fríggjadagur 3. januar 2003síða 6

10 Nr. 1 - 3. januar 2003 Nr. 1 - 3. januar 2003 11 Sendingin í útvarpinum um lagnu fullveldisins avdúkaði, at føroyska tjóðin er tvíbýtt av fullveldismálinum. Send- ingin avdúkaði eisini, at stendur tað til løgmann og varaløgmann verður uttan íhald stevnt móti fullveldinum hetta valskeiðið. Somuleiðis verður miðað ímóti, at fullt og heilt fullveldi er sett í verk í 2012, um samgonguflokk- arnir varðveita valdið. Men full semja var ikki millum báðar teir stóru loysingaflokkarnar. Fólkaflokkurin vil hava búskaparliga trygd fyri fullveldi. Tjóðveldisflokk- urin vil hava loysing fyrst, so kemur alt tað búskaparliga av sær sjálvum. Hetta sjónarmið varð stuðlað við at for- maður Tjóðveldisfloksins vísti til tilgongdina undir avkoloniseringini. Tað, sum hann í roynd og veru segði var, at skal bíðast eftir búskapinum, so verður einki full- veldi. Sendingin avdúkaði djúpa ósemju um yvirtøkupoli-tikkin, samstundis sum hon avdúkaði, at kósin verður hildin. Tjóðveldisflokkuirn vil halda fram við yvirtøkum uttan íhald, meðan hinir samgonguflokkarnir tykljast at vera í iva. Til tess at styrkja sína argumentatión hevur Tjóð- veldisflokkurin tikið í brúk eina nýggja búskaparliga dimensión: blokkurin verður nú mettur við atliti at før- oyska búskapinum og ikki mettur í mun til samlaðu fíggjarlógina. Blokkurin umboðar sostatt bert nøkur fá procent, sum ongan týding hava fyri almenna búskapin. Vit fara ikki her at taka dagar millum, hvørt hetta er sak- lig politisk argumentatión. Tað lata vit yvir til lurtaran/ lesaran og hinar flokkarnar. Hinvegin loyva vit okkum at vísa á, at føroyska tjóðin enn sum áður stendur tvíbýtt í fullveldisspurninginum. Hetta er í longdini ósunt fyri eina tjóð. Hvussu leingi tola vit sum tjóð og fólk at vera so ósamd um eitt so grundleggjandi mál? Má ein spyrja. Her má vend koma í og liggur stór ábyrgd á samgongu eins væl og á andstøðu í hesum máli. Samgongan má endurskoða sín harðrenda politikk og koma andstøðuni meira á møti. Hetta má hon gera út frá tí einfalda veru- leika, at bert ein lítil helmingur av føroyingum veruliga ynskir henda harðrenda fullveldispolitikkin – hetta ikki minst eftir, at tað gerst alt meira greitt, hvør, ið kemur at rinda gildið. Higartil hevur samgongan hóast innanhýsis klandur og ófrið borið seg at sum ein einflokkastjórn í einum ódemokratiskum landi. Maktin tykist vera alt fyri samgonguflokkarnar, tí hanga teir saman hóast ósemju um loysingarleistin. Allar avgerðir eru tiknar uttan fyri tingsins gátt. Politiskt orðaskifti er einki. Innanhýsis- klandrið og orðadráttirnir hava bert til endamáls at káva út yvir hendan veruleika. Hvussu leingi tolir eitt fólkaræði eina slíka viðferð? Henda spuring seta mong í hesum døgum. Hinvegin má andstøðan taka í egnan barm. Higartil hevur hon lagt fram fá verulig alternativ og andstøðan hevur staðið veik í tí sindri av politiskum og principiellum orða- skifti, ið hevur verið. Í mongum førum hava samgongu- flokkar virkað sum andstøða til sína egnu samgonga. Tá ruggar ikki rætt. Andstøðan má finna síni egnu bein og seta upp eitt realistiskt og trúverdugt alternativ, sum kann geva teimum demokratisku pørtunum av samgonguni ein møguleika at loysa upp fyri tí læstu støðuni. Hendir ikki okkurt, sum líkist hesum, gerst klovningurin bara alt størri í tjóðini til vit mentalt enda í eini støðu líkari tí í Norðurírlandi. Hetta má ikki henda og tí eiga allar góðar demokratiskar kreftir at umhugsa støðuna í størsta álvara. DAGSINS MEINING Sosialurin Nýtt ár við tvíbýttari tjóð VIÐMERKINGAR Lisbeth L. Petersen Sambandsflokkurin So hevði tað nokk loyst seg betur hjá andstøðuni, helt fyrrverandi løgtingsmað- urin Finnbogi Ísakson fyri í sjónvarpssamrøðu sunnu- kvøldið. Orðingina kenna vit aftur frá tjóðveldisfor- manni á sinni; ta ferðina tó í einum meira negativum tónalagi. Í hesi samrøðuni hevði Finbogi hug at geva góð ráð, og hóast alt annað enn samd við Finnboga um partapolitikk má eg við- ganga, at tað kann vera áhugavert at hoyra hansara viðmerkingar og meining- ar. Ofta speiskar og soleiðis orðaðar, at tær skulu kunna tulkast ymiskt. Men tá Finnbogi segði, at andstøðan fyri at fáa ávirkan kundi havt lumpað og lirkað nakað í sambandi við fíggjarlógina, ið júst er samtykt, so eri eg rúkandi ósamd. Sambandsflokkurin var og er so dundrandi ó- samdur við samgonguna, tí høvuðsendamálið í hesi fíggjarnevndarviðgerðini vóru sparingar fyri ein- hvønn prís frá samgong- unnar síðu, og Sambands- flokkurin gongur ikki við til bert at fáa nøkur tøl at síggja væl út á pappírinum, og so er annars líka mikið, hvussu samfelagið sær út, bara vit røkka einum full- veldi!! Ongin skal ivast í, at úrslitið av hesi fíggjarlógini verður ein rúgva av eyka- játtanarumbønum, sum flestu samgongutingmenn annars hava bedýrað ikki koma uppá tal í framtíðini. Sparingar funnu vit í andstøðuni, eingin kann siga annað, men teimum vildu samgongulimir ikki atkvøða fyri, sjálvt um fleiri teirra tóku undir við okkum, tá mikrofonin ikki var í nánd. Eg eri samd við Finn- boga, tá hann sigur, at ein politikari eisini skal standa til svars fyri sínum flokki og sínum veljarum, og júst av teirri orsøk kundu vit ikki góðtaka alt. Vit gjørdu tó eina roynd við at seta nøkur broytingaruppskot fram, ið eg eri viss í, fara at koma afturumaftur, men samstundis skal eg við- ganga, at broytingarupp- skotini kundu verið nógv, nógv fleiri. Fíggjarlógin 2003 Aftan á at fíggjarlógin er samtykt, og kritikkur er farin at hoyrast, hava vit longu fleiri ferðir hoyrt landsstýrismenn t.d. Bjarna Djurholm og Páll á Reyna- túgvu siga, at andstøðan hevur góðtikið allar spar- ingarnar umframt viðmerk- ingarnar, tí vit atkvøddu fyri lógini! Tað er rætt, at Sambands- flokkurin atkvøddi fyri endaliga fíggjarlógarupp- skotinum, men tað er so sanniliga ikki, tí vit taka undir við øllum. Eina fíggj- arlóg skal landið hava, og har eru mál, sum vit taka undir við, men eg skal eisini vissa samgonguna um, at tá lógarbroytingar- nar koma fyri, ið skulu rættvísgera teirra sparingar, so fara teir at síggja, hvar vit standa. Tað hava vit eisini longu gjørt vart við. Eisini fara vit framhaldandi at koma við okkara egnu broytingaruppskotum, og vit byrja longu í januar mánaði komandi. Lirka og Lumpa nakað … Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Jón Brian Hvidtfeldt jonbrian@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 4449520 tel. 225429 e-post: vilmund@sosialurin.fo Sosialurin í Vágum: 360 Sandavágur tel. 333820, 22050 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. INTERNETBÓK »Oystercatcher«, eftir David Jutson er skaldsøga at lesa á tínari teldu frá Framtak á Toftum. »Oystercatcher«, eftir David Jutson, er ein thrill- ari í fullari longd, sum fer fram í teimum norður at- lantisku oljuøkjunum við Føroyar. Heitið kemur av navninum á oljukelduni "Tjaldur 1" sum, í bókini, liggur beint sunnan fyri Suðuroy. "Mín rødd er kódnað av tí fyrstu av teimum trimum spreingingunum ið skaka boripallin. Øll steðga á í sínum arbeiði og hyggja seg um. Har eru hvørki roykur ella logar men bori- pallurin tekur ógvuliga spakuliga at halla ..." Tær drúgvu yrkisligu royndirnar hjá rithøvund- anum sum jarðfrøðingur, íroknað tíðin hann hevur arbeitt í Føroyum, er við til at gera hendan dramatiska hugbindara autentiskan. Frá 1992 til 1998 ar- beiddi hann hjá Danmarks og Grønlands Geologiske Undersøgelse (GEUS) sum senior jarðfrøðingur við ábyrgd fyri at seta sjøtil á ídnaðarliga biostratigrafi og reinum granskingar verkætlanum har ímillum oljukeldu arbeiði í tí danska Norðsjónum og í Føroyum. Hann arbeiðir í løtuni fyri RWE-Dea AG sum senior jarðfrøðingur við ábyrgd fyri gransking og oljukeldu jarðfrøði í Norð- sjónum, Egyptalandi og álanda Týsklandi. E-bókin er á eingilskum og inniheldur eisini ein orðalista við oljuvinnu nevnum og kortum. E-bókin koyrir undir Windows 95, 98, Me, NT, 2000 ella XP og eingin eyka ritbúnaður krevst. Hon fæst at taka niður av internetinum og á fløgu. Tú finnur »Oystercatch- er« á heimasíðuni hjá Framtak á www.framtak.com Nýgg e-bók at fáa Kári P. Højgaard Løgtingsmaður Fyrst av øllum fari eg at takka tykkum, sum trúðliga hava fyrireikað nýggjárs- tiltakið her á staðnum. Eg vil eisini nýta høvi at takka fyri, at mær varð víst álit, at halda nýggjársrøðuna í ár. Hetta er myrkasta ársins tíð, har vit júst eru farin um stytsta dag og náttúran liggur í dvala, dagurin stuttur og náttin long. Tann gamli, góði, gleðiboðskap- urin um, at frelsari er okk- um føddur, hava eisini ljóða hesi jólini. Ung og gomul hava sitið undir orðinum og sungið jólasangir og glett seg yvir, at okkum untist enn eina ferð at uppliva há- tíðina, sum ber av øllum. So vist sum heimurin stendur vita vit eisini, at tá fari er um stytsta dag, ber aftur móti ljósari tíðum við lýðku, summari og gróðuri. Náttúran vaknar úr dvala, grøs og urtir spretta, fugl- urin tekur bjørgini, lombini koma og menniskjan frøist um skapanarverkið og teir møguleikar sum góvust okkum í hesum undurfagra landinum. Gamlaárskvøld, stand- andi á gáttini til nýggja ári, er náttúrligt at líta aftureftir og minnast, hvat farna ári gav okkum. Tað er ymiskt, hvussu lagnan lagaði seg hjá tí einstaka og hvat møtti honum í árinum. Nógv okkara hava mist onkran sum stóð hjarta okkara nær, og tí kann tað kanska tykj- ast trupult at síggja glottar fyri framman. Gamla før- oyska orðataki "Maður kemur í mans stað," og "Vit byggja á herðunum á teimum, ið undan fóru", koma eisini við tíðini at sannast fyri okkum, tó at vit ídag illa duga at síggja, hvussu vit kunnu verða tey farnu fyriuttan. Tíðarinnar hjól melur, lívið heldur fram og uppgáva okkara er at arbeiða av fullum huga, meðan tað enn eitir ídag. Farna ári hevur búskapar- liga roynst væl fyri land okkara. Tá alivinnan er undantikin, man hetta vera eitt av teimum bestu innan flestu vinnugreinar og ar- beiði hevur verið til allar hendur. Fiskiskapurin hev- ur verið so góður sum menn ikki minnast, serstak- liga hjá teimum smærru bátunum. Fiskur fæst innast av fjarðunum út á ytstu havmið og veðrið við liggj- andi lágætt og nærum summarveðri hevur viðført, at ein partur av smábáta- flotanum nevnliga bólkur B, hevur brúkt allar sínar fiskidagar og skjótt liggur bólkur D (ikki at misskilja við flokk D) eisini, men vónandi fæst ein loysn á hesum trupuleika beint eftir nýggjár. Árið royndist serstakliga væl hjá Runavíkar komm- unu. Nógv virksemi hevur verið á havnalagnum, við upp og avskiping, so hóast vit í juni tóku nýggja havnalagið Kongshavn í nýtslu, er mangan trongligt við bryggjukantin. Atlantic Supply Base hevur onki virksemi havt í ár tí bori- ætlanin varð útsett, men komandi ár tá byrja verður at bora, kemur aftur lív í á útgerðarstøðini. Tað skuldu verið møguleikar hjá okk- um at veitt tænastur til virk- semi hinumegin markið eisini, og vit gleða okkum til aftur at síggja veitingar- skipini inni á fjørðinum. Hesi vóru so tíðum at síggja inni, at tey vóru bliv- in ein partur av gerandis- degnum hjá okkum fjarð- búgvum. Gongst eftir ætlan verður ein stór farmahøll hjá Skipafelagnum smíða norðast á havnalagnum í summar. Hetta kemur at geva brúkarunum eina enn betri tænastu, samstundis sum greiðari skilnaður verður millum fisk og ann- an farm. Stutt fyri jól fekk P/F Beta tveir stásiligar ný- bygningar, Bak og Stelk, og er hetta byrjanin til eina endurnýggjan av gomlu Cuba- bátunum, sum hava tænt fyri seg. Eisini Jaspis og Ametyst komu aftur av flatlondum fyri jól har teir hava fingið eina størri høv- uðsumvæling í Skagen. 2002 varð besta árið hjá NSÍ nakrantíð, síðan fe- lagið sá dagsins ljós. Tit góvu okkum "Guligans" størstu fótbóltsuppliving nakrantíð, tá ið tit á Ólav- søku vunnu steypakapping- ina við at sigra á høvuðs- staðarliðnum HB 2-1, um- framt at vit vunnu silvur í landskappingini. Túsund tøkk fyri avrikið og góða eydnu við kappingarárinum sum nú liggur fyri framm- an. Eisini í fimleiki og kapp- róðri vóru heiðursmerkir vunnin. Somuleiðis fekk landslið okkara sera góð úrslit og serstakliga dysturin í Hann- over situr fastur í minnin- um, tá vara-heimsmeistar- arnir mundu fingið sín lívs skelk, tá ljóshærdi klaks- víkingurin eftir eina góða fríspæling gjørdist leysur framman fyri málið hjá Kahn. Vit vóru millimetrar frá javnleiki og heims- sensatiónini, men bólturin rakti stongina skeivu meg- in; hetta hava vit møguleika at rætta, tá returdysturin verður á heimavølli. Innan samferðslu hendir nógv og verða oyggjarnar knýttar tættari saman við betri ferjum og tunnlum. 2002 var árið tá koyrandi var til Vágarnar og tunnilin skotin ígjøgnum til Gása- dals. Avgerð er tikin um, at fara undir verkætlanina, at gera undirsjóvartunnil und- ir Leirvíksfjørð. Gongur hetta arbeiði eins væl og tað undir Vestmannasundi, verður koyrandi til Klaks- víkar um 3 ár. Rundkoyring verður gjørd á Skipaneskrossin- um. Stranda- & Oyra- vegurin halda fram, ábøtur á Norðskálatunnilin gjørd- ar. Vegagerð í Suður- streymoy, samfersluhavn Tvøroyri og Syðra-dali. Nýggjur Smyril verður bygdur til Suðuroyarsigl- ingina og nýggja Norrøna kemur til landið um 5 mán- aðar. Fyrsta uppgávan hjá flaggskipi føroyinga verður at virka sum hotellskip við Runavíkar Havn, til stór- fingnu fiskarí-messuna, sum Atlantic Fish Fair enn einaferð skipar fyri - mán- aðarskifti apríl - maj 2003. Fiskarímessan man vera eitt tað størsta tiltak, sum nakrantíð er fyriskipað í Føroyum, og eydnaðist hon sera væl. Nærum allir teir somu sum luttóku seinast verða við aftur hesaferð, umframt fleiri nýggir so økið verður víðka við einari høll og einum telti. Eitt gott býtislutfall er millum lut- takarar uttan úr heimi og heimlig virkir. Vón okkara er, at hendan messan verður eins væleydna og tann sein- asta, og kemur at geva fyri- reikarunum og býnum eina góða reklamu innan og uttanlandd og at hesin táttur verður afturvendandi ann- aðhvørt ár. Farna ári er eins og ein lisin bók, har hvør dagur er at líkna við eina blaðsíðu. Vit kunnu blaða og minnast á hendingar, góðar og minni góðar, men vit hava uppliva hetta og tað kennist trygt og vælkent. Øðrvísi er við árinum sum liggur fyri framman, har alt er hult í tí duldu ókendu framtíðini. Vit vita at lívið ikki bert er ein dansur á rósum, men at mannalívið er havinum líkt, stundum við silvitni, stund- um kunnu vit hava undan- vind í langa tíð. Tíðir kunnu eisini koma við liggjandi sjaskveðri ella ódn sum kastar lívsfar okk- ara higar og hagar. Hesum sleppur ongin undan, men okkum nýtist ikki at óttast, tí ongin byrða verður løgd á okkum, sum vit ikki fáa mátt til at bera, um vit leita hjálp á røttum stað. Vit kunnu her við árs- byrjan líta við frímóði frameftir. Útlitini eru betri enn mangan fyrr, vit hava eitt dugnaligt og virki fólk og hóast onkrir skýkloddar hómast á luftini eru ongin orsøk til at stúra. Við Guds hjálp og leiðslu ganga vit við treysti fram. Tá hann er við, hvør kann tá verða ímóti ? Eg fari at enda at ynskja øllum eitt gott og vælsigna nýggjár, við tøkk fyri tað brátt farna. Altjóða skrivstovan Mikukvøldið tann 8. januar 2003 kl. 20.00 skipa Altjóða skrivstov- an saman við lestrar- vegleiðarunum á Stu- dentaskúlanum og HF- skeiðnum og á Handils- skúlanum á Kambsdali fyri kunningarfundi um víðari útbúgvingar uttan fyri Danmark. Tiltakið verður í Studenta-skúla- høllini og er alment og ókeypis. Allir næmingar við miðnámsskúlarnar, tað veri seg studentaskúla, HF, HHx ella HTx, eins og onnur áhugað, eru væl komin. Fýra føroyingar, sum allir hava tikið sær út- búgving uttanfyri Dan- mark, fara at greiða frá: 1 um sínar tankar og ætlanir við at fáa sær útbúgving í ávikavist, Skotlandi, Wales og Teilandi 2 um mannagondina, tá tey søktu, og fíggjar- ligu viðurskiftini í sambandi við lesturin 3 um góð og trupul við- urskifti í útbúgving- artíðini, bæði av fak- ligum og sosialum slag 4 um starvsroyndirnar eftir at tey eru komin heim aftur at búgva 5 um hvat tey halda, kann gerast fyri at fáa fleiri at taka eina hægri útbúgving úti í heimi – tað er uttan fyri Danmark. Eftir at teir fýra gestirnir hava greitt frá sínum hugsanum um útbúgv- ing og yrkisleið verður høvi at seta teimum spurningar og at hava orðaskifti um útbúgv- ingarviðurskifti. Síðani fer leiðarin á Altjóða Skrivstovuni í Havn, Holger Arnbjerg, at greiða frá møguleik- unum at lesa partvís ella burturav uttanfyri Dan- mark. Hann fer at við- gera mannagongdina í sambandi við umsókn- ina, fíggjarviðurskifti og onnur praktisk viður- skifti í hesum sambandi. Tey fýra, sum fara at taka lut, eru: Hanna í Horni, 27 ár, PhD-lesandi við Uni- versity of Wales, Swan- see. Málsligur studentur av Kambsdali í 1995 BSc í antropologi og politiki 1999 MA í altjóða relatiónum 2002 frá University of Wales, Swansee. Sonja Jógvansdóttir, 25 ár, blaðkvinna á Dimmalætting Málsligur studentur á Kambsdali 1997 Master of Arts (honours) í politikki við Edinburgh Universitet juli 2002 Hans Jacob Kollslíð, 30 ár, lærari á Viðareiði Skiftisnæmingur við AFS í Teilandi 1988/89 Støddfrøðiligur student- ur við Gøtugjógv 1992 Bachelor í "Business English and Marketing" í 1999 fra Assumption University, Bangkok, Teiland Tummas Pauli Mýri, 28 ár, Menningarráð- gevi, "Business Deve- lopment Advisor", BP Exploration, Tórshavn Støddfrøðiligur student- ur á Kambsdali 1994 BA Hons. 1999 á Robert Gordon University í Aberdeen Business Economics (MSC) frá Strathclyde University, Glasgow, í 2000 Hevur arbeitt fyri olju- feløg í styttri tíðarskeið í London og Aberdeen. Fyrireikarar eru: Altjóða skrivstovan Lestrarvegleiðararnir við skúlarnar á Kambsdali: Holger Arnbjerg Óli Wolles, Studentaskúlin og HF-skeiðið ask@ask.fo Karl Olsen og Maria Gregersen, Handilsskúlin tlf. 322065 VIÐMERKINGAR Nýggjársrøða í Runavík gamlaárskvøld 2002 Kunningarkvøld um útbúgvingar uttanlands TÍÐINDASKRIV Leygardagin 4. januar skip- ar Tensing kórið, Sound of Glory, í KFUM&K í Havn fyri fløskuinnsavnan. Farið verður runt í hvørt húsar- hald í Havnini millum kl. 15.00 og 17.00. Peningurin, ið kemur inn, fer til kon- sertferð til Prag, har kórið eisini fer at luttaka á stórari altjóða KFUM&K stevnu. Sangkór savnar inn fløskur C M Y K 11 10