týsdagur 30. mai 2000síða 3

Sosialurin í Klaksvík Orð: Eyðun Klakstein og Fróði Løkságarð Myndir: Eyðun Klakstein, Fróði Løkságarð og Bárður Klakstein (KLAKSVÍK) Hanus Lass- en og familjan hjá honum fingu ein kvøkk fyri lívið, tá dreingirnir, sum gjørdu um seg á Brekku í Klaksvík sunnukvøldið, skutu við riflu inn í køksvindeygað hjá teimum. - Eg hoyrdi skot uttanfyri og fór í køksvindeygað fyri at vita, hvat var áfatt. Tá sá ein av dreingjunum meg, og hann vendi rifluni beint í- móti mær. Eg leyp úr vindeyganum, men tá small eitt skot, og ein kúla kom sendandi inn gjøgnum køksrútin, greiðir Hanus Lassen frá. - Eg fekk glassplintur í kjálkan og bløddi eitt sind- ur, men annars fekk ongan skaða, sigur hann. Smábørn í køks- vindeyganum Knappir tveir tímar eru farnir síðani tilburðin, og Hanus stendur í køkinum og greiðir frá hendingini. Hann hevur eitt plástur á kjálka- num, har glasbrot raktu hann. Skjúrtan og slipsið eru blóðdálkað, og bæði í køkinum og í stovuni síggj- ast slóðirnar eftir kúlurnar, sum vórðu sendar inn í hús- ini. - Vit høvdu tvey smábørn í húsinum, og tey høvdu Hanus leyp undan kúluni Tá Hanus Lassen fór í køksvindeygað fyri at vita, hvat var áfatt uttanfyri, vendi ein av dreingjunum rifluni ímóti honum og skjeyt staðið frammanfyri køks- vindeygað stutt framman- undan, sigur hann. Konan var eisini í húsu- num, tá fyrsta kúlan kom gjøgnum køksrútin. - Tá fyrsta skotið kom, leyp eg inn í stovuna at goyma meg, og síðani rýmdu vit úr húsunum, greiðir kona Hanus, Elin, frá. Stutt aftaná skjeyt ein av dreingjunum enn eitt skot inn gjøgnum køksvindeyg- að, men hesa ferð fekk eing- in skaða av kúluni. Fimm fólk vóru í húsunum, tá fyrsta skotið varð vent móti køksvindeyganum, men tey rýmdu øll á dyr eftir hend- ingina. Tvørtur ígjøgnum húsini Í køkinum liggja glasbrot á gólvinum. Tvey rund hol eru í køksvindeyganum, og í stovuni hava kúlurnar gjørt nakað av skaða. Barometrið er dottið á gólvið, stovu- borðið hevur fingið eina skeinu av einari kúlu, sum síðani fór ígjøgnum ein rút í stovuhurðini og upp undir loftið. Eisini á á loftinum hava dreingirnir skotið eina kúlu ígjøgnum vesivindeygað, men har var eingin serligur skaði hendur. Í køksvegginum er prógv um, at talan var um serlig projektil, tí har kúlan er far- in inn er eitt lítið runt hol, og hinumegin veggin - inni í stovuni - er eitt stórt hol, har kúlan er farin útaftur, og síðani hevur hildið leiðina tvørtur ígjøgnum húsini. - Hetta er óhugaligt. Eg hevði aldri væntað, at slíkt skuldi fara henda her, sigur Hanus Lassen. Hann og familjan fór inn- aftur til sín sjálvs, eftir at løgreglan hevði handtikið teir fýra dreingirnar. Tele- fonin ringdi alla tíðina, og allan vegin gjøgnum húsið sóust slóðirnar eftir deyði- ligu kúlurnar, sum tíbetur ikki raktu nakað fólk í hús- inum. Hanus Lassen við blóð- dálkaðari skjúrtu framman fyri køksvindeygað. Tvey skot vórðu latin av eftir Hanusi sum hann stóð framman fyri vindeygað. Men lukku tíð kláraði hann at leypa undan 5 tíðindablaðið sosialurin Nr. 102 - 30. mai 2000 4 tíðindablaðið sosialurin Nr. 102 - 30. mai 2000 Skutu við skørpum eftir fólki Trý fólk fingu smærri snuddir, tá fýra ungir dreingir skutu frá hond við riflum sunnukvøldið. Til- burðurin, sum fór fram á Brekku í Klaksvík, fekk løgregluna at brynja seg við skotvápnum og skottryggum vestum (KLAKSVÍK) Skotini dundu, kúlurnar flugu gjøgnum luftina, og millum soraðar politibilar og brotin húsavindeygu var tað eitt undur, at einki fólk varð rakt av kúlunum, tá fýra ung- lingar gingu berserkagongd við riflum í Klaksvík sunn- ukvøldið. Tveir politibilar vóru gjøgnumgataðir av kúlum, fleiri húsavindeygu í grann- alagnum vórðu rakt av kúl- um, og skotið varð eisini eftir løgreglumonnum og øðrum fólki. Trý fólk fingu smærri snuddir, men tað var um reppið, at onkur varð raktur av kúlunum. Tvey fólk klár- aðu í seinastu løtu at flyta seg undan skoti, tá dreing- irnir skutu í vindeyguni hjá teimum, og hesi fólkini vórðu rakt av glasbrotum. Ein kona, sum kom koyr- andi fram við í einum bili, fekk snudd í lærið, tá ein av dreingjunum skjeyt inn í førarahurðina. Kúlan streyk fram við konuni og inn í girkassan. Konan, sum ikki varð greið yvir, hvat varð hent, steðgaði bilinum og fór út at hyggja eftir hurðini, og tá varð aftur skotið eftir henni. Hon slapp sær til rýmingar og slapp undan kúlunum, men hon noyddist á skaðastovuna, tí hon hevði fingið brot frá hurðini inn í lærið. Skutu eftir løgregluni Fólk í umráðnum vóru skelkað av hendingini, og meðan skotini rungaðu, rýmdu grannarnir á dyr fyri at leita sær skjól. Ein av grannunum var á- vegis til húsa, meðan skot- tilburðurin fór fram, men tá hann sá, hvussu støðan var, leitaði hann sær skjól og fór at ringja til onnur fólk í um- ráðnum fyri at ávara tey. Løgreglan kom á staðið um hálvgum nýggju tíðina, men tá løgreglumenninir komu á dyr á húsunum, har dreingirnir vóru staddir, vórðu teir bidnir um sleppa sær avstað, og síðani fóru dreingirnir at skjóta eftir teimum. Løgreglumenninir vórðu noyddir at flýggja og leita sær skjól nærindis. Løgregl- ubilarnar vórðu síðani gjøgnumskotnir. Rútar, dekk og hurðar vórðu skot- in, og annar av løgreglubil- unum hevði hol eftir fleiri enn 30 kúlur. Løgreglumenninir bóðu síðani um styrk, og trý løg- reglufólk komu á staðið aft- urat. Løgreglufólkini brynj- aðu seg við skotvápnum og skottryggum vestum, men løgreglan lat einki skot av. Teir royndu at tosa dreingirnar til rættis, og tað eydnaðist, at fáa dreingirnar at leggja vápnini. Dreingir- nir royndu at sleppa sær til rýmingar. Tríggir teirra flýddu oman móti býnum, men fólk, sum var á stað- num, helt eftir teimum. Dreingirnir vórðu fangaðir, og løtu seinni hevði løgregl- an eisini fingið fatur á fjórða dreinginum. Teir vórðu allir fluttir á løgreglustøðina, har teir vórðu avhoyrdir sunnu- kvøldið og mánanáttina. Kúlurnar fóru ígjøgnum bilarnar Undir skottilburðinum fjaldi eitt av løgreglufólku- num seg undir vegginum á einum grannahúsi, og í hes- um veggi standa í dag greið boð um, at skotið var eftir hesum løgreglumanni. Stór hol eru í vegginum eftir skotinum frá kraftmiklu vápnunum. At talan var um ógvuslig vápn sást millum annað av, at kúlurnar fóru inn í aðari síðuni av løgreglubilunum og útaftur hinumegin. Dreingirnir skutu eisini eftir Sjómansheiminum, sum liggur einar 400 metrar frá húsunum, har teir vóru staddir. Ein rútur varð skotin inn á kamarinum hjá fyristøðufólkunum, og glas- brot sløddust um alt kamar- ið, har eingin tíbetur stadd- ur, tá kúlan kom og send- andi gjøgnum rútin. Eisini varð skotið oman í býin, men eingin varð raktur av hesum kúlum. Løgreglan ráddi fólki, sum koyrdi í bý- num, um at sleppa sær til húsa. Ólógligar riflur Dreingirnir høvdu fingið fatur á vápnum og lóðri inn hjá skyldmanni hjá einum av dreingjunum. Hesin maðurin varð burturstaddur sunnudagin, og unglingar- nir vóru farnir inn í húsini, haðani teir skutu við skørp- um. Tá løgreglan kom á staðið kókaði rættiliga yvir, tí tá fóru dreingirnir at skjóta eftir fólki, bilum og húsum. Bara smávegis fólkskaði hendi undir skottilburði- num, sum samanlagt í einar tveir tímar, men tað var meira eydnan enn skilið sum gjørdi, at eingin varð niðurskotin. Løgreglan vil ikki upp- lýsa, hvørji og hvussu nógv vápn dreingirnir høvdu, men talan er um kraftmiklar riflur, sum ikki eru loyvdar í Føroyum. Løgreglan váttar eisini, at nógv lóður var í húsunum, og eftir skottil- burðin lógu patrónhylki og sløddust kring húsini. Teir fýra dreingirnir eru allir undir 15 ár, og tí kunnu teir ikki rættarfylgjast. Løg- reglan, sum heldur fram at kanna málið, hevur latið Barnaverndini og sosialu myndugleikunum í Klaks- vík málið. Barnaverndin var við til forhoyrini eftir tilburðin, og í gjár fundaðust tey um mál- ið. Formaðurin í Barna- verndini vildi ikki gera við- merkingar, tá vit tosaðu við hana á middegi í gjár. Niðan fyri vegin var ein kúla farin ígjøgnum eitt kamarsvindeyga og endaði í vegginum oman fyri bamsuna Tveir løgreglubilar vóru gjøgnumholaðir av kúlum. Yvir 30 kúlur raktu hendan bilin