hósdagur 6. mars 2003síða 5

8 Nr. 45 - 6. mars 2003 Nr. 45 - 6. mars 2003 9 Jóannes Eidesgaard, formaður Javnaðar- floksins, fegnast um, at løgmaður endiliga er komin til eina niðurstøðu í málinum um setanina av landsantikvari. Hann heldur, at Anfinn Kallsberg tók røttu avgerðina, men tó heldur formaður- in, at løgmaður hevur víst ókonsekvens viðvíkjandi eftirliti av landsstýrismonnum FRÁKOYRING Ingrid Bjarnastein – Eg fegnist um, at tað endiliga hendi okkurt í hes- um málinum, og at løgmað- ur endiliga fekk tikið seg saman til at gera nakað, sigur Jóannes Eidesgaard, formaður í Javnaðarflokk- inum. Formaður Javnaðarfloks- ins heldur, at løgmaður tók røttu avgerðina. – Nú setanarbræv og alt annað var avgreitt, hevði løgmaður ikki nógv annað í at velja. Hevði hann gjørt okkurt fyrr, so hevði hann kunnað givið eina átalu, men so var ikki. Sjálvt um Jóannes Eides- gaard heldur, at løgmaður hevur tikið røttu avgerðina, so skilir hann væl Høgna Hoydal. – At eg gevi løgmanni rætt vil ikki siga, at eg eri ósamdur við Høgna Hoy- dal. Løgmaður hevur í hes- um málinum víst, at hann ikki er konsekventur við- víkjandi eftirlitinum av sín- um landsstýrismonnum. Vit minnast øll rumblið við Landsverksfrøðinginum, og tá lat hann málið bara vera mál. – Nú hava vit sæð, at løgmaður er farin við klóm og nevi at verja ein landsstýrismann hjá sínum egna flokki. Men málið sæð fyri seg sjálvt, so hevur løgmaður tikið røttu av- gerðina. Rumbul Jóannes Eidesgaard sigur, at hann roknar við at sam- gongan hevur vant seg við, at ósemjur eru ein partur av gerandisdegnum. – Nú er hetta málið ikki meira enn farið afturum, og so byrjar málið um hasi fiskiloyvini norðuri í Klaksvík. Samgongan fer frá einum rumbulsmálið til tað næsta, og hetta er vorð- ið til teirra hátt at stýra uppá. Sum borgari og politik- ari, sum ikki hevur ávirkan á samgonguna, heldur Jóannes Eidesgaard, at henda gongdin kann koma at skaða samfelagið. Bæði einstaklingin, húskið og vinnurekandi. – Ein stjórn eigur at borga fyri stabiliteti og arbeiðsgleði, har ein fegn- ast um at fáa nøkur úrslit. Á henda hátt, sum arbeitt verður nú, kemur ikki nógv av skafti. – Eg haldi, at samgongan átti at stungið fingurin í jørðina og latið onnur sloppið framat. Stríð og ósemjur kunnu ikki vera gerandiskostur í eini stjórn, sigur formaðurin at enda. Løgmaður tók røttu avgerðina Formaðurin í Javnaðarflokk- inum, Jóannes Eidesgaard, heldur, at løgmaður tók røttu avgerðina. Tó er hann ikki ósamdur við Høgna Hoydal í, at hetta málið sæð í ljósinum av øðrum málum ikki hevur verið viðgjørt eins Næstformaðurin í Sambandsflokkinum heldur, at løgmaður hevur lagt lunnar undir eina nýggja leið í føroyskum politikki, sum um hon heldur fram, kann fara at skaða fólkaræði FRÁKOYRING Solby A. Eliasen – At løgmaður hevur gjørt av at koyra landsstýris- kvinnuna í mentamálum frá, er ein poltitisk avgerð, og tað er nakað nýtt í før- oyskum politikki, sigur Alfred Olsen, næstformað- ur í Sambandsflokkinum. Og hann heldur eisini, at samgongan átti at lagt frá sær undir tílíkum umstøð- um, tí um tað fer at verða vanlig mannagongd fram- yvir, at landsstýrisfólk so- leiðis missa høvdið, uttan at tað fær fylgjur, so er fólkaræði í stórum vanda. Hann vísir á, at tað hevur verið vanligt, at ein ella onnur kanning ella eitt brot á onkrar umsitingarligar reglur plaga at vera orsøk til, at eitt landsstýrisfólk verður koyrt frá. – Í hesum førinum er tal- an um eina reina politiska avgerð, sigur Alfred Olsen. Alfred Olsen heldur sum sagt, at samgongan átti at lagt frá sær, men hann ivast stórliga í, um tað veruliga fer at henda. – Henda samgongan letur til at tola nógv av, má sig- ast, so eg loyvi mær at ivast í, um hon fer at skrædna, hóast tað rætta hevði verið, at hon legði frá sær, sigur hann. Men um hon heldur fram, so er vandi fyri, at her bara verður kreppa oman yvir kreppu at klandrast um, meðan onnur týdning- armikil mál liggja á láni, sigur næstformaðurin í Sambandsflokkinum. Dúgvan, sum leingi hevur verið úti úr sigling millum Leirvík og Klaksvík, kemur eftir ætlan aftur mánadagin SAMFERÐSLA Ingrid Bjarnastein Strandfaraskipið Dúgvan kemur aftur í sigling mána- dagin. Hetta er í øllum førum lagt út í kortið, sigur Magnus Magnussen, tekn- iskur leiðari á Strandferðsl- uni. Dúgvan, sum hevur skift klassa, hevur verið leingi úr sigling um Leirvíksfjørð, og sigur tekniski leiðarin, at hetta kemst av, at nakrar ábøtur, sum klassin krevur skuldu gerast og tær hava tikið sína tíð. Aksilin hevur verið úti og róðrið niðri, og ymiskt ann- að er nú fingið upp á pláss. – Men ætlanin er so í øll- um førum at fáa hana aftur at sigla mánadagin, segði Magnus Magnussen, beint sum hann var á veg av land- inum fyrrapartin mikudag- in. Benny Ejdesgaard, sum eigur og rekur fyritøkuna, Samskifti, fer um vikuskiftið at skipa fyri skeiði, sum gongur út uppá, at geva kunning um, hvussu handlarnir skulu pynta vindeyguni SKEIÐ Ingrid Bjarnastein Um vikuskiftið verður skeið hildið á Venjingar- skúlanum. – Skeiðið gongur í stutt- um út uppá at geva kunning um, hvussu tú pyntar vin- deygu í handlum bæði úti og inni, sigur Benny Ejdes- gaard, sum skipar fyri skeiðnum. Benny er útbúgvin innan hetta økið, og heldur hann, at um ein gongur ein túr runt í Havnini ella úti á bygd, so sær ein beinanveg- in, hvør hevur gjørt nakað við at pynta vindeyguni og ikki. Skeiðið fer tí at við- gera tað visuella hjá handilsmonnunum. – Vit fara at læra um ljós, uppseting og litir. Nógv eru líkaglað við vindeygunum, og síggja tey ikki sum ein part av handlinum. Tað er stórur tørvur á hesum í handilsverðini, heldur Benny. Samskifti hevur annars havt fleiri onnur skeið í millum annað dekoratión. Alfred Olsen: Fólkaræði er í vanda Lærið at fanga kundan Benny Ejdesgaard fer um vikuskiftið at hava skeið á Venjingarskúlanum. Skeiðið gongur út uppá, at læra at pynta vindeygu Dúgvan kemur mánadagin Dúgvan kemur mána- dagin Toll- og Skatt ov seinir í svinginum Tey, sum hava goldið ov nógv í skatti, eiga møguleikan at boða Toll- og Skatt frá, hvar tey ynskja pen- ingin fluttan. Fyri stóran part av landin- um komu skattaupp- gerðirnar í ár so mik- ið seint, at peningurin longu var fluttur SKATTAUPPGERÐ Rúna Sivertsen Skattauppgerðirnar í ár vóru dagfestar 12. februar. Men fleiri skattaborgarar kring landið fingu ikki brøvini fyrrenn tann 26. og 27. Tá var ov seint at boða Toll- og Skattovuni frá, um peningurin skuldi á aðra konto enn ta frammanund- an fráboðaðu. Verður hugt at skattaupp- gerðunum seinastu árini, so er dagfestingin á leið tann sama, og tá eru brøvini komin í so mikið góðari tíð, at fólk høvdu møguleikan at broyta konto. Sosialurin hevur fregnast hjá Toll- og Skatt, Elektron og hjá Postverkinum. Á Elektron siga tey, at tey hava hildið seg til avtaluna við Toll- og Skatt. Postverk Føroya hevur ikki ligið á brøvunum, men borið tey út so skjótt, tey vóru post- húsunum í hendi. Niðurstøðan má verða, at tað er Toll- og Skattstova Føroya, sum hevur ábyrgd- ina og ikki hevur tikið hædd fyri tíðini, tað tekur Elektron og Postverkinum at avgreiða eina so stóra nøgd av skjølum og brøv- um. Dorit Reinert, deildar- leiðari á menningardeildini hjá Toll- og Skattstovu Før- oya, sigur, at tá so nógv skjøl skulu avgreiðast er vandi fyri seinkingum til staðar. Tí skuldi útbetaling- in kanska bíða einar tveir dagar, so fólk fingu møgu- leikan at siga frá, ynskja tey peningin á aðra konto. 14.720 skattaborgarar fingu tilsamans góðar 45 miljónir krónur aftur í skatti. 1795 máttu gjalda tilsamans 2,6 miljónir krónur. Restin, 16048 skattaborgarar, høvdu hvørki goldið ov lítið ella ov nógv í skatti í fjør. Brøvini við skattauppgerðun- um frá Toll- og Skattstovuni komu fleiri so seint, at fólk ikki fingu møguleika at siga frá, hvar tey ynsktu peningin fluttan Mynd Álvur Haraldsen TK Stovan skipar fyri kunningarfundi um broytingarfúsa leiðslu í dag KUNNINGARFUNDUR Tíðindaskriv frá TK Stovuni Allar broytingar byrja við, at einstaklingar og virkir eru til reiðar at fara ígjøg- num broytingina og tískil eisini eru til reiðar at bera seg øðrvísi at enn áður. Skiftandi umstøður seta krøv til virkir og stovnar um alla tíðina at laga seg til broytingar. Tey seinnu árini hevur hugtakið broytingar- fús leiðsla vunnið alsamt meiri frama. Broytingarfús leiðsla snýr seg í stuttum um, hvussu leiðslan tryggjar, at broytingar vera settar í verk og førdar út í lívið. Nú er møguleiki at kun- na seg um, hvat broyting- arfús leiðsla er, tí TK Stov- an skipar hósdagin 6. mars fyri Kunningarfundi um Broytingarfúsa Leiðslu. Evni sum verða tikin upp eru m.a.: hví tað er so tor- ført at fremja broytingar, hvørjar orsøkir vanliga eru til mótstøðu ímóti broytingum og hvussu vit kunnu lofta og beina burtur mótstøðu ímóti broytingum. Eisini verður umrøtt, hvussu til ber at gera broytingarfúsa leiðslu ítøkiliga og skilj- andi og hvørji ítøkilig am- boð eru, ið kunnu nýtast í broytingartilgongdini. Eggert Cederholm frá donsku ráðgevarafyritøk- uni Implement (www.implement.dk), heldur fyrilestur um ”Broytingarfúsa leiðslu” og við at luttaka á fundin- um kannst tú læra meira um, hvussu tú lættari kann fremja broytingar í verki. Meira fæst at vita um kunningarfundin við at venda sær til TK Stovuna, sigur TK Stovan í tíðinda- skrivi. Øll vilja hava broyting, men eingin vil broyta seg 17. mai skipar Megin- felag áhugaleikara Føroya fyri Barna- sjónleikarastevnu í Havn BARNASJÓNLEIKUR Tíðindaskriv MáF skipar fyri Barnasjón- leikarastevnu í Havn leyg- ardagin 17. mai 2003. Freistin at tekna seg er longd til 17. mars 2003. Hetta er 3. árið á rað, MáF hevur Barnasjónleik- arastevnu í Havn, og hevur tiltakið hepnast so væl, at avgjørt er at gera stevnuna til fastan tátt í virksemi MáF’s, soleiðis at hon verð- ur annaðhvørt ár, t.v.s. í 2003, í 2005 o.s.fr. Barnasjónleikarastevnan er ein sera spennandi upp- living hjá børnum. Tey fáa møguleika at royna seg á palli fyri øðrum børnum, og tey fáa eitt stórt uppliv- ilsi og íblástur, tá tey síggja tað, sum onnur børn framføra. Í ár er ætlanin at leika í Sjónleikarhúsinum, á Mei- arínum og í Grasagarði, alt eftir hvussu stór luttøkan verður. Í ár verður umframt før- oysku børnini ein bólkur úr Hetlandi við. Hugmyndin við Barna- sjónleikarastevnuni er at eggja lærarum til at brúka sjónleik og drama í síni undirvísing, at arbeiða við eini søgu, søgn, ævintýri, kvæði, yrking, mytu ella onkrum heilt øðrum, og burtur úr tí gera ein lítlan leik, sum skal framførast á sjónleikarastevnuni. Tað eru óendaligir møgu- leikar. Tað kann vera ein vanligur leikur við dialogi, tað kann vera sang-leikur, dansileikur ella mimuleikur. Tað ber eisini til at hava eitt frásøgufólk, meðan spælt verður. Leikurin kann gerast sum komedia ella tragedia. Til ber eisini at brúka eitt sindur av hvørjum. • Aldursbólkurin er børn millum 9 og 14 ár. • Leiklongdin millum 15 og 20 minuttir. • Pallmyndin einføld, skjót at seta upp og taka niður aftur, t.d. eitt einkult bakteppi. • Meira kann verða gjørt burturúr búnunum. Tað ber til at fáa vegleiðing og hjálp frá MáF, bæði praktiska og leiklistarliga. MáF vónar, at skúlarnir taka væl undir við Barna- sjónleikarastevnuni. Barnasjónleikarastevna á triðja sinni C M Y K 9 8