mikudagur 12. februar 2003síða 9

Vit kenna hann millum annað sum HB-leikara. Hann gjørdist topp- skorari og ársins leikari hjá 1. deild monnum í fótbólti í farna kapp- ingarári. Vit kenna hann eisini frá landsliðinum, har tað gekk sera væl hjá honum í fjør. Vit tosa nevniliga um Andrew av Fløtum -– Eg fór at spæla fótbólt, tá ið eg var 7 ára gamal. Tá fór eg í 1. flokk, og tá byrjaðu allir hinir dreingirnir í flokkinum at spæla, og teir spældu allir við HB, so tað vildi eg eisini. Ein kann næstan kalla tað bólkatrýst, flennir An- drew. Fyrimyndirnar hjá Andrew eru Michel Platini,Gary Lineker og før- oysku leikarnir Bjarni Jacobsen og Rói Árting. Sum flestu aðrir fótbóltsspælarar, hevur Andrew eisini dreymin, at koma uttanlands at spæla, men heldur sjálvur, at hann er vorðin ov gamal, tí feløgini vilja hava ungar spælarar millum um 16-20 ára aldur, so møguleikin hjá An- drew er ikki longur so stórur. Men Andrew sigur, at hann hevði fegin viljað upplivað ta kenslu, at spælt við einum útlendskum liði. – Eg haldi, at støðið í føroyskum mansfótbólti er blivið hægri enn tað hevur verið. Tað er ræðuliga stórur munur á teimum fremstu og á teimum aftastu liðunum í 1. deild. Fyri at bøta um hetta, haldi eg, at man burdi skorið talið á liðum í fyrstu deild niður. Kanska til 8 ístaðin fyri 10 lið, sigur An- drew, sum leggur afturat, at kapp- ingarárið í føroyskum fótbólti er alt ov stutt. Vetrarfrítíðin er ov lang og kappingarárið sjálvt kundi eisini byrjað ella endað fyrr. Andrew væntar ikki, at støðið í føroyskum fótbólti nakrantíð verð- ur so gott, at allir spælarar í øllum liðunum í 1. deild kunnu liva bara av fótbóltinum. Nakrir gera tað longu, men tað eru ógvuliga fáir, sum onki arbeiði hava við síðuna av. Nógvir spælarir fara frá liði til lið, fyri peningsins skyld . Men An- drew hevur altíð spælt í HB. – Tá eg spæli, havi eg hjartað við. Tað er týdningarmikið fyri meg, hvat liðið er, sum eg spæli fyri. Fleiri feløg hava givið mær góð til- boð, men eg haldi ikki, at eg nakrantíð fari frá HB uttan so, at tað verður, at eitt útlendskt felag bjóðar upp á meg. Eg eri stoltur av at vera HB´ari, sigur Andrew. Og hetta er kanska ikki so undar- ligt, tí HB gjørdist jú eisini føroya- meistari í fjør. Tá kappingarárið í fjør var liðugt, varð Andrew valdur til ársins leik- ara og eisini var hann toppskorari í 1. deild. – Trýstið verður sjálvandi størri, tí fólk vænta meira av tær. Men ein slíkur heiður má heldur ikki gerast ein púta at sova á, sigur Andrew, sum sjálvur heldur, at hann var heppin í fjør. Men evnini eru so upp á pláss, tað kann ein róliga staðfesta. Spurdur um, hvør hansara besta upp- living í fótbóltinum hevur verið svarar hann, at tað hevur verið tá HB gjørdist føroyameistari, og tá Føroyar spældu ímóti Týsklandi í Hannover. Hvussu leingi An- drew ætlar at spæla, veit hann ikki rættiliga. – Tað verður so leingi eg kann og tími, sigur Andrew, sum um hann ikki hevði spælt fótbólt hevði spælt tennis. 2 Sosialurin Nr. 29 - 12. februar 2003 Sosialurin Nr. 29 - 12. februar 2003 3 Tíðindablaðið Sosialurin Postsmoga 76 100 Tórshavn Tlf. 31 18 20 Fax 31 47 20 Teldupostur: ph_1@sosialurin.fo Ábyrgdarblaðstjóri: Jan Müller Blaðstjórn: Ingrid Bjarnastein Solby Anna Eliasen <ph_1> er ein partur av Sosialinum annanhvønn mikudag. Evstamark er á middegi fríggjadag Lýsingar til <ph_1> skulu vera okkum í hendi í seinasta lagi fríggjadagin áðrenn blaðið kemur út. Lýsingarnar skulu ikki vera størri enn 254 mm breiðar og 70 mm høgar. Navn: Andrew av Fløtum Føðingardagur: 13.06.1979 Starv: Sølumaður hjá Restorff’s bryggjarí Yndisorð: Ordan Hvat vildi tú verða, tá tú vart stórur, tá tú vart lítil? Fótbóltsleikari Vangamyndin: Andrew av Fløtum 13061979 Fyri tey, sum ætla at søkja víð- ari lesnað, tað veri seg mið- námsskúlar, universitet ella líknandi, er tíðin rættiliga farin at styttast til freistin at søkja er úti. Um miðjan mars mánaða plaga tær fyrstu freistirnar at vera. Hetta er ein krossvegur í lívi- num hjá teimum flestu, tí tær avgerðirnar, sum tú tekur í dag, kunnu koma at hava ávirkan á teg restina av lívi- num. Tað er tískil sera umráðandi, at ein hugsar seg væl um, áðrenn endaliga avgerðin verður tikin. Skilagott er at tosa við ein ella annan, sum kann vegleiða ein- um í hesi týdningarmiklu av- gerð. Sum til dømis ein lestrar- vegleiðara. Summi koma lættliga í gjøgn- um hesa tíð, tí tey framman- undan hava vitað, hvat tey vilja lesa ella verða. Onnur hava ómetaliga torført við at finna útav, hvat tað skal verða, men ongin hevur nakrantíð sagt, at tað er lætt. Student ella HF, universitet ella háskúlar av ymsum slag ella lærupláss til tey, sum ikki tíma skúla so væl. Nógv er at velja millum. Og ikki lætt at avgera. Og um ein hevur ætlanir um at fara av landinum til víðari lesn- að er nógv ymisk ting at taka støðu til. Finnast skal út av, hvat ein hevur hug til. Og valmøguleik- arnir eru nógvir í eitt nú Dan- mark. Ynskir ein at útbúgva seg í Føroyum eru møguleikar- nir meira avmarkaðir, men treyðugt so, eru tað mong, sum fáa teirra útbúgving her- heima. Men tíbetur eru øll ikki eins, og tey eru mong í tali, sum ynskja at fara aðrastaðni at nema sær útbúgving og harvið økja um teirra sjónarring. Mong eru, sum ikki heilt vita, hvat tey vilja verða, og tey royna tí ymiskt fyri at finna út av tí. Men tað er ikki altíð bara sum at siga tað, tí tað er sum sagt ein stór avgerð. Tað, tú velur at verða, verður tú rest- ina av tínum lívi, men her skal tó leggjast afturat, at um ein angrar tað ein hevur valt, so er onki til hindurs fyri at steðga og royna okkurt annað. Eitt sum ein má finna útav, tá ein skal aðrastaðni at lesa, er bústaður. Men tað er ongin loyna, at tað er sera torført at fáa nakað at búgva í í Dan- mark. Ferð eftir ferð hoyrir ein um ungfólk, sum eru sloppin inn á skúla í Danmark, men tey hava ongastaðni at búgva. Men sagt verður, at ein má vera í góðari tíð við at søkja um bústað, um ein skal gera sær nakrar vónir um at finna nakað at búgva í. Sjálvandi eru summi heppin, men hepni er ikki nakað, sum ein skal líta á, tá tað kemur til bústað í Dan- mark. Um ein hevur longsul til út- landið, so nýtist tað sjálvandi ikki endilga at vera Danmark, ein fer til. Føroyingar lesa nógvastaðni runt í heiminum. Fyri uttan Danmark er Ongland og Skotland vælumtókt til at nema sær útbúgving í. <Ph_1> hevur tikið útbúgving- ar upp í blaðnum hesuferð, og vit hava tosað við nøkur ung, sum eru og hava verið undir útbúgving í Danmark. Tey greiða frá teirra útbúgvingum og øðrum viðurskiftum. Vit skriva: Hendurnar upp ella buksurnar niður 1. Kall ella Føroya Tele? - Føroya Tele 2. Jolly ella Coca Cola? - Coca Cola 3. Rás 2 ella útvarp Føroya? - Rás 2 4. Quality ella Roses? - Roses 5. Siemens ella Nokia? - Nokia 6. Loysing ella samband? - Loysing 7. Flúgva ella sigla? - Flúgva 8. Føroya Bjór ella Restorff? - Føroya Bjór 9. Fótbóltur ella hondbóltur? - Fótbóltur 10. Dimma ella Sosialurin? - Dimma 11. Tomat ella agurk? - Tomat 12. Svart ella hvítt? - Hvítt 13. Pizza ella grill? - Grill 14. Fløgu, band ella plátu? - Fløga 15. Kaffi ella te? - Te 16. Jakka ella frakka? - Jakka 17. Lissir ella karalás? - Lissir 18. Rock ella popp? - Rock 19. Mamma ella babba? - Mamma 20. MacIntosh ella PC? - PC 21. Per ella Pól? - Per 22. Um tú var ein bilur, hvat slag skuldi tú so verið? - Eg haldi, at eg skuldi verið ein Saab 23. Hvør hevði sloppið at koyrt ella hvør hevði als ikki? - Konan hevði so avgjørt sloppið at koyrt, men tann sum koyrdi 200 í Vágatunlinum hevði so avgjørt ikki sloppið. # 3 Jenis av Rana: Eg havi hjY rta› vi› C M Y K 17 16