fríggjadagur 21. februar 2003síða 5

8 Nr. 36 - 21. februar 2003 Nr. 36 - 21. februar 2003 9 Tunnilin gevur veldugar fyrimunir - Neyvari metingar og mátingar eiga at verða gjørdar til tess at fáa greiði á týdningarmiklum spurningum í samband við tunnilsætlanina, sigur áhugabólkurin í síni niðurstøðu TUNNILSSAMBAND Vilmund Jacobsen Í niðurstøðuni hjá áhuga- bólkinum verður sagt, at einki er til hindurs fyri at gera undirsjóvartunnil mill- um Skálafjørðin og Suðurstreym. - Hesin tunnil gevur velduga stórar fyrimunir, bæði samfelagsliga, trygar- liga, vinnuliga, samfelags- búskaparliga og um- hvørvisliga. Øllum til góðar Símun Johanesen, bygda- ráðslimur í Nes kommunu, sum stóð fyri høvuðsfram- løguni hjá áhugabólkinum, segði, at fyrimunirnir við tunlinum fara at koma tveimum triðingum av landsins borgarum til góð- ar, tá ið undirsjóvartunnilin um Leirvíksfjørð er komin. - Men samfelagsbúskap- arliga og umhvørvisliga koma hesir fyrimunir øllum landinum til góðar. Símun helt, at metingarnar, sum áhugabólkurin hevur gjørt í samband við tunnils- uppskotið, eru rættiliga realistiskar. - Men tær eru nakað feskar og eiga tí at verða gjøgnumgingnar kritiskt. Hann vísti á, at lagt er upp fyri eini munandi øk- ing í kostnaðinum saman- borið við Vágatunnilin, og tí má hesin í útgangsstøðin- um metast at liggja heldur høgt, heldur enn ov lágt. - Kostnaðarmetingin er tó heft av ávísari óvissu, serliga við atliti til jarðfrøð- isligu umstøðurnar á økin- um, segði Símun. Metingar og mátingar Í sínum tilmæli, sigur áhugabólkurin, at neyvari metingar og mátingar eiga at verða gjørdar til tess at fáa greiði á týdningarmikl- um spurningum í samband við tunnilsætlanina. Símun segði, at ein kost- benefit kanning eigur at gerast. Henda kanning skal vísa á leið, hvussu stóran samfelagsbúskaparligan týdning, eitt tílíkt samband veruliga kann fáa. - Farleiðin til Havnar og við hesum eisini til Sandoyar og Suðuroyar gerst styttri fyri alla Eyst- uroynna, og somuleiðis verður styttri millum Skála- fjørðin og Vágarnar. Hann segði, at jarðfrøðis- ligar mátingar mugu gerast, sum kunnu vísa, hvar best er at byggja tunnilin. Ferðagjaldið lækkast - Neyðugt verður eisini at gera metingar um fíggjar- hátt, og tá serliga í hvønn mun tað almenna skal verða við til at fíggja verk- ætlanina. Símun Johannesen segði at enda, at ein og hvør inn- skotskapitalur frá tí al- menna vil merkja, at ferða- gjaldið kann lækkast og harvið gerast minni, enn útrokningarnar vísa. Áhugabólkurin sigur, at ein kost-benefit kanning eigur at verða gjørd. Hendan skal vísa á leið, hvussu stóran samfelagsbúskaparligan týdning, eitt tunnilssamband millum Skálafjørðin og Suðurstreym kemur at hava. Mynd: Vilmund Jacobsen Roynt eigur at verða at fáa fatur á miðfláunum - Stór gil og rivur eru í støðum, men hesi vísa seg at ganga systematiskt. Tað hevur tí stóran týdn- ing, hvussu tú kemur inn á hesar rivur. Verður borað paralelt við rivurnar, kann tað gerast torført at koma burtur úr teimum, segði Martin V. Heinesen, jarðfrøð- ingur, sum er í áhuga- bókinum, ið legði uppskotið fram um tunnil millum Skála- fjørðin og høvuðs- staðarøkið TUNNILSSAMBAND Vilmund Jacobsen Á fundinum á Svanga- skarði týskvøldið um und- irsjóvartunnil millum Skálafjørðin og høvuðs- staðarøkið, greiddi Martin V. Heinesen, jarðfrøðingur, í stuttum frá jarðfrøðiligu viðurskiftunum á leiðini, har skotið verður upp at byggja tunnilin. Hann legði dent á, at ongar veruligar kanningar eru gjørdar, men at hugt hevur verið eitt sindur at fyritreytunum. Miðfláirnar best Martin vísti eitt einfalt kort yvir Føroyar og leiðina tvørtur um Tangafjørð, sum er fjørðurin millum Eystur- oyarlandið øðrumegin og Hvítanes hinumegin. Hann hevði eisini eitt dýbdarkort av hesi leiðini, sum fólk kundu síggja. - Ymiskt er, hvussu grótið er skikkað, men høv- uðstrekkini ganga aftur. Vit hava tær tríggjar fláirnar; tær ovastu, miðfláirnar og so tær niðastu. Jarðfrøðingurin segði, at flestu tunlarnir í Føroyum eru bygdir gjøgnum miðflá- irnar, sum eru best egnaðar til tunnilsgerðir. - Roynt verður tí at fáa fatur á miðfláunum, tá ið tunlar skulu byggjast, og hesar fláir hella í ein landsynning. Hann vísti tó á, at tunnil- in millum Hvalba og Trongisvág, sum tann fyrsti í Føroyum, liggur rættiliga niðarliga í flágunum, og tað sama er við tunlinum til Sumbiar, har stórir trupul- leikar vóru við lendinum. Norðrari er betur Martin segði, at tess longur norður á Tangafjørð, vit koma, tess betur sær út, tí her er størri møguleiki fyri, at vit skjótari fáa fatur á miðfláunum. Hann vísti á, at miðfláir- nar fara í sjógv á Strondum, Saltnesi og á Sundi. - So, her eru vit á marka- mótinum, sum hann tók til. Martin segði, at lendið um Hvítanesarleiðina er nakað "stokkið", og tað sama er galdandi á leiðini við Rak- tanga á Strondum og sunn- anfyri Nes bygd. Eisini við Flesjarnar síggjast rivur. - Stór gil og rivur eru í støðum, men at síggja til, ganga hesi systematisk. Verður rætt farið fram, kann byrgjast uppfyri tí mesta av tí, sum nú eina- ferð verður á leiðini. Men jú færri rivur eru, tess lætt- ari er at koma ígjøgnum. Torført er tó at siga, hvat kann stinga seg upp, tá ið tú arbeiðir í undirgrundini, har øll viðurskifti ikki eru kend til fulnar. Vinkulin stóran týdning Hann segði, at tað hevur stóran týdning, hvussu vinkulin sær út, tá ið tú kemur á hesar rivur. - Verður borað paralelt við rivurnar, kann tað ger- ast ein stórur trupulleiki, tí tá kann verða torført at koma burtur úr teimum aftur. Tí eiga vit at hyggja væl eftir, hvar hesar rivur eru, segði jarðfrøðingurin í áhugabólkinum, Martin V. Heinesen. - Tess longur norður á Tangafjørð, vit koma, tess betur sær út, tí her er størri møguleiki fyri, at vit skjótari fáa fatur á miðfláunum, sigur Martin V. Heinesen, jarðfrøðingur. Kostnaðurin at rigga Tórvøll til rennibreyt er vorðin átjan ferðir størri enn uppruna- liga mett TÓRSVØLLUR Heri á Rógvi Í sínari tíð skuldi tað "bert" kosta eina hálva millión at gera Tórsvøll til reiðar at leggja rennibreyt rundanum fótbóltsvøll, og so skuldi kostnaðurin fyri sjálva breytina koma afturat. Hetta framgongur í grein í Sosialinum 13. apríl 1999, har formaðurin fyri Tórs- vallargrunnin, Poul Michel- sen, verður endurgivin fyri at siga, at kostnaðurin fyri at flyta áskoðaraplássini, soleiðis at pláss verður fyri rennibreyt, skuldi vera ein hálv millión krónur. Hetta tal er nú vorðið átj- an ferðir størri eftir neyvar kanningar. Sostatt var fyrsta metingin ikki tað minsta á røttu leið. À sama fundi, sum Poul Michelsen nevndi hálvu milliónina, vístu umboð fyri frælsan ítrótt á, at tað ongantíð var ætlanin at fáa rennibreyt um Tórsvøll, og tey roknaðu heldur ikki við, at hon fór at koma. Tórshavnar býráð samtyki 6. apríl 2000, at Tórsvøllur skuldi vera fót- bóltsvøllur burturav. Hóast arbeiðið at fáa rennibreyt um Tórsvøll hevur fingið nýtt lív, so er tað í løtuni lítið, sum týðir upp á, at hetta verður veru- leiki. Tað eydnaðist okkum ikki ikki at fáa fatur á Poul Mic- helsen til eina viðmerking. Tórsvøllur: Kostnaðurin fleirfaldaður Hendan tekningin vísir, hvussu Tórsvøllur eftir ætlan fer at síggja út við einari rennibreyt. Munandi færri áskoðarapláss vera, um ikki nýggj verða bygd afturat. Eingi áskoðarapláss vera við endan móti Gundadalshøllini, og eini áttahundrað færri pláss vera móti høllini á Hálsi. Hálkan kom óvæntað Hálka var orsøkin til, at ein bilur tíðliga hósmorg- unin fekk skaða sunn- anfyri sund. Bilurin var á veg suður- eftir, tá bilurin varð slong- dur runt, og bilurin fekk nakað av skaða framman. Vakthavandi á Politi- støðini í Havn sigur, at or- søkin til óhappið var hálka. Sagt verður, at hálkan kom óvart á bil- føraran. Hósmorgunin var hált í støðum, og hetta høvdu fleiri bilførarar ikki væntað. Eingin fólkaskaði hendi orsakað av óhappinum. -hr Tað kann enda galið við hálkuni Mynd: Jens Kristian Vang Mikudagin var Jacob Vestergaard fyri fyrstu ferð í tinginum sum landsstýrismaður. Hann fær gamla plássið hjá Jørgen Niclasen á fremstu røð millum løgmann og Bjarna Djurholm. Mikudagin var eisini móttøka fyri nýggja landsstýrismanninum í Tinganesi. Nógv fólk nýttu høvi at støkka inn á gólvið og heilsa upp á nýggja landsstýrismannin. -hr Jacob funnið seg til rættis Vinstrumegin Bjarna Djurholm hoyrist ikki longur vágamál. Dialektin er nú so suðuroysk sum tilber. Mynd: Jens Kristian Vang. Arbeiðið at gera rundkoyr- ing við inngongdina til gomlu Argja kommunu er farin ígongd. Arbeiðið er eitt sindur seinkað, men tað skuldi ikki tikið tað nógva av tíð, áðrenn argjafólk skulu koyra runt fyri at sleppa avstað. -hr Gera rund- koyring á Argjum Arbeiðið at gera rundkoyring á Argjum er farið ígongd. Mynd: Jens Kristian Vang. C M Y K 9 8