týsdagur 19. november 2002síða 10

Nr. 222 - 19. november 2002 19 Føroyameistararnir úr VÍF funnu í løtum gullspælið frá í fjør aftur, tá tær vitjaðu Neistan sunnudagin, og so er lítið at gera hjá mótstøðuni KVINNUHONDBÓLTUR Jákup Mørk Árið í ár hevur vignast heilt misjavnt hjá føroyameist- arunum í kvinnuhondbólti. Liðið, sum bert tapti ein dyst – tann seinasta í fjør – í tvey ár, hevur haft sera trupult við at fáa spælið at hanga saman. Partvíst hevur orsøkin kanska kanska verið, at Ioana Rápa ikki fær verið við, nú hon er við barn, men neyvan hevur hetta so verið einasta frá- greiðingin, soleiðis sum tað hevur verið ført fram. Hin- vegin er als ikki óhugsandi, at ein stórur partur av frá- greiðingini eisini er, at leikararnir onkursvegna eru mettar. Soleiðis at skilja, at tær ótilvitað eru farnar at halda, at neyðugu sigrarnir nokk skulu fara at koma, og at tær tískil eru ov lítið upp- settar, tá dystirnir eru. Eldur í Hetta hevur eisini viðført, at viðmerkingar frá bæði áskoðarum og fjølmiðlum hava verið eitt sindur øðr- vísi, enn tær annars hava verið seinnu árini, og spakuliga hevur hetta kanska fest í fjúsið hjá lið- num. Og móti Neistanum sýndi liðið endiliga aftur, at tað á ongan hátt er av tilvild, at liðið hevur verið somikið einaráðandi seinnu árini. Yvirhøvur var talan um ein sannførandi sigur, men serliga fyrsta lítla korterið var at kalla bert eitt lið á vøllinum. Ferðin á spælinum varð sett langt omanfyri tí, sum Neistin megnaði, verjan stóð sum ein sannur múrur og vardi fyri, og tá kontra’ini so vórðu send avstað, var lítið og annað hjá teimum bláu at gera, enn at hyggja at, hvussu lætt og einfalt hondbóltur í veruleikanum kann spælast. Nakað annað er so tað, at Neistin als ikki spældi upp til sítt besta. Kanska var veruleikin eisini tann, at tær ikki vóru betri, enn VÍF gav teimum loyvi til at vera, men tað tóktist eisini so, at tær bláu ongan tíð veruliga trúðu upp á møguleikan fyri einum sigri. Nakað sum annars altíð hevur verið eyðkennið hjá liðnum. Skothóttanin úti frá var eina mest av- markað til Simonu Dziu- gyte, og at Súna Mørk kom at kalla beint av flog-vøll- inum í Høllina undirstrikar eisini akutta tørvin á bak- spælarum. Tað skuldi ganga út við eitt korter, áðrenn Neistin fyrstu ferð hevði bóltin í netinum hjá VÍF, og tó at VÍF ikki skeyt so ræðandi nógv mál, so var tað mest sum longu staðfest tá, at stigini fóru til Vestmanna. Verjan alt at siga Einki er at ivast í, at Neista- venjarin, Sophus Dal- Christiansen, hevði tosað við stórum bókstavum í steðginum. Longu tá sein- asta bríkslið ljóðaði var hann inni á hálvum vøllin- um við beinari kós móti skiftingarrúminum, og fyrstu løtuna eftir steðgin tóktist hetta eisini at hjálpa. Neistin skoraði fleiri mál á rað, og tær fingu eisini strítt seg upp á javnt, men so var eisini útselt. VÍF setti ferð á aftur, og við fimm málum á rað undirstrikaðu tær, at her var einki hjá Neistanum at koma eftir. Og verður hetta lagið hjá teimum gulu framyvir, so er ikki óhugsandi, at tað heldur ikki verður so nógv hjá øðrum at koma eftir. Sjálvandi skerjir tað fram- vegis liðið, at Ioana ikki er við. Serliga í álopspartinum verða stórar byrðar lagdar á Sóley, sum nú er skot- sterkasti bakspælarin. Men eisini í teimum báðum gull- árunum var sterkasti parturin av liðnum kanska verjuparturin, og hesin riggaði til fulnar sunnu- dagin. At Neistin ikki hevur nakran lám at tveita út á høgra vong, gjørdi ikki uppgávuna torførari, men yvirhøvur tóktist verjan taka sær av tí, sum roynt varð, og tá skot so komu var Manuela mest sum altíð á staðnum, og við neyvu útkøstum sínum er hon samstundis ein hin týdning- armesta álopsstøðin á lið- num. Enn hava avrikini hjá VÍF tó verið ov misjøvn til at siga, at nú eru meistartarnir við aftur, men verður hetta lagið, so fara tær skjótt at toga seg nærri at VB. Komandi mikudag skulu tær á heimavølli taka ímóti StÍF, og tá fæst kanska ein ábending um, hvørt leik- ararnir aftur eru klárar til stóru tøkini, ella um sigurin sunnudagin bert var eitt einstakt dømi um, at tær framvegis kunnu – tá tær tíma. Dysturin í tølum Neistin-VÍF 13-21 (5-9) Málskjúttar: Neistin: Simona Dziugyte 5(2), Lív Sørensen 2, Rakul Agustinussen 2(2), Anna Clementsen 1, Mildrið Jacobsen 1, Kára á Dunga 1, Ata Høgnadóttir 1 VÍF: Sóley Mikkelsen 5(2), Jacklin Durhuus 4, Hertha Simonsen 3, Fríða Marjun- ardóttir 3(1), Alis Høg- hamar 2, Nikolina Eyð- bjørnsdóttir 2, Sára Jógv- ansdóttir 1, Nicoleta Radu 1 Brotskøst: Neistin 6, VÍF 4 Útvísingar: Neistin 1, VÍF 1 Dómarar úr Kyndli: Hannis Wardum & Eyðun Samuel- sen. Høvdu alla tíðina fult tamarhald á. Neistin-VÍF 13-21 (5-9): Meistararnir sóust aftur VÍF framdi sítt higartil besta avrik á árinum, tá tær vitjaðu Neistan sunnudagin. Yvirhøvur var talan um eitt gott avrik, men serliga í verjupartinum sýndu tær gulu, at nú er meistaraspælið um at vera funnið framaftur Mynd: Álvur Haraldsen 19 18 Nr. 222 - 19. november 2002 TB einsamalt á odda Sum væntað fekk TB fult í báðum dysti- num móti KÍF, og eru tær nú á odda í meist- aradeildini hjá kvinn- um KVINNUFLOGBÓLTUR Jákup Mørk Fýra dystir vórðu leiktir í bestu kvinnudeildini um vikuskifitð, og ikki kann sigast, at úrslitið í nøkrum teirra var av tí óvæntaða slagnum. TB átti av røttum at verið í Havn til dyst móti KÍF fyri tveimum vikum síðani, men ta ferðina viðraði ikki. Ístaðin varð tann dysturin ásettur at verða leiktur sunnudagin. Leygardagin var KÍF eisini á Tvøroyri, so liðini bæði sluppu rætti- liga at læra hvørt annað at kenna, men hetta broytti tó ikki nevnivert við úrslitini. Meistararnir úr TB vóru nevnliga alt ov sterkar hjá uppflytarunum úr Kolla- firði. Tó at TB í báðum før- um tók sær hálvgum av løttum í pørtum av dysti- num, so vóru tær úr KÍF ongan tíð nær námind ein- um setti og tíans heldur nøkrum stigi. Mjølnir fekk ein hvøkk Tey bæði liðini, sum stríð- ast við TB um oddasessin eru fyrst og fremst Mjølnir og ÍF, og tey bæði vóru eis- ini í dysti um vikuskiftið. Mjølnir hevði tað á papp- írinum truplaru uppgávuna, tá tær vitjaðu á Giljanesi, har Dráttur hevur fingið fleiri góð úrslit seinastu dystirnar. Fyrsta settið beit heimaliðið eisini frá sær, men eftir at hava rist hend- an skelkin av sær, komu klaksíkvíkingarnir alt meira við. Næsta settið varð vunnið við maner, og eftir hetta var kósin fyri tað mesta einvegis, soleiðis at talan hóast alt gjørdist um ein hampuliga tryggan sig- ur. Leygardagin vitjaði Fleyr í Fuglafirði, og tó at gestir- nir ikki fingu nakað við sær, so góvu tær ÍF ein lítl- an hvøkk. Eftir at alt gekst sum ætlað í fyrsta settinum, kom ÍF undir hart trýst í øðrum setti. Tær megnaðu tó at knólgva Fleyr 26-24, og eftir hetta fór luftin úr gestunum, sum rætt og slætt vórðu avbukaðar sein- asta settið. Komandi vikuskifti verð- ur sannur toppdystur, tá oddaliðini fara undir seinna umfar av innanhýsis dyst- unum. Fyrstur av hesum verður í Trongisvági, tá Mjølnir vitjar TB, og einki er at ivast í, at hetta fer at geva eina ábending um, hvussu oddaliðini eru fyri, nú grndspælið er farið at nærkast endanum. ÍF lat ikki nakran iva vera um, hvat var toppur og botnur, tá Fleyr vitjaði MANSFLOGBÓLTUR Jákup Mørk Bert ein dystur varð leiktur í meistaradeildini hjá monnum um vikuskiftið. Hesin varð á Kambsdali leygardagin, tá Fleyr kom á vitjan. Undan dystinum hevði ÍF ikki tapt eitt tað einasta sett, meðan Fleyr hinvegin ikki hevði vunnið nakað, og hesa sannroynd varð ongan tíð nortið við leygar- dagin. Fyrsta settið sprellað Fleyr kanska eitt lítið sind- ur, men tá ÍF so fekk rætta lagið á spælið, gekk tað skjótt fyri seg, og sigurin varð tryggjaður í trimum ruddiligum settum. ÍF hevur nú leikt eina ferð móti øllum liðunum í deildini, og enn hevur so eingin megnað at skalað teimum. Harðastu mótstøð- una higartil fáa teir kanska komandi vikuskifti, tá teir skulu til Sørvágs. SÍ var skert, tá teir taptu 3-0 á Kambsdali, men hóast teir nú aftur eru fullmannaðir, so má ÍF metast sum favo- rittur til tann dystin, men hinveign kann SÍ á einum góðum degi skal oddaliðið. Flogbóltsstøður Meistaradeild, kvinnur v t +/- d v - t sett sett sett stig 1 TB 6 5 - 1 17 5 12 10 2 ÍF 6 5 - 1 17 8 9 10 3 Mjølnir 5 4 - 1 13 6 7 8 4 Dráttur 5 2 - 3 9 12 -3 4 5 Fleyr 6 1 - 5 4 15 -11 2 6 KÍF 6 0 - 6 4 18 -14 0 Meistaradeild, menn v t +/- d v - t sett sett sett stig 1 ÍF 5 5 - 0 15 0 15 10 2 Mjølnir 3 2 - 1 6 4 2 4 3 Fram 4 2 - 2 7 6 1 4 4 SÍ 3 1 - 2 3 6 -3 2 5 Fleyr 5 0 - 5 0 15 -15 0 Úrslit um vikuskiftið Meistaradeild kvinnur ÍF-Fleyr 3-0 (25-14, 26-24, 25-6) TB-KÍF 3-0 (25-5, 25-11, 25-15) Dráttur-Mjølnir 1-3 (25-18, 10-25, 12-25, 20-25) KÍF-TB 0-3 (4-25, 14-25, 13-25) Meistaradeild menn ÍF-Fleyr 3-0 (25-20, 25-14, 25-14) Full ferð á Fuglafirði Fleyr vísti tenn eina lítla løtu í Fuglafirði, men eftir at ÍF kortini tók sær av næsta settinum, var ikki meira eftir hjá gestunum, ið sum vænta máttu fara tómhentar aftur til Havnar C M Y K 18