fríggjadagur 7. mars 2003síða 10

18 Nr. 46 - 7. mars 2003 Jákup Pauli Gaard Olsen – sang Hans Marius Ziska – gittar og kór Heðin Ziska Davidsen – gittar Ansgar Jensen – bass Eyðun Djurholm – trummur Bólkurin varð stovnaður í 1993. Tá var bólkurin ein kvartett við Jákup Paula, Heðini, Ansgari og Eyðuni. Endamálið var at spæla harðan thrash tónleik, og tað gjørdu teir á ymsum lítlum konsertum og ymsum størri eisini – harímillum Prix Føroyar. Í 1997 var tíðin komin til, at manningin so smátt fór til Danmarkar at lesa, og tað hevði við sær ein steðg, sum vardi líka til 2002. Teir hava spælt á konsertum hjá Tutl og á ólavsøkukon- sertini í fjør, og nú royna teir seg aftur í Prixnum. Teir vóru við á Prix Føroyum í 1995, har komu teir ikki longur enn til tey inn- leiðandi umførini. Teir royndu aftur í 1997, og tá náddu teir einum finalu- plássi. Høgni Kragesteen – gittar og kór Ólavur Olsen – sang og trompet Líggjas Olsen – ljómborð og kór Jón McBirnie – bass Rúni Højgaard – trummur Sum veruligur bólkur er Blív nýggjur á tónleikapallinum, men onkrir av manningini hava ar- beitt við egnum tekstum og tón- leiki tey seinastu fimm árini. Tónleikurin, sum Blív spælir, er pop/rock-tónleikur við einum sermerktum egnum stíli. Allir tekstirnir eru skrivaðir á før- oyskum máli, og saman við tón- leikinum bera teir á hvør sín hátt ein boðskap út til áhoyrarnar. Stutt og greitt kunnu vit siga, at Blív er ein áheitan í sær sjálvum. Tekstirnar hja bólkinum hava Hallur Gilstón Thorsteinson, Ólavur Olsen og Høgni Kragesteen skrivað. Ása Kathy Dam – sang Rúni í Lágabø – gittar og sang Gunnar Olsen – gittar Árni Joensen – bass Búgvi J. Magnussen – trummur Teitur H. Olsen – saxofon Bólkurin er nýggjur og er stovnaður sum eitt alternativ til tann harðan rock- in, sum tað er nógv av til Prixið. Bólkurin leggur dent á, at hava góðar melodiir til sangirnar hjá sær, og stílurin kann kallast countryrockur. Ein bólkur, sum tey hava fingið íblástur frá, er amerikanski bólkurin Eagles, og tað er serliga fyrsta tíðar- skeiðið hjá bólkinum, sum kanska hoyrist aftur í tónleikinum hjá Jam. Og harafturat hevur bólkurin eisini fingið íblástur frá øðrum bólkum. Tekstirnir hjá bólkinum eru bæði á føroyskum og enskum máli. Heri Joensen – gittar og sang. Terji Skibenæs – gittar og sang. Gunnar Thomsen – bass og sang. Kári Streymoy – trummur og sang. Bólkurin kom rættiliga fram á Prix Føroyum fyri tveimum árum síðani, tá ið Ormurin Langi rungaði. Fólk tóku sera væl ímóti bólkinum, sum eisini kom í finaluna. Har fingu teir kjansin at spæla á Jelling Festivalinum. Síðani hevur bólkurin gjørt nógv um seg. Hann hevur givið tvær fløgur út, hevur verið á konsertferð ymsastaðni í Norð- urlondum og var millum annað eitt heitt navn í Íslandi í farna ári. Ætlanin er at Týr skal aftur til Íslands at spæla, og teir fara eisini at vera við í danskari tón- leikakapping í hesum árinum. Hans Edward Andreasen – gittar og sang. Heðin Egholm Skov – bass og kór. Heini Mortensen – trummur. Søgan um bólkin Zink er stutt. Fyri einum hálvum ári síðani kendu teir ikki hvønn annan. Teir byrjaðu at spæla í oktober, tá ið onkur bara segði: kom og spæli tónleik. Tað gjørdi teir so, men ikki soleiðis, at tað bleiv boyband-venjing 10 dagar um vikuna. Teir venja og hava tað stuttligt saman. Tað hevur størstan týdning. Bólkurin spælir glaðan skater- punk, sum mest er undirgrund- artónleikur, men sum er vorðin meira viðurkendur seinnu árini. Tónleikurin hjá teimum snýr seg mest um at lýsa keðilig og kanska ræðulig ting, ið fara fram ein vanligan gerandisdag. Teir hava einaferð spælt alment, tað varð í Studentaskúlanum í Hoydølum. Annars venja teir á loftinum hjá trummuspælaranum í 50 kuldastigum! 5. innleiðandi umfar – Mentanarhúsið í Fuglafirði – leygarkvøldið 8. mars kl. 21.00 Ólavur Hansen – sang og gittar Torfinnur Jákupsson – gittar Knút H. Eysturstein – ljómborð og sang Niels Jákup í Jógvanstovu – bass Jógvan Andrias á Brúnni – trummur Bólkurin varð stovnaður á summri 2002, og síðani hevur hann spælt til onkrar einstakar konsertir. Teir hava spælt í Losjuni í Gøtu, og teir vóru við á Tutl-konsertini í Útvarpshøllinií fjør. Ein sangur hjá bólkinum er givin út, tað er á live-fløguni hjá Tutl, sum eisini kom út í fjør. Sangarin og gittarspælarin eru brøður, og teir hava spælt nógv saman. Teir hava tó spælt lítið alment, og tað er ikki fyrr enn nú, at teir rætti- liga fáa møguleikan at koma undir sjóneykuna hjá teimum tónleikaáhugaðu. Gestir spælir alternativan rocktónleik. Blív Gestir HATESPEECH Týr Jam Zink C M Y K 18 Nr. 46 - 7. mars 2003 19 Bíligari at keypa húsvognar Karsten Hansen hev- ur lagt fyri tingið uppskot um at avtaka avghald á húsvognar, so tað verður eins lagaligt at keypa hús- vognar í Føroyum sum í t. d. Danmarki. Eisini verða reglurnar fyri ellisakfør dagførdar VEKTGJALD Eirikur Lindenskov Gongur sum fíggjarmála- ráðharrin vil, so verður tað í framtíðini bíligari hjá føroyingum at keypa sær húsvongar og lagaligari at innflyta ellisakfør. Seinasta framløgudagin kom á tingborð uppskot frá Karsten Hansen, landsstýr- ismanni í fíggjarmálum, um broyting í løgtingslóg um skrásetingargjald av motorakførum v. m. Uppskotið varð av fyrst- an tíð lagt fyri tingið sein- asta framløgudag í fjør, men tað varð tikið aftur, tí onkur teknisk villa var í uppskotinum. Talan er um tvær broyt- ingar. Onnur broytingin snýr segum at taka av av- gjald á kampingvognar. Hitt snýr seg um at broyta defineringina av ein ellis- akfari. Eitt ellisakfar skal eftir uppskotinum verða ak- far eldri enn 25 ár. Fyri ell- isakfør verður einki skrá- setingargjald kravt, men soleiðis sum lógin í løtuni er orðað, verður eitt ellisak- far, bara tá tað verður inn- flutt, roknað sum akfar eldri enn 30 ár. Tað talan er um vegskatt, verður elliak- far roknað sum akfar, eldri enn 25 ár, og somuleis tá talan er um trygging. – Hendan broytingin er bæði ein málslig dagføring, har mælt verður til at broyta orðið veteranakfør til ellis- akfør, og ein lækking av ald- ursásetingini fyri frítøku fyri skrásetingargjaldi á ellis- akførum úr 30 árum niður í 25 ár, sigur Karsten Hansen. Hann sigur víðari, at hetta verður gjørt eftir ynski frá áhugafelagnum Føroya Ell- isakfør, sum metir hetta hava stóran týdning fyri møgu- leikan hjá limum tess at varðveita gomul akfør í teirra upprunaliga sniði. Henda broyting viðførir eis- ini, at sama aldursáseting verður nýtt í øllum lógum viðvíkjandi ellisakførum, tí í løgtingslóg um vektgjald (vegskatt) verður 25 ár nýtt sum aldursáseting fyri ellis- akfør. Tað skal viðmerkjast, at Vinnumálaráðið og Bileft- irlitið hava viðmælt hesa broyting. Um broytingina við hús- vongum, ella kamping- vognum, sum tað eitur í uppskotinum, sigur Karsten Hansen: – Avgjaldið á kamping- vognar er íløtuni 45%. Fíggjarmálastýrið hevur fingið áheitan frá einum áhugabólki um at taka hetta avgjaldið av, tí tað forðar fyri, at kampingvognar verða keyptir til Føroyar. Víst verður á, at í Danmark er einki avgjald. Av tí sama eru tað fleiri føroyingar, sum hava keypt sær ein kamp- ingvogn í Danmark og hava kent seg noyddar at lata teir verða standandi í Danmark fyri at sleppa undan avgjald- inum. Tað skal harafturat viðmerkjast, at einki avgjald er á øðrum viðfestisvognum, og at avgjald longu er rindað fyri bilin, sum togar. Avleiðingar av lógar- uppskotinum Lógaruppskotið hevur bert smávegis fíggjarligar avleið- ingar fyri landið, tí sum er verða eingir kampingvognar innfluttir. Hinvegin verður tað ein fíggjarligur fyrimun- ur fyri teir borgarar, sum yn- skja at ogna sær ein kamp- ingvogn og fyri møguligar umboðsmenn í Føroyum. Tað er ikki gjørligt at siga, um lækkingin av aldursáset- ingini fyri frítøku fyri skrá- setingargjaldi á ellisakførum fer at hava við sær størri innflutning av ellisakførum, men roknast kann við, at áhugin verður nakað størri. Lógaruppskotið hevur ikki stórvegis umhvørvis- ligar avleiðingar við sær, men tað, at aldurin á ellis- akførum lækkar, fer at hava við sær, at fleiri akfør koma at koyra á vegunum í Før- oyum, men hinvegin verða tey í betri standi. Somuleið- is er møguleiki fyri, at kampingvognar verða meiri sjónligir í nærumhvørv- inum. Uppskotið hevur ongar umsitingarligar avleiðingar við sær ella avleiðingar í mun til altjóða avtalur og reglur, fyri landið, komm- unur, ávísar samfelagsbólk- ar ella vinnuna. Heldur ikki verða sosialar avleiðingar fyri ávísar samfelagsbólkar, sigur Karsten Hansen at enda í viðmerkingum til uppskotið. Fleiri føroyingar hava keypt sær húsvognar í Danmark, har teir eru skrásettir. Av- gjaldsskipanin ger, at tað er rættuliga nógv dýrari at keypa húsvognar í Føroyum, so dýrt, at nærum ein verður keyptur. Hetta vil lands- stýrismaðurin nú broyta Aldursásetingin fyri frítøku fyri skrásetingargjaldi á ellisakførum verður lækkað úr 30 árum niður í 25 ár. Hetta verður gjørt eftir ynski frá áhugafelagnum Føroya Ellisakfør, sum metir hetta hava stóran týdning fyri møguleikan hjá limum tess at varðveita gomul akfør í teirra upprunaliga sniði, sigur Karsten Hansen, lands 0stýrismaður í fíggjarmálum. Myndin er tikin á bilstøðini Auto í sekstiárunum 19