mikudagur 19. februar 2003síða 8

Nr. 34 - 19. februar 2003 15 14 Nr. 34 - 19. februar 2003 Fyrsta februar fóru Jógvan Páll Poulsen og aðrir út á Kirkju í Fugloy at slakta 3 tarvar Tarvarnar høvdu teir keypt ársgamlar og havt gangandi, síðani í mai mánaði í fjør. Fugloyingar drepa um 10 tarvar um árið. Hjá summum er tað frítíðarítriv, meðan tað hjá øðrum er ein partur av inntøkuni SLAKT Orð: Rúna Sivertsen Myndir: Jákup á Fløtti Jacobsen - Vit høvdu ætlað okkum út á Kirkju einaferð í januar, men tað viðraði illa, og vit sluppu ikki avstað, sigur Jógvan Páll Poulsen, ið hevur sítt dagliga yrki, sum skipari umborð á Másanum. Hann sigur, at teir bíðaðu so, til tað aftur varð fyllandi sól. - Teir gomlu drupu altíð tarv í fyllandi sól. Annað kom ikki uppá tal, tí tá verður kjøtið nógv saftigari, sigur Jógvan Páll Poulsen. Vit lata myndirnar frá slaktinum tala fyri seg Tey drepa tarv á Kirkju Ein av teimum 5 tarvunum, sum vórðu keyptir ársgamlir í mai mánaði í fjør og síðani settir í hagan á Kirkju. Tveir av teimum vórðu slaktaðir fyri jól. Hesin sær meinaleysur út, men tað gongur ikki altíð so friðarliga fyri seg, tá tarvur skal leiðast til slakt Gamalt og nýtt møtist. Dreingirnir hava úr at gera við at senda sms, meðan menninir stríðast við tarvin Tað ræður um at bera skjótt at. So skjótt tarvurin er skotin, má stingast Tungan verður roknað at vera serstakliga fínur matur Mennirnir bera skjótt at og fáa vomb og innvøl úr tarvinum Eitt øgiligt knoss. Magnus koyrir á av øllum alvi. Nú skal tarvurin koyrast við traktorinum niðan í fjósið, har hann skal flettast Tað er lív í fjósinum, nú klárt er at fletta Eisini Kristina roynir at geva eina hond Dampurin stendur enn úr kroppinum. Hesin vá um 180 kg. Nú er næstan komið undir land. Magnus hevur hugagóður hjálpt til, meðan systir hansara, Kristina, fyri tað mesta hevur hugt at Tað kann ikki roknast um í peningi, hvønn týdning tað hevur fyri børn og ung at sleppa at vera við í arbeiðnum Nú eru fjórðingarnir komnir upp at hanga. Gamalt er at lata kjøtið hanga einar 14 dagar, áðrenn kjøtið verður etið Tað er strævið at fletta tarv - Kristina sovnaði beint sum hon sat C M Y K 14