hósdagur 30. januar 2003síða 7

12 Nr. 20 - 30. januar 2003 Nr. 20 - 30. januar 2003 13 Gerhard Lognberg løgtingsmaður og borgarstjóri í Skopun Hoyrdi eitt kvøldið ein sjónvarpsmann gera eina samrøðu umborð á einum stórum línubáti. Eg fekk ta uppfatan av samrøðuni, at tað vóru teir smáu útróðrar- bátarnir, sum vóru tann størsta hóttanin ímóti grunnunum. Her eri eg ikki samdur, tí hesin partur av flotanum verður so nógv forðaður av veðri og streymi og øðrum avmark- ingum, sum aðrir ikki hava so eg endurtaki tað, sum eg ofta áður havi sagt, útróð- rarflotin undur 10 tons eigur at fiska frítt, so hetta ikki hendur oftari at smá- bátar liggja tí teir hava fiskibann, meðan allur hin flotin fiskar sum um einki var hent. Eitt annað sjónarmið hoyrdi eg í Útvarpi Føroya. Har segði stjórin á Hag- stovuni, Hermann Oskars- son at hann helt ikki, at tað var nakað forgjørt at vit sendu fisk óviðgjørdan av landinum. Hesin maður veit væl saktans, hvat hann tosar um, men álíkavæl eri eg ikki samdur við honum. Ein annar skilamaður, Meinhard Jacobsen, stjóri á Føroya Fiskavirking, stuðl- aði honum væl og helt, at vit kundu ikki ella nýttust ikki at hava so nógvan ka- pacitet, at vit kláraðu topp- arnar. Hesin maður veit eisini væl, hvat hann tosar um. Í mínari verð skuldi tað verði málið at arbeitt allan fisk, sum kemur upp á land, men sjálvsagt kunnu und- antøk verða. Í veruleikan- um hava vit tað flottasta virki í landinum, sum stendur stilt nevniliga virki í Vági og sum skilst kemur hetta virkið at liggja stilt í 7 mánaðir. Hvat skuldi verið meiri natúrligt enn tað, at fiskurin bleiv arbeiddur á hesum virki hesa tíðina, so kundu arbeiðsfólkini ar- beitt á virkinum sum onki var hent, heldur enn at verða uppsøgd. Til síðst, nei lati okkum arbeiða so nógv her á landi av tí ríkidømi, sum verður ført til lands. Og hitt er: latið okkum politikarar taka okkum saman og lata bátar undir 10 tons fiska frítt. Valið í Ísrael gjørdist ikki óvæntað ein sigur fyri Likud og Sharon. Hetta merkir sjálvsagt, at Sharon heldur fram sum stjórnarleiðari. Sum kunnugt hevur Sharon hildið eina sera harð- renda kós mótvegis palestinensiska fólkinum. Politikkur Sharons í Miðeystri hevur elvt til miklan ófrið og vaksandi terrorismu, og hesin politikkur er ein forðing fyri varandi friði í økinum. Hetta stendst m.a. av, at Sharon bert sær eina hernaðarliga loysn á einum trupul- leika, sum er politiskur. Hann hevur tí rent seg í somu trupulleikar sum aðrir, ið hava gjørt sama mistak. Hetta merkir, at terrorin og ófrið- urin bert økjast, meðan teir partar av pale- stinensiska fólkinum, ið ynskja eina politiska loysn, vikna. Altjóða eygleiðarar, ið hava gjørt viðmerkingar til valúrslitið, eru samdir um, at hetta merkir, at Ísrael fer at reka ein upp aftur meira høgra- vendan politikk enn higartil. Hetta fer at hava sum fylgju, at landið gerst uppaftur meira isolerað, soleiðis, at hetta plágaða land at enda bert hevur ein vin í heiminum – USA. Úrslitið er, at útlitini fyri varandi friði bert versna. Hetta er mikið spell, tí ófriðurin í Miðeystri kann skjótt breiða seg. Serstakliga óheppið er hetta, um Bretland og USA loypa á Iraq, tí hetta fer at draga Ísrael inn í kríggið. Harðrendi politikkur Sharons er stuttskygdur. Hóast heisn politikkur kann geva Ísrael sigur í fyrra umfari, fer hesin politikkur sum frá líður at koma Ísreal í størsta vanda. Arbeiðaraflokkurin tapti. Veljararar hansara sótu við hús og lótu høgravonginum valið. Hetta er ein vanlukka fyri Ísrael, og nú er spurningurin, um flokkurin letur seg tøla upp í stjórnina hjá Sharon. Hetta er áður hent, nevniliga eftir síðsta val, og hetta kostaði flokk- inum dýrt. Hinvegin er Arbeiðaraflokkurin ein- asti flokkur, ið veruliga vil frið, og Peres er ein av teimum fáu, sum Arafat kann gera avtalur við, og tað kundi tala fyri stjórnarsamstarvi. Arbeiðaraflokkurin hevur eisini ein moralskan trupulleika, og tað er, at mangt bendir á, at Sharon, ið hevur politisku og løgfrøðiligu ábyrgdina av hópdrápunum í Sabra og Shatila, møguliga verður ákærdur fyir krígsbrotsverk við ein dómstól í Belgia. Onnur sakarmál í øðrum londum fara at fylgja eftir og at enda fer eisini altjóða dómstólurin í Haag at kanna ákærurnar móti Sharon. Tá vil Arbeiðara- flokkurin standa við moralskari og politiskari medábrygd av øllum tí, sum Sharon hevur havst at gjøgnum eitt langt lív. DAGSINS MEINING Sosialurin Á vandakós VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Jón Brian Hvidtfeldt jonbrian@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 225429 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Jacob Vestergaard formaður Formaðurin í Føroya Lær- arafelag hevur í seinastuni fleiri ferir gjørt vart við sína hugsan um Menta- málaráðið og um kommun- urnar, og teirra manglandi førleika, tá tað snýr seg um skúlaviðurskiftir. Formaðurin í Føroya Lærarafelag hevur sett seg á Mentamálaráðið og Fólkaskúlan, og har má onki hugsast uttan hansara loyvi. Formaðurin í Føroya Lærarafelag skal fylgja við og avgerða hvørjir tankar skulu hugsast í Mentamála- ráðnum. Tað má sigast at vera ein ótrúliga fornaldarligur hug- burður, sum formaðurin í Føroya Lærarafelag hevur, tá hann sigur, at umsitingin í Mentamálaráðnum ikki má arbeiða við øðrum enn tí sum landstýrismaðurin biður um, og landstýris- maðurin skal sjálvandi ikki biðja um annað enn tað sum formaðurin í Føroya Lærarafelag vil hava. Eftir áskoðanini hjá for- manninum í Føroya Lær- arafelag eru kommunurnar sum heild óegnaðar at hava skúlan undir hond, tí at kommunurnar í Føroya Kommunufelag ikki glað- beintar góvu seg undir ein sáttmála, um at taka lut í lønunum hjá lærarunum. Føroya Kommunufelag tók støðu í viðurskiftunum sum tey eru, tað vil siga, at Mentamálaráðið er arbeiðs- gevari og tí er tað teir sum gera sáttmálar við lærarar- nar um øll teirra tænastu- viðurskifti, eisini røkt av serstovum. Tað at Fíggjar- málaráðið og Føroya Lær- arafelag gera ein sáttmála sum er so óprofessionellur, at hann tekur kommunur- nar inn í viðurskiftini er óvikomandi fyri kommun- urnar, men tað sigur nógv um hvussu óbúgvið Føroya Lærarafelag er sum sam- ráðingarpartur. Formaðurin átti at takka Føroya Kommunufelag fyri hjálpina, nú savnsrøktin verður tikin við í arbeiðs- tíðina hjá lærarunum. Viðareiðis kommuna er tikin fram sum eitt ræðandi dømi um hvussu illa kommunurnar fara við skúlanum. Viðareiðis kommuna hevur spent seg út á skúlaøkinum og hevur bygt ein skúla, sum ikki stendur aftan fyri nakran. Tað at kommunan heldur seg til grundregluna um, at tað er Mentamálaráðið, sum er arbeiðsgevari hjá lærarunum, og tí aftraði seg við at gjalda fyri savnsrøkt- ina, er avgjørt at taka hattin av fyri. Í gomlum døgum æt Fólkaskúlin Kommunu- skúlin og kommunurnar høvdu ábyrgd av honum. Í álitinum um uppgávu- og ábyrgdarbýrið millum land og kommunur er Fólkaskúlin nevndur sum eitt øki við ógreiðum á- byrgdarbýti. Tá soleiðis er, kann talan vera um, at leggja hann annaðhvørt til kommunurnar ella til land- ið. Tí er hetta eitt evnið, sum skal viðgerðast og ikki setast á tabulistan hjá for- manninum í Føroya Lær- arafelag. Viðmerkingar til formannin í Føroya Lærarafelag Tvey sjónarmið sum eg illa kann einast við TÍÐINDASKRIV Leygardagin 1. febr. kl. 14.30 verður Fólkafundur fyri friði á Vaglinum í Havn. Fyrireikararnir eru Javnaðarflokkurin, Tjóð- veldisflokkurin, Sosialist- iskt Ungmannafelag og Unga Tjóðveldið. Í tíðinda- skeivi heita teir á allar før- oyingar um at taka lut á fólkafundi fyri friði. Har er ætlanin á friðarligan og virðiligan hátt at mótmæla ætlanunum um hernaðarligt álop á Irak, sum kann gera ein ræðandi krígsvanda til blóðugan veruleika. Fyrireikararnir siga í tíðindaskrivi: • Vit vísa ikki minsta sam- hug við harðrenda eina- ræðisstýrið hjá Saddam Hussein • Men vit halda, at frælsi og fólkaræði í Irak bert kann vinnast við friðar- ligum, politiskum am- boðum - ikki við vápnum • Eitt álop kann bert íbirta eitt kríggj, har avleiðing- arnar verða tær ræðu- ligastu fyri tey, sum frammanundan eru harðast rakt: Fólkið í Irak • Eitt kríggj móti Irak kann fáa óbøtiligar avleiðingar fyri ta viðbreknu støðuna í øllum Miðeystri, og økir um vandan fyri yvir- gangsatsóknum í øllum heiminum • Tí mótmæla vit, at tikið verður til vápnaðan bar- daga og kríggj móti Irak • Ístaðin styðja vit allar royndir at fáa heimsins friðarelskandi tjóðir at ganga saman í ST og aðrastaðni um at nýta síni nógvu og sterku politisku amboð at finna friðarlig- ar loysnir • Vit styðja øll tiltøk, sum á ein friðarligan hátt kunnu byggja brýr mill- um tjóðir og vinna framá í stríðnum móti kúgandi einaræði og yvirgangi • Tí mótmæla vit eisini øll- um ætlanum, sum á nakran hátt kunnu draga føroyingar og Føroyar upp í fyrireikingar til hernaðarligt álop á Irak og kríggj Røðarar: Marjun Bæk, prestur Jóanes Nielsen, rithøvund- ur Manijeh Elsa Modi, lesandi Rói Patursson, háskúla- stjóri Tónleikabólkur spælir und- ir fundinum og skipar fe- lagssangin Heldur byggja brýr enn blaka bumbur TÍÐINDASKRIV Hósdagin 6. februar kl. 19:30 verður stovnandi aðalfundur av føroyskum áhugafelag fyri ST. Fundrin verður hildin í hølunum hjá Føroya Ellisakførum yviri við Strond 22. Á skránni er stutt umrøða av hugsjónini aftan fyri ST; stutt kunning um ætlanina við føroyska ST felagnum, síðani stovnan av tí før- oyska ST felagnum, inn- liming, val av skrivara, kassameistara og formanni; og ymiskt annað. ST felagið verður í fyrstu aløgu ein sjálvstøðugur fe- lagsskapur, ið miðvíst fer at arbeiða fyri øktari vitan um ST í Føroyum, bæði um hugsjónina aftan fyri ST og teim mongu verkætlanun- um hjá ST á ymiskum økj- um. Sum frá líður er ætlan- in at royna at fáa felags- skapin við í altjóða kervið av ST-stuðulsfeløgum, tað sokallaða UNA sambandið. Tilmelding/upplýsingar: teldupost: a-j@post.olivant.fo ella tlf.: 225139 (Justin Philbrow). Sí annars www.unafo.webpuffin.com Øll eru vælkomin á fundin 6. februar. Tað kom ikki so óvart á, nú lívstráður tín slitnaði. Vit undraðust mangan , at tú hóraði undan, tí heilsuveikur vart tú frá ungum av, hevði ring lungu og mátti liva tað mesta av tíni tíð við heilivági. Hóast hetta, gavst tú ikki á hondum, tú vart lívsglaður og takksamur fyri lívið, vart gávuríkur og royndi at hanga í, líka til ellisár. Tær dámdi væl at smíða, fríðka uttan um húsini, at fáast við plantur og hevði stóran áhuga fyri tí, sum var rundan um teg - fylgdi sera gjølla við í tí, sum fór fram í samfelagi okkara og hevði eina greiða støðu, bæði á tí politiska og átrúnaðarliga økinum. Áhugin fyri sangi var sera stórur, og rødd tín smæddist ikki burtur. Eisini fekst tú við at skriva andaligar sangir. Tú dugdi væl at siga frá, og abbabørnini, sum tú vart so góður við, munnu hava havt manga góða løtuna, tá ið abbi segði teimum søgur. Deknatænastuna í Funnings kirkju røkti tú í 40 ár - tá vóru eyguni farin at bila, so tað bar ikki so væl til longur. At koma til Guðs orð lá ógvuliga frammarlaga hjá tær, og á møtum hevði tú altíð ein góðan vitnisburð at leggja fram, onkuntíð ein sang, sum tú sjálvur hevði yrkt. Hesin síðsti sangurin, ið tú skrivaði, ber boð um lívstímaglasið, ið brátt er runnið niður. Hóast heilsuveikur so stóran part av lívinum, náddi tú ein høgan aldur, og tað, sum helt tær uppi, var tín grundfasta trúgv, og bønirnar til tann almáttuga Guð. Av lyndi vart tú lítillátin og tókst einki sum eina sjálvfylgju, men legði alt í Guðs hond, eisini nú, tá ið sjúkan av álvara, og so nívandi gjørdi um seg. Í sanginum sigur tú:"Eg síggi , at sólin fer lækka, tað gongur ei nú, sum tað gekk." Nú gekk tað ikki meir. Teir síðstu dagarnir av lívi tínum vóru veðurgóðir við nógvari sól, og tú, sum altíð var so glaður, tá sólin, við sínum lívgevandi strálum, sá inn gjøgnum vindeygað, vildi hava gardinurnar fyri, tí nú orkaði tú hana ikki meir, men ynskti og bað bert um at sleppa Heim. 19. august, í fagrasta sólskini, sovnaði tú stillisliga og varð fluttur yvir um fjørð til ta ævigu sólina, sum bíðar okkum øllum. Friður hvíli yvir minni tínum Konan og børnini Minningarorð um Karl Højsted f. 22 sept. 1913 – d. 19. aug. 2002 Minnini liva eftir hjá teimum, ið hava mist Sólsetur Lag: So skal tað nú álvara vera. Her lívið nú ber móti enda, og kreftirnar fjara so smátt, í bøn eg vil til tín mær venda lat skilnaðin ei vera brátt. Gev stundir og tíð til at takka, fyri alt sum eg herniðri fekk eg síggi, at sólin fer lækka, tað gongur ei nú, sum tað gekk. Tú førdi meg trygt gjøgnum lívið og skaða ei ilt kundi meg, hjá tær eg nú alla tíð blívi væl vardur á sannleikans veg. Ja, tíðin er brátt niður runnin, eg hetta nú viðkennast vil, av Jesusi eri eg vunnin, hans lív og hans deyð kravdi til. Ei, gull ella silvur meg loysti, men hansara dýrbara blóð við hesum eg tykkum nú troysti, kom gangið í hansara slóð. Ja, Jesus er vinurin besti, ein fylgjast kann við her á jørð, tí havi eg vón og gott treysti, tá flytast skal yvir um fjørð. Marjun Bæk, prestur, Jóanes Nielsen, rithøvundi og Rói Patursson, háskúlastjóri eru millum røðararnar á Vaglinum leygardagin Stovna ST-felag í Føroyum C M Y K 13 12