hósdagur 19. desember 2002síða 8

14 Nr. 244 - 19. desember 2002 Nr. 244 - 19. desember 2002 15 Fingið frágreiðingina Norska stjórnin fekk í gjár eitt eintak av vápnafrá- greiðingini, sum Irak herfyri lat ST. Frágreiðingin, sum norðmenn hava fingið, er kortini bara 5000 síður. Tað merkir, at amerikanarar, russar, kinesarar, bretar, fransmenn og vápnaeftir- litsmenninir hjá St hava tikið einar 7.000 síður burtur, áðrenn teir hava latið norðmenn síggja frá- greiðingina. Noreg er limur í ST-trygdarráðnum, og norska stjórnin hevur fyrr kravt at sleppa at síggja alla frá- greiðingina, men amerikanarar siga, at í frágreið- ingini er ymiskt, sum onnur lond ikki eiga at fáa atgongd til. Roknað verður við, at ST og altjóða kjarn- orkustovnurin IAEA fara at koma við fyribilsmeting av iraksku frágreiðingini í dag. Bretar fyrireika seg til kríggj Bretska verjumálaráðið boðaði fyrradagin frá, at stjórnin hevur tikið ta endaligu avgerðina um at flyta herútgerð og hermenn til Persaflógvan, og at myndugleikarnir eru farnir undir at leiga skip til flutningin. Í einari kunngerð frá verjumálaráðnum varð sagt, at talan er um fyrireikingar, og at eingin avgerð um álop er tikin enn. Tað er heldur ikki avgjørt, hvussu nógvir bretskir hermenn skulu sendast til leiðina við Persaflógvan, stóð í kunngerðini. Kortini varð sagt, at tað er umráðandi at hava eina sterka herdeild tøka í økinum. Formaðurin í verjunevndini hjá parlamentinum, Bruce George, sigur, at tað er neyðugt at fyrireika seg væl, skuldi kríggj brostið á við Irak, og allar fyrireikingarnar eru minni enn so lidnar enn, sigur hann. Muturgøla hóttir Sharon Ísraelski forsætisráðharrin lovaði í gjár at rudda í Likud-samgonguni eftir eina muturgølu, sum kann hótta starv hansara sum formaður í samgonguni, og sum eisini kann forða fyri, at hann verður for- sætisráðharravalevni, tá ísraelsmenn skulu á tjóðartingsval í næsta mánað. Málið byrjaði seinasta leygardag, tá ríkisákærin gav løgregluni boð um at kanna skuldsetingar um, at limir í aðalstjórnini í Likud kravdu pengar frá val- evnunum aftur fyri at styðja tey, tá formansval var í flokkinum herfyri. Sharon sigur, at verður nakar limur í aðalstjórnini funnin sekur, skal hann úr flokkinum alt fyri eitt. Øll neyðug stig verða tikin, sigur Likud-formaðurin. Tindasvín oyða fuglin Skotsku myndugleikarnir hava nú gjørt av at drepa 5.000 tindasvín á oynni Uist í teimum ytru Hebridunum. Í 1974 varð avgjørt at flyta tindasvín út í oynna fyri at steðga teimum nógvu sniglunum, sum vóru farnir at gera um seg. Tað vísti seg tó skjótt, at tindasvínini nørdust ógvuliga skjótt. Nógvur fuglur heldur til á Uist, og tá eggini tykjast vera góð føði hjá tindasvínunum, hava myndugleikarnir gjørt av at avmarka talið á tindasvínunum fyri at bjarga fuglinum. Enn er tiltakið ikki sett í verk, tí ein djóraverndarfelagsskapur hevur boðið sær til at fanga tindasvínini og at flyta tey inn á meginlandið, men vísindafólk eru ímóti hesum, tí tey siga, at tað er djórapínsla at flyta tindasvínini inn á skotska meginlandið. UTTAN ÚR HEIMI Meiri enn 100.000 sviar eru vorðnir skrásettir og hava verið undir eftirliti orsakað av politiskari sannføring SVØRÍKI Árni Joensen Hetta stendur at lesa í einari frágreiðing, sum varð al- mannakunngjørd í Stock- holm fyrradagin. Nevndin, sum hevur skrivað frágreiðingina, finst hvassliga at skráset- ingini. Sagt verður eisini, at í nógvum førum hevur skrásetingin eisini verið tilvildarlig og uttan stór- vegis kanningar. - Talið á skrásettum er nógv størri enn fyrr hildið, og bæði løgreglan, dóm- stólar, almennir ákærar og løgfrøðiligir serfrøðingar hava gjørt seg inn á tað persónliga frælsið hjá nógvum, sum hava verið politiskt virkin á svenska vinstravonginum, stendur at lesa í teirri 3000 síður stóru frágreiðingini. Í sínum kanningum hev- ur nevndin kanna virk- semið og skjøl hjá bæði sivilum og hernaðarligum fregnartænastum. Haraftur- at hevur hon avhoyrt næst- an 400 fólk, sum hava givið frágreiðing undir revsi- ábyrgd. Amerikanska verjan hevur nú fingið boð um at fara undir ta nógv umrøddu rakettverjuskipanina. Fyrsti partur skal standa klárur um tvey ár RAKETTVERJUSKIPAN Árni Joensen Í seinasta lagi í 2004 skulu tær fyrstu tíggju verju- rakettirnar standa klárar við Fort Greely-herstøðina í Alaska, og innan 2006 skulu tíggju rakettir av sama slagi setast upp har. Við hesarð avgerðini heldur George W. Bush, forseti eitt tað týdningar- mesta av sínum vallyftum, og boðskapur hansara í dag er tann sami sum undan valinum fyri tveimum árum síðani. - Tað frøir meg, at vit nú taka eitt týdningarmikið stig til at forða hóttanum ímóti okkum. Rakettverju- skipanin skal verja USA, okkara sameindu og okkara vinir, segði Bush, tá hann kunngjørdi avgerðina. Sjálvur sigur forsetin, at í fyrsta umfari er talan um eitt lítið stig á leiðini, men at tað kortini fær stóra ávirkan á landsins verju. Síðani er ætlanin at halda fram við atliti til ta tøkni- ligu menningina og viður- skiftini í heiminum annars, sigur hann. Undir valstríðnum upp undir forsetavalið lovaði Bush, at hann ætlaði sær at halda fram við tí arbeiði, sum varð sett í verk, tá Ronald Reagan var forseti. Tað var í 1983, at Reagan kom við teirri sokallaðu stjørnukrígsætlanini, sum tó ongantíð kom longur enn á borðið. Fyri einum hálvum ári síðani gjørdi USA av at ógilda ta 30 ára gomlu ABM-avtaluna við Sovjet- samveldið, tí hon forðaði USA og Russlandi at gera rakettverjuskipanir. Tals- menn hjá stjórnini í Wash- ington hava seinni sagt, at so skjótt avtalan var upp- søgd, fekk herurin boð um at fara undir neyðugar fyrireikingar á Fort Greely- herstøðini í Alaska. Russland og Kina hava funnist at teirri ætlaðu ra- kettverjuskipanini. Sjálvur hevur Bush sagt, at tað eru ikki russar og kinesarar, sum hótta USA, men held- ur lond sum Norðurkorea, Iran og Irak. Harafturat kemur vandin fyri álopum frá yvirgangsfelagsskapum. Amerikanska verjan hev- ur higartil gjørt átta royndir við skipanini. Tann sein- asta, sum var fyri einari viku síðani, miseydnaðist, men sagt verður, at tríggjar av teimum átta royndunum gingu eftir ætlan. - Royndirnar hava víst, at tað gongur tann rætta veg- in, sigur Paul Wolfowitz, varaverjumálaráðharri. Saman við Bush og Donald Rumsfeld, verjumálaráð- harra er hann heitur tals- maður fyri rakettverjuskip- anini. Vinstrasinnaðir sviar skrásettir og undir eftirliti Bush fer nú at byggja rakettverjuskipan George W. Bush, forseti heldur nú vallyfti sítt um eina rakettverjuskipan, sum skal verja USA, tess sameindu og tess vinir ímóti álopum úr londum sum Norðurkorea, Irak og Iran Mynd: Reuters Leygardagin verður síðsta skotið í Gásadalstunlinum latið av, og sostatt verður koyrandi til bygdina SÍÐSTA SKOT Heri á Rógvi Leygarmorgunin kl. 11 trýstir gamli postmaðurin í Gásadali, Solberg Henrik- sen, á knøttin, sum sprongir ígjøgnum í tunlinum til Gásadals. Harvið verður koyrandi til síðstu bygdina á Vág- oynni. Hetta upplýsir Óli Peter- sen frá Landsverkfrøðing- inum fyri Sosialinum. Fólk í Gásadali kunnu nú – eftir at tey skuldu upp um fjalli til gongu í nógv ár – koyra úr bygdini, og við undirsjóvartunlinum kunnu fólkini koyra allan vegin inn í Eysturoynna. Arbeitt hevur verið við at gera tunnilin í tvey ár, men ynski er nógv eldri enn so. Landsverkfrøðingurin skipar fyri hátíðarhaldi í sambandi við síðsta skotið leygardagin. Smyrjibreyð verður at fáa í høllini, sum Landsverk- frøðingurin hevur nýtt til arbeiðið. Ein bilur við Solberg Henriksen og Landsverk- frøðinginum, Oyvindi Brimnes, fer at koyra úr Gásadali gjøgnum tunnilin fyrsta túrin. Við tunnils- munnan Bíggjar megin tek- ur Bjarni Djurholm, lands- stýrismaður, ímóti, og fer hann har at halda røðu. Onnur fólk sleppa eisini royna at koyra gjøgnum tunnilin, upplýsir Òli Peter- sen. Hóast tað nú er opið ígjøgnum, so er arbeiðið langt frá liðugt við Gása- dalstunlinum. 3 milliónir eru játtaðar til arbeiðið komandi ár, og fara hesir pengarnir til at styrkja loftið í tunlinum. Higartil eru tjúgu milli- ónir kr. nýttar til arbeiðið, og tørvar er á góðum tjúgu milliónum afturat fyri at gera arbeiðið liðugt. Hetta arbeiðið er íroknað vega- gerð í Gásadali og asfalter- ing av tunlinum. Í komandi ári verður einki av elektriskum ar- beiði gjørt, eingin vegagerð í Gásadali og heldur ikki verður tunnilin asfalteraður fyrr enn í 2004 ella seinni, tá peningur verður játtaður. Í fyrsta lagi eftir, at loftið í tunlinum er styrkt, ber til hjá almenninginum at koyra ígjøgnum regluliga. Lesið reportasju úr Gása- dali í Sosialinum leygar- dagin. Koyrandi til Gásadals leygardagin Leygardagin er ikki neyðugt at ganga til Gásadals. Solberg Henriksen skal trýsta á knøttin, sum byrjar eitt nýtt tíðarskeið í søguni hjá næstan útdeyðu bygdini. Her verða nakrar av síðstu fyrireikingunum gjørdar Mentanarhúsfelagið og Pensjónistafelag- ið skipa fyri Jólacafé í hølunum hjá arb- eiðarafelagnum, Hæddini í Saltang- ará JÓLAHUGNI Vilmund Jacobsen Í dag, hósdagin, 19. des- ember, letur Jólacafé upp í hølunum hjá arbeiðarafel- agnum, Hæddini í Salt- angará. Café'in verður opin hvønn dag til og við sunnudagin, 22. desem- ber, og opið verður frá kl. 16-21. Á Jólacafé'ini kanst tú keypa tær ein heitan kaffi- munn við mandlurísi ella holukøkum aftur við. Livandi tónleikur Hvørt kvøld verður liv- andi tónleikur at hoyra frá kl. 19. Í kvøld undirhalda Sør- en, Hjalti og aðrir. Fríggjakvøldið skipa Mor- id, Maria, Joan og onnur fyri undirhaldinum, og leygarkvøldið syngur gentubólkurin hjá Duritu, Drós og Ester. Sunnu- kvøldið verða Søren, Hjalti og aðrir aftur at hoyra. Tey, sum skipa fyri Jóla- café'ini í Hæddini, eru Mentanarhúsfelagið og Pensjónistafelagið. Øll vælkomin Hugskotið við Jólacafé'ini er, at fólk, sum hava verið ein hugnaligan innkeyps- túr í Handilsmiðdeplinum í Runavíkar kommunu, skulu fáa høvi at seta seg niður eina løtu við einum heitum kaffimunni og livandi tónleiki. Mentanarhúsfelagið og Pensjónistafelagið bjóða øllum at vera hjartaliga vælkomnum inn á gólvið. Jólacafé við livandi tónleiki Frá í dag og fram til sunnukvøldið, 22. desember, verður Jólacafé í Saltangará. Mynd: Vilmund Jacobsen Vit flyta inn í nýggja skrivstovu- og pakkhúsbygningin 19. desember 2002. FARMAFLUTNINGUR Hin 6. juni í ár settu starvsfólkini hjá Eimskip spakan í úti á Skansa- bryggjuni. Longu 11. okto- ber var reisigildi á skránni, og í dag sæst tann 1.500 fermetra stóri og 12,5 metra høgi bygningurin úr flest øllum hernaðshornum í Havn. – Talan er um ein fram- komnan bygning við øllum teimum nýggjastu hentleik- um innan goymsluøkið. Stórur dentur er lagdur á góðsku, soleiðis at Eimskip kann bjóða sínum við- skiftafólki eina nýmótans vøruhandfaring. Bingjurn- ar verða framyvir fyltar og tømdar inni í vørugoymsl- uni. Tær verða koyrdar heilt til dyrnar og tømdar ígjøgnum serligar dyr fyri bingjur, skrivar Eimskip í tíðindaskrivi. Hetta hevur við sær, at vøran ongantíð kemur at standa úti í regni og vindi og verður lítið handfarin. Á henda hátt kann Eimskip tryggja bestu viðferð av vøruni. Vøruhotel og goymslu- stýring er ein tænasta, Eim- skip nú bjóðar kundunum. Nýggju umstøðurnar á Skansabryggjuni gera tað møguligt at bjóða goymslu- tænastur á hædd við tær, vit kenna uttanlands. – Tørvar viðskiftafólki goymslupláss, ber tað nú til at leiga seg inn í pakkhús- bygningin og brúka hann til goymslu. Harafturat bjóðar Eimskip eisini goymslu- stýring á vøruhotellinum. Fær ein kundi eina stóra sending til landið, leggur hann hana í vøruhotellið. Tá so brúk er fyri henni, kann Eimskip koyra hana á rætta stað – ein part nú og annan tá, sigur flutningsfel- agið. Umframt vøruhotel og vanliga vørugoymslu hevur Eimskip eisini frígoymslu í nýggja pakkhúsinum. Vøra kann goymast ótollað í frí- goymsluni, til hon verður tikin út eftir tørvi. Tað spar- ir kundanum gjaldføri, og kann hann senda vøruna av landinum aftur ótollaða, um hann ikki fær brúk fyri henni. Vøran kann liggja á frí- goymslu hjá Eimskip upp í 3 ár – alt eftir tørvi og goymsluhentleikum hjá tí einstaka. Við hesum vil Eimskip bjóða viðskiftafólki sínum eina framkomna og trygga flutningstænastu á hædd við fremstu flutningstæn- astur í heiminum. Eimskip flytir í nýggja bygningin C M Y K 15 14