hósdagur 20. mars 2003síða 3

4 Nr. 55 - 20. mars 2003 Nr. 55 - 20. mars 2003 5 Ulf Nordlund er dirigentur hjá Klaks- víkar Hornorkestri, sum fer at hava konsert saman við næmingum úr Tón- listaskúlanum leygar- dagin klokkan tvey. Ulf heldur, at børnini verða sum teirra umhvørvið sær út SAMRØÐA Solby A. Eliasen Klaksvík: – Tykkara skúlar síggja sum heild ræðuligir út, er eitt tað fyrsta Ulf Nordlund sigur, tá hann sessast við borðið. Hann er púra ovfarin, at skúlarnir eru í so vánaligum standi. Og hann sigur, at tað er sanniliga ikki bara í Klaks- vík. Hann hevur verið fleiri staðir runt í landinum og undirvíst í tónleiki, og hann heldur, at í teimum allar- flestu støðunum er tað sera týðuligt, at nærum onki hevur verið gjørt við skúl- arnar seinastu mongu árini. – Tað er ein katastrofa fyri framtíðina hjá føroy- ingum, at skúlarnir síggja soleiðis út, og at onki verð- ur gjørt fyri at menna teir, sigur Ulf. Hann sigur, at tað er onki at ivast í at tað er lætt hjá føroyingum at fáa eyga á gullið, sum er í høvunum, men hann heldur, at vit duga ikki at síggja gullið sum er á landi. Nevniliga børnini. – Tey verða forsømd við teimum skúlunum, sum tit hava í dag, heldur Ulf Nordlund. Og hann spyr samstundis hvørji fólk yvirhøvur – tað veri seg landsins myndugleikar ella kommunupolitikkarar – høvdu funnið seg í at verð- ið sett til arbeiðis á einum staði, sum sær so illa út og hevur ligið á láni í so mong ár. Ulf Nordlund tosar eisini um, at mong vaksin eru ill um, at tey ungu dálka so illa, men tað heldur hann onki er at siga til. – Hygg at skúlunum, sigur hann. Serliga harmast hann eis- ini um, at tað letur til at tón- leikurin ikki fær nakað pláss í fólkaskúlunum í dag. – Børnini í skúlunum í dag syngja so at siga ikki, og tey fáast sum heild lítið við tónleik yvirhøvur. Ulf sigur samstundis, at tað nyttar onki at leggja eftir lærarunum í hesum førinum, tí tað er sanniliga ikki teirra skuld, at støðan er, sum hon er í dag. – Tað er ikki uppgávan hjá einum lærara at syrgja fyri, at fysisku karmarnir eru í lagi. Tað má vera upp til myndugleikarnar og politikararnar. Børn skulu gera tað teimum dámar Ulf hevur í mong ár fingist við at arbeiða við børnum innan tónleikin. Hann hev- ur í dag tilsamans 36 næm- ingar undir sær í Klaksvík- ar Tónlistaskúla. Og hann hevur nú tikið stig til at næmingarnir fara at hava konsert saman við Klaks- víkar Hornorkestri í Ósá- skúlanum leygardagin. Børnini fara at spæla sam- an við sjálvum hornorkestr- inum. Millum annað verður ein kanon á skránni við Dovni Jákup. Ulf leggur seg eftir at finna løg, sum børnini kunnu fyrihalda seg til. Tað vil siga, at tað skulu vera løg, sum tey kenna og har- við hava tey tað stuttligari, meðan tey spæla. Hann vísir eisini á, at tað samstundis verður lættari hjá barninum at fáa for- eldur ella systkin at fyri- halda seg til teirra ítriv við, at tey eisini kenna løgini aftur. Tá prátið fellur inn á annan tónleik, til dømis Prix Føroyar, tá heldur Ulf ikki, at tað hjálpir so nógv upp á børnini. – Alt gott um Prix Føroy- ar, men tað fær ikki børnini at spæla meiri tónleik, hel- dur hann. Ulf hevur skrivað eina bók, sum eitur Orkester- skolen, har hann nágreini- liga greiðir frá, hvussu ar- beiðast kann við at fáa børn at spæla upp á instrumentir. Hann hevur eina tónleika- test, sum hann fer kring skúlarnar við og út frá henni verður staðfest, hvørji børn eru egnað til at spæla upp á ljóðføri. Hann greiðir frá, at tað er av alstórum týdningi at børn- ini sleppa at gera tað, sum teimum dámar. – Tað nyttar lítið at trýsta eitt barn til at gera ella spæla okkurt, sum tað ikki dámar. Tí ræður um at finna útav, hvat ljóðføri tí dámar best, og hvat hóskar best til barnið, sigur Ulf, sum er útlærdur trompetist- ur, men kortini fæst mest við at spæla upp á vald- horn. Við at taka næmingar í Tónlistaskúlanum við í eina tílíka konsert, heldur Ulf, at tað er eitt stuttligt upplivilsi hjá næmingunum at sleppa at sita og spæla saman við teimum eldru í hornorkestrinum. Tað verða tó ikki bara næmingar hjá Ulf, sum verða við á konsertini. Eis- ini næmingar hjá Høgna Klakstein, sum lærir tey at spæla upp á ymisk slagljóð- føri. Á konsertini leygardagin verða solistar: Magnus Mikkelsen á trombone og Rani Hansen á euphonium. Tað gevur konsertini eina vissa breidd afturat børnun- um. Konsertin byrjar klokkan tvey. Ljótir skúlar smitta børnini Ulf Nordlund er dirigentur hjá Klaksvíkar Hornorkestri, og hann er skelkaður av, hvussu vánaligum standi flestu fólkaskúlarnir í Føroyum eru í Mynd: Jens K. Vang Eilif, Sámal og Julius eru tríggir næmingar hjá Ulf, sum skulu spæla við leygardagin Mynd: Ulf Nordlund Hesir næmingarnir eru allir byrjaðir í Tónlistaskúlanum innan fyri teir seinastu fýra mánaðirnar Mynd: Ulf Nordlund Rosalie hvørvur í mjørkanum Málið um filipinsku Rosalie Thomsen, sum er víst av land- inum, er um at hvørja í einum mjørka av tagnarskylduni, sum allir partar goyma seg aftanfyri. Men tað tykist greitt, at hon noyðist av landinum, tí hon ikki søkti um uppihaldsloyvi, hóast hon upprunaliga varð skeivt kunnað av danska útlendinga- stýrinum ÚTVÍST Ingi Rasmussen Far av landinum innan 10. apríl. Annars kanst tú fáa hálvt árs fongsul. Hørðu boðini til filip- insku mammuna at einum nýføðingi og einum seks ára gomlum dreingi, sum eru í Føroyum, standa við. Tað gongur striltið at fáa viðmerkingar frá myndug- leikunum um málið við Rosalie, sum er víst av landinum, tí hon ikki hevur uppihalds- og arbeiðsloyvi í Føroyum. Rosalie Thomsen er gift Heina Thomsen, sum er føddur í Føroyum. Hon hevur filipinskt pass, men hevur varandi uppihalds- loyvi í Danmark, tí tey hava verið gift í átta ár. Tá tey fluttu til Føroya í septem- ber í fjør, varð henni upp- lýst, at hon kundi fara til Føroya uttan serligt visum. Men síðan er komið fram, at hon varð skeivt kunnað, tí danska útlendingastýrið, sum er myndugleiki á økin- um, ikki helt, at hon ætlaði sær at flyta til Føroya við familjuni. Ivi um 14 dagar Í skjølunum, sum liggja við málinum, verður sagt, at Rosalie Thomsen persón- liga var á skrivstovuni hjá útlendingastýrinum 6. sep- tember 2002, har hon vísti sítt pass og varandi uppi- haldsloyvi í Danmark. Hon upplýsti, at hon og maðurin skuldu til Føroya. Sambært útlendingastýrinum í 14 dagar. Stýrið upplýsti í hes- um sambandi, at hon kundi fara til Føroya uttan før- oyskt innferðarloyvi. Tað var skeivt viðgongur út- lendingastýrið. »Det var imidlertid ikke styrelsen bekendt, at du havde til hensigt at bosætte dig og eventuelt arbejde på Færøerne. Styrelsen har således ikke vejledt dig om, at en opholds- og arbejds- tilladelse ikke var for- nøden«. Í hesum stendur orð ímóti orði. Rosalie Thom- sen og maður hennara Heini Thomsen siga tað eis- ini vera skeivt, at hon upp- lýsti, at hon bert skuldi til Føroya í 14 dagar. Av tí, at føroyska løgregl- an seinni kemur fram til, at hon onki uppihaldsloyvi hevur, verður hon víst av landinum stutt eftir, at hon hevur átt eina dóttir. Fekk kjansin Tað kann tykjast eitt sindur harðrent, at vísa Rosalie av landinum. Serliga tí hon hevur mann av føroyskari ætt, júst hevur átt eina dótt- ir, og tí at 6 ára gamli sonur teirra eisini er í Føroyum. Hevði tað ikki verið gjør- ligt at givið teimum møgu- leika fyri uppihaldsloyvi, hóast tíðarfreistir, fastar mannagongdir og annað er brotið, ætlaði Sosialurin at spyrja. Danska útlendingastýrið hevur enn ikki viljað gjørt viðmerkingar, tí talan er um eitt ítøkiligt mál, sum er fevnt av tagnarskylduni. Í Føroyum hevur Linda Hesselberg, fulltrúi á Fúta- skrivstovuni, havt málið um hendi, og hon vísir eisini til tagnarskylduna. Hon vísir í somu vending á, at politiið í Føroyum er at samanbera við »eitt víðkað post- kontór«, ið bara hevur at fylgja teimum avgerðum, sum danska útlendinga- stýrið tekur. – Vit hava viðgjørt málið eftir bókini. Eg kann bara siga, at tað varð gjørt Heina Thomsen (maður Rosalie Thomsen, blðm.) ógvuliga greitt, at kona hansara hevði ikki lógligt uppihald í Føroyum. Og so skjótt, vit vistu, at hon var her ólóg- liga, fekk hann tað púra greitt at vita, og eina freist, so tey kundu søkja um uppihaldsloyvi. Men tá ongin umsókn verður givin, noyðast vit sum almennur myndugleiki í útlendinga- málum at gera, sum vit vera biðin og vísa tey av landin- um, sigur Linda Hessel- berg. Sostatt er ongin vón. Familijan Thomsen noyðist úr føroyska mjørkanum aft- ur til asfaltið í Keypmanna- havn, hóast tey ætlaðu, at børnini skuldu vaksa upp í Føroyum. Løg- tingið mót- mælir álopi IRAK-KREPPA Ingi Rasmussen Alt bendir á, at USA loypir á Irak í hesum samdøgrinum. ST hevur ikki viljað stuðlað álophuginum hjá USA, og tað hevur ført til ósemju kring allan heim. Eisini í Føroyum. Seinnapartin í gjár veik løgtingið frá tíðarfreist- ini, so Uttanlandsnevnd- in kundi leggja uppskot til samtyktar aftur fyri løgtingið innan evsta- mark fyri álopi á Irak. Sambandsflokkurin, Javnaðarflokkurin, Sjálvstýrisflokkurin og Tjóðveldisflokkurin vilja hava Føroya løg- ting at staðfesta, at øll tiltøk til tess at fáa Irak og Saddam Hussein at ganga undir ST-sam- tyktirnar um avvápna skulu góðkennast av ST. Samstundis heitir løg- tingið á løgmann um at boða frá løgtingsins støðu. Uttanlandsnevndin, har allir flokkar hava umboðan, hevur við- gjørt uppskotið. Og har gjørdi sama býti seg galdandi. Allir flokkar uttan Fólkaflokkurin og Miðflokkurin stuðla uppskotinum sæst í álitinum. Ein minniluti í nevndini, Jógvan við Keldu, Jógvan á Lakjuni og Jenis av Rana, mælir í sínum áliti frá at sam- tykkja uppskotið. – Hvønn dag líða menniskju undir úrslit- um av ótaldum vápnað- um stríðum. Tí eiga aðr- ar atgerðir, ið kunnu virka til frið, at stuðlast – eisini heima hjá okk- um sjálvum. Minnilutin heldur ikki, at fyriliggj- andi uppskot virkar til frið, men óttast fyri, at júst tað øvugta kann gerast úrslitið, siga Fólkafloksins og Mið- floksins umboð í Uttan- landsnevndini. Sostatt fór løgtingið helst at samtykkja seinnapartin í gjár, at løgmaður skal boða al- tjóða samfelagnum frá, at føroyingar ikki stuðla einum álopi á Irak uttan við samtykki frá ST. Hvagar hann skal venda sær, er enn ógreitt. Familjan Thomsen noyðist aftur til Danmark. Bæði tí tey vórðu skeivt kunnað av útlendingastýrinum, og tí tey seinnu lótu vera við at søkja um uppihaldsloyvi Mynd: Jens K. Vang C M Y K 5 4