 komu fleiri nýggjar útgávur, men allar við somu umseting, henni hjá Viderø-Dahl. Tá kom á fyrsta sinni hendan Bíblia við stórari skrift, við elektroniskari út- gávu og við eini serligari barna Bíbliu og eini serlig- ari ungdóms Bíbliu. Somu- leiðis kom Bíblian á inter- netið fyrr í vár. Hon kann finnast við at fara inn á www.biblia.fo ella www.bibliufelagid.fo. Beint fyri framman ligg- ur nú ein ætlan um at fáa Nýggja Testamentið út á ljóðbandi. Og Bergur vænt- ar, at tað møguliga verður veruleiki longu í ár ella fyrst í komandi ári. Hann greiðir frá, at ein týðandi partur av arbeiðin- um hjá bíbliufelagnum, umframt at geva Bíbliur út, er at stuðla bíbliulesnaði. Millum annað verður ein bíbliulesiætlan givin út, sum komandi ár verður send samkomum og kirkj- um um landið. Bergur er ikki heilt nøgdur við lesi- ætlanina og sigur, at tað er ynskiligt at betra um hetta tilfarið. Eitt triðja, sum tey eisini arbeiða við, er innsavnan av peningi til bíbliuarbeiði í øðrum londum. Seinni í hesum mánaðinum verður ein stór landsinnsavnan, sum fer til bíbliuarbeiðið hjá teimum kristnu í Pakis- tan. Bergur Debes Joensen greiðir frá, at bíbliufelagið er limur í Sameindu Bíbliu- feløgunum, sum hevur fleiri limir enn ST. Hetta al- tjóða felagið er ein stuðuls- felagsskapur fyri bíbliu- arbeiði um allan heimin. Bíblian er í dag umsett til 2.260 ymisk mál og yvir 670 aðrar umsetingar eru í gongd. Øll bíbliufeløg eru fel- agskristilig. Tað vil siga, at ynski er, at allar kristnar kirkjur og samkomur sam- starva. Í Føroyum er tí innarligt ynski um, at Brøðrasam- koman, sum ger eitt stórt bíbliuarbeiði í Føroym verður við í bíbliufelagsar- beiðinum ein dag. – Eg síggi fyri mær, at vit ein dag hava eina felags bíbliuumseting, so Føroya fólk kann nýta sama mál í boðan og undirvísing, sigur Bergur Debes Joensen og leggur afturat, at tá so nógvar tjóðir hava megnað tað, so kunnu vit, sum eru ein lítil tjóð, sjálvsagt eis- ini. Men hann viðgongur at enda, at tað ikki fer at verða lætt, og tí sigur hann eisini, at báðir partar tá mugu geva seg. Sjálvstøðugt føroyskt bíbliufelag í umbúnað Mánadagin hevði aðalskrivarin í Danska bíbliufelagnum, Morten Aagaard fund við føroysku bíbliunevndina, bisp og próst Mynd: Jens K. Vang At gera kommunalar havnir til partafeløg - Tá ið tað er loyvt at gera almenn partafel- øg í landshøpi, kann tað tykjast løgið, um lóggávan ikki eisini eisini letur upp fyri hesum møguleika hjá kommununum, held- ur Kári P. Højgaard, løgtingsmaður HAVNAVIÐURSKIFTI Vilmund Jacobsen Løgtingsmaðurin, Kári P. Højgaard, hevur sett lands- stýrismanninum, Høgna Hoydal, ein fyrispurning um kommunal partafeløg. Kári spyr, um ein kommuna kann gera eina kommunala havn til partafelag, har kommunan eigur 100% av partapeninginum. Er svarið játtandi, spyr Kári í øðrum lagi, um henda sama kommuna kann loyva øðrum, t.d. øðrum kommunum, stovnum, fel- øgum og einstaklingum, at seta partapening í felagið. Landsmyndugleikinve lir partafeløg Í viðmerkingum sínum til fyrispurningin, vísir løg- tingsmaðurin á, at lands- myndugleikarnir hava valt partafelagsloysnir í sam- band við stórar almennar verkætlanir, sum t.d. undir- sjóvartunnilin undir Vest- mannasundi og undirsjóv- artunnilin undir Lerirvíks- firði. – Føroya Tele er umskip- að til partafelag, og lands- stýrismaðurin í vinnumál- um hevur boðað frá, at ætl- anin er, at Postverk Føroya eisini skal gerast til alment partafelag, sigur Kári P. Højgaard. Tað hevur mangan verið ført fram, sigur løgtings- maðurin, at hesin háttur er neyðugur fyri at kunna kappast á jøvnum føti við privata arbeiðsmarknaðin. – Um møguleiki er fyri at selja ella nýtekna parta- brøv, kann kommunan fáa kapital uttanífrá til víðkan og nýíløgu, og hetta kundi ført til stóra menning fyri økini, oyggjarnar og landið, heldur løgtingsmaðurin. Kunnu ikki flytast Kári stúrir fyri, at við ver- andi gongd, verður tað helst bara tann eina havnin, sum fær møguleikar fyri út- bygging í framtíðini, tí størsti parturin av inn-og útflutninginum fer fram yvir eina havn í landinum. – Eg dugi ikki at síggja nakran vanda í, at aðrir enn kommunan kunnu eiga upp til 49% av eini havn, tí havnaløgini kunnu ikki flytast kortini, men vera liggjandi sum eitt aktiv. Við atliti til eina komandi oljuvinnu, vísir løgtings- maðurin á, at eingin komm- una í landinum einsamøll verður før fyri at gera tær íløgur, sum eru neyðugar fyri, at útgerðarhavnin kann nøkta komandi tørvin. Løgtingið samtykti, 8. november, at skrivligi fyri- spurningurin hjá Kára P. Højgaard til Høgna Hoydal, landsstýrismann, skal svar- ast. – Í eini komandi oljuvinnu, verður eingin kommuna í landinum einsamøll før fyri at gera tær íløgur, sum eru neyðugar fyri, at ein útgerðarhavn kann nøkta komandi tørvin, sigur løgtingsmaðurin, Kári P. Højgaard, sum hevur spurt Høgna Hoydal, landsstýrismann, um kommunalar havnir kunnu gerast til partafeløg. Mynd: Vilmund Jacobsen Long bíðitíð eftir hjálpartólum - Er tað hugsandi, at Hjálpitólamiðstøðini verður álagt at sam- starva við privatar útbjóðarar í Føroyum, um hesir skjótari og kanska bíligari kunnu veita ta tænastu, sum brúk er fyri? Løgtingsmaðurin, Kári P. Højgaard, heldur, at tað, sum ræður um, er, at brúkarin fær eina góða tænastu og at almenni peningurin, sum verður játtaður til hjálpitól, í mest møgu- ligan mun at kemur brúkarunum til gagns HJÁLPITÓL Vilmund Jacobsen Løgtingsmaðurin, Kári P. Højgaard, hevur sett lands- stýrismanninum, Páll á Reynatúgvu, ein skrivligan fyrispurning um Hjálpitóla- miðstøðina og ta tænastu, sum stovnurin veitir brúk- arunum. Í fyrsta lagi spyr løg- tingsmaðurin, hvussu langa bíðitíð, ein brúkari skal rokna við at hava, um hann hevur tørv á einum hjálpi- tóli, t.d. eini el-song. – Er tað rætt, at bíðitín í summum førum kann vera meira enn eitt ár, spyr Kári. Í øðrum lagi vísir hann á, at á fíggjarlógini 2001-2002 var játtanin til at økja starvsfólkatalið á Hjálpi- tólamiðstøðini hækkað eina góða miljón. – Men er bíðitíðin eftir hjálpitólum stytt munandi í ár av hesi orsøk, spyr hann. Løgtingsmaðurin vísir í triðja lagi á, at á fíggjarlóg- aruppskotinum fyri 2003, upplýsir landsstýrismaður- in, at Almannaráðið fer í holt við at kanna bygnaðin á Hjálpitólamiðstøðini fyri at staðfesta, um broytingar kunnu gerast, soleiðis at viðskiftafólk fáa eina betri tænastu. – Kann út frá hesum stað- festast, at verandi tænasta ikki er nøktandi og kann hugsast, at ein slík broyting eisini kann fevna um ein- skiljing av virkseminum? Í fjórða lagi vil løgtings- maðurin hava at vita, um tað kann hugsast, at stovn- inum verður álagt at sam- starva við privatar útbjóðar- ar í Føroyum, um hesir skjótari ella betur og kanska eisini bíligari kunnu veita ta tænastu, sum brúk er fyri? Skjótari avgreiðsla Í viðmerkingunum til fyri- spurningin, vísir Kári P. Højgaard á, at Hjálpitóla- miðstøðin er ein stovnur, sum veitir persónlig hjálp- artól til einstaklingar - alt frá avlamisbili, koyristóli, ymiskum sløgum av smærri hjálpartólum til bústaðar- broytingar. Hann vísir eisini á, at tað finst ein privatfyritøka í Føroyum, ið kann veita somu tænastur sum Hjálpi- tólamiðstøðin; tað er fyri- tøkan, Ergo og Hjálpartól. – Brúkarar hava ført fram, at privati útbjóðarin kann veita eina nógv skjótari avgreiðslu enn tann almenni útbjóðarin, og at hesin somuleiðis kann veita tæn- astu og upplæring í nýtsluni av hesum amboðum. Løgtingsmaðurin heldur, at tað, sum ræður um, er, at brúkarin fær eina góða tænastu, og at almenni pen- ingurin, sum verður játtað- ur til økið, verður nýttur skynsamiliga, so mest møguligt fæst fyri hann. – Peningurin eigur í mest møguligan mun at koma brúkarunum til gagns, sigur Kári P. Højgaard. Løgtingið samtykti, 8. november, at landsstýris- maðurin, Páll á Reyna- túgvu, skal svara fyrispurn- inginum hjá Kára P. Høj- gaard, løgtingsmanni. - Er tað rætt, at bíðitíðin eftir hjálpitólum í summum førum kann vera meira enn eitt ár, spyr løgtingsmaðurin, Kári P. Højgaard, landsstýrismannin, Páll á Reynatúgvu. C M Y K 7 6