týsdagur 21. januar 2003síða 8

Nr. 13 • týsdagur • 21. januar 2003 • 77. árgangur • www.sosialurin.fo Komandi kappingar- ár koma tríggir jugo- slaviskir leikarar at styrkja um hópin hjá Skála, sum nú eisini telir rumenska Iulian Florescu FÓTBÓLTUR Jákup Mørk Uttan at taka munnin ov fullan ber helst til at stað- festa, at fyrsta árið hjá Skála í bestu fótbóltsdeild- ini var sera væl eydnað. Eftir at liðið fyrstu nógvu umførini var á niðasta plássinum, gjørdu teir ein ordans vørr seinastu um- førini, soleiðis at teir ikki bara vunnið seg av botnin- um, men eisini somikið langt, at tað gjørdist EB/ Streymur, sum mátti spæla um upp- og niðurflyting. Nógv frágongd Hetta hevur tó ikki fingið teir í Skála at halda, at nú stendur alt væl til. Frá- gongdin av fólki hevur nak- að stór, og tá hópurin framman undan ikki var av teimum størstu, hevur leiðslan kannað eftir, hvussu hópurin kann styrkjast. Av leikarum frá í fjør, sum ikki longur eru í fe- lagnum kunnu nevnast teir báðir útlendingarnir, Gheorghe Callo og Alex- andru Gabor, Dánjal Niel- sen, Kári Nielsen, Áki Pet- ersen og Rúni Rasmussen, og hartil tykist tað í løtuni vera sera ivasamt, hvørt Pauli Poulsen verður aftur at síggja á liðnum. Í øllum førum sum leikari. Full kvota Í royndunum at finna nýggjar leikarar hevur felagið havt samband við fyrrverandi VB-venjaran, Darko Kovasevic, og saman við Jóhan Nielsen er hesin nú komn fram til tríggjar leikarar, sum skulu styrkja um liðið. Og tað er greitt, at tað fyrst og fremst hevur verið verjuparturin, sum teir báðir hava hugsað um. Talan er nevnliga um tveir miðverjuleikarar og ein verjukendan miðvall- ara, sum koma til landið úr Jugoslavia. Miðvallarin hevur undan hesum leikt við FK Obilic, sum fyri tveimum árum síðani spældi ímóti GÍ. Teir báðir miðverjarnir hava báðir leikt við felagi í næstbestu jugoslavisku deildini, og verða báðir lýstir sum kropsliga sterkir verjuleik- arar, sum tó eisini hava teknikkin í lagi. Enn eru øll viðurskiftini við nýggju leikarunum ikki endaliga komin í rættlag, men vænt- andi verða seinastu pappír- ini avgreidd í komandi vik- uni, soleiðis at nýggju menninir sum skjótast kunnu sleppa at venja saman við nýggju liðfeløg- unum. Umframt hesar tríggjar jugoslavarnar, hevur Skála framvegis rumenska Eugen Voda í málinum, soleiðis at útlendingakvotan hjá fe- lagnum er nýtt til fulnar. Hartil hevur felagið í vetur eisini fingið tilgongd av rumenska Iulian Florescu, sum áður hevur leikt við B71 og B36. Iulian hevur verið somikið leingi í Før- oyum, at hann ikki telur sum útlendingur í fót- bóltshøpi. Og endaliga er avtala eisini gjørd við Sonna L. Petersen. Væl vitandi keldur í Skotlandi vilja vera við, at føroyski landsliðsskiparin skal venja við Aber- deen komandi vikuna YRKISFÓTBÓLTUR Jákup Mørk Seinastu tíðina hevur millum lítið og einki verið at hoyrt til, hvar framtíðin hjá liðfor- manninum á føroyska A- landsliðnum í fótbólti skal liggja. Eftir at tað í fjør gjørdist greitt, at framtíð hansara undir ongum umstøðum skuldi vera í Hvidovre. Tá danska kappingin var av, gekk leiðin í staðin til TB, sum hóast hendan styrk- in flutti niður eftir bert eitt ár í bestu fótbólts- deidlini á hesum sinni. Síðani hetta hevur tað verið rættiliga lítið at hoyra. Onkrar søgur hava verið frammi um, at hann skuldi gerast leikandi venjari hjá TB, meðan aðrar settu hann í samband við HB, men sambært keldum okkara er tó ikki aktuelt við nøkrum av hesum. Ístaðin fer Óli Jo- hannesen nú til Skot- lands, har hann ætlandi skal royna seg komandi dagarnar. Tað hevur ikki eydnast okkum at fáa fatur á Óla Johannsen, men væl vitandi keldur hjá Sosialinum siga, at Óli fer til Skotlands mánadagin, har hann so skal til royndarvenjingar hjá einum ella fleiri fe- løgum. Einasta, sum tykist heilt víst í hesum er, at Aberdeen er eitt av fe- løgunum, sum skal hava sýnt Óla Johannesen áhuga. Steve Paterson tók har við í venjara- sessinum í heyst, eftir at danski Ebbe Skovdahl varð koyrdur frá. Og einki er at ivast í, at hann leitar sær eftir nýggjum leikarum, nú sokallaða transfer-vindeygað er opið. Hetta hevur eisini verið nevnt í skotskum miðlum, sum helst enn ikki hava gloymt, hvussu tað gekst, tá Før- oyar og Skotand tókust í fjør. Enn er tó ikki víst, at talan verður um nakran sáttmála hjá Óla, men tað er einki at ivast í, at meira verður at frætta um hetta í næstum. Óli Johannesen fer til Skotlands Óli Johannesen skuldi mánadagin til Skotlands, har hann ætlandi fer at royndarvenja við einum ella fleiri skotskum feløgum Skála fær jugo- slaviskan styrk Til komandi kappingarár hevur Skála tryggjað sær tilgongd av trimum jugoslaviskum leikarum, umframt at Iulian Florescu eisini verður við liðnum. Frammanundan hevur felagið eisini rumenska Eugen Voda í málinum 15 14 Nr. 13 - 21. januar 2003 UTTAN ÚR HEIMI Bræv frá bin Laden Eitt arabiskt blað prentaði sunnudagin eitt bræv, sum sambært blaðnum var frá yvirgangsmanninum Osama bin Laden. Blaðið skrivaði, at ein av tess blaðmonnum hevði fingið brævið umvegis ein granskingarstovn í Pakistan. Brævið, sum var heilar 26 síður langt, var skrivað á arabiskum. Dagfesting var eingin, men keldur í London hava upplýst fyri blaðnum, at tað er skrivað fyri umleið 14 døgum síðani. Í brævinum verður millum annað spurt, nær muslimarnir fara at vakna upp úr svøvni, nær teir fara at skilja ímillum vin og fígginda, og nær teir fara at venda ørvum sínum ímóti tí fíggindanum, sum rænir teirra ríkidømi og tilfeingi. Er tað veruliga bin Laden, sum hevur skrivað brævið, er tað fyrstu ferð, at hann hevur latið nakað lívstekin frá sær í hesum árinum. Drápsmál kann byrja Belgiumaðurin Marc Dutroux, sum er ákærdur fyri at hava burturflutt, neyðtikið og myrt fýra ungar gentur, kemur væntandi fyri rættin eina ferð seinni í ár. Dutroux hevur sitið í varðhaldi, síðani hann varð tikin í 1996. Málið elvdi til ógvusliga øsing í Belgia, og síðani hevur løgreglan staðið fyri skotum, tí mong halda, at tað hevur tikið alt ov drúgva tíð at kanna málið. Sjálvur sigur Marc Dutroux seg vera ósekan. Belgiska løgreglan sigur, at kona Dutroux verður eisini ákærd. Tað sama er galdandi fyri ein annan mann, meðan ein triði, sum varð tikin og skuldsettur fyri at hava verið uppií, sleppur undan ákæru. Tað vilja avvarandi hjá teimum fýra gentunum ikki góðtaka, og tey hava sett fram krav um, at tann triði maðurin eisini verður ákærdur og drigin fyri rættin. Ikki í ár Bretski forsætisráðharrin, Tony Blair, gjørdi í gjár greitt, at bretar skulu ikki á fólkaatkvøðu um evruna í ár. Fyrr hevur Blair sagt, at fimm treytir skulu verða uppfyltar, áðrenn fólkaatkvøða verður um at seta evruna í gildi í staðin fyri pundið, men við blaðið The Independent sigur hann, at fólkaatkvøðan verður ikki í ár, sjálvt um tær fimm treytirnar verða uppfyltar. Sambært forsætisráðharranum er tað Irak- kreppan, sum ger, at politikararnir hava ikki stundir til at tosa um evruna nú. Samstundis hevur blaðið Financial Times kunn- gjørt eina meiningakanning, sum vísir, at flestu virkisleiðararnir í Bretlandi eru ímóti at seta evruna í gildi í staðin fyri pundið. Í einari tilsvarandi kann- ing fyri fimm árum síðani tóku teir flestu virkis- leiðararnir undir við hugskotinum um eitt felags evropeiskt gjaldoyra. Røkke royndi at fáa blaðkvinnu at tiga Tá norska blaðkvinnan Åsne Seierstad fyri nøkrum árum síðani skrivaði nakrar atfinningarsamar greinar um ríkmannin og stórreiðaran Kjell Inge Røkke, royndi Røkke at fáa hana at taka av einum tilboði um at arbeiða hjá sær. Tað skrivar norska blaðið Finansavisen. Greinarnar hjá Åssne Seierstad snúðu seg um tann risastóra trolaran "American Monarch". Trolarin kostaði 470 milliónir krónur, og Røkke royndi at útvega honum fiskiloyvi í Russlandi, eftir at myndugleikarnir í Kili høvdu sýtt skipinum at fiska har. Åssne Seierstad, sum hevði gott samband við russar, sáddi iva um ætlanina hjá Røkke at útvega skipinum russiskt fiskiloyvi. Fyri at fáa blaðkvinnuina at gevast við at skriva um málið royndi Kjell Inge Røkke at fáa hana at arbeiða hjá sær, skrivar Finansavisen. Fyrrverandi blaðstjórin hjá blaðkvinnuni, Steinar Hansson, váttar tíðindini. Bæði í USA og í Evropa gingu túsund- tals fólk mótmælis- gongu um vikuskiftið ímóti hóttanini um kríggj við Irak IRAK-KREPPAN Árni Joensen "Bush drápsmaður", "Nei til kríggj" og annað stóð at lesa á skeltum, sum fleiri túsund mótmælisfólk høvdu við sær, tá tey gingu í gøtunum í fleiri stórbýum í Bretlandi, Belgia, Spania, Turkalandi og USA um viksukiftið. Uttan fyri høvuðsstøðina hjá bretsku herleiðsluni komu nógv fólk saman at mótmæla krígsætlanini. Tá nøkur av mótmælisfólk- unum royndu at leinkja seg til girðingina kring høv- uðsstøðina, legði løgreglan uppí, og umleið 50 mót- mælisfólk vórðu tikin. Sunnunáttina vóru fleiri mótmælisgongur í ameri- kanskum býum, har fólk mótmæltu ætlanini hjá stjórnini at leypa á Irak. Ein maður úr Suður- afrika, sum hevði samband við gamla stýrið har, verður nú nevndur sum maður- in, ið myrdi svenska forsætisráðharran Olof Palme í 1986 PALME-MORÐIÐ Árni Joensen Maðurin, sum nú verður hildin at vera drápsmað- urin, er ongantíð fyrr drigin upp í tað loyndarfulla morðið. Men í gjár skrivaði Dagens Nyheter, at tað er skjalprógvað, at maðurin var í Stockholm tann 28. februar í 1986, tá Olof Palme varð myrdur. Upplýsingarnar eru frá handilsmanninum Kent Ajland, sum hevur arbeitt saman við suðurafrikan- arum í einari roynd at finna drápsmannin. Sjálvur sigur Kent Ajland, at hann fekk upplýsingar um mannin, tá hann einaferð var á hand- ilsferð í Suðurafrika. Maðurin, sum sambært Kent Ajland myrdi Palme, býr í dag í einum øðrum landi, og hann varð ikki drigin upp í kanningarnar, tá svensku myndugleikarnir fyri sjey árum síðani kann- aðu, at Suðurafrika hevði nakað við Palme-morðið at gera. Hinvegin var tað ikki nakað loyndarmál, at táver- andi suðurafrikansku myndugleikarnir mettu Palme sum ein av sínum fíggindum, tí hann hevði gott samband við ta svørtu frælsisrørsluna ANC. Kent Ajland hevur kunnað svensku løgregluna um tað, sum hann er komin til, og løgreglumaðurin, sum stendur á odda fyri morðkanningunum, hevur verið í Suðurafrika og tosað við mannin, sum greiddi svenska handilsmanninum frá, hvør drápsmaðurin er. Svenski løgregluovastin, Lars Nyhlen, sigur, at løg- reglan fær nógvar upplýs- ingar um Palme-morðið, men hann viðgongur, at tann seinasta upplýsingin er serliga áhugaverd. Flestu amerikanarar halda, at fjølmiðlar- nir eiga ikki at vera atfinningarsamir í krígstíð, men at tað vanliga pressufrælsið eigur at víkja 56 prosent av teimum, sum fingu spurningin í einari kanning hjá sjónvarpinum ABC, svaraðu, at teir amerikansku fjølmiðlarnir eiga at taka undir við stjórnini í krígstíð, meðan 36 prosent halda, at tíð- indafólkini skulu seta po- litikarunum nærgangandi og atfinningarsamar spurn- ingar. Hinvegin halda 90 pro- sent av amerikanarunum, at í friðartíð er tað sera um- ráðandi, at fjølmiðlarnir hava frælsi at arbeiða, og at tá er tað uppgávan hjá fjøl- miðlunum at vera atfinn- ingarsamir, tá talan er um politikkin hjá stjórnini. Ein frágreiðing hjá In- formation Security Over- sight Office vísir annars, at frælsið hjá amerikansku fjølmiðlunum er skert mun- andi síðani tann 11. sep- tember í 2001. Sambært frágreiðingini vórðu 33 milliónir skjøl hjá ameri- kansku stjórnarumsitingini stemplað sum loynilig í 2001, og tað var næstan helvtina meiri enn árið fyri. Jack Nelson, sum hevur skrivað eina frágreiðing um tey nógvu loyniligu skjølini hjá Bush-stjórnini, segði við blaðið Los Angeles Times fyri nøkrum døgum síðani, at tann broytti poli- tikkurin gjørdi seg galdandi longu undan atsóknunum í New York og Washington. Hann vil vera við, at heldur ikki teir fólkavaldu politik- ararnir hava atgongd til nógv av skjølunum. - Samstundis hevur stjór- narumsitingin lagt seg eftir at lata ymiskt, sum tænir hennara politisku málum, leka út, sigur Jack Nelson. Hann vísir millum annað á tær nógvu upplýsingarnar um fyrireikingarnar til eitt kríggj við Irak og royndina at sannføra fólk um, at tað er neyðugt at fara í hernað ímóti altjóða yvirgangi. Her hevur umsitingin latið nógvar upplýsingar, sum tæna hennara máli, leka út til almenningin, sigur Jack Nelson. Pressufrælsið má víkja í krígstíð Suðurafrikanari myrdi Palme Mótmæltu krígsætlan Fleiri túsund fólk mótmæltu um vikuskiftið ætlanini um kríggj við Irak. Hendan myndin er av mótmælisfólki í Pennsylvania í USA Mynd: Reuters C M Y K 14