hósdagur 12. desember 2002síða 9

16 Nr. 239 - 12. desember 2002 Nr. 239 - 12. desember 2002 17 Nú Vágatunnilin loksins er vorðin veruleiki heldur Anfinnur Kallsberg, løgmaður, at tað skuldi ligið ræðið fyri at farið víðari. Ein verkætlan liggur so gott sum klár. Tað restar nú bara tann seinasta politiska avpussingin, sum tingið nú skal taka støðu til. Síðani er at fáa sjálvt projektið púra klárt, bæði fíggjarliga og tekn- iskt. Løgmaður sigur, at tað verður arbeitt við hesum og er komið rættiliga langt á mál UNDIRSJÓVAR- TUNLAR Jan Müller Løgmaður hevur ikki í løtuni nakað endaligt boð uppá, nær Norðoyatunnilin kann gerast veruleiki. Men hann metir tað ganga hálv- triðja ár frá tí byrjað verður til koyrandi er ella kanska nakað stytri. Anfinnur Kallsberg ivast ikki í, at politisku spurningarnir við- víkjandi Norðoyatunlinum verða avkláraðir fyri jól. Broytingaruppskot til an- legglógina liggur í tingin- um, har liggur so ein eyka- fíggjarlóg, sum eisini er tann fíggjarligi parturin av tí, og síðani er tað Lorvíks bygd og vegaføringin har, sum skal fáast uppá pláss, og sum eisini hevur fingið eina drúgva politiska við- gerð. Løgmaður roknar sjálvur við, at hon verður avgreidd um ikki so heilt langa tíð. Tá tað er klárt hevur partafelagið Norð- oyatunnilin møguleika at gera projektið heilt liðugt tvs. fáa tey neyðugu loyvini og ta endaligu fíggingina uppá pláss. Og tá tá verður so farið í gongd av álvara legtur løgmaður aftrat. Gongur alt sum ynskt og ætlað, so heldur løgmaður, at fyrsta skotið í Norð- oyartunlinum kann verða latið av fram móti sumri næsta ár. Og tað merkir so aftur, at koyrandi kann verða í tunlinum um hesa tíðina í ár 2005 ella kanska eitt sindur fyrr. Løgmaður tekur tó tað fyrivarni, at øll tingini tá skulu ganga uttan stórvegis trupulleikar. Spurningurin er so eisini um man kann gera tað til- svarandi skjótari eins og gjørt var um Vestmanna- sund. Tað er ringt at siga nakað um nú, tí man veit ikki, hvussu fer at gangast. Hjartamál Anfinnur Kallsberg, sum sjálvur er valdur í Norð- oyggjum, dylur ikki fyri, at Norðoyartunnilin er eitt av hansara fremstu hjarta- málum. Hesin tunnilin fer at fáa ómetaliga stóran týdning fyri Norðoyggjar. - Vit hava sera gott ferða- samband í dag, har vit kunnu ferðast frá tíðliga á morgni til seint á kvøldið, og tað hevur stóran týdn- ing. Men ein tunnil fer at hava við sær, at tú ongantíð verður bundin av eini ferðaætlan. Hann styttir farleiðina. Í dag tekur tað hálvan tíma at sigla, og gjøgnum tunnilin fer tað at taka fýra minuttir við bili. Fyri vinnulívið fær hetta ómetaliga stóran týdning. Tað setir so eisini krøv. Tú er minni vardur og fer at fáa størri kapping frá megin- økinum, og tá ræður um í økinum norðan fyri eins og í Vágum at taka tann spurn- ingin, ta kappingina upp. Tað ivist eg heldur ikki, at man fer at megna, tí kapp- ingin verður eisini meira javnbjóðis tá. Tað er greitt, at tað verð- ur ein heilt nýggj verð, tá koyrast kann av Viðareiði til Gásadals eftir bara hálv- um øðrum tíma. Tað sannar løgmaður. - Hetta fer at hava so stóran týdning fyri okkum øll, at eg trúgvi ikki vit geva okkum far um tað í dag. Vit hava lyndi til at gloyma so skjótt, men tað er áhugavert at steðga á og hugsa, hvussu viðurskiftini vóru fyri t.d. 30 árum síð- ani og hvussu tey eru í dag. Vit hugsa ikki ein gang um, hvussu tey vóru fyri fimm árum síðani. Hugsa vit so um, hvussu tað verður um 30 ár, so er tað ein uppaftur áhugaverdari spurningur. Tøknin galloperar avstað. Tað, sum als ikki kundi koma uppá tal fyri 20 árum síðani, tað er bara veruleiki í dag, og tí trúgvi eg, at vit hava eina sera spennandi framtíð fyri okkum. Stórar avbjóðingar men uppgávur, sum avgjørt eru møguligar at loysa. Løgmaður sær eisini teir stóru møguleikar hesin útviklingurin fer at hava fyri ferðavinnuna. Endurnýggja tunlar Annars staðfestir løgmaður eisini, at neyðugt verður at gera nakað við tunlarnar, sum vórðu bygdir fyrst tvs. í Norðoyggjum og í Suður- oynni. Teir vóru bygdir í eini tíð, tá tann størsti bilurin var 3,5 tons. Í dag sleppur meginparturin av bussum og treylarum als ikki ígjøgnum og er tað ein sera stórur bági fyri tey økini. Har verður so neyð- ugt at gera tær umstøðurnar betri, so longu nú mugu vit til at endurnýggja tey risa- stóru framstig, sum vórðu gjørd tá. Helst verður bí- ligari at bora nýggjar tunl- ar. Tað stendur so eisini í langtíðarætlanini hjá lands- stýrinum. Gongur alt sum ætlað: Koyrandi undir Lorvíksfjørð um trý ár Tónleikarar í Vágum settu serstakan dám á hátíðarhaldið í høllini á Giljanesi tunnilskvøldið 10. desember Mynd: Jan Müller Eitt vælmannað og vælhýrt tónleikalið í Vágum spældi fyri teimum uml. 400 gestunum í høllini á Giljanesi Mynd: Jan Müller Søguligur dagur í Vágum Sosialurin var við til hátíðarhaldið í sambandi við stóra dagin hjá vágafólki og øllum Føroya fólki. Lesið reportasju á komandi síðunum Bjarni Djurholm skerur snórin við grindaknívinum, ið hann hevur fingið til endamálið C M Y K 17 16