leygardagur 21. desember 2002síða 19

36 Nr. 246 - 21. desember 2002 Nr. 246 - 21. desember 2002 37 Felagið hjá teimum norsku tøknifyritøk- unum ber ótta fyri, at íløgurnar í norsku oljuvinnuni fara at minka nógv næsta ár, og at nógv fólk fara at missa arbeiðið OLJUÍDNAÐUR Árni Joensen Norska stjórnin hevur í fíggjarlógini fyri næsta ár mett, at íløgurnar í olju- vinnuni verða 70 milliardir krónur, men nú sigur fe- lagið hjá tøknifyritøkunum, at talið verður neyvan meiri enn helvtin av metingini hjá stjórnini. Formaðurin í felagnum, Knut Aaneland, sigur, at tey norsku oljufeløgini eru farin at vísa størri áhuga fyri oljuleiðum aðrastaðni enn í Noregi. Hetta hevur havt við sær, at íløgurnar hjá teimum norsku feløg- unum uttanlands eru nú tríggjar ferðir størri enn tær íløgur, sum feløgini gera heima í Noregi. Umleið 250.000 norð- menn hava sítt dagliga ar- beiði í oljuvinnuni ella hjá fyritøkum, sum eru knýttar at oljuvinnuni. Í seinastuni eru umleið 3.000 fólk uppsøgd ella hava fingið at vita, at tey kunnu vænta sær uppsagnarbræv, og um- leið helmingurin av teimum norsku oljupallunum liggja við bryggju ella eru í vinnu uttanlands. - Teir veruligu trupulleik- arnir í vinnuni kunnu koma, áðrenn vit vita av, sigur Knut Aaneland. Norski olju- og orku- málaráðharrin, Einar Steensnæs, heldur ikki, at tað ber til at tosa um eina kreppu í oljuvinnuni, men hann viðgongur, at orsøk er til at stúra. UTTAN ÚR HEIMI Eisini í Bretlandi Amerikanarar ætla sær ikki einans at nýta bretsku radarstøðina í Fyllingdale til ta ætlaðu rakett- verjuskipanina, men teir ætla eisini at seta rakettir upp í Bretlandi, skrivar blaðið The Guardian. Blaðið vil vera við, at amerikanarar hava havt samband við stjórnina í London hetta seinasta árið um ta ætlaðu útbyggingina. Sambært blaðnum skulu einar tjúgu verjurakettir, sum verða settar upp í Alaska, steðga fíggindarakettum úr eitt nú Norður- korea, meðan rakettirnar, sum skulu setast upp í Bretlandi, skulu steðga rakettum frá fíggindum hjá USA í Miðeystri og Norðurafrika. Bretland hevur fingið ein formligan fyrispurning úr USA um loyvi at sleppa at nýta radarstøðina í Fyllingdale, men The Guardian skrivar, at hetta er bara tað fyrsta stigið í amerikansku ætlanini á bretskari jørð. Samkynd skrásett Kanningar hjá einari svenskari nevnd hava avdúkað, at trygdarløgreglan hevur skrásett næstan 240 starvsfólk í svenska útvarpinum og sjónvarpinum. Talan er um samkynd, fólk við rúsdrekka- ella rús- evnistrupulleikum og fólk, sum hava gjørt seg sek í einum ella øðrum lógarbroti. Aðalskrivarin hjá kanningarnevndini, Fredrik von Arnold, sigur, at so seint sum í fjør vóru upp- lýsingarnar framvegis í goymslunum hjá trygdar- løgregluni. Kenneth Sundin, sum er talsmaður hjá svensku útvarps- og sjónvarpsfólkunum, sigur seg vera skelkaðan av upplýsingunum, sum eftir hansara tykki minna um jødaskrásetingina hjá nazistunum og skrásetingarnar hjá Stasi í gamla Eystur- týsklandi. Hann krevur nú, at viðurskiftini verða kannað til botns, og at starvsfólkini fáa at vita, hvørji tey eru, sum standa í skrásetingini. Ímóti rockarunum 19 kommunur í Norðursælandi hava saman við løgregluni og toll- og skattavaldinum gjørt av at fara í hernað ímóti rockarafelagsskapunum. Hetta er tað fyrsta veruliga skipaða átakið av hesum slagnum. Ætlanin hjá stigtakarunum er bæði at forða fyri, at fleiri leita sær upp í rockarafelagsskapirnar og at avdúka tað ólógliga virksemið, sum felagsskapirnir fáast við. Ætlanin er at halda eitt sera vakið eyga við felagsskapunum Hells Angels og Bandidos og teirra stuðulsbólkum, Red&White og X-team. Formaðurin í kommunufelagnum í Frederiksborg Amti, Finn Hansen, sigur, at ætlanin er at nýta somu mannagongd, sum amerikansku myndugleikarnir nýttu, tá teir avdúkaðu virksemið hjá kenda brots- mannakonginum Al Capone. Við hjálp frá toll- og skattavaldinum er ætlanin at kanna fíggjarligu við- urskiftini hjá øllum teimum, sum eru í rockara- felagsskapunum, ella sum myndugleikarnir hava illgruna um. Góð tímaløn Norska blaðið Aftenposten skrivar, at formaðurin í Framburðsflokkinum, Carl I. Hagen, fekk 20.000 krónur aftur fyri at hava verið 18 tímar á fundi í býráðnum og í fíggjarnevndini í Oslo. Blaðið hevur frá býráðnum fingið upplýst, at Carl I. Hagen var burturstaddur á 51 av teimum 54 fundunum, sum býráðið í Oslo hevur havt seinastu átjan mánaðarnar. Samanlagt var hann á einum fundi í fíggjarnevndini og á hálvum triðja fundi í býráðnum, skrivar blaðið. Sjálvur heldur Carl I. Hagen ikki, at honum nýtist at møta á fundi í býráðnum, tí tað ber til at gera sína ávirkan galdandi, uttan at vera hjástaddur, sigur hann. Sambært Aftenposten er formaðurin í Framburðsflokkinum tann einasti politikarin, sum fær løn frá Stórtinginum, samstundis sum hann fær samsýning frá býráðnum í høvuðsstaðnum. Stúra fyri kreppu í norsku oljuvinnuni Eitt álop á Irak kann gerast ein ófatilig vanlukka fyri tað irakska fólkið, sigur aðalskrivarin í norska Reyða Krossi, sum júst hevur verið í Irak IRAK-KREPPAN Árni Joensen - Fólk eru bangin. Tey fyrireika seg til kríggj, men vóna, at málið skal fáa eina friðarliga loysn. Hesaferð eru tey ikki so væl fyri- reikað til kríggj sum undir Flógvakrígnum í 1991, og tað verður ein ófatilig vanlukka, brestur kríggj á. Tað sigur aðalskrivarin í norska Reyða Krossi, Jan Egeland. Fyrrakvøldið kom hann aftur til Noregs úr Irak, har hann hevur ferðast um ein stóran part av landinum. Tað var týðiligt, at líðingarnar hjá irakska sivilfólkinum høvdu havt stóra ávirkan á hann. - Vatnið er longu dálkað, og verður kríggj, verður tað eitrað longu eftir teirri fyrstu náttini. Matvøru- goymslurnar eru fáar, og møguleikin fyri stórum sivilum missi er stórur, sigur Jan Egeland. Reyði Krossur er longu farin undir at fyrireika seg til, at eitt møguligt kríggj fer at raka irakska sivil- fólkið meint. Norski aðal- skrivarin sigur, at tað er umráðandi at fáa hjálpina fram sum skjótast, og tí er felagsskapurin farin undir at savna útgerð í granna- londunum hjá Irak. - Vit fyrireika okkum til eitt tað størsta hjálparátakið nakrantíð. Lastbilar við teppum, vatni, tjøldum og aðrari neyðútgerð verða sendir hagar, tí alt skal fáast upp á plás tær næstu tvær- tríggjar vikurnar, sigur Jan Egeland. Og vandin fyri kríggi veksur. Kanadiski uttanrík- isráðharrin, Bill Graham, segði í gjár, at gongdin teir seinastu dagarnar kann ikki misskiljast, og Warren Bass, sum arbeiðir hjá stovninum fyri altjóða samskifti í Washington, sigur, at amerikanska stjórnin hevur komið sær í eina støðu, sum tað verður trupult at venda frá aftur. Tað verður ein ófatilig vanlukka Ein iraksk kvinna biður fyri friði. Sambært Reyða Krossi verður eitt kríggj ein ófatilig vanlukka fyri irakska sivilfólkið Mynd: Reuters Helmingurin av teimum norsku oljupallunum liggja við bryggju ella eru í vinnu uttan fyri Noreg í ánadagin 30. og týtýsdagin 31/12 . Átroð ð verð rða avgreidd á tel. 311111 Vit ynskja viðskiftafólkið okkara eini gleðilig jól og eitt gott nýggjár og takka fyri gott samstarv í brátt farna Frá Suðuroyar Sparikassa SMS – Tel. 319697 · Saltangará – Tel. 449697 · Klaksvík – Tel. 479697 OVATION Guitarar OVATION er guitarurin allir amerikumenn síggja upp til. Nevnast kunnu millum annað Shania Twain, Toto, Pink, Pantera, The Scorpions, Megadeth, Alicia Keys, Bbmak, Starz, Cyndi Lauper, Melissa Etheridge og DJ Ashba (ársins guitarleikari California), ið nýta henda framúr góða guitar Nú er OVATION komin til Føroya í stórum stíli, men til ein sera lítlan prís Tónleikatilboð Tónleikatilboð CC01-Mahogany Einans 5.950,- CS257 Einans 9.890,- CC026 Einans 6.490,- CS255 Einans 10.950,- EQ og innbygdan stemmara EQ og innbygdan stemmara EQ og innbygdan stemmara 12 Streingir EIn betri loysn OVATION Guitarar Lesið Sosialin C M Y K 37 36