leygardagur 8. mars 2003síða 6

10 Nr. 47 - 8. mars 2003 Nr. 47 - 8. mars 2003 11 Álvarsmálið um landsantikvarin er langt frá liðugt og má ansast eftir, at málið ikki verður gloymt í øllum samgongurokinum. Landsstýriskvinnan bar seg skeivt at og tók avleiðingarnar. Hetta átti at verið ógvuliga einfalt at fata, hóast Tjóðveldisflokkurin av roynir at fáa tað at síggja út sum, at alt fór rætt fram í málinum. So langt so gott. Eftir stendur, at feilurin ikki er rættaður. Setanarpolitikkur og siðvenja eru ikki fylgd. Einstaklingurin, ið var innstillaður og funnin ov lættur, og fakfelagið royna at fáa tingini í rættlag aftur. Hetta málið eigur ikki at tengjast saman við keglið millum Tjóðveldisflokkin og løgmann. Tað áliggur politiska myndugleikanum at fáa hetta mál loyst. Hitt málið, um ringa gongulag samgongunnar, er nógv meira einfalt enn. Tjóðveldisflokkurin og Fólka-flokk- urin eru grundleggjandi ósamdir um flestu týðandi mál. Vit kunnu bert hyggja at fiskivinnupolitikkinum. Fullveldismálið er nú komið í eina heimastýrislegu, sum sjálvt Sambandsflokkurin kann stuðla. »Ongantíð fyrr er so nógv gjørt á sjálvstýrisleið«. Hetta hoyrdist mangan uppundir seinasta val. Hvat er komið av skafti hjá samgonguni nú í fimm ár? Hevur samgongan yvirtikið meir enn aðrar samgongur? Nei! Er nøkur fólkaatkvøða hildin? Nei! Gamaní var blokkurin niðurskorin við einari ov stórari upphædd, men tað, at tað verður svangligari í Føroyum uttan økta ábyrgd av málsøkjum er ikki framstig á sjálvstýrisleið. Heldur tvørturímóti. Undanfarna samgonga yvirtók Skipasýnið og skal hon hava rós fyri tað, men helst má tað søguligani sæð verða ein av soltnastu samgongum, tá um yvirtøkur ræður. Hví tvíheldur Tjóðveldisflokkurin so um Fólkaflokkin? Ofta hoyrist, at Javnaðarflokkurin er so afturhalds- sinnaður. Men hvør hevur verið størsti yvirtøkuflokk- urin. Vit kunnu nevna Postverkið, Vaktar- og Bjarging- artænastuna, víðkanina av fiskimarkinum, avtøkuna av refusiónsskipanini, yvirtøkan av ráevnunum í und- irgrundini. Øll vóru yvirtikin av samgongum undir javnaðarleiðslu. Tann løgmaður, ið hevur staðið á odda fyri flestu yvirtøkum í Føroyum, eitur Atli P Dam. Tjóðveldisflokkurin var við í hesum sam- gongum, og hevur mangan hug til at taka heiðurin av hesum yvirtøkum, men seinastu fimm árini hava víst, at flokkurin ikki formáar sær nakað á sjálvstýrisleið uttan Javnaðarflokkin. Nær hetta faktum fer at rína við yngra ættarliðið í Tjóðveldisflokkinum er ilt at siga. Kanska núverandi samgongustøða blæsir eitt sindur av søguligum innliti inn í hølini hjá Tjóðveldisflokk- inum á Gamla Apoteki, soleiðis at pástandurin um, at »alternativið er svart samband« verður endurskoðað- ur. Alternativið er yvirtøkur við skili í einari arbeiðs- førari samgongu við samhaldsføstum hugsjónum. DAGSINS MEINING Sosialurin Málið má ikki køvast í samgonguroki Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Magnus Gunnarsson maggi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 225429 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. VIÐMERKINGAR Ditleif Eldevig og vegna eina fullsamda nevnd í Eldrafelagnum Borgini í hesum máli Tað er rætt, sum sagt er í yvirskriftini í Sosialinum í gjár 6. mars, »Tað er misljóð millum pensjónistarnar«. Vit mugu bara staðfesta: - at feløgini ongan rokn- skap hava fingið frá landsfelagnum 2001 (utt- an tann ið stóð í Sólsetur) - at eignin fundarfrá- greiðing er komin til limafeløgini - at viðtøkurnar, sum komu í gildi 18. mai 2002, ikki eru fylgdar - at Eldrafelagið Borgini verður noktaður almenn- ur stuðul, sum landsfe- lagið umsitur - at Tómas Tómasson, formaður landsfelagsins vil ikki boða Eldrafelag- num Borgini til fundar, vegna tess, at hann væntar bert illstøðu av Ditleif Eldevig - at Tómas Tómasson sigur, »at grein trý sigur, at felag, sum ikki heldur viðtøkur Landsfelagsins, kann koyrast úr felagnum. Okkara viðm., at vit hava hildið viðtøkur landsfel- agsins. Sí viðtøkurnar. Grein 3 sigur »Roknskap ella limalista«! Limalisti er innsendur. Men Eldrafelag- ið Borgin vil ikki finna seg í, at roknskapurin skal góð- kennast, og tað er júst tað málið snýr seg um. Vit hava: - Eina nevnd, sum góð- tekur roknskap okkara - Grannskoðarar, sum grannskoða okkara rokn- skap - Ein aðalfund, sum er hægsta vald felagsins, sum endaliga skal góð- kenna roknskapin. Eingin landsnevnd skal góðtaka ella góðkenna okkara roksnkap. Tómas Tómasson, sum hevur verið limur í okkara felag og hevur bæði fingið roknskap og broyttar við- tøkur, sum ikki eru í stríð við viðtøkur landsfelagsins. Sama hava eisini hini tvey, sum umboða lands- felagið, Símun P. Poulsen og Jacobina í Lambanum. Øll landsnevndin hevur verið limir í Eldrafelagnum Borgini – uttan at hava mótmælt. Símun Pauli Poulsen og Jacobina í Lambanum eru framvegis limir í okkara felag. Og eru tey sjálvsagt vælkomin og kærkomin til framvegis at verða tað, her vit øll arbeiða í sátt og semju í einum mennandi og uppbyggjandi felagsskapi. Vit kunnu framvegis ávísa, at viðtøkur og mannagongdir í landsfe- lagnum ikki verða fylgdar. Vit kunnu eisini stað- festa, at uppskot okkara verða »koyrd í skrell«, sambært formanninum í landsfelagnum. Ikki øll fáa orðið á lands- felagsfundum. Einki verður skrivað, okkum vitandi – vit hava ongar fundarfrá- sagnir. Lógir og reglur felagsins hava ikki verið fylgdar, tá tað snýr seg um atkvøðu- greiðslu á aðalfundi. Hetta er okkara nevnd full samd um, og vit kunnu eisini staðfesta, at so er. Í roknskaparárinum 2001 fingu limafeløgini ongan pening av tí almennu játt- anini. Misnøgdin hevur verið, og er stór millum limafeløgini, um hesa støðu og øll limafeløgini mugu nú bara staðfesta, at rætturin hjá nevndunum í limafeløgun- um er frátikin teimum. Og at nú hava bert limirnir í teim ymisku lokalfeløgunum at- kvøðurætt, um tey koma á fund. Her er talan um limir – ikki nevndarlimir. Rættur- in til fulltrú er eisini tikin frá øllum lokal-limunum. Ein- ans tey, ið møta til aðalfund í Havn, hava atkvøðu (um- leið 100 av umleið 1000 limum). Hetta er júst tað vit hava mótmælt og tí ikki undirskriva viðtøkurnar og sum vit nú eru leys av, í og við, at vit ikki hava bundið okkum, meðan øll hini 13 limafeløgini eru niður- bundin. Hesa støðu hava tey 13 limafeløgini góðtikið, og tað mugu tey so bara liva við. Vit fáa einki gjørt við hetta. Og vit hava heldur einki ímóti at lata inn rokn- skap og viðtøkur, til kunn- ingar, men nokta fyri at lata roknskap inn til góðkenn- ingar. Kann landsfelagið ávísa, at okkara viðtøkur stríða móti viðtøkum lands- felagsins, er landsfelagið vælkomið til at ávísa tað, og vit vilja sjálvandi broyta tað, um so er. Tómas, Símun Pauli og Jacobina hava jú roknskap og viðtøkur hjá Eldafelag- num Borgini. Til seinast skal eg boða frá, at eg ikki møti upp til landsfelagsfund og heldur ikki til felagsnevndarfund hjá landsfelagnum – sum støðan nú er – fyri ikki at illstøða skal standast av tí millum limirnar, sambært Tómas Tómasson. Misljóð millum pensjónistar Finnbogi Ísakson Týskvøldið skiftu Jógvan Sundstein og eg orð í Sjónvarpinum um politisku støðuna og politisku gongdina tey seinastu árini. Fólk hava yvirhøvur rea- gerað positivt uppá tað, vit førdu fram. Tó ikki Abraham Mikla- dal. Í grein í Dimmalætting og Sosialinum roynir hann at reingja tað, sum varð sagt. Hann vil hava fólk at halda, at eg segði nakað annað enn tað, sum eg segði - og meinti. Hann skrivar: »Serliga Finnbogi legði áherðslu á, at tingfólk og serliga lands- stýrisfólk okkara vóru ov ung og óroynd.« Nú er tað ikki greitt, hvat orðið »okkara« stendur fyri. Men Abraham Mikla- dal er eins og eg tjóðveldis- maður, og tí kann tað skilj- ast soleiðis, at eg serliga havi umrøtt tingmenn og landsstýrismenn Tjóðveld- isfloksins. Tað gjørdi eg ikki. Eg meinti líka nógv við aðrar flokkar. So er tað hin parturin: »ung og óroynd«. Her royn- ir greinskrivarin heilt greitt at seta kílar millum ættar- liðini, millum tey ungu og tey eldru. Rættleiðingin er, at eg nevndi ikki orðið »ung« eina ein-astu ferð - og meinti heldur ikki við tey ungu. Er tað nakar, sum Rættleiðing til villleiðing Framhald á síðu 11 VIÐMERKINGAR Við róðrarkvøðu Jóhannes Joensen, formaður í RSF Í Sosialinum, týsdagin 4. mars, hevur mín góði vinur, Palli Jacobsen, eina við- merking undir yvirskrivtini: “Jarnbardur til Scillyoyggj- arnar?”. Palli spyr í stuttum og greiðum orðum, um tað yvirhøvur er rætt at lata Jarnbard umboða Føroyar í Sillyoyggjum í ár, tí nógvar av vinnandi manningini í fjør eru ikki við longur. Heldur skuldi annar bátur sloppið av stað, og tað skuldi verið tann, sum hevði bestu somu manning sum í fjør, (í hesum føri Smyril í Vági). Sjálvt um vit í RSF hava tann sið, at vit helst ikki leggja okkum út í blaðkjak, skal eg tó svara spurningun- um hjá Palla, so at eingin ivi skal taka seg upp um hetta mál, eins og eg skal koma við nøkrum upplýsingum um sillykappingina sum heild. Lat meg tí fyrst í stutt- um siga, hvussu kappingin er íkomin og skipað. Tað var av fyrstan tíð oljufelagið Amerada Hess, sum tók stig til hennara, tá ið tað beyð besta tíggju- mannafarinum at royna seg í Sillyoyggjum. Felagið skipaði sjálvt fyri bæði kapping og ferð, og til gagns fyri føroyskan kapp- róður er Amerada Hess framvegis høvuðsstuðul og hornasteinur undir kapp- ingini. Tá ið Róðrarsam- bandið eftir avtalu við olju- felagið fór at skipa fyri kappingini, varð hon broytt, soleiðis at allar manningar uttan fimmmannafør við dreingjum skuldu kappast um kjansin. Fyrstu árini dystaðust kvinnur og menn fyri seg, men av tí at tað gjørdist ov dýrt við tveim- um manningum, varð av- rátt, at besti bátur skuldi vinna sillykappingina. Samstundis varð gjørd reglugerð, sum segði, at var ikki øll tann vinnandi manningin tøk, skuldi báturin skaffa sær fólk av báti nr. 2, og um tað ikki bar til, so av báti nr. 3 o.s.fr. Henda reglugerð skuldi forðað fyri, at vinir og kenningar vóru tiknir við, heldur enn tey kappróðrar- fólk, sum hava kappast um plássið. (Lagt kann verða afturat, at manningin má vera av sama kyni, tí í Silly- oyggjum er sum hjá okk- um, at menn og kvinnur rógva ikki saman.) Lat meg so venda aftur til Palla. Tað er rætt, at øll tann vinnandi manningin á Jarn- bardi er ikki tøk til silly- ferðina í ár. (Tríggjar eru tøkar, og at tað bert skal vera ein, man vera ein mis- skiljing). Tí hevur Jarn- bardur, soleiðis sum reglu- gerðin sigur, vent sær til næstu bátarnar á listanum og hevur skaffað sær fólk av Páll Fanga, Riddaranum og Gongurólvi. Meir er ikki at siga um tað. Eg eri onga løtu í iva um, at Smyril hevði verið góð umboðan at sent til Silly- oyggjar; men tað er nú eina ferð so, at Jarnbardur vann, og tískil fer Jarnbardur av stað. Her skal verða lagt afturat, at tær hava vant sera miðvíst síðan oktober- mánað, og mangt eitt kvøldið havi eg staðið og eygleitt hesar kvinnur og verið hugtikin av teirra øgi- liga vilja, tá tær í kavaroki, vindi, glaðustroki, myrkri og oysandi regni hava ligið úti á vágni og vant. Tað mundu verið mangir menn, teirra millum tú og eg Palli, sum høvdu aftrað seg við at sett seg við árarnar í slíkum umstøðum á vetrardegi. Tað hevði eftir mínum tykki verið skeivt at tikið heiður- in frá teimum. So svar mítt, Palli Jacobsen, er, at sjálv- andi er tað rætt at lata Jarn- bard umboða Føroyar í Sillyoyggjum í ár! Tað er tó eyðvitað bæði gott og neyðugt at kjakast um málið. Tað er t.d. ikki óhugsandi, at reglugerðin fyri, hvussu vinnandi bátu- rin skal verða mannaður, verður broytt komandi ár. Alt hetta er tó sjálvandi treytað av, at Amerada Hess framvegis við sínum góða hjarta stuðlar kappingini. Kristina Háfoss Løgtingskvinna fyri Tjóðveldisflokkin Hetta er ein spurningur, ið nógv óivað seta sær. Grundgevingin tykist at verða, at “danska stjórnin hevur jú boðað frá, at vit kunnu taka fullveldi um vit ynskja hetta - er hetta ikki at hava sjálvsavgerðrrætt?”. Svarið er nei - als ikki. Tað at danskir myndugleikar ikki vilja viðurkenna føroy- ingar sum tjóð við sjálvsav- gerðarrætti og tað, at før- oyskir myndugleikar ikki hava fingið altjóða viður- kent hesi rættindi, hevur nógv størri týdning enn fólk flest geva sær far um. Heimastýrið - ein sáttmáli millum tjóðir Meðan flestu føroyingar síggja heimastýrisavtaluna sum ein sáttmála millum tvær tjóðir - sær danska stjórnin hesa avtalu sum eina fólkatingslóg. Danska stjórnin er ikki av tí fatan at føroyingar eru tjóð við sjálvsavgerðarrætti og metir tí ikki, at føroyingar av sínum eintingum kunnu velja tað ríkisrættarligu kós, ið ynskt verður. Danskir myndugleikar er av tí fatan, at tað bert er við teirra samtykki, at føroyingar kunnu broyta ríkisrættarliga støðuna. Og júst hetta er sera grundleggjandi. Skulu danir ella ES avgera ríkisrættarligu støðu Føroya ? Frá sjónarhorninum hjá donskum myndugleikum eru tað fyrst og fremst sjón- armiðini hjá skiftandi donskum stjórnum, ið hava týdning og harnæst sjónar- miðini hjá føroyska fólka- valda løgtinginum. Hetta er ein sera ótrygg ríkisrættar- lig og løgfrøðilig støða at verða í fyri føroyingar. Við teimum broytingum, ið støðugt fara fram í heim- inum kann nógv broytast eftir stuttari tíð. Tí kann støðan hjá donsku stjórnini mótvegis føroyskum mynd- ugleikum eisini broytast. Og ikki er víst at hetta er til fyrimuns fyri føroyingar. Hvussu fer ein broyting í løgfrøðiligu bindingunum millum Føroyar og Dan- mark at verða tulkað av donskum myndugleikum ? Og hvar standa føroying- ar eitt nú, tá danskir mynd- ugleikar í næstum helst fara at siga frá sær øll fyrivarni mótvegis ES - og harvið lata fullveldi og avgerðar- rætt eitt nú tá umræður statsborgaraskap, trygdar- mál og rættarmál frá sær? Yvirtøkur av C-málum - loyvi ella ikki loyvi? Vit hava sæð við yvirtøkum av málum, ið ikki eru nevnd í heimastýrislógini, hvussu ríkisrættarliga støð- an hjá Føroyum verður ávirkað av, at tað eru tey donsku sjónarmiðini, ið eru tey stýrandi. Undanfarna danska stjórnin við Poul Nyrup Rasmussen á odda metti ikki at føroyingar kundu yvirtaka málsøki, ið ikki vóru nevnd beinleiðis í heimastýrislógini frá 1948, eitt nú revsirættur, persóns, familju- og arvarættur, dómstólar og lóggáva um fíggjarvirksemi og ognar- rætt. Henda støðan broyttist tó eftir danska fólkatings- valið, tá nýggj stjórn varð vald. Núverandi danska stjórnin er meira jalig við- víkjandi yvirtøkum, men metir nýggja stjórnin tó, at tað eru danskir myndug- leikar, ið skulu avgera hvat kann yvirtakast og hvussu. Politiskar - ikki løg- frøðiligar forðingar Sjónarmiðini og avgerðir- nar hjá donsku stjórnunum eru reint politiskar og ikki løgfrøðisligar. Tí heima- stýrislógin frá 1948 er ong- in forðing fyri, at føroying- ar kunnu yvirtaka øll máls- øki og náa heilt at fullveld- inum - um bert politiskur vilji er til staðar. Heimastýrislógin stað- festir eisini at “Føroyar eru sjálvstýrandi tjóð” eins og føroyingar uppfylla allar treytir sambært fólkarætt- inum fyri at verða tjóð við sjálvsavgerðarrætti - og er tað tí ein politisk støða, ið danska stjórnin tekur, tá hon ikki vil viðurkenna at føroyingar eru tjóð við ómissandi og framhaldandi sjálvsavgerðarrætti. Og hetta er ikki uttan orsøk. Kundu velja millum framhaldandi ríkis- stuðul og sjálvsav- gerðarrætt Tað var heldur ikki uttan orsøk at samráðingarnar við donsku stjórnina slitnaðu uppá júst henda spurning. Og als ikki uttan orsøk, at føroysku samráðingarfólkini við Løgmanni á odda, at enda fingu bjóðað fullveld- isætlan við ríkisstuðli so leingi hetta varð neyðugt, um føroyingar bert vildu sleppa kravinum um viður- kenning og staðfesting av, at føroyingar eru tjóð við sjálvsavgerðarrætti. “Ingen kompetence - uden bemyndigelse” Somuleiðis var tað ikki uttan orsøk, at danski uttanríkis- málaráðharrin Niels Helveg Petersen, í 2000 sendi so- ljóðandi skriv til ST: ”Færø- erne er en del af det danske kongerige, men har et vidt- gående selvstyre med beføj- elser hvad angår regulering af Færøernes indre anligg- ender. Hjemmestyret har ingen kompetence til at optræde på det folkeretlige plan, med mindre dette er bemyndiget af regeringen i overensstemmelse med hjemmestyreloven af 1948 og inden for rammerne af grundloven.” Danska stjórn- in hevur við hesum, og bæði áðrenn og síðan hetta hildið fast í, at føroyingar ikki eru tjóð við sjálvsavgerðarrætti. Metur ikki at hetta er í sam- svar við heimastýrislógina og grundlógina. Danski for- sætismálaráðharrin hevur enntá gjørt tað greitt, at ”í danska ríkinum er bert ein tjóð og tað er tann danska”. Samstundis er hetta frá- boðað Sameindu Tjóðum skrivliga - og er hetta sein- asta fráboðanin, ið ST hevur liggjandi, ið viðvíkir Føroy- um. Letur Føroya Løgting og Landsstýrið bara standa til er greitt, at hetta í altjóða høpi verður fatað sum ein óbeinleiðis viðurkenning av hesi støðu. ST-staðfesting tryggj- ar rættindi og møgu- leikar Ein altjóða staðfesting og viðurkenning av føroyingum sum tjóð við sjálvsavgerð- arrætti vil eitt nú merkja, at danska stjórnin í altjóða eygum missur tann myndug- leika yvir Føroyum, sum teir sýnast at hava í dag. Føroyingar hava tá eina altjóða viðurkenning, ið staðfestir okkara sjálvsav- gerðarrætt og harvið av- gerðarrætt yvir framtíðar ríkisrættarligu støðu okk- ara. Hetta vil geva føroy- ingum rættindi í altjóða høpi og eitt nú rætt til stuð- ul at fremja sjálvsavgerðar- rættin, rætt til javnbjóðis fullveldissamráðingar uttan búskaparligar hóttanir og somuleiðis vil ein tílík staðfesting lata dyrnar upp fyri lima- ella atlimaskap- um í ávísum altjóða felags- skapum, tryggja okkum ræðisrættin yvir føroyska tilfeinginum o.s.fr. Av alstórum týdningi í hesum døgum er, at ein ST- staðfesting somuleiðis vil tryggja, at føroyingar varð- veita sjálvsavgerðarrættin uttan mun til um Danmark letur stóran part av sínum fullveldi til ES. Tað er tí ikki uttan orsøk, at danska stjórnin ikki vil viðurkenna at føroyingar eru tjóð - og als ikki uttan orsøk, at tað hevur størri týdning nú enn nakrantíð, at føroyskir myndugleikar tryggja sær, at føroyski sjálvsavgerðarrætt- urin verður altjóða viður- kendur og staðfestur. Viðmerking til Palla Jacobsen Hví ST-staðfesta sjálvsavgerðarrættin? kennir til at vera ungur í politikki, so er tað eg, og eg styði fult út tey ungu, sum koma inn á ting ella í Landsstýrið. Tað, sum eg førdi fram, var, at útskiftingin av persónum í føroyskum politikki hevur verið ov brá, og at kontinuiteturin tí ikki er nóg góður. At rudda alt út sum td í Italia fer ikki at geva eitt gott úrslit. Tað eru jú fyrst og fremst tey, sum hava gjørt mistøk, ið læra av teimum og kunna bera ta læruna víðari. Hevði Abraham Mikladal gjørt sær ómak at kanna útskiftingina, so hevði hann sæð, at teir 21 tingmenninir, sum vórðu valdir fyrstu ferð í 1994 ella 1998 ella 2002 vóru als ikki ungir allir. Teir flestu vóru á miðalaldri, tá teir vórðu valdir. Tað er galdandi bæði kvinnur og menn. Tað nervar ikki meg, um Abraham Mikladal villleiðir fólk. Men eg haldi tað vera spell, at hvørt einasta sakligt upplegg til kjak verður traðkað undir heilt av greinskrivarum sum Abraham Mikladal. Framhald av síðu 10 C M Y K 11 10