týsdagur 1. apríl 2003síða 10

18 Nr. 63 - 1. apríl 2003 Nr. 63 - 1. apríl 2003 19 Nú er dagurin ásettur fyri, nær nýggi bygningurin hjá Landssjúkrahúsinum skal verða klárur at taka í nýtslu NýBYGGING Áki Bertholdsen Nú er komið so langt at tað ber til at áseta dagin fyri, nær nýggi bygningurin hjá Landssjúkrahúsinum skal vera klárur at taka í nýtslu. Og tað verður 23. februar næsta ár. Bill Justinussen, lands- stýrismaður í heilsumálum sigur, at nú er alt byggi- arbeiðið komið so mikið áleiðis, at tey hava sett sær sum mál at nýggi bygning- urin skal takast í nýtslu 23. februar. Tað er ikki av tilvild, at 23. februar er valdur er valdur til hendan merkis- dag, tí júst hendan dagin fyllir Landssjúkrahúsið 80 ár og tað halda tey er ein hóskandi dagur at gera hetta risa framstigið fyri Landssjúkrahúsið. – Tað haldi eg, at vit øll eiga at vera nøgd við, sigur Bill Justinussen. Eftir ætlan verður sjálvur bygningurin verður liðugur á Ólavsøku. Men skal tað halda, verður neyðugt, at Løgtingið tekur undir við eini umsókn um eykajáttan upp á 13,3 milliónir til at gera bygningin lidnan fyri. – Tað verður avgerandi fyri ætlanina frameftir at Løgtingið tekur undir við teirri eykajáttanini, tí ann- ars kann bygningurin ikki gerast liðugur sum ætlað, sigur Bill Justinussen. Umsóknin um tær 13,3 milliónirnar eru til viðgerð- ar í Løgtinginum í løtuni. Kunnu gera avtalur Men eftir verður so tað stóra takið at fáa úgerð og útbúnað til tann nýggja bygningin so at hann kann takast í nýtslu. Í tí sambandi hevur Bill Justinussen lagt eitt upp- skot fyri tingið um eina verklagslóg. Eftir lógini bindur Løg- tingið seg til at seta pening av á komandi fíggjarlóg til útbúnað til nýggja Lands- sjúkrahúsið. Í mesta lagið bindur tingið seg til at seta 39 milliónir av til hetta endamálið. Tað ger so aftur tað, at tá ið lógin er samtykt, kann Landssjúkrahúsið gera av- talur um útgerð og útbúnað so at tað kann verða leverað beinanvegin í tí nýggja árinum. Bill Justinussen sigur, at tað er rættiliga long lever- ingstíð uppá sumt av útbún- aðinum, heilt upp í fýra mánaðir í summum førum. – Tí er tað neyðugt at samtykkja eina verklags- lóg, sum bindur Løgtingið at játta peningin næsta ár, tí annars kann Landssjúkra- húsið heldur ikki bíleggja útgerðina fyrrenn næsta ár og so verður bygningurin ikki tikin í nýtslu fyrrenn út ímóti sumri. Hinvegin ber tað ikki til at fáa tólini leverað fyri 1. januar, tí tað er ikki lógligt at fáa útgerðina fyrrenn í sama ári, sum peningurin er játtaður. Bill Justinussen sigur, at hóast bygningurin verður liðugur á ólavsøku, fer tíðin fram til 23. februar ikki fyri skeyti, tí hesa tíðina er ætl- anin at brúka til at flyta ymsa útgerð úr gamla bygninginum yvir í tann nýggja. – Tað skulu nógv tól úr gamla bygninginum yvir í tann nýggja og tað krevur eisini sína tíð, sigur Bill Justinussen. Fyri 44 milliónir Tilsamans verður mett at útgerð og innbúgv fyri 44 milliónir skulu keypast til nýggja Landssjúkrahúsið. Tá er mvg ikki við. Ymisk tung útgerð kostar 11 milliónir og tann lættara útgerðin kostar 28 millión- ir. Harumframt skal inn- búgv keypast fyri fimm milliónir. Í ár eru 40 milliónir settar av til nýggja bygningin og av teimum skal tung útgerð keypast fyri fimm milli- ónir. Tað er upplýst, at sumt av útgerðini skal byggjast inn í bygningin og hana er neyð- ugt at útvega samstundis sum bygningurin verður gjørdur liðugur. Sostatt fevnir verklags- lógin, sum er løgd fyri tingið, um tær 39 millión- irnar, sum enn mangla í til útgerðina, sum skal fáast til vega og setast upp næsta ár. Tó er tað so, at okkurt smávegis skal kortini bíða til 2005. Tá ið Heðin Morten- sen var virkandi býráðsformaður á einum býráðsfundi í Havn í heyst, breyt hann kommunu- lógina, ikki bara eina ferð, men tvær ferðir KOMMUNALT EFTIRLIT Áki Bertholdsen Heðin Mortensen er vara- borgarstjóri í Tórshavnar Kommunu. Á einum býráðsfundi 24. oktober var hann virkandi borgarstjóri og leiddi so- statt fundin Men á hesum fundinum breyt hann kommunulóg- ina. Ikki bara eina ferð men tvær ferðir. Tað slær kommunala Eftirlitið fast í eini avgerð, sum tað hevur tikið aftaná fundin. Eftir fundin kærdi Leivur Hansen, býráðslimur fram- ferðina hjá Heðini Mor- tensen fyri kommunala eftirlitinum. Talan var um ein býráðs- fund fyri afturlætnum hurð- um, har eitt starvsfólkamál var til viðgerðar. Á hesum býráðsfundin- um vóru níggju býráðslimir møttir, fimm úr meirilut- anum og fýra úr minnilut- anum. Tann eini býráðslimurin fyri meirilutan var Páll Petersen, sum var varamað- ur fyri Bjarta Mohr, sum hevði farloyvi. Táið starvsfólkamálið skuldi takast til atkvøðu- greiðslu, boðaði Páll Peter- sen frá, at hann tók ikki undir við tilmælinum frá meirilutanum, men ístaðin fór at atkvøða fyri minni- lutatilmælinum í málinum. Hetta hevði ført við sær, at tilmælið hjá minnilutan- um fór at verða samtykt við fimm atkvøðum ímóti fýra. – Tá gjørdi virkandi borgarstjórin, Heðin Mor- tensen ikki mætari enn at hann tók málið av skránni so at tað ikki kom til at- kvøðugreiðslu. Hetta gjørdi hann hóast hvøss mótmæli bæði frá Páll Petersen og frá minnilutan- um. Samstundis noktaði hann minnilutanum at fáa sínar viðmerkingar til gongdina í gerðarbókina hjá býráðn- um. Sum siður er Heðin Mortensen hevur fortalt kommunala eftir- litinum, at Páll Petersen hevði boðað frá, at hann kendi ikki málið nóg væl og at hann tí var í iva um, hvussu hann vildi atkvøða. – Tí tók eg málið av skránni, sum siður er, fyri at geva Páll Petersen høvi til at seta seg nóg væl inn í málið til næsta fund. Men hetta vil Páll Peter- sen ikki kennast við. Hann hevur boðað eftir- litinum frá, at tað var ikki torført hjá honum at taka støðu, tí drúgva orðaskiftið um málið gav honum innlit í gongdina í málinum. Hann segði, at hann var samdur við tilmælinum hjá minnilutanum og at hann tí ætlaði at atkvøða saman við minnilutanum. – Tá vendi Heðin Mor- tensen sær hvassliga til mín fyri at vita, hvussu eg fór at atkvøða. Tá ið Heðin Mortensen so fekk at vita, at Páll Petersen ætlaði at atkvøða saman við minnilutanum, tók hann málið av skránni. Kann ikki takast av skrá Kommunala eftirlitið sigur, at tað eru borgarstjórarnir, sum skulu lýsa málini, sum koma til viðgerðar á fund- unum, soleiðis at komm- unustýrislimirnir kunnu taka støðu til tey. Hava kommunustýrislim- ir ikki fingið nóg góðar møguleikar at fyrireika seg til eitt mál, sum teir tí ikki kunnu taka støðu til, kunnu teir mótmæla. Og so kann kommunustýrið ikki taka avgerð í málinum, uttan so, at tað er um at fyrnast, ella at málið er av slíkum slag, at støða kann verða tikin til tað av handahógvi - uttan fyrireiking. Sostatt kunnu kommunu- stýrislimirnir krevja mál útsett, eru tey ikki nóg væl fyrireikað. Og sostatt er tað er kommunustýrið, sum í seinna enda má taka støðu til, um ávíst mál er nóg væl fyrireikað ella ikki. Eftirlitið sigur, at tá ið fundarskráðin er send kommunustýrislimunum, men ein kommunustýris- limur ynskir at taka upp- skot sítt aftur, eigur borgar- stjórin, beinanvegin fund- urin byrjar, at boða frá hes- um og samstundis spyrja, um nakar annar kommunu- stýrislimur ynskir at taka uppskotið upp, t.e. at gera tað til sítt uppskot. Um so er, kann tann kommunustýrislimurin, sum upprunaliga setti upp- skotið fram, ikki forða fyri, at uppskotið verður við- gjørt. Somuleiðis verður mett, at hesin framferðarháttur eigur at verða nýttur, um eitt uppskot verður tikið aftur, tá viðgerðin er byrj- að. – Tá ið ávíst mál er kom- ið á fundarskránna, og fundurin er byrjaður, metir Løgmálaráðið tí, at borgar- stjórin ella tann, sum leiðir fundin, undir ongum um- støðum einsamallur kann taka málið av skránni tí teirri grundgeving at ein- stakur kommunustýrislim- ur skal fáa betri høvi til at seta seg inn í málið. – Um kommunustýris- limir eru nóg væl fyrireik- aður ella ikki, má tí standa til viðkomandi sjálvan at taka støðu til. Og annars tendur tað til kommunu- stýrið at gera av, um eitt mál er klárt at atkvøða um, ella ikki. Annars sigur Kommun- ala eftirlitið, at hevur ein kommunustýrislimur ser- støðu í ávísum máli, kann hann krevja, at serstøða hansara í stuttum verður viðmerkt í gerðabókina og tað kann ikki verða sýtt. Nýggja Landssjúkrahúsið takast í nýtslu 23. februar Nýggi bygningurin hjá Landssjúkrahúsinum er rættiliga við at taka skap og nú er komið so mikið áleiðis, at dagurin er ásettur fyri, nær hann skal verða klárur at taka í nýtslu Landsstýrið: Heðin Mortensen breyt lógina Heðin Mortensen var virkandi borgarstjóri, tá ið býráðið hevði fund 24. oktober í fjør. Men hesum kom hann illa frá, tí tað endaði við at hann í tveimum førum breyt kommunulógina HANDIL Heri á Rógvi Handilin Sirri, ið selur ymsar vørur úr føroyskari ull, eru fluttur av Àarvegn- um oman í Fútastovu í Gongini. Hjúnini Karin og Árni hava nú havt opið í Sirri í trý ár. Árni Brattaberg sigur, at tey í nýggju hølunum hava fingið munandi meira pláss at húsast í. – So hevur húsið eisini eina spennandi søgu og er tískil spennandi hjá ferða- fólki, sigur Árni Bratta- berg. Handilin letur upp 1. apríl, og tá verður eisini móttøka millum kl. 15 og 17. Sirri í Gongini Starvsfólkið og klæðini hjá Sirri eru farin at húsast í Gongini Mynd: Jens Kristian Vang. C M Y K 19 18