mikudagur 8. januar 2003síða 3

4 Nr. 4 - 8. januar 2003 Nr. 4 - 8. januar 2003 5 Dúgvan: Bilplássið minkar við einum fimtingi Dúgvan, sum siglir millum Leirvík og Klaksvík, er í løtuni til uppmerkingar. Hesar uppmerkingar fara at føra við sær, at plássið til bilarnar á dekkinum minka 20 % og betri pláss verður til ferðafólkið SAMFERÐSLA Ingrid Bjarnastein Klaksvík: Mánadagin byrj- aði Ternan at avloysa Dúgvuna við siglingini um Leirvíksfjørð. Hetta kemst av, at ymiskar uppmerking- ar skulu gerast á dekkinum. – Hetta er eitt arbeiði við Skipaeftirlitinum, sum hev- ur verið ávegis leingi, sigur Magnus Magnussen, tekn- iskur leiðari á Strandferðsl- uni. – Ein skabilón skal royn- ast, har vit mála nakrar gul- ar strikur á dekkið, sum fara at geva ferðafólkunum betri pláss at ganga í. Um ferðafólkið skal hava meira pláss at ganga á merkir tað jú, at meira verður tikið av plássinum til bilarnar. Magnus Magnussen upp- lýsir, at plássið til bilarnar umborð á Dúgvuni fer at minka við 20 prosentum, og tað kann sigast vera rættiliga nógv, tá hugsað verður um, at Dúgvan frammanundan ikki megnar at nøkta tann stóra tørvin. Men Magnus metir, at um ein vil raðfesta ferðafólkið, so er hetta nakað, ið má gerast. Spurdur um, hví ein landgongd ikki verður gjørd sigur Magnus Magn- ussen: – Tað vísir seg, at undir- tøka er ikki fyri at gera eina landgongd. Dúgvan fór úr sigling mánadagin, men verður longu aftur í dag, mikudag. Tær gulu strikurnar á dekkinum eru bara fyribils, men um hetta vísir seg at vera ein góð loysn, verða tær permanentar, verður upplýst av Strandferðsluni. Dúgvan fær gular strikur í dekkið, so betri pláss verður til ferðafólkið. Hetta hevur tó avleiðingar, tí tað kemur at føra við sær, at bilaplássið á dekkinum kemur at minka við 20 prosentum Savnsmynd Í næsta mánaða fer at bera til hjá føroying- um at fara í sirkus. Kenda, danska sirkus Arena kemur til Før- oya at hava tríggjar framførslur SIRKUS Jón Brian Hvidtfeldt Vikuskiftið 7. til 9.februar kemur kenda danska sirkus Arena hendaveg at vísa før- oyingum síni kynstur. Framførslur vera bæði í Runavík, í Klaksvík og í Havn. Við á ferðini eru millum annað klovnar, gyklarir (jonglørar) og akrobatar, sum skulu vísa síni kynstur. Talan er um sirkus, bæði fyri børn og vaksin. Tilsam- ans eru tey 15 fólk við í ferðalagnum hjá sikus Ar- ena, tá tey koma til Føroya. Vetrarsirkus Í heyst vitjaði sirkus Arena í Grønlandi fyri 19.ferð, og í hesum døgum ferðast tey kring Jútland við einum sonevndum vetrarsirkusi, ið kann framførast í stórum ítróttarhøllum. Og tá rund- ferðin í Jútlandi er liðug, gongur leiðin til Føroya. Um sumrarnar ferðast sirkusið kring Danmark við einum stórum sirkustelti, sum framførslurnar verða hildnar í. Og tá eru m.a. eisini fleiri djór við í sýn- ingunum. Men um vetrar- nar minka tey framførslur- nar, so tær kunnu haldast í ítróttarhøllum, og tá eru vanliga eingi ella bara heilt fá djór við. Og eingi djór vera við á Føroyaferðini hjá sirkus Arena. Sirkus í hálva øld Sirkus Arena er eitt gamalt sirkus, stovnað í 1955. Tað var pápi Benny Berdino, sum í dag er kendur sum tann syngjandi sirkusstjórin í Arena, ið legði lunnar undir hetta sirkusið. Benny Berdino verður eisini við í Føroyum, har hann fer at standa fyri framførslunum. Í dag rópa tey í sirkus Arena seg sjálvi fyri størsta sirkusið í Norðurlondum, og um sumrarnar eru 217 fólk knýtt at sirkusinum. Sirkusstjórin hevur øll árini lagt seg eftir at hava sirkus, eisini á fjarskotnum leiðum í kongaríkinum, og sum longu nevnt hava tey verið ikki færri enn 19 ferð- ir í Grønlandi, umframt at tey hava havt fleiri fram- førslur í Íslandi. Sirkus Arena vitjaði í Før- oyum fyri 10 árum síðani, men síðan tá hevur sirkusið ikki verið aftur her. Men nú hildu tey so, at tíðin var komin at vitja Føroyar. Góðar vónir Tey í sirkus Arena hava góðar vónir um at føroying- ar fara at taka væl ímóti sirkusinum, nú tey koma til Føroya. Fyrsta framførslan verður í høllini í Runavík fríggjadagin 7. februar klokkan 19, onnur fram- førslan verður í høllini í Klaksvík leygardagin 8. februar klokkan 17, og seinasta framførsla verður í Havn sunnudagin 9.februar klokkan 16. Tað kostar 110 krónur at síggja tey í sirkus Arena vísa síni kynstur. Sirkus Arena til Føroya - Vit fingu heili 30 tons av sild mána- dagin, sigur Joen- Jacob Johannesen, sum eigur bátin, Katrin, ið roynir við nót eftir sild á Skálafjørðinum SILDAROK Vilmund Jacobsen Vikan, áðrenn Havsbrún í Fuglafirði gavst at taka ímóti fiski fyri jól, gjørdist tann størsta hjá nordafar- bátinum, Katrin úr Søldar- firði, nakrantíð. Sosialurin var á bryggj- uni á Toftum næst seinasta dagin, teir royndu eftir sild fyri jól. Hetta var ein hós- dag og teir fýra dagarnar frammanundan, hevði Kat- rin fingið heili 80 tons av sild. Ætlanin var at fara avstað aftur fríggjadagin, sum var tann fimti royndar- dagurin. Fingu teir 20 tons hendan fríggjadagin, høvdu teir heili 100 tons av sild á Skálafjørðinum í eina viku! Og tað eydnaðist. Fríggjadagurin royndist eins væl og hinir dagarnir í vikuni. Sostatt gjørdist hen- dan vikan fyri jól tann besta nakrantíð. - Vit fingu nevniliga meira enn 100 tons av sild tilsamans hesa vikuna, sigur Joen-Jacob Johanne- sen, sum eigur bátin. 30 tons mánadagin Havsbrún gavst at taka ímóti fiski, 19. desember og byrjaði aftur at taka ímóti mánadagin í hesi vikuni. Sildin, sum Katrin fiskar, verður øll landað til ídnað. Tá er ikki neyðugt, at hon er púra fesk. Tí var Joen- Jacob aftur úti við nótini bæði fríggjadagin og leyg- ardagin í síðstu viku. - Vit fingu uppí bátin hesar báðar dagarnar, eini 15-16 tons hvønn dagin. Mánadagin í hesi vikuni vóru teir aftur úti, og tá gekk so avbera væl. - Vit fingu tvær ferðir uppí bátin hendan dagin, eini 30 tons tilsamans. Vit kastaðu fyrru ferð í lýsing- ini og seinnu ferð nakað eftir døgurða, sigur hann. Týsmorgunin um 10-tíð- ina, tá ið Sosialurin frætti frá Joen-Jacob, vóru teir aftur við nótini. Men hen- dan morgunin gekst ikki so væl í hond. - Vit høvdu nógva sild í nótini, men fingu fast í botn. Tá ið leyst var, var meginparturin sloppin út- aftur. Vit eru nú á veg inn við einum sjatti av sild, eini 5 tonsum, sum eftir vóru, tá ið avtornaði. Ætlanin var at gera ein túr aftrat seinnapartin týs- dagin. Nógv sild Joen-Jacob sigur, at nógv sild hevur staðið har úti á Skálafjørðinum í seinast- uni. - Vit hava roynt á leiðini millum Toftabygd og Stren- dur, og nú so nógv sild er at fáa, verður roynt at fáa sum mest burtur úr henni, með- an fiskiskapurin enn er góður, leggur hann aftrat. Prísurin er hesi sildini, sum næstan kemur livandi til lands, má sigast at vera vánaligur; hann er nevni- liga ein króna fyri kg. - Einar 5-6 sildir fara til hvørt kilo, sigur Joen-Jacob Johannesen at enda. Teir gomlu plaga at siga, at tá ið sildaprísurin var bestur undir seinna kríggi, kostaði ein sild eina krónu. So høgt var hon í metum tá… Fingu tvær ferðir uppí bátin av sild Týsdagin 14. januar verður ein ráðstevna um sporføri innan fiskivinnuna í Mentanarhúsinum í Fuglafirði. Vinnu- húsið sigur, at ein av fyrilestrarhaldarun- um kemur frá stóru Trace Fish-verkætlan- ini, sum endaði í november í fjør RÁÐSTEVNA Vilmund Jacobsen Í altjóða handli og í sam- skifti innan fiskivinnuna verða sett støðugt størri krøv og ynskir til sporføri frá veiðu til lidnu vøruna, vísir Vinnuhúsið á í tíð- indabrævi. - Endamálið við ráð- stevnuni, sum verður í Mentanarhúsinum, er at fáa sporføri á dagskránna í før- oyska kjakinum, og soleiðis verða við til at seta eina menning í gongd á hesum øki, verður sagt. Ráðstevnan, 14. januar, verður sett av Jørgeni Niclasen, landsstýrimanni í fiskivinnumálum. Evnini, sum verða við- gjørd, eru hesi: Trace Fish standardurin fyri alifisk (Jostein Storøy frá SINTEF í Noregi, sum var formaður í arbeiðsbólkinum fyri ali- fiski, greiðir frá hesum standardi), Elektroniskar logbøkur og aðrir hent- leikar umborð á skipum (Kristján Gislason frá RADIOMIÐUN greiðir frá um elektroniskar hentleikar í veiðiliðnum), Sporføri í føroyskari fiskivinnu (Poul Johannes Østerø frá COM- DATA greiðir frá dataflow í føroysku fiskivinnuni - hvør framleiðir data, hvør sendir til hvønn, og nær og hví missa vit sporførið), Tann føroyska sporføris- visiónin (Jørleif Bech frá COM-DATA greiðir frá, hvat ein total sporføris- skipan kann upplýsa. Her verður víst, hvussu ein van- ligur keypari í París kann fáa atgongd til allar møgu- ligar upplýsingar, ið snúgva seg um júst ta føroysku fiskavøruna). Vinnuhúsið sigur, at ráð- stevnan er fyri innboðin, og væntandi luttaka umboð fyri ein stóran part av fyri- tøkunum, ið starvast innan føroysku fiskivinnuna, bæði beinleiðis og óbein- leiðis. Eisini verða umboð fyri almennar fyritøkur og stovnar, ið hava við fiski- vinnuna at gera, við á ráð- stevnuni. Tað er Fiskivinnuroyndir, sum stuðla ráðstevnuni, og Virkisráðgevingin tekur sær av umsitingarliga part- inum. Ráðstevna í Mentanarhúsinum í Fuglafirði Ráðstevna um sporføri í fiskivinnuni verður í Mentanarhúsin- um í Fuglafirði, 14. januar. Joen-Jacob, sonur og abbasonur hava rættiliga rokast á sildaveiði seinasta mánaðin. Mánadagin fingu teir tvær ferðir uppí bátin inni á Skálafjørðinum Mynd: Vilmund Jacobsen Nordafarbáturin, Katrin, er søkklaðin næstan hvønn einasta royndardag. Við stýriborðssíðu hongur nótin við fleiri tonsum av sild Mynd: Vilmund Jacobsen C M Y K 5 4