mikudagur 15. januar 2003síða 2

2 Nr. 10 - 16. januar 2003 Nr. 10 - 16. januar 2003 3 Lagið er ikki gott á fólkafloksmonnum í hesum døgum, men Anfinn Kallsberg vil kortini ikki siga samgonguna upp POLITKKUR Theodor E. D. Olsen Eftir valið brúkti løgmaður møguleikan í okkara enn nýggju stýrisskipanarlóg at verða sitandi, hóast hann ikki var formaður í størsta flokinum. Hetta vóru ikki øll fegin um. Týsdagin noyddi Løgtingið ein lands- stýrismann at siga seg úr starvi, og tað er løgmaður nú harmur um. Lagið er nevniliga ikki gott í Fólkaflokkinum í hesum døgum, men Anfinn Kallseberg, løgmaður, hev- ur ongar ætlanir um at gera stórvegis broytingar í síni stjórn. – Fólkafloksmenn eru harmir um støðuna, men vit hava havt eitt gott samstarv í samgonguni, sigur løg- maður, tá hann verður spurdur, hvussu framtíðin hjá Landsstýrinum sær út, og um hann kann góðtaka, at Tjóðveldisflokkurin segði seg vilja atkvøða fyri einum misáliti á Jørgen Niclasen. – Vit hava ikki sagt nakra samgongu upp, men vit hava sagt, at um Tjóðveldisflokkurin at- kvøður fyri einum and- støðuuppskoti, so skapar hetta missljóð, og hetta hevur skatt álitið, og tí verður stevið ikki tað sama, tí eitt samgongustarv bygg- ir upp á álit, sigur Anfinn Kallsberg. Pressan burtur úr vón og viti Í løtuni umsitur hann sjálv- ur fiskivinnumál, sum hann metir vera eitt sera stórt og umfevnandi málsøki. Enn vil løgmaður tó ikki siga, hvør kemur at taka sær av Fiskimálaráðnum, ella nær ein nýggjur landssýrismað- ur verður settur í tann sess- in. Men Anfinn Kallsberg væntar tó ikki stórvegis broytingar í fiskivinnu- politikkinum, tí linjan hjá Jørgen Niclasen er løgd í lógini, sum hann málber seg. Løgmaður sigur seg vera sera harman um, at Jørgen Niclasen noyddist at fara frá, og honum hóvar ikki handfaringina hjá fjølmiðl- unum í hesum máli, sum hann sigur vera burtur úr vón og viti. Hann heldur, at pressan dømdi við brestin, og hevur ikki verið serliga objektiv. Løgmaður vil tó ikki siga júst hvørjar miðl- ar, hann meinar við, men sigur so mikið, at summir miðlar eru meira slagkraft- igir enn aðrir, sum hann orðar seg. – Viðhvørt liva landsstýrismenn undir ómenniskjansligum korum. Um hetta er rætt ella skeivt, veit eg ikki, men vit mugu øll ansa eftir hvørjum øðrum, sigur løgmaður. Sjálvur vardi hann leingi Jørgen Niclasen, men tá trýstið úr Løgtinginum varð ov stórt, noyddist sjálvt løgmaður at ásanna, at møguleikin fyri at fáa misálit í føroyskum polit- ikki er til staðar. Løgmaður ikki sagt samgonguna upp Løgmaður harmast um at hava mist Jørgen Niclasen, men hann sigur seg ikki hava sagt samgonguna upp Mynd: Jens Kr. Vang Umbering Í Sosialinum 14. januar í ár varð grein um smugl- ing av narko, har vit eisini høvdu mynd av fleiri persónum. Nýtsla okkara av hesi mynd var eitt mistak, tí persónarnir á myndini eru ikki undir illgruna ella hava nakað við sakina at gera. Sosialurin vil tí koma við eini treytaleysari umber- ing fyri hetta mistakið. Blaðstjórin Stemingurin er ikki góður í Fólkaflokkinum í løtuni eftir at andstøðan og Tjóðveldisflokkurin feldu ein av teirra landsstýrismonnum Jøregn Niclasen er ikki landsstýrismaður longur. Týsdagin noyddi Løgtingið hann frá, meðan fjølmiðlarnir eltu ein vrakaðan mann, sum ongan møguleika hevði at fjala, at hann táraði. – Hatta er ikki nakað, sum eg avgeri, sigur Jørgen Niclasen um valið hjá SvF at suma inn á andlitið hjá honum, tá harðast stóð á POLITIKKUR Theodor E. D. Olsen – Mín politiski veruleiki er øðrvísi í dag. Hetta segði Jørgen Nicla- sen, fyrrverandi landsstýr- ismaður, tá Sosialurin ringdi til hansara í gjár. Sjálvur segði hann seg síggja støðuna innanífrá, tí hann var staddur vesturi í hembygdini, Sørvági, har hann sleikti tey politisku sárini og hugsaði nýggjar leikir í tí stóra talvunum, hann hevur verið partur av so leingi. Týsdagin noydd- ist hann kortini at leggja kongin í hesum umfarinum. – Tað nyttar ikki at vera fornermaður, tí politikkur er eirindaleysur. Men tú minnist, tað sum er gjørt ímóti tær, og tí eri eg ein keddur maður í dag, sigur Jørgen Niclasen, eftir at hann varð noyddur av and- støðuni og Tjóðveldisflokk- inum at biðja løgmann loysa seg úr starvi. Annars hevði Løgtingið atkvøtt hann úr Fiskimálaráðnum, og tá er ikki so lætt at koma aftur í aftur í politikki. Spurdur, um hann væntar at sleppa út aftur í Tinganes í onkrari aðrari samgongu, sigur Jørgen Niclasen við sínum ógvusliga mynda- máli, at hann hevur fingið ein knív í ryggin uttan at hava gjørt nakað skeivt politiskt ella løgfrøðiliga, og tí fer hann frá við upp- rættaðari pannu, sum hann málber seg. – Men har spælir nógv inn, ikki minst veljarin, tí eg eri bara ein brikkur í tí stóra spælinum. Eg havi tó ongantíð viljað givið upp, og aldurin er enn ikki so høgur, sigur tann skjótt 34 ára gamli Jørgen Niclasen, sum var týðiliga merktur, tá hann týsdagin á tingsins røðarapalli segði ráðharra- sessin frá sær. – Tað góða orðið hevur meira at siga, enn vit geva okkum far um, sigur Jørgen Niclasen, sum bæði hevur fingið telefonuppringingar og sms-boð, síðani tað politiska tapið varð varpað út í loftmiðlunum um alt landið. – Men hini, sum ikki hava nakað gott at bera mær, høvdu nokk ikki ringt, leggur tó ein reellur Jørgen Niclasen afturat. SvF sumaði Spurdur, hvat hann heldur, at t.d. Sjónvarp Føroya gjørdi ov nógv burtur úr, tá hann feldi tár og ristist á røddini í tingsalinum, sigur Jørgen Niclasen, at hann enn ikki hevur sæð allar upptøkurnar frá sjálvum fundinum, har myndatólið sumaði inn á andlitið á honum, tá harðast leikaði á. Hann heldur tó ikki, at sjónvarpið var so ringt, tí teirra myndatól stóð eitt sindur burtur frá sessinum hjá sær, og tað flutti seg ikki teir tríggjar tímarnar, tingfundurin vardi. Verri var kortini við foto- grafunum, sum allatíðina fluttu seg á vóru klárir at finna nýggjar vinklar undir orðaskiftinum. – Men hatta er ikki nak- að, sum vit avgera, sigur ein róligur Jørgen Niclasen um fjølmiðlarnar, og kallar teir ta fjórðu statsmaktina. Hart trýst Hann er ikki tann fyrsti landsstýrismaðurin, sum hevur verið noyddur at víst sínar kenslur á skíggjanum, og tá Sosialurin spyr hann um trýstið, ið liggur á einum ráðharra í Føroyum, sigur Jørgen Niclasen, at hann plagar at spyrja fólk, hvussu tey høvdu havt tað, um tey ofta høvdu staðið á forsíðuni í bløðunum. – Tað er nevniliga rættiliga óbe- hagiligt at verða hunddálk- aður, og trýstið er enormt, og tað pínir, tá tú heldur teg hava eina góða sak, sigur Jørgen Niclasen. Men hann leggur tó aftur- at, at teir føroysku fjølmiðl- arnir vita, at samfelagið er lítið, og tí hanga teir ikki privatlívið hjá fólki út, sum pressan kanska ger í øðrum londum. So ta tíðina Jørgen Niclasen var landsstýris- maður uggaði hann seg við, at tað ikki var privatpersón- urin, sum endaði á forsíð- unum. – Men eg havi fingið harða húð, sigur Jørgen Niclasen, sum nú aftur telist millum tey 32 í Løg- tinginum. Vil enn einki siga Spurdur, um hann hevði væntað, at tingfundurin, har uppskotið frá andstøð- uni varð viðgjørt, bleiv so drúgvur, sigur Jørgen Niclasen, at talutíðin til eitt misálitisuppskot er sama sum til eitt fíggjarlógarupp- skot, so tað gjørdi hann ikki bilsnan. Hann hevur einki boð upp á, hvør eftirmaður han- sara sum fiskimálaráðharri verður, men hann sigur tað sama við Sosialin, sum hann segði í Degi og Viku týskvøldið um sín leiklut sum samgongutingmaður. – Mín loyalitet fyri Tjóðveld- isflokkinum vil eg ikki siga nakað um í løtuni, tí so komi eg bara at siga okkurt, sum eg fari at angra, tí hetta má sodnast, sigur Jørgen Niclasen at enda. Tað nyttar ikki at vera fornermaður Tað kann vera hart at vera landsstýrismaður, og í síni ráðharratíð uggaði Jørgen Niclasen seg ofta við, at pressan ikki skrivaði um privatlívið hjá politikkarunum. Nú er hann aftur løgtingslimur Mynd: Jens Kr. Vang Jenis av Rana heldur saman hendur í tingsalinum. Týsdagin vildi hann tó ikki avdúka, um hann fór at halda hondina yvir Jørgen Niclasen, tí hann vildi ikki siga, um hann fór at atkvøða fyri misáliti C M Y K 3 2