týsdagur 19. november 2002síða 3

ELDSBRUNI Ingrid Bjarnastein Fríggjadagin kom eldur í eini hús á Giljanesi. Politiið í Miðvági metir, at elds- brunin er komin av einum skammlopi í sjónvarpinum, sum stóð á standby. Væl gekk at sløkkja, men húsini eru farin rættiliga illa innan. Ein maður lá og svav í húsunum, tá eldur kom í, men tveir ungir dreingir fingu brotið hurðina inn og hjálpt manninum út. Høvdu teir ikki gjørt hetta, hevði maðurin helst verið deyður, sigur vakthavandi á politi- støðini í Miðvági. Í døgunum 11. til 14. november var stóra World Travel Mart stevnan í London. Her luttók eisini føroyska ferðavinnan FERÐAVINNA Ingrid Bjarnastein Føroyska ferðavinnan hev- ur í seinastu viku verið á World Travel Mart í Lon- don. Umboð frá Atlantic Air- ways, Smyril Line og Ferðaráð Føroya vóru við á stevnuni. – Áhugin kring Føroyar vísir seg at vera ógvuliga stórur, sigur Kent L. Chris- tensen, sølu- og marknað- arleiðari á Atlantic Air- ways. – Føroyar verða lýstar sum eitt trygt stað at fara, har fólkið fær høvið at hitta náttúruna í einum friðarlig- um umhvørvi. Og serliga nú, at tað vísir seg at vera ógvuliga ófriðarligt kring heimin, vísir tað seg, at áhugin er vaksandi fyri Føroyum. World Travel Mart í Lon- don er ein av høvuðsmess- unum, sum ferðavinnan í Føroyum luttekur á. – Øll ferðavinnan í hes- um partinum av heiminum hittist á World Travel Mart, og øll tey tingini, sum verða tosað um í telefon, verða ordnað, tá vit so hitt- ast í London, greiðir Kent Christensen frá. Messan vardi í fýra dag- ar. Tveir teir fyrstu vóru fakdagar, men tveir teir seinastu vóru ætlaðir áskoðarum. – Fyrri áskoðaradagurin gekk væl og nógv fólk vóru og vitjaðu. Men av tí, at brandmenninir í London fóru í verkfall tann seinna dagin vóru ikki so nógv fólk tá. Messan var á einum staði, sum eitur Xcel, eitt sindur uttanfyri býin í ein- um parti, sum eitur Dock- land, og tað tekur eitt sindur av tíð at koma hartil frá miðbýnum í London. Og av tí, at brandmenninir fóru í verkfall, vóru tað fleiri, sum settust aftur, halda vit, sigur Kent Christensen at enda. Eldur í á Giljanesi Eldur kom fríggjadagin í hesi húsini í Miðvági. Ein maður var í húsunum, men við hjálp av tveimum ungum dreingjum slapp hann út í øllum góðum Mynd: Edvard Joensen Føroyska ferðavinnan á World Travel Mart Føroyska ferðavinnan við umboðum frá Atlantic Airways, Smyril Line og Ferðaráði Føroya, var í seinastu viku á World Travel Mart í London LØGREGLUTÍÐINDI Ingrid Bjarnastein Brimil kom fríggja- kvøldið fram á ein hetlendskan trolara, sum var komin inn á føroysk- an sjógv uttan at boða frá. Trolarin fekk eitt sekt- aruppskot áljóðandi 100.000 krónur, og hann tók við tí. Í hesum førin- um varð onki av útgerð- ini konfiskerað. Gloymdi at boða frá Seinastu tíðina hava fleiri innbrot verið í Havnini. Politiið heitir tí á fólk um at minnast til at læsa hurð- arnar áðrenn tey fara frá húsum LØGREGLUTÍÐINDI Ingrid Bjarnastein Seinastu vikurnara hava fleiri innbrot verið í Havnini í økinum Vill- i n g a r d a g s veg u r i n - Sundsvegurin og síðu- gøturnar har. Talan er um innbrot, har brennivín og annað er tikið. – Vit halda, at tað eru ung fólk, sum standa aftanfyri innbrotini, tí í flestu førum er tað rús- drekka, sum verður tik- ið. Øl og onkuntíð er onkur whiskeyfløska horvin, sigur Palli Aug- ustinussen á kriminal- deildini. Palli Augustinussen sigur, at tjóvaríini henda sum oftast har, sum hurðar hava staðið ólæstar, og heitir tí á fólk um at læsa hurðarn- ar áðrenn tey fara frá húsum. – Flestu innbrotini eru hend millum klokkan eitt og fýra um dagin. Fólk skulu tí læsa hús- ini, tá tey fara til arbeið- is og annað, tí tað er so skjótt at leypa inn og taka okkurt. Eisini í dur- um, har jakkar og tílíkt hanga, eru ofta fartele- fonir og visakort í lummunum, og tað er skjótt at fara avstað við. Eisini heitir politiið fólk á, um at lata vera við at goyma lykilin til húsini á einum alt ov sjónligum staðið og ikki ov nær hurðina. Nógv innbrot 4 Nr. 222 - 19. november 2002 Nr. 222 - 19. november 2002 5 Hann fer nú at kalla alskyns feløg og stovnar saman til fundar at tosa um misnýtslu í víðastu merking MISNÝTSLA Áki Bertholdsen Bill Justinussen, Lands- stýrismaður í heilsumálum, ætlar sær nú rættiliga í hernað ímóti misnýtslu. Og tað er misnýtslu í víð- astu merking, hann hugsar um. Tí fer hann nú at taka stig til ein fund ímillum øll møgulig feløg og stovnar um fyribyrging. – Endamálið við tí fund- inum er at vita um tað ikki ber til at samskipa fyribyrg- ingararbeiði betur enn tað nú er. Hann hugsar bæði um fyribyrging ímóti rús- drekka, rúsevnum, royking, kynsligari misnýtslu og doping. Men hann hugsar eisini um fyribyrging ímóti øllum øðrum, sum er við til at bróta heilsuna niður, eitt nú hugsar hann um at at gera ein roynd at fáa fólk at hugsa meiri um, hvat tey eta. Hann hugsar millum ann- að, um at boðsenda Blá- kross, ÍSF, Kris, Menta- málaráðið, fjølmiðlar, løg- regluna, ungdómsfeløg, skótar, Føroya Ungdóms- ráð og annars øll feløg og allar stovnar, sum hugsast kunnu og sum hava fyri- byrging á dagsskránni. – Tað eru nógvir stovnar og nógv feløg, sum gera eitt fyribyrgjandi arbeiðið av øllum møguligum slagi og endamálið við fundinum er at taka allar stovnar og feløg í samfelagnum, sum fáast við fyribyrgjandi ar- beiði fyri at vita, um tað ikki ber til at samansjóða arbeiðið. Hann hugsar m.a. um at Blákross hevur eina ógvu- liga góða verkætlan um at fyribyrgja misnýtslu av rús- drekka. Samstundis hevur eisini Ítróttarsamband Føroya eis- ini sínar hugsanir um fyri- byrging ímóti rúsdrekka. – Men tað kundi verið eitt hugskot, um ÍSF eisini brúkti verkætlanina hjá Blákrossi. Hinvegin hevur Ítróttar- sambandið gjørt eitt ávíst arbeiðið fyri at fyribyrgja at børn verða misnýtt kyns- liga og fyribyrging ímóti doping. – Men hetta arbeiðið hjá ÍSF kundi eisini komið til nyttu aðrastaðni, eitt nú á dagstovnum og aðrastaðni. Bill Justinussen sigur, at tær royndir og tað tilfar, ein felagsskapur ella ein stovn- ur, brúkar, kann eisini koma øðrum til góðar. – Soleiðis kundu vit sloppið undan, at sama ar- beiðið verður gjørt fleiri ferðir, tí tað er tað ongin or- søk til. – Eitt nú gera eisini skúl- arnir eitt ávís fyribyrgjandi arbeiðið við at vísa á vand- arnar við at roykja og drekka. Í tí sambandið er eitt savn av undirvísingar- tilfari á Landsmiðstøðini fyri Undirvísingaramboð. – Tað kundi verið eitt hugskot at latið tilfarið, sum Blákross, ÍSF og aðrir felagsskapir hava gjørt, eisini verið á Landsmið- støðini og blivð ein partur av undirvísingartilfarinum so at tað eisini kom skúlun- um til góðar. – Í løtuni sita stovnar og feløg í hvør sínum lagi og gera sama arbeiði í nógvum førum og eg haldi, at tað hevði verið ein stórur fyri- munur at sloppið undan tí. – Tað eru so nógvar ítøki- ligar ætlanir á nógvum økj- um og skulu allar hesar ætl- anir á fíggjarlógina umveg- is Mentamálaráðið ella Trivnaðarráðið, er vandi fyri at vit koma at játta pen- ing til fleiri verkætlanir at sama slagið og tað er ikki skilagott. – Verður arbeiðið hinveg- in samskipað, kunnu vit sleppa undan at játtað pen- ing fleiri ferðir til sama endamál. Landsstýrismaðurin sig- ur, at samstundis hava vit Fyribyrgingarráðið, sum kann seta undirbólkar at taka sær av ymsum økjum. Bilarnir sum koma til Vágs norðan av oyggj, koyra ov skjótt og tí fer kommunan at taka stig til at fáa ferðina niður FERÐSLUTRYGD Áki Bertholdsen Vágs Kommuna fer nú undir eina roynd at fáa bil- arnar at koyra spakiligari, sum koma inn í bygdina eftir landsvegnum koyra norðan av oyggj. Dánjal Bjarkhamar, for- maður í teknisku nevnd hjá Býráðnum, sigur, at Býráð- ið fær ofta at vita frá fólki, sum búgva framvið vegn- um, at bilarnir, sum koma inn í bygdina eftir lands- vegnum, koyra mangan ov skjótt. Tí hava tey ampa av at lata børnini verða úti, og tey hava heitt á kommun- una um at seta ferðsluforð- ing upp, fyri at fáa bilarnar at koyra hampiligari. Men kommunan kann ikki uttan víðari seta ferðsluforðingar upp á ein- um landsvegi og sostatt tarna flutningi á vegnum. Hinvegin hevur býráðið samtykt at spyrja Lands- verkfrøðingin um tað ikki ber til at seta ferðgáar upp á hesum vegastrekki. Ein ferðgái er elektron- iskt tól, sum mátar ferðina á bilinum og vísir ferðina á einum stórum ljósskelti, sum stendur við vegin og ger sostatt bilførarar varug- ar við, hvusssu skjótt teir koyra. Hesir ferðgáar eru roynd- ir aðrastaðni við sera góð- um úrslitið, tí tað er heilt týðiligt, at tað hevur tálm- andi ávirkan á bilførarar, at teir síggja á stórum skelti, hvussu skjótt teir koyra. Býráðið ætlar ikki at keypa ferðgáa, men ætlar at fáa avtalu í lag við lands- verkfrøðingin um at læna ein ella tveir ferðgáar at seta upp við bygdarmarkið og at royna skipanina, áðrenn støða verður tikin til keyp. Vágs Býráð mælir til, at Pakkhúsið fær loyvi at skeinkja øl og vín SKEINKILOYVI Áki Bertholdsen Nú eru útslit til, at suð- uroyingar fáa eitt stað afturat, har tað ber til at keypa øl og vín. Mentanarhúsið, Stóra Pakkhús, í Vági, hevur søkt um at fáa matstovu og skeinkiloyvi til øl og vín. Í Stóra Pakkhúsi verð- ur skipað fyri alskyns tiltøkum, fundum, fyri- lestrum, filmi o.s.fr. og nú er so eisini ætlanin at fáa matstovu og skeinki- loyvi til teir dagarnir, húsið er opið. Loyvisnevndin hevur nú sent Vágs Kommunu umsóknina til ummælis og Býráðið hevur nú samtykt at viðmæla, at Stóra Pakkhús fær skeinkiloyvi. Bill Justinussen í hernað ímóti misnýtslu Seta elektroniskan ferðgáa upp í Vági Stóra Pakkhús í Vági vil hava skeinkiloyvi C M Y K 5 4