fríggjadagur 6. desember 2002síða 4

6 Nr. 235 - 6. desember 2002 Nr. 235 - 6. desember 2002 7 Betri góðsku og færri feilir Altjóða ISO9001 góð- kenningin skal tryggja eina betri góðsku, og í framtíð- ini verður eisini mun- andi lættari at finna møguligar feilir, tí við skipanini ber til at skjalprógva gongdina hjá mjólkini, frá bónda til handilshyll, sigur Oyvind Hentze, virkisleiðari á Mjólk- arvirkinum hjá MBM í Hoyvík GÓÐKENNING Jón Brian Hvidtfeldt Mjólkarvirkið hjá MBM hevur nú fingið altjóða góðkenning eftir ISO9001:2000 standardi- num. Góðkenningin merk- ir, at fyritøkan nú kann skjalprógva, at hon fylgir altjóða standardum innan góðsku. Oyvind Hentze, virkis- leiðari á Mjólkarvirkinum, sigur, at á virkinum hevur verið arbeitt við innaneftir- liti í nógv ár, men at stórsta broytingin nú er, at allar mannagongdir, og alt arb- eiði er felt niður á pappír. Endamálið er at virkið til eina og hvørja tíð skal kunna skjalprógva góðsk- una á mjólkini, frá tí at hon kemur frá bóndanum, með- an hon fer gjøgnum virkið, og til hon endar úti hjá keypmanninum. Eisini verða royndir goymdar av mjólkini, hvønn fram- leiðsludag. Fyri móttakaran, tvs. handilsmannin og í síðsta enda keyparan, merkir broytingin, at er mjólkin ikki í lagi, so ber til hjá Mjólkarvirkinum at fylgja mjólkini allan vegin aftur til bóndan, fyri á tann hátt at finna feilin. Men samtíð- is gevur hetta so eisini virkinum møguleika fyri at mótprógva klagur, vísir tað seg, at mjólkin var í lagi, tá hon varð latin handils- manninum. ISO9001:2000 góðkenn- ingin hjá Mjólkarvirkinum fevnir um alla móttøku av mjólk frá bøndunum, allar framleiðslu og sølu av mjólk og mjólkarúrdrátt- um, umframt søluna av leskidrykkinum Pop-Top. Umfatandi arbeiði Nógv arbeiði, ikki minst pappírsarbeiði, liggur aftan fyri eina ISO-góðkenning. Oyvind Hentze sigur, at á Mjólkarvirkinum hevur eitt fólk tikið sær av fyrireik- ingunum at kalla burturav í umleið eitt ár. Eisini fer ISO-góðkenn- ingin at elva til nakað av eykaarbeiði hjá starvsfólki- num á Mjólkarvirkinum, millum annað verða tað nøkur fleiri skjøl at útfylla. Men virkisleiðarin sigur, at starvsfólkini hava tikið væl ímóti ætlanini hjá leiðsluni at náa altjóða góðkenning- ini, og eru til reiðar at liva upp til góðkenningina. Tí ISO-góðkenningin krevur, at virkið skal gerast betri og betri alla tíðina. - Sjálvt um vit nú hava fingið hesa góðkenning, so kunnu vit ikki seta okkum afturá. Tvær ferðir um árið kemur eftirlitið at kanna, um vit framvegis liva upp til góðkenningina, og innan trý ár skal øll góðskuskip- anin góðkennast av nýggj- um, vísir Oyvind Hentze á, og leggur afturat: - Eitt krav er eisini, at virkið alla tíðina skal gera skipanina betri, millum annað so feilirnir gerast færri, og góðskan saman- umtikið betri. Endamálið er at nøkta krøvini frá kundum og myndugleikum á føroyska marknaðinum, og í øðrum lagi at menna innanhýsis skipanir, sum tryggja, at MBM kann skjalprógva, at krøvini, fyritøkan setur sær sjálvari, verða yvirhildin. Skipanin leggur upp til, at øll liðini í framleiðsluni eru kundar hjá hvørjum øðrum, t.d. er goymslan kundi hjá framleiðarunum, tvs. bøndunum, og so fram- vegis. Á henda hátt kunnu framleiðsluliðirnir hava eftirlit við hvørjum øðrum. Eisini krevur ISO9001 góðkenningin, at Mjólkar- virkið tvær ferðir um árið skal spyrja keypararnar um teirra meting av góðskuni á mjólkini, mjólkaúrdráttun- um og Pop-Top. Fer at geva úrslit Oyvind Hentze, virkisleið- ari á Mjólkarvirkinum, væntar, at altjóða ISO9001:2000 góðkenn- ingin fer at síggjast aftur. - Eg vænti, at góðskan gerst betri, og feilirnir færri. Og hetta tilsamans skuldi givið nøgdari við- skiftafólk, sigur Oyvid Hentze. ISO-góðkenningin kann harumframt nýtast í marknaðarføringini av virkinum. Eirikur Thorvaldsson, stjóri á MBM, fær her ISO9001:2000 góðkenningina handaða. Góðkenningin fevnir um alla móttøku av mjólk, framleiðslu og sølu av mjólk og mjólkarúrdráttum umframt Pop-Top. Aftan fyri stjóran stendur Oyvind Hentze, virkisleiðari á Mjólkarvirkinum. Mynd: Jens Kr. Vang C M Y K 7 6 -Vit hava við hesi ráð- stevnuni fingið eina meira realistiska støðu til alt oljumálið og eru komin burtur frá tí at ganga og bíða eftir at vinna tann stóra Jackpot vinn- ingin - yvir til at siga, at nú er tað hart ar- beiði, sum skal gerast fyri at skilja tað heila betri - og har krevst tol og áhaldni sigur formaðurin í Olju- vinnufelagnum eftir oljuráðstevnuna í Havn mikudagin OLJURÁÐSTEVNA Jan Müller Hóast tað er eitt ár síðani seinastu boring á land- grunninum, og hóast tað gongur eitt hálvt ár til tað næstu boringina, so var oljuráðstevnan í Norður- landahúsinum merkt av bjartskygni men eisini realismu. Ein av teimum, sum hevur fylgt oljutil- gongdini øll árini er stjórin í Atlantsflog og formaðurin í Oljuvinnufelagnum, Magni Arge. Sum orð- stýrari á ráðstevnuni hevði hann eisini møguleika at fylgja serliga væl við fram- løgunum hjá teimum fimm operatørfeløgunum, sum eru á Føroyaøkinum. Hvat sigur so formaðurin í Oljuvinnufelagnum eftir hesa ráðstevnu: - Fyrstu vónirnar til eina oljuvinnu og til ein "Jack- pot" vóru sera stórar í byrj- anini, bæði frá oljufólkun- um og okkum sjálvum. Og tí vóru tær báðar fyrstu boringarnar eitt vónbrot fyri mong. Tá Hess so rakti við olju bøtti tað nakað um. Men kenslan hevur tó verið, at tingini hava meira og minni ligið still í eina tíð, og tóktist eisini hugurin at vera væl minni fyri økinum enn hann var frá byrjan. Tíðin hevur verið merkt av mótloysi. Men tað, sum varð lagt fram á Oljuráðstevnuni av øllum feløgunum, vísti hinvegin, at feløgini meta Føroyaøkið sum áhugavert, og at tað verður arbeitt miðvíst við økinum. Tað kom eisini fram, at man í dag er komin til eina meira realistiska støðu, tí nú verður arbeitt út frá nøkrum kendum for- treytum, sum tú ikki hevði frammanundan. Tá tú fyrr hevur bygt uppá ódoku- menteraðar vónir, so hevur tú í dag eina rættiliga stóra dokumentatión út frá bor- ingum og tí nógva seis- mikkinum og ikki minst út frá tí so grundleggjandi fortreytini: at staðfest er ein virkin oljuskipan í økinum. Magne Arge heldur, at framløgurnar frá oljufeløg- unum góvu eina positiva mynd, og aftrat tí fekst tú greitt at vita, at vit mugu hava tol, tí hetta er nakað, sum krevur drúgva viðgerð, tað krevur áhaldandi ar- beiði og síðani kontinuitet í arbeiðinum. Tað er ómeta- liga týdningarmikið fyri at halda momentum í menn- ingini av føroyska oljuøkin- um, at tað verður arbeitt við tí framhaldandi. Magni Arge heldur vit kunnu siga, at tað eru hend stór framstig í tí at skilja tað føroyska økið, at tað verður arbeitt alla tíðina við hesum og at vitanin harvið mennist sohvørt. Formaðurin í Oljuvinnu- felagnum, sum hevur verið við í oljutilgongdini bein- leiðis og óbeinleiðis øll tey mongu seinastu árini, hevði eisini varhugan av, at olju- feløgini veruliga eru til- reiðar at gera íløgur í ar- beiðið á landgrunninum - at tey veruliga vilja "comitta" seg til hetta arbeiði. -Tað var sera áhugavert at hoyra umboð fyri eitt nú Agip, sum skal bora næsta ár. Teirra verktætlan er sera spennandi. Tað er eggjandi at vita sær, at tá teir nú fara eftir einum máli - prospekti - byggir tað eisini á tað, sum er komið burtur úr hjá hinum feløgunum - og at teir hava góðar vónir. Hann heldur tað eisini var sera áhugavert at hoyra umboðini fyri Statoil, BP og Hess. Eisini har fingu vit greiðar ábendingar um, at feløgini arbeiða miðvíst og við eini ætlan at fara undir boringar í 2004. Betri mót - Hetta gevur mær betri mót enn eg kanska hevði undan ráðstevnuni. Vit fingu eina heilt greiða kenslu av, at tað verður arbeitt seriøst og miðvíst við Føroyaøkinum, og at tað verða gjørd stór framstig við at skilja um- ráðið. Vit hava við hesum fing- ið eina meira realistiska støðu til alt hetta málið og eru komin burtur frá tí at ganga og bíða eftir at vinna tann stóra Jackpot vinning- in yvir til at siga, at nú er tað hart arbeiði, sum skal gerast fyri at skilja tað heila betri og har tað krevst tol og áhaldni. Magni Arge sigur, at hann eftir fundirnar í gjár á ongan hátt hevur eina fatan av, at nakað av oljufeløgun- um vil royna at sleppa burtur úr økinum og heldur brúka pengarnar onkra aðrastaðni. - Man fekk eina fatan av, at summi feløg vóru kanska komin longur at endurskoða sín máta at arbeiða við tí føroyska økinum enn onnur vóru. Men tað var týðuligt, at tey hava fótað sær aftur og byggja nú í ávísan mun uppá eitt nýtt grundarlag, og har tann reyði tráðurin er, at tað fer at taka tíð. Magni Arge heldur eis- ini, at framløgan hjá Anadarko var sera áhuga- verda. - Teir hava alla tíðina arbeitt út frá tí, at føroya- økið er eitt torført øki at arbeiða við, og hava teir lagt á tann tyngra partin, sum er at hyggja niður gjøgnum basaltið, og har teir leita eftir møguligum stórum fundum undir basaltinum. Men hóast teir viðganga, at tað er meira kompliserað enn kanska mett frammanundan, so hava teir ikki mist mótið. Tvørturímóti tykjast teir vilja brúka nógva orku uppá at halda fram við sínum so týðandi kanning- um. - Hvat er so tann mest týðandi meldingin til føroyska almenningin frá slíkari ráðstevnu? - Tað er tann, at her er eingin skjótur gevinstur at fáa, men vit vita, at vit hava eina virkna oljuskipan, vit hava fingið eitt nógv betri forstáilsi fyri, hvussu tingini síggja út, og við toli og áhaldandi arbeiði og við íløgum í hetta økið, so ivist eg ikki í, at vit finna virknar oljuskipanir, sum eisini fara at løna seg. Men vit mugu hava tol og stað- festa, at hetta kann taka nógv ár. Magni Arge, formaður í Oljuvinnufelagnum: Ráðstevnan gav okkum eina realistiska vón Magni Arge, formaður í Oljuvinnufelagnum hevur góðar vóni um eina framtíðar oljuvinnu eftir ráðstevnuna í vikuni