týsdagur 7. januar 2003síða 12

22 Nr. 3 - 7. januar 2003 Tað gjørdust oddaliðini hjá bæði kvinnum og monnum, sum tryggj- aðu sær luttøku í steypafinaluni, tá Mjølnir kappingin varð hildin í Klaksvík um vkuskiftið FLOGBÓLTUR Jákup Mørk Stóra Mjølnir kappingin í flogbólti varð leikt um vikuskiftið, og sum vanligt, so var luttøkan stór úr øll- um landinum, tá kappast varð í ymsu deildunum. Umframt at vera kanska best vitjaða flogbóltskapp- ingin á árinum, so hevur Mjølnir kappingin seinastu árini verið onnur av teimum, har pláss í steypafinaluni er upp á spæl, og spenningurin um hetta var kanska eyka stórur hesaferð. Hjá bæði kvinnum og monnum var tað nevnliga soleiðis undan kappingini, at hvørki av oddaliðunum hevði tryggjað sær finalupláss í Fleyr- kappingini, har fyrri finalusessurin stendur upp á spæl, og tí var spurningurin, hvørt tað fór at eydnast hjá ÍF hesaferð. Og tað gjørdi tað. Í báð- um førum var tað Mjølnir, sum var mótstøðuliðið í finaludystinum, og í báðum førum varð talan um 3-0 sigrar. Serliga hjá kvinnun- um var talan um sannfør- andi sigur hjá Mjølnir, meðan menninir í nógv størri mun máttu stríðast fyri sínum sessi. Spennandi tiltak Sum tað hevur veirð nevnt seinnu árini, so er flog- bóltsfinalan í steypakapp- ingini vorðin eitt slag av flaggskipi fyri flogbóltin, og sum skilst, so verður finalan í ár einki undantak. Enn eru ikki smálutir lagdir til rættist, men tað er tó so, at nevndin í Flog- bóltssambandinum ætlar at byggja víðari á leistin, sum er lagdur seinnu árini. Aftur í ár verður soleiðis talan um at fáa altjóða dómara til landið at døma dystin, og sum nakað heilt nýtt, er ætlanin nú eisini, at dysturin skal varpast bein- leiðis á stórskíggja í høllini, soleiðis at tað ikki er nøkur umbering fyri áskoðarar-nar, at plássið er ov lítið, og at tey tískil ikki síggja nóg væl. Hartil sigur nevndin í FBF seg eisini arbeiða við øðrum tiltøkum kring dyst- in, men enn eru hesi so ikki komin endaliga upp á pláss, so tað verður so helst nak- að, sum vit fara at frætta meira um seinni. Finaludystirnir í steypa- kappingini verða í ár leiktir 15. februar, og verða mót- støðuliðini hjá ÍF her ávíkavist kvinnurnar hjá TB og menninir hjá SÍ. ÍF í báðum finalunum Kvinnurnar hjá ÍF vunnu finaluna í meistaradeildini, og tryggjaðu sær sostatt pláss í steypafinaluni, har TB verður mótstøðuliðið Eisini hjá monnunum gjørdist ÍF vinnari, og aftur her var Mjølnir mótstøðuliðið Í næstbestu kvinnudeildini gjørdist SÍ vinnari Tað er ikki bert í meistaradeildini, at ÍF er væl við. Eisini vunnu menninir kappingina í fyrstu deild Kvinnukappingina í 2. deild vann Mjølnir Og klaksvíkingar vunnu eisini 2. deild hjá monnum, so okkurt steypið varð kortini verðandi eftir í Klaksvíkini C M Y K 22 Nr. 3 - 7. januar 2003 23 Vil samráðast Myndugleikarnir í Norðurkorea gjørdu um vikuskiftið greitt, at teir eru sinnaðir at samráðast við amerikansku stjórnina um at loysa ósemjuna, sum er íkomin, eftir at Norðurkorea tók sína kjarnorkuverkætlan uppaftur. Norðurkoreanska tíðindastovan KCNA skrivaði sunnudagin, at landið er til reiðar at tosa við USA, og at stjórnin er eisini til reiðar at góðtaka eitt triðja land sum semingsmann. Bæði Suðurkorea, Japan og Russland hava boðið sær til at royna semju millum Pyongyang og Washington. Norðurkoreanar finnast samstundis at USA. Sagt verður, at rakettverjuætlanin hjá Bush-stjórnini er eitt prógv um, at amerikanska stjórnin fyrireikar seg til at leypa á Norðurkorea. Arbeiðsleysir prestar Talið á arbeiðsleysum prestum í Danmark hevur verið minkandi seinastu árini, men í fjør vendi gongdin. Sambært arbeiðsloysistølunum vóru meiri enn sjey prosent av donsku prestunum arbeiðsleysir stutt fyri ársskiftið. Formaðurin í prestafelagnum, Peter Krogsøe, sigur, at hetta er sera álvarssamt hjá tí einstaka prestinum, tí tað vísir seg at vera trupult hjá prestlærdum at fáa annað arbeiðið. Fyrr var rættiliga vanligt, at nógvir prestar arbeiddu sum lærarar ta fyrstu tíðina eftir lokna útbúgving, men hesi viðurskiftini eru eisini broytt. Óvæntaður vinnari Í Litava vann fyrrverandi forsætisráðharrin, Ro- landus Paksas, óvæntað forsetavalið, sum var sunnudagin. Undan valinum bendu allar veljarakanningar á, at sitandi forsetin, tann 76 ára gamli Valdas Adamkus, fór at verða afturvaldur, men tá uppteljingin var liðug, hevði hann bert fingið 45,1 prosent av atkvøðunum, meðan 46 ára gamli Rolandus Paksas hevði fingið 54,9 prosent. Valið sunnudagin var annað valumfar. Í fyrra umfarinum fekk Adamkus 35 prosent av atkvøðunum og Paksas góð 19 pro- sent. Valdas Adamkus, sum búði í útlegd í USA, meðan Litava var ein partur av Sovjetsamveldinum, fekk stuðul frá mið- og høgravonginum í litaviskum politikki. Rolandus Paksas er formaður í liberal- demokratiska flokkinum og hevur fyrr verið for- sætisráðharri, eins og hann eitt tíðarskeið var borgarstjóri í høvuðsstaðnum Vilnius. Ágangur ímóti nunnum Ein kanning, sum lærdi háskúlin í býnum St. Louis hevur gjørt, vísir, at næstan 40 prosent av teimum amerikansku nunnunum hava verið fyri kynsligum ágangi, og at tað vanliga eru prestar ella aðrar nunnur, sum gera seg inn á tær. Tey, sum hava gjørt kanningina, hava spurt 1164 nunnur í 123 ymsum kleystrum í USA. Sambært blaðnum St. Lois Post-Dispatch varð frágreiðingin gjørd longu í 1996, men úrslitið hevur verið hildið loyniligt, tí leiðslan í katólsku kirkjuni í USA stúrdi fyri avleiðingunum, frætti almenningurin um tað. Avdúkingin kemur katólsku kirkjuni í USA illa við. Kirkjan er frammanundan fyri hvøssum atfinningum eftir tær nógvu gølurnar um prestar, sum hava gjørt seg inn á børn og ung, og frágreiðingin um, at nunnurnar heldur ikki fáa frið, bøtir ikki um umdømið hjá kirkjuni. Tey, sum gjørdu frágreiðingina, siga, at biskupparnir tykjast ikki hava stórvegis áhuga í áganginum ímóti nunnunum. Kavarok, skalvalop, frost og vatnflóð kravdu meiri enn 20 mannalív í Evropa um vikuskiftið, og nógvastaðni var ruðuleiki í ferðsluni ILLVEðUR Árni Joensen Í Danmark noyddist bjarg- ingartænastan at biðja her- valdið um hjálp, so sjúkra- bilar kundu koma vegin fram í tí nógva jarðrokinum sunnudagin og gjáranáttina. Nógvar flogferðir máttu avlýsast, og í Kastrup noyddust ferðafólk at geva tol, tí fleiri flogfør vóru seinkað av tí vánaliga veðr- inum. Í pørtum av Jyllandi og Sælandi ráddi løgreglan fólki frá at seta seg í bilin. Aðrastaðni í Evropa var veðrið uppaftur nógv verri. Í Italia doyðu tvey fólk í skalvalopum, og í Slovakia vórðu tveir skíðrennarar funnir deyðir undir einum skalvalopi. Myndugleikarnir í Týsk- landi siga, at har doyðu sjey fólk um vikuskiftið í van- lukkum, sum stóðust av nógvum vindi og vatnflóð. Millum annað floymdu fleiri av teimum stóru áun- um upp um áarbakkarnar. Í Russlandi hevur verið sera kalt, og í Moskva doyðu 12 fólk í kulda. Eisini í Pólandi hevur kuld- in verið nógvur. Higartil í vetur eru 227 fólk deyð í kulda í Russlandi og 183 í Pólandi. Har norðuri í Fraklandi kom nógvur kavi niður. Í Charles de Gaulle-flog- havnini í París vóru flog- førini nógv seinkað, og á teimum stóru motorvegun- um uttan fyri høvuðsstaðin sóru 15.000 fólk føst í bil- unum í tí nógva kavanum. Í Kekkia, Týsklandi, Eysturríki, Belgia, Niður- londum, Bretlandi og Portugal regnaði illa. Áirnar fóru upp um áar- bakkarnar, og nógvir vegir og gøtur í býunum stóðu undir í vatni. Í Kekkia stúrdu myndugleikarnir fyri, at teir máttu flyta fólk- ið úr umleið 20 bygdum, men tað gjørdist kortini ikki neyðugt. Tað sigur Saddam Hussein, forseti. Sam- stundis leggja ameri- kanarar seinastu hond á eina ætlan um, hvussu Irak skal skipast, eftir at Sad- dam er rikin frá IRAK-KREPPAN Árni Joensen Einki bendir á, at irakski forsetin, Saddam Hussein, ætlar sær at slaka fyri trýst- inum úr USA. Í einari sjónvarpsrøðu sunnukvøld- ið ávaraði hann amerikan- ararnar um, at irakska fólk- ið er fyrireikað til kríggj. Hann legði samstundis eftir vápnaeftirlitsmonnun- um hjá ST, sum hann segði vera njósnarar. - Ístaðin fyri at leita eftir hópoyðingarvápnum fyri at avdúka lygnirnar hjá lygn- aranum hava eftirlitsmenn- inir áhuga fyri irakskum vísindafólkum og at spyrja arbeiðsfólk um ymiskt, sum ikki er til. Eisini royna teir at savna upplýsingar um lógligar herstøðir og lógliga hernaðarfram- leiðslu, segði irakski for- setin í røðuni. Samstundis sita ameri- kanskir embætismenn og leggja seinastu hond á eina ætlan um, hvussu tað irakska samfelagið skal skipast, eftir at Saddam Hussein er fallin. New York Times skrivaði í gjár, at stjórnin í løtuni leitar eftir einum manni, sum skal hava ta ovastu umsitingar- ligu leiðsluna í Irak. Sam- bært embætismonnum skal maðurin ikki vera heryvir- maður, men heldur ein við umsitingarligum royndum. New York Times sigur seg eisini hava fingið at vita, at eftir amerikansku ætlanunum skulu leiðandi irakar dragast fyri ein hernaðardómstól, meðan teir, sum hjálpa USA og tess sameindu at koyra Saddam Hussein frá, fáa grið. Amerikanska ætlanin miðjar eisini eftir at taka ræðið á iraksku oljukeldun- um, og at inntøkurnar frá oljuni skulu fíggja tað, sum tað fer at kosta at endur- byggja landið aftan á eitt kríggj. Fleiri amerikanskir leið- arar hava fyrr nevnt, at USA ætlar at fáa útlagnar irakar at skipa eina tillag- ingarstjórn, men sambært New York Times er hendan ætlanin slept. Illveður í Evropa Irak er fyrireikað til kríggj Soleiðis sá út í Norðurfraklandi um vikuskiftið. Her er áin l'Oise farin upp um áarbakkarnar og hevur lagt vegirnar í einari bygd undir í vatni Mynd: Reuters UTTAN ÚR HEIMI 23