leygardagur 4. januar 2003síða 9

16 Nr. 2 - 4. januar 2003 Nr. 2 - 4. januar 2003 17 Nósakapping á Tvøroyri Í allan dag verður stór fótbóltskapping fyri børn í ítróttarhøllini í Trongsivági. Liðini, sum vinna, fáa steyp frá Nósa BARNAKAPPING Áki Bertholdsen Í allan verður ítróttarhøllin í Trongisvági karmur um eina stóra fóltbóltskapping fyri børn. Tilsamans hava 46 lið meldað til kappingina og tey koma úr øllum feløgun- um í oynni, bæði úr Sumba, Vági, Tvøroyri og úr Hvalba. Eitt lið norðaneftir hevði boðað frá luttøku, men tey settust aftur, tí veðurlík- indini eru so vánalig. Kappast verður í fleiri aldursbólkum, heilt frá teimum minstu, upp til drongir. Kappast verður í hesum bólkum: Minismápiltar, smápiltar, piltar, smágent- ur, smádrongir og drongir. Sostatt verður ein ør- grynna av dystum í høllini leygardagin og tí verður lagt til brots longu frá morgunstundini. Kappingin byrjar klokkan 9 í morgun og heldur fram allan dagin og væntandi er ikki, at hon endar, fyrrenn klokkan 8 - 8.30 í kvøld. Hvør dystur varar í fimm minuttir og liðini, sum vinna og verða nummar tvey og trý, fáa heiðurs- merki frá Nósa. Samstundis fær tann, sum avrikar okkurt serliga hegn- isligt, tað kann vera eina góða fintu, eitt gott mál, ella okkurt annað snilt, eisini okkurt frá Nósa. Hetta er aðru ferð, at TB skipar fyri innandura fót- bóltskapping fyri tey smæstu og líkt er til, at hetta verður eitt afturvend- andi tiltak um heysti. Kappingin byrjar við kappingini hjá smágentun- um, sum byrja klokkan 9 og tær eru lidnar kl. 9.50 Tá byrja minismápiltar- nir, smápiltar byrja kl. 11.40, smádrongirnir kl. 14.30 og piltarnir kl. 16.30. og smádrongirnir kl. 18.10. Teir ymsu aldursbólkarnir verða gjørdir lidnir so hvørt og heiðurstekin verða hand- að eftir hvørja kapping. Og fyrireikararnir siga, at tíðarætlanin fer at halda. Clare úr sigling næstu seks vikurnar Norröna fer lutvíst at røkja farmasiglingina hjá Clare, meðan skipið fer niður á Frederikshavn Værft, har eitt tannhjul, sum er klovnað, skal umvælast FARMASIGLING Eirikur Lindenskov Clare var í dokk á Skála um jólini, og har vóru teir var- ugir við eitt tannhjul, ið er klovnað, og sum skal um- vælast á Frederikshavn Værft. Tað er trupult at sleppa at skaðanum, og tryggingin hjá Clare krevur, at Frederikshavn Værft skal gera arbeiðið, tí danska skipasmiðjan hevur røttu útgerðina til umvælingina. Tí fer Norröna lutvíst at røkja siglingina hjá Clare, sum orsakað av skaðanum verður úr sigling í einar seks vikur afturat. Norröna fer at sigla túrarnar hjá Clare til Lerwick við bein- leiðis sambandi til Aber- deen. Siglt verður mána- kvøld, og um tørvur er á at fáa farm til Danmarkar á hesum túrinum, heldur Norröna leiðina fram til Hanstholm og verður aftur í Havn hósdag, so hon sam- bært vanligu ferðaætlanina kann fara úr Tórshavn til Hanstholm hóskvøld. Norröna er bundin av síni vetrarferðaætlan, og hon kann sostatt ikki yvirtaka allar túrarnar hjá Clare. Tí verður neyðugt at leggja partar av rutuni hjá Clare niður næstu seks vikurnar. Talan er um fríggjadagstúr- arnar til Danmarkar og um allar túrar til Drelnes og Klaksvíkar. Smyril Line vildi fegið funnið eitt annað skip til siglingina hjá Clare, men við stuttum skotbrái er tað sera kostnaðarmikið at leiga skip at røkja sigling- ina hjá Clare í einans seks vikur. – Tá vit so hava í huga, at lítið er til av laksi, og at fiskiflotin liggur svína- bundin orsakað av verkfall- inum hjá Skipara- og Nav- igatørfelagnum, er alt ov lít- ið grundarlag hjá Smyril Line at leiga eitt skip í seks vikur, sigur Heðin Joensen, sølu- og marknaðarleiðari á farmadeildini hjá Smyril Line. Í morgin verður Dimmalætting 125 ár Í morgin, tann 5. januar, eru liðin 125 ár síðani, at Dimma- lætting alment kom út á fyrsta sinni BLAÐSØGA Eirikur Lindenskov Dagurin í morgin, tann 5. januar, er ein rundur dagur í føroyskari blaðsøgu. Tá eru liðin 125 ár síðani at Føroya elsta núlivandi ávís, Dimmalætting, alment kom út á fyrsta sinni. Tó so kom eitt royndarprent av Dimmalætting út 8. des- ember í 1877 – men Dimmalætting nr. 1 árg. 1 kom út 5. januar 1878. Menninir aftan fyri Dimmalætting tá vóru danskir embætismennin í Havn og aðrir borgarar. Millum føroyingarnar, ið við vóru, kunnu nevnast Jens Olsen, keypmaður í Havn og Enok Bærentsen, eisini keypmaður. Tað sigst eisini, at V. U. Hammershaimb var við, tá stovandi aðalfundur var. Tað var eisini hann, sum kom við uppskotinum um hjánavnið, Dimmalætting. Annars var høvuðsnavnið Amtstidende for Færøerne. Í royndarprentinum frá 8. desember í 1977 skrivar V. U. Hammershaimb: »Færøerne eru ofte kaldet Taagernes Land, og i en vis Forstand kann dette vel siges; Landet, Befolkningen og dens institutioner have været forholdsvis ukjendte saavel for vore danske Landsmænd som for den Fremmede; nogen klar Forestilling om det Liv, der rører sig her, har man ikke havt, kun gjennem Afstand- ens Taage har man skimtet det. Maatte da nærværende Blad bidrage til at løfte dette Taageslør, maatte det som Morgendæmringen be- bude den gryende Dag og derved med rette hævde sit symbolske Navn, "Dimma- lætting".« Amtstidende for Færøerne hevur helst tykst føroying- um ov tungd sum navn, og skjótt varð blaðið nevnt Dimmalætting, ella Dimma. Blaðið hevði frá byrjan eitt fjølbroytt úrval av tilfari, eitt nú tíðindi úr Føroyum og uttan úr heimi, viðmerk- ingar, lesarabrøv, mentanar- tilfar, undirhald og lýsingar. Frá byrjan var blaðið ein konservativ avís, sum í donskum politikki stuðlaði stjórnini, og sum ikki por- entaði tilfar, ið kundi elva til rumbul og møguligar broytignar í valdsskipanini í Føroyum. Tungt var tá at geva út bløð, og eftir umbøn frá blaðnum gjørdist blaðið frá 1. oktober 1879 alment kunngerðarblað - og fekk harvið allar almennar lýs- ingar og kunngerðir. Fyrsti blaðstjórin á Dimmalætting var Lütje Lützen úr Havn. Løn hans- ara var 300 krónur um árið umframt seks prosent av vinningsbýtinum. Blaðstjórar á Dimmalætt- ing hava veri seinastu 125 árini: Lütje Lützen 1878-80 O. P. Effersøe 1880-82 og 1892-93 Louis Berg 1882-83 H. C. Petersen 1885-86 R. C. Effersøe 1886-89 Jacob Johansen 1889-94 Enok Daniel Petersen 1894-00 S. E. Müller 1901-02 Chr. Heilskov 1902-03 Oluf Skaalum 1903-18 Poul Niclasen 1918-36 Georg Lindenskov Samuel- sen 1936-81 Benny Lindensov Samuel- sen 1981-95 Beate Lindenskov Samuel- sen 1995-01 Georg Lindenskov Petersen 2001-2002 Ingi Lindenskov Sameul- sen 2003- Vit á Sosialinum ynskja Dimmalætting tillukku við degnum! (Kelda: Arnbjørn Ó. Dalsgarð »Føroysk blaðsøga 1852-2002«) Hóast royndarprentið av Dimmalætting kom hin 8. desember í 1877, so kom fyrsta regluliga útgávan leygardagin hin 5. januar í 1878. Blaðið kom út eina ferð um vikuna, og tað kostaði 6 krónur um árið at halda blaðið. Á myndini sæst forsíðan á fyrstu regluligu Dimmuni, sum er til skjals á savninum á Sosialinum C M Y K 17 16