leygardagur 4. januar 2003síða 4

6 Nr. 2 - 4. januar 2003 Nr. 2 - 4. januar 2003 7 Gjáar Kommuna fer í næstum at leggja sjónvarps- og inter- netkaðal til hvørt hús í bygdini. Møguleiki verður at fáa 22 sjón- varpsræsur umframt SvF og internet FJARSKIFTI Edvard Joensen Gjáar Kommuna hevur bílagt útgerð til felags parabolskipan til øll húsar- hald í bygdini. Væntandi verður farið undir arbeiðið at leggja kaðal heilt skjótt, sigur borgarstjórin. Sogfus Johannesen, borgarstjóri í Gjáar Komm- unu, sigur, at samtykt er í bagdarráðnum við Gjógv at leggja kaðal frá eini felags parabolantennu til øll hús við Gjógv. Kaðalin gevur fólki møguleika fyri at síggja 22 sjónvarpsræsur umframt Sjónvarp Føroya. Sjón- varpsgjaldið fyri SvF er fastlagt, meðan allar hinar 22 sjónvarpsræsurnar kunnu fáast fyri 90,- krónur um mánaðan, sigur Sofus Johannesen. Tað er upp til fólk sjálv, um tey seta stikkið í, sigur hann. Kommunan ger í- løguna í útgerðina, og so er lætt at fylgja við, hvør bindur í. Kravt verður so inn hareftir, sigur borgar- stjórin. Aðrir fyrimunir við hesi skipanin fram um fleiri aðrar parabolskipanir, sigur Sofus Johannesen vera, at tað ber til at síggja fleiri ymsar ræsur í sama húsi samstundis. Tað velst bara um talið á sjónvarpstólum, sum inni eru. Hvørt tólið kann taka sína rás, og ikki sum við vanligum parabol- mótakarum, har bara ein rás verður tikin inn í senn. Umframt verður so eisini møguleiki fyri at fáa in- ternetsamband, sigur Sofus Johannesen. Tá slepst undan tí mang- an svikaliga uppringda sambandinum, sum í dag er. Ikki er óvanligt í dag, at tá ein hevur fingið inter- netsamband um telefonina, verður ein blakaður út aftur eftir stuttari tíð. Hetta endurtekur seg javnan og er bæði irriterandi og ikki heilt kostnaðarleyst heldur, sigur borgarstjórin við Gjógv. Tað kostar nevniliga 40 oyru, hvørja ferð ringt verður upp. Tað verður ikki tað stóra arbeiðið av at leggja kaðal- in, sigur Sofus Johannesen, tí tá SEV í 1989 gróv allar kaðalar í bygdini niður, vórðu samstundis løgd rør at draga júst slíkar kaðalar ígjøgnum. Einaferð í vár verður væntandi fólkaat- kvøða í kommunun- um í Norðureysturoy og Norðurstreymoy fram við Sundalag- num um kommunu- samanlegging KOMMUNUMÁL Edvard Joensen Bygdarráðini í øllum kommununum í Norður- eysturoy, uttan Eiðis Kommunu, og komm- unum í Norðurstreymoy fram við Sundalagnum hava gjørt av at skriva út fólkaatkvøðu um komm- unusamanlegging. At- kvøðan verður væntandi einaferð næsta vár. Arbeitt hevur verið fram í móti at gera eina stóra kommunu í Norð- ureysturoy og Norður- streymoy, sigur Sofus Johannesen, borgarstjóri í Gjáar Kommunu. Allar kommunurnar í økinum, uttan Eiðis Kommuna, eru við í ætlanini. Reglur eru gjørdar fyri umboðan í einum komandi kommunustýri, eins og gjørt er av, at fólkaatkvøða skal skriv ast út um ætlanina. Eis- ini hava kommunurnar bundið seg til at fylgja úrslitinum av fólkaat- kvøðuni, sigur Sofus Jo- hannesen. Saksunar Kommuna hevur longu gjørt av at leggja saman við Hval- víkar Kommunu, sum er við í ætlanini um stóru samanleggingina, og á tann hátt koma saksun- ingar eisini við, um ætl- anin verður veruleiki, sigur Sofus Johannesen. Fólkaatkvøða um kommunu- samanlegging Borgarstjórin í Gjáar Kommunu gongur inn fyri eini samanlegging av kommunum í Norður- eysturoy og Norður- streymoy eystantil til eina stóra kommunu Bíligt sjónvarp við Gjógv Kommunurnar í sam- starvinum um Felags- skúlan á Oyrarbakka hava gjørt nýggja avtalu um skúlan SKÚLASAMSTARV Edvard Joensen Nýggjur sáttmáli er gjørdur millum kommunurnar, sum samstarva um Felagsskúlan á Oyrarbakka. Sáttmálin líkist heilt nógv tí, sum galdandi var, til nýggja fólkaskúlalógin kom í gildi. Bert eru onkrar ávísar dagføringar gjørdar, sigur Sofus Johannesen, borgarstjóri í Gjáar Komm- unu, sum er við í skúla- samstarvinum um Felags- skúlan á Oyrarbakka. So tað fer ikki at ávirka skúlan nakað sum helst, at ein nýggjur sáttmáli nú er gjørdur, sigur hann. Seinnu tíðina hava næm- ingar úr Funnings- og Elduvíkar Kommunum gingið í Felagsskúlanum á Oyrarbakka, uttan at hesa kommunur tó formliga hava verið við í samstarvin- um. Tær báðar kommunurnar hava fingið tilboð um at koma upp í samstarvið, sigur Sofus Johannesen. Tað kostar teimum einki at koma uppí, sigur hann, og skúlin er niðurgoldin. Enn er tó einki svar kom- ið frá Funnings Kommunu, men Elduvíkar Kommuna hevur boðað frá, at hon ikki ynskir at koma upp í sam- starvið. Hvussu framtíðin so verður hjá næmingunum úr teimum báðum kommun- unum, fara tær kommunur- nar, sum við eru í sam- starvinum so at taka støðu til, sigur borgarstjórin við Gjógv. Nýggj avtala um Felagsskúlan Samlaða ferðafólka- talið um flogvøllin í Vágum lækkaði í fjør við 0,7 prosentum í mun til í fyrraárið SAMFERÐSLA Edvard Joensen Vágar: Hóast eitt lítið sindur færri ferðafólk fóru um flogvølliní fjør enn í fyrraárið, varð ein vøkstur á høvuðsrutunum, sum eru Danmarkarruturnar, sigur leiðslan á flogvøllinum í tíðindaskrivi nú beint eftir nýggjár. Minkingin stendst av, verður sagt í tíðindaskriv- inum, at ferðslan á rutunum til á frá Stórabretlandi er minkað munandi. Hetta kemur av, at eingin frá- landavinna var undir Før- oyum í fjør, verður sagt. Minkingin á hesum rutun- um var ikki minni enn 22,4 prosent. Hinvegin er ein munandi vøkstur staðfestur á Noregsrutunum. Har hava 23,1 prosent fleiri feðrafólk valt at ferðast til og úr Før- oyum umvegis flogvøllin i Vágum. Á Danmarkarleiðunum, har nógv flest fólk ferðast, er eisini ein vøkstur í fjør í mun til í fyrraárið. Tað ferðaðust 2,7 prosent fleiri fólk til og úr Danmark í 2002 í mun til 2001. Tað verður eisini flogið millum Vágar og Ísland, og har er ferðingin støðug í mun til undanfarin ár. Tað ferðaðust umleið hálvt- tíggjundatúsund fólk loft- vegis millum Føroyar og Ísland í fjør, og tað er á leið sama tal sum í fyrraárið. Tilsamans 156.895 fólk ferðaðust í fjør um flog- vøllin í Vágum móti 158.056 í fyrraárið. Hesi nýttu 5.280 komur og fráferðir, sum eru umleið 10 prosent færri enn árið fyri. Aftur her er tað frá- landavinnan, sum stendur fyri minkingini. Tilsaman 8,4 porosent færri komur og fráferðir vóru í samband við hesa vinnu, meðan rutuferðir, charter- og taxaflúgvingin vaks við 3,3 prosentum, sigur leiðslan á flogvøllinum í Vágum í tíðindaskrivinum. Gjáarfólk fáa felags parabolskipan, sum bíliga gevur teimum møguleika fyri at fáa 22 sjónvarpsræsur umframt Sjónvarp Føroya inn í stovuna Nýggjur sáttmáli er gjørdur um Felagsskúlan á Oyrarbakka Nøkur fá færri um flogvøllin Vit vilja sjálvi skapa okkara ungdómsmentan Arbeiðið við nýggju Norrønu gongur væl, og skipið verður latið eigarunum 20.marts. Hjá Smyril Line merkja tey stóran áhuga fyri skipinum, bæði í Føroyum og uttanlands NÝBYGGING Jón Brian Hvidtfeldt 20.marts verður dagurin, tá nýggja Norrøna verður latin Smyril Line av Flend- erverft skipasmiðjuni í Lu- beck í Týsklandi. – Arbeiðið gongur væl, og skipið verður liðugt til tíðina. Tað sigur Jóannes á Váli, annar av stjórunum í Smyril Line. Hann greiðir frá, at øll stórarbeiði, m.a. við maskiuni og við tí elektriska, eru komin undir land, og eftir restar bara innrættingin umborð, út- luftningin, umframt onnur smærri arbeiði. Umleið 10. februar er ætlanin at fara fyrsta tekniska royndartúrin við skipinum, ið tá veruliga skal standa sína roynd. Prísurin heldur Nú Norrøna er um at vera liðug, kann Jóannes á Váli staðfesta, at prísurin fyri skipið fer at halda. Sátt- málabundni prísurin fyri nýggja, stásiliga skipið er 710 milliónir krónur. Í summar kom Flender- verft skipasmiðjan, ið byggir Norrønu, í fíggjar- ligar trupulleikar, fór seinni í gjaldssteðg, og tað er hon enn. Men tungi fíggjarligi burðurin hjá skipasmiðjuni hevur kortini ikki darvað arbeiðinum at smíðja nýggju Norrønu. Tó er framtíðin hjá týsku skipa- smiðjuni framvegis óviss. 100.000 ferðafólk Eftir ætlan skal nýggja Norrøna í sigling, beint eftir at hon er latin eigarun- um tann 20.marts. Tó er enn ikki tikin endalig støða til, hvørt skipið fyrst skal ein framsýningartúr, áðr- enn tað fer í regluliga sigl- ing. Í ár eru páskirnar um miðjan apríl, og tá vænta tey hjá Smyril Line nógv ferðafólk við nýggja skip- inum. Í juni kemur týska fót- bóltslandsliðið til Føroya at spæla, og hetta er ein góður møguleiki hjá Smyril Line at marknaðarføra nýggja skipið í Týsklandi. Hjá Smyril Line hava tey enn einki yvirlit yvir, hvussu nógvir fótbóltsáskoðarar koma hendaveg til dystin við Norrønu, men skipið fer úr Hanstholm leygardag og verður á Havnini mána- dag, sum dysturin verður spældur mikudag, og tískil skuldi verið lagamanni hjá týskum fótbóltsáskoðarum at nýtt hesa farleið. Síðsta summar førdi Nor- røna umleið 75.000 ferðafólk í Norðuratlants- havi. Jóannes á Váli sigur, at nú nýggja skipið verður tikið í nýtslu, vænta tey eina øking uppá 30 prosent í ferðafólkatalinum. – Málið er at nýggja skipið helst skal flyta 100.000 ferðafólk í summ- arsiglingini, sigur Jóannes á Váli. Stjórin í Smyril Line vil ikki seta tal á, hvussu nógv ferðafólk nýggja skipið skal flyta, fyri at tað skal mala runt fíggjarliga. Men hann sigur tó so mikið, at talið helst skal vera nakað omanfyri tey 75.000 ferð- andi, ið Norrøna flutti síðsta summar. Norrøna liðug til tíðina Hvørt mikukvøld hittast útvið 70 tann- áringar í hølunum hjá KFUM í Havn, at syngja og hava tað stuttligt saman. Saman kalla tey seg Sound of Glory , og Í summar skulu tey vera við á stórari stevnu í Prag TEN SING Jón Brian Hvidtfeldt Í summar skal kórið Sound of Glory taka lut á stórari stevnu fyri ung við tilknýti til KFUM-K felagsskapir úr øllum Evropa. Talan er um eitt sonevnt Ten Sing kór, har luttakararnir hittast fyri at syngja, men har dentur harumframt verður lagdur á at hava tað stuttligt og hugnaligt saman á kristnum grundarlag. – Eg vil ikki kalla okkum fyri eitt gospelkór, tí okkara skrá fevnir um fleiri sløg av tónleiki. Men vit virka inn- an kristnar rammur, og hava t.d. eina lítla andakt aftur við hvørjari venjing, greiðir Meinhard Arge Jensen frá. Sjálvur er hann kórleiðari hjá Sound of Glory, og Sosialurin hitti hann í hølunum hjá KFUM, saman við teimum trimum Duritu Dahl Andreassen, Malan Jensen og Beintu Harald- sen, ið allar eru við í kór- inum. Hetta slagið av kóri er væl kent, millum annað úr Norra, og tað var eisini hað- ani, at íblásturin kom til at stovna føroyska kórið fyri góðum trimum árum síðan, greiða tey frá. Í dag hevur Sound of Glory umleið 70 kórlimir í aldrinum 13-19 ár. Tey hava millum annað sungið í kirkjum og sam- komum í høvuðsstaðnum, í Eysturoynni, í Klaksvík og í Suðuroynni, og eisini hava tey havt tvær konsertir í Norra. Eisini plaga tey at syngja til konfirmanta- veitsluna í KFUM, og hetta plagar somuleiðis at vera eitt gott høvi at finna nýggjar limir til kórið. – Tað er eingin treyt at fólk skulu duga at syngja so ella so, men umráðandi er heldur, at fólk tíma og dáma at syngja, greiða tey frá. Í summar ætla tey sær at fara út um landoddarnar við kórinum. Leiðin gongur fyrst til Norra, og síðan til kekkiska høvuðsstaðin Prag, har tey skulu taka lut í stóra tiltakinum "YMCA Europe 2003", ið fer fram dagarnar 3.-9.august. YMCA er enska styttingin fyri KFUM. Hesar dagar hittast umleið 8000 fólk, ið hava sína gongd í KFUM felagsskapum kring alt Evropa, til eitt stórt tiltak, har dentur verður lagdur á konsertir, drama, kjakløtur, bíbliutímar o.a. Áðrenn tey fara til Prag skulu tey vitja eitt Ten Sing kór á Stavang- er-leiðini í Norra, og har skal kórið eisini hava tvær konsertir. Men hóast konsertirnar eru ein partur av virksemin- um hjá ungdómskórinum, so eru tær kortini ikki týdn- ingarmiklasti parturin, eru tey fýra samd um. – Vit eru eitt ungdóms- kór, men vit vilja eisini royna at skapa okkum eina felags ungdómsmentan, har vit gera ymiskt saman, m.a. hava ymisk tiltøk saman, og vit leggja eisini stóran dent á gott samanhald, greiða tey frá. 60 fólk til Prag Longu nú er greitt, at tey vera umleið 60 í tali, tá leiðin í summar gongur til Prag. Í hesum sambandi ætla tey sær at hava fleiri tiltøk fyri at savna inn pengar. Fyrsta tiltakið verð- ur í dag, leygardagin, tá kórlimirnir fara at at savna fløskur í allari Havnini. Seinnapartin leygardagin, millum klokkan trý og fimm, ætla tey sær at ganga hús úr húsi í øllum høvuðs- staðnum og spyrja fólk, um tey hava tómar fløskur standandi, ið tey vilja lata kórinum. – Vit hava onga hóming av, hvussu nógv hetta fer at geva, men hetta er so ein roynd, sigur Meinhard Arge Jensen, og greiðir frá royndunum hjá einum norskum kóri, ið tey kenna, sum fekk umleið 15.000 krónur inn við einum líkn- andi tiltaki. – Høvdu vit klárað at fingið tað sama, so hevði ikki verið so galið, eru tey fýra samd um. Seinni í vetur og í vár ætla tey sær at skipa fyri fleiri øðrum tiltøkum fyri at útvega pengar til ferðina. – Arbeiðið við nýggju Norrønu gongst sum ætlað, og vit fáa skipið 20.marts, sigur Jóannes á Váli, annar av stjórunum í Smyril Line Fýra av limunum í ung- dómskórinum Sound of Glory. Frá vinstru er tað Durita Dahl Andreassen, Malan Jensen, Meinhard Arge Jensen og Beinta Haraldsen Mynd: Álvur Haraldsen C M Y K 7 6