týsdagur 4. februar 2003síða 10

NR. 23 • TÝSDAGUR • 4. FEBRUAR 2003 • 77. ÁRGANGUR • WWW.SOSIALURIN.FO Leygarkvøldið var annað innleiðandi umfar í Prix Føroy- um hildið í Mentanarhúsinum í Fuglafirði. Bólkarnir spældu í hesi røð: Mind’s Eye Déjá Vu onkikanndiskuterast.alt kann Speaker Holgar & Villmenn 10 dómarar mettu um avrikini á pallinum, og teir dømdu út frá fimm ymiskum krøvum um millum annað tónleikaliga dygd, spæl og framførslu. Déjá Vu var nummar 1 og vann sær pláss í finaluni. Mind’s Eye var nummar 2 og skal spæla í eini hálvfinalu saman við fýra øðrum bólkum, har besti bólkurin fær eitt finalupláss. Mind’s Eye rakti bull’s-eye, tá ið teir spældu alment fyri fyrstu ferð. Hetta var vell, sigur sangarin, sum var miðdepilin í bólkinum. Teir endaðu næstfremst leygarkvøldið DEBUT Eyðun Klakstein Tað var serliga ein bólkur, sum tók áhoyrararnar á bóli í 2. umfari av Prix Føroy- um. Ungu menninir í Mind’s Eye spældu fyri fyrstu ferð alment, og tað var vorið sum frumframførsla. Tað eru ár ímillum, at ein nýggjur bólkur kemur fram á slíkan hátt – við einum orkufullum og fangandi úttrykki, við sjálvsáliti og dygd. – Passar tað, at hatta er fyrstu ferð, teir spæla al- ment, spurdi ein tónleikari, sum var bilsin av fram- førsluni hjá Mind’s Eye. Talan var um rocktónleik av tí harða slagnum, men talan var um støðug skift millum melodiøs petti og tað, tey rópa growl. Sangarin var í miðdepl- inum alla tíðina, og hann kom sera væl frá síni fram- førslu. Hann var eisini ovurfegin, tá ið hann kom av pallinum aftur. – Hatta var fantastiskt. Fólkini vóru ótrúlig, og eg vildi næstan ikki fara av pallinum aftur, segði Eyðun Mortensen. Flippaði út Eitt døgn aftaná hálva sigurin í Fuglafirði, var sangarin framvegis sera fegin um avrikið leygar- kvøldið. – Tað følist framvegis fantastisk. Vit høvdu als ikki roknað við, at tað fór at ganga soleiðis, sigur Eyðun Mortensen. Hvat var tað, sum tit ikki høvdu roknað við? – Fyri tað fyrsta, at vit gjørdust nummar 2, tað høvdu onga vón um frammanundan. Og so var móttøkan frá áhoyrarunum nógv betur, enn vit høvdu torað at droymt um. Nógvir klaksvíkingar vóru komnir um fjørðin at fylgja lokalu vónini, og tey gjørdu sítt til, at fram- førslan gjørdist lívlig bæði á pallin og á gólvinum í sal- inum. – Beinan vegin tá ið vit komu á pallin, byrjaðu fólk at rópa og skríggja. Áðrenn vit høvdu spælt ein tóna, kókaði tað frammanfyri pallin. Tað var vell, sigur Eyðun Mortensen. – Tað fekk okkum eisini at spæla væl, og eg havi ongantíð áður flippa so- leiðis út, sum eg gjørdi leygarkvøldið. Tað vóru áhoyrararnir, sum fingu meg til tað. Sangarin í Mind’s Eye bæði sang og growlaði, og hann gjørdi tað sannfør- andi, men tað liggur eisini nógv venjing aftanfyri evn- ini at syngja soleiðis. – Tað skal nógv venjing til fyri at kunna growla. Eg havi sungið til fløgur í fleiri ár á kamarinum hjá mær. Uppgávur bíða Mind’s Eye hevur verið virkin bólkur í fleiri ár, men teir hava ikki spælt alment fyrr enn leygarkvøldið. Teir hava vant nógv og hava hugnað sær við tónleiki í venjingarhølunum. Tá ið teir fyri hálvum ári síðani fingu nýggj venjing- arhøli, eftir at teir høvdu leitað í langa tíð, kom rætti- liga ferð á hjá teimum. Teir hava keypt sær nógv góða útgerð, og teir eru farnir at skriva sín egna tónleik. Prixið hevur eisini skump- að meira undir teir. – Aftaná framførsluna leygarkvøldið fingu vit onkran fyrispurning um at koma at spæla í næstum. Møguliga fara vit at spæla longu fríggjakvøldið aftur, sigur Eyðun Mortensen. Hava fingið eina vón Mind’s Eye hevur skrivað tónleikin hjá sær serliga til Prixið. Sangarin hevur skrivað tekstirnar, og so hava teir gjørt tónleikin í felag. – Vit brúktu ikki rættiliga alla tíðina, sum vit til taks á pallinum, so vit ætla at taka okkurt nýtt við til hálv- finaluna. Vit hava fingið eitt gott hugskot, sum vit fara at arbeiða við næstu tíðina, sigur Eyðun Mort- ensen. Fimm bólkar fara í mars mánaði at kappast í hálv- finaluni. Allir 2’arnir í innleiðandi umførunum fáa møguleikan at vinna sein- asta finaluplássið. – Áðrenn hetta umfarið høvdu vit ongar vónir um at koma víðari, men nú eru vit farnir at trúgva upp á tað, og vit hava eisini eina lítla vón um, at vit kunnu standa okkum væl í hálvfinaluni. Eg rokni í øllum førum við, at vit kunnu betra okkum til næsta umfarið, sigur sang- arin í Mind’s Eye. 2. umfar Teir tóku øll á bóli – Hatta var fantastiskt. Fólkini vóru ótrúlig, og eg vildi næstan ikki fara av pallinum aftur, segði Eyðun Mortensen, sangari í Mind´s Eye Mynd: Jens Kr. Vang 19 18 Nr. 23 - 4. februar 2003 Kunnandi fundur um ættleiðing Tann 21. februar verður kunnandi fundur um ættleiðing av útlendskum børn- um. DanAdopt skipar fyri, men tað er ríkis- umboðið, sum góð- kennir foreldur ÆTTLEIÐING Ingi Rasmussen Hvørt ár verða umleið 10 føroysk foreldur góðkend sum skikkað til at ættleiða børn uttan úr heimi. Tað er ríkisumboðið, sum góð- kennir foreldrini, og haðani verður upplýst, at tað ofta gongur umleið hálvt annað ár, frá tí at foreldur eru góð- kend, til børnini koma heim. Í næstum bjóðar Dan- Adopt føroyingum til kunn- andi fund um tað at ættleiða útlendsk børn. Fundurin verður hildin á Hotel Hafnia fríggjadagin 21. februar klokkan 16-21. Hann er fyrst og fremst ætlaður teimum, sum enn ikki hava tikið avgerð, um tey ætla at ættleiða, men øll eru vælkomin, upplýsir rík- isumboðið. Á fundinum verður greitt frá søguni hjá DanAdopt, sum hevur hjálpt við ætt- leiðing í 30 ár. Endamálið hevur verið at hjálpa børn- um uttan familju til at fáa eina familju í Danmark, Føroyum ella Grønlandi undir tryggum umstøðum. Á fundinum fáast eisini royndir, sum onnur hava havt við at ættleiða børn uttan úr heimi. Farið verður stig fyri stig ígjøgnum gongdina, tá børn verða ættleidd, og serligur dentur verður lagdur á, hvussu tú velur tað landið, barnið skal koma úr, hvørji børn eru í uppskoti, og hvussu tú fært barnið heim. Dan- Adopt greiður frá, hvussu tey kunnu hjálpa, og hvørj- ar tænstur tey veita. Nógv verður gjørt burtur- úr at greiða frá, hvørji børnini eru, hvaðani tey koma, hvussu teirra um- støður hava verið, og hvat hendir við teimum børnum, sum ikki eru egnað til ætt- leiðing. Fundurin er ókeypis, men DanAdopt vil gjarna hava at vita hvussu nógv koma. Ring 45 81 63 33 millum klokkan 9 og 14, ella send e-mail til ims@dan- adopt.dk. Á heimasíðuni www.danadopt.dk fæst eis- ini meira at vita. Nýggir møguleikar hómast í politisku havsbrúnni, um ein semja fæst um yvir- tøkulógina hjá løg- manni. Tað halda tveir samfelagsfrøð- ingar, sum Útvarp Føroya um viku- skiftið prátaði við. YVIRTØKUR Ingi Rasmussen Sjálvstýrispolitisku mørk- ini kámast í Føroyum, og tað letur upp fyri nýggjum møguleikum. Løgmaður og forsætis- ráðharrin nærkast einari semju um, hvussu farast skal fram í yvirtøkupol- itikkinum frameftir. Enn er onki endaligt komið á borðið, men løgmaður hev- ur skotið upp, at øll máls- økini uttan fyri heima- stýrislógina verða yvirtikin við einari yvirtøkulóg, meðan heimastýrislógin heldur fram sum higartil við sínum A- og B-málum. Samstundis verða uttan- ríkismál, verjumál og ríkis- borgararættur tann karmur- in um ríkisfelagsskapin, sum framvegis heldur okk- um saman við Danmark. Anders Fogh Rasmussen, forsætisráðharri, hevur tik- ið væl ímóti uppskotinum hjá Anfinni Kallsberg løg- manni, og allir flokkar á løgtingi tykjast kunna semjast um hendan leist. Semjan kemur at standa sína roynd, tá ítøkiligu yvirtøkurnar skulu fremj- ast, men eydnast tað at finna eina breiða semju um sjálvstýrispolitikkin, so lata nýggir møguleikar seg upp. Yvirtøkulógin kann ger- ast eitt nýbrot í føroyskum politikki, heldur Gestur Hovgaard, samfelagsfrøð- ingur, sum starvast á Granskingardeplinum fyri økismenning. Tað kann lata upp fyri nýggjum politisk- um samstarvi um høgra- vinstra ásina, um spurning- urin um samband og loys- ing, sum hevur verið stríðs- evnið síðstu fimm árini, fer í bakgrundina. Hann sær kortini onga nýggja sam- gongu fyri sær í løtuni. Bjarni Mortensen, sam- felagsfrøðingur, heldur beinleiðis, at samgongan kann styrkjast, um ein breið semja fæst um sjálv- stýrismálið. Samgongu- flokkarnir hava framvegis fullveldi sum felags mál, og tað fer at halda henni saman, hóast allir flokkar fylkjast um ein meiri hóv- ligan yvirtøkuleist. Politisku mørkini kámast C M Y K 18 www.sosialurin.fo www.sosialurin.fo