fríggjadagur 4. apríl 2003síða 5

8 Nr. 66 - 4. apríl 2003 Nr. 66 - 4. apríl 2003 9 Lands- rætturin legði hálvt ár omaná Landsrætturin herdi dómin yvir ein 48 ára gamlan mann, sum bank- aði makan við ein- um hamara um nýggjársleitið. Dómararnir góvu manninum 15 mánaðir fyri harð- skapin HAMARAMÁLIÐ Ingi Rasmussen Ein 48 ára gamal maður fekk tann 28. januar í ár dóm í Føroya rætti fyri at hava bankað eina konu so illa við einum hamara, at tað stóð um lív. Føroya rættur metti hendingina til níggju mánaðir, hóast hann við vilja hevði hamrað ham- aran fleiri ferðir beint íhøvdið á kvinnuni, sum hann livdi saman við. Maðurin rakti millum annað kvinnuna í tinn- ingina, og læknarnir søgdu hana vera stutt frá deyðanum. Dómurin vakti ans, og nógv hildu hann vera alt ov linan. Eitt nú Kvinnuhúsið gjørdi vart við, at tað heldur var harðskapsmaðurin, sum varð vardur, enn offrið. Linda Hesselberg, ákæri, royndi eisini at fáa mannin dømdan fyri drápsroynd, men til fá- nýtis. Ákæruvaldið royndi kortini málið við Landsrættin, tí harð- skapurin varð so grovur. Og Landsrætturin gav ákæruvaldinum viðhald. Mikudagin herdu teir tríggir landsrættardóm- ararnir dómin og løgdu eitt hálvt ár omaná. So- statt skal maðurin sita í fongsli í eitt ár og tríggj- ar mánaðir. Tann 48 ára gamli maðurin hevur sitið í varðhaldi síðan 30. desember í fjør, tá hann varð tikin fyri at hava bankað kvinnuna. Sostatt skal hevur hann eitt ár eftir av dóminum at sita. Linda Hesselberg er nøgd við dómin, tí so- leiðis ger samfelagið greitt, at tað ikki góð- tekur harðskap, hóast fólk liva saman. Talan er ikki um eina kæru til løgmann, og tí er ikki vist, at løg- maður ger nakað við grovu skuldsetingar- nar hjá SvF ímóti Páll á Reynatúgvu, lands- stýrismanni. Men løg- maður hevur merkt sær ógvusligu skuld- setingarnar hjá sjónvarpsstjóranum HÓTTAN Ingi Rasmussen – Eg kenni onki annað til málið, enn tað, sum eg havi lisið á forsíðuni í Dimmma- lætting. Eg havi sjálvandi lisið tað, sum sjónvarps- stjórin sigur, og sjálvandi tosi eg við landsstýrismann- in, tá eg síggi sovorðið. Men hetta er ikki eitt mál, sum er reist hjá mær, og tí fái eg illa gjørt meira við tað. Anfinn Kallsberg, løg- maður, er fáorðaður um grovu ákærurnar, sum Sjónvarp Føroya hevur sett fram ímóti Páll á Reyna- túgvu, landsstýrismanni. Mikkjal Helmsdal sjón- varpsstjóri førir fram í brævinum til Høgna Hoy- dal, formann Tjóðveldis- floksins, at landsstýrismað- urin hevur hótt tíðindafólk í eini roynd at tøla tíðina- flutninginum. Løgmaður er stjóri hjá Páll á Reynatúgvu og skal syrgja fyri, at hann uppførir seg eftir reglunum. Men løgmaður ivast í, um hetta er eitt mál fyri hann. Ikki enn í øllum førum. – Brævið hevur greiða adressu til floksformannin, og tað verður undirstrikað, at hetta ikki er ein kæra. Tí er hetta ikki eitt mál, sum løgmaður hevur ábyrgdina av, sum nú er, sigur Anfinn Kallsberg løgmaður, ið kortini viðgongur, at hann hevur ávísa skyldu at halda eitt vakið eygað við, hvat gongur fyri seg. Hetta er eitt mál millum fjølmiðilin og valdsharran, og spurningurin er tí, um viðurskiftini teirra millum eru skalað. Anfinn Kalls- berg er varin við at fara út í tað kjakið. – Pressan hevur átikið sær at vera fjórða statsvald- ið, so eg skal ansa mær at vevja meg út í tann spurn- ingin. Men tað er greitt, at tað ofta veldst um eygað, sum sær, og oyrini, sum hoyra. Eg skal viðganga, at eg ikki altíð eri samdur við tað, sum kemur fram í pressuni, sigur Anfinn Kallsberg uttan at tosa um ítøkiliga málið. Løgmaður fylgir við frá síðulinjuni Fólk føldu seg pressað persónliga, og tí var markið varð nátt fyri, hvat pressan toldi. Tað sigur Mikkjal Helmsdal, sjónvarps- stjóri, sum ikki vildi finna seg í hóttanun- um frá Páll á Reyna- túgvu landsstýris- manni ímóti tíðinda- fólkum á Degi og viku HÓTTAN Ingi Rasmussen Tíðindafólk skulu sjálvandi tola bæði atfinningar og at vera alment viðgjørd. Men tá politikarar beinleiðis venda sær persónliga til tín og hótta við at heingja títt privatlív út í fjølmiðlunum, so er markið nátt. Tað sigur Mikkjal Helmsdal, stjóri í Sjónvarpi Føroya, sum rættiliga er komið í fokus, nú opið stríð leikar á millum Tjóðveldis- flokkin og almenna sjón- varpið. Tað snýr seg um Páll á Reynatúgvu, landsstýris- mann við almannamálum. Eitt er, at hann hevur blak- að eina tíðindakvinnu á dyr, tí hon ikki hevði fingið loyvi at koma inn í Al- mannaráðið. Eitt annað er, at hann beinleiðis hevur hótt tíðingafólkini við at heingja tey út. Sambært brævinum, sum Mikkjal Helmsdal hevur sent Høgna Hoydal, floks- formanni, hevur lands- stýrismaðurin sagt seg »kanna persónligar upplýs- ingar um journalistar í SvF«. Endamálið er, at »næstu ferð tey hættaðu sær at vera kritisk móti Tjóðveldisflokkinum, skuldi hann syrgja fyri at almannakunngera so nógv- ar persónligar og betentar upplýsingar um tíðinda- fólk, at tey blivu spilt út í fjølmiðlunum.« Páll á Reynatúgvu sjálv- ur vil vera við, at tað var sagt í skemti. – Soleiðis var tað í øllum førum ikki skilt av teimum fólkunum, sum tað er sagt við, er Mikkjal Helmsdal skjótur at svara. Ein avleggari Talan er um eina álvarsliga ákæru, har roynt verður at forða sjónvarpinum at gera sítt arbeiði, og tí kann tað undra fólk, at tað ikki er til løgmann, sjónvarpið hevur vent sær, Hann er leiðari í teirri skipan, sum sjón- varpsfólk vera forðað at arbeiða í, men SvF vil ikki gera tað til eitt mál millum skipanina og fjølmiðlarnar. – Orsøkin er, at vit hildu, at málið er ein avleggari av tí, sum sjónvarpið hevði ført fram um Tjóðveldis- flokkin (leikritamálið, blðm.), og tí hildu vit, at rætta adressan var at venda sær til flokkin. Vit hildu heldur ikki, at tað var okk- ara uppgáva at skapa per- sónsmál innanhýsis í sam- gonguni, sigur Mikkjal Helmsdal. Men tað er júst tað, málið er blivið. Av tí, at Dimma- lætting hevur almanna- kunngjørt brævið, er málið vorðið eitt persónsmál, sum løgmaður illa fær latið eyguni aftur fyri. Og tað bøtir neyvan um viðurskift- ini við Tjóðveldisflokkin. – Dimmalætting hevur biðið um alment innlit, tí teir søktu um tað. Eg havi ikki likið brævið til Dimmalætting, og eg havi heldur ikki biðið nakran gjørt tað, sigur Mikkjal Helmsdal. Fyrstu ferð Tað er ikki óvanligt, at hvøss álop eru á fjølmiðla- fólk. Tey eiga at tola eitt sindur av hvørjum. Serliga tey, ið sjálv hava sum vøru- merki at vera ágangandi, og kunnu ganga sínum »offr- um« nær. Mikkjal Helmsdal er samdur, men hetta er eisini fyrstu ferð, at hann bein- leiðis hevur upplivað, at fólk kenna seg hótt persón- liga, og tí noyddist SvF at taka stig til at fáa málið avklárað. – Eg havi ikki verið úti fyri slíkum fyrr í mínari tíð. Nógvur kritikkur hevur heglað yvir stovnin og einstaklingar. Men vit hava ongantíð havt dømi um, at farið er um tað markið, har starvsfólk hava følt seg pressað upp á sín persón. Eg metti í øllum førum málið ógvuliga álvarsligt, og tí skrivaði eg brævið til Tjóðveldisflokkin. Vit vildu markera, at har gong- ur markið, sigur Mikkjal Helmsdal. Markið varð nátt Her til og ikki longur. Mikkjal Helmsdal, sjónvarpsstjóri, helt tað vera neyðugt at markera, hvar markið gongur fyri, hvat pressan í Føroyum tolir Mynd: Jens K. Vang Lars Mohr Nielsen, djóra- lækni, hevur latið upp nýggja djóralæknastovu í Stoffalág 31 í Havn. Um- framt at hava viðtalu fyri landbúnaðin, hevur hann eisini latið upp praksis við tí fyri eyga at viðgera onnur djór, ið gerst ein alsamt størri partur av arbeiðinum hjá djóralæknum. Eisini kemur hann at luttaka í vaktarskipanini eftir nýggju avtaluni millum Landsdjóralæknan og djóralæknar í privatari praksis. Lars er útbúgvin djóralækni frá Landbún- aðarháskúlanum í Keyp- mannahavn í 1990. Eftir lokið prógv arbeiddi hann eitt ár á fiskasjúkudeildini hjá Landsdjóralæknanum. Í tvey og eitt hálvt ár ar- beiddi hann sum djóra- lækni í Jyllandi. Tá hann kom heim aftur til Føroya, arbeiddi hann í umleið trý ár hjá Djóralæknatænastuni í Havn. Eftir tað fór hann í undirvísingar og gransk- ingarstarv á Klinisk Institut á Landbúnaðarháskúlanum í Keypmannahavn. Tey seinastu árini hevur hann starvast á Dansk Veterinær- institut og m.a. luttikið í tí stóru kanningini av smitt- andi sjúkum, ið Lands- djóralæknin hevur sett í verk í Føroyum. Í hesum tíðarskeiði hevur hann verið avloysari á eini djóraklinikk uttan fyri Keypmannahavn og í Før- oyum. Eisini hevur hann luttikið í arbeiðinum til varðveitan av tí serstaka føroyska rossinum. Tele- fontíð og avtalur um vitjan eru á telefon 311041 frá kl. 8.00 til 9.00. NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Dagurin 4. apríl. Ambrosius, deyður í 397. Biskupur í Milano, verður nevndur sum ein av kirkjufedrunum. Prógv á Húsarhaldsskúla Føroya Eftir at hava gingið sjey mánaðar á Húsarhaldsskúla Føroya í Klaksvík, fingu hesir næmingarnir prógv handaði 22. februar. Fremst frá vinstru: Christina Isaksen Tórshavn, Durita Samuelsen Klaksvík, Kristina Laksafoss Klaksvík, Irdi Lenvig Hansen Tórshavn, Gudny Helgadóttir Tórshavn, Jóna Zachariassen Eiði. Í miðjuni frá vinstru: Jutta Hansen lærari, Gunhild Arge lærari, Paulina Eliasen lærari. Renata Joensen, Tórshavn. Guðrun Clementsen, Tórshavn. Jastrid Asa Hammer, Eiði. Maria í Skorini Tórshavn, Maria Meinhardsdóttir Jacobsen Søldarfjørður, Heidi Isaksen Klaksvík, Jóhanna Andreasen Klaksvík, Elisabeth Akursmørk lærari, Jóhanna á Tjaldrafløtti leiðari. Aftast frá vinstru: Henny Heinesen Klaksvík, Lusy Christiansen Klaksvík, Sólgerð á Kinn Strendur, Sunnvá Sørensen Porkeri, Dania Sørensen Porkeri, Bára Joensen Klaksvík, Jóna Jacobsen Klaksvík og Karin Laksafoss Klaksvík. Árni Frederiksen 55 ár Hósdagin 3. apríl fylti Árni Frederiksen lærari í Mið- vági 55 ár. Árni er sonur Edvard Fredriksen og Elsu Margrethu, f. Ellefsen, bæði úr Miðvági. Hann er giftur við Marnu Dam av Argjum. Árni tók lærara- prógv á Haslev Seminar- ium í 1972 og var lærari á Ellemarkskolen í Køge frá 1973-75 og á Alkestrup- skolen í Tureby frá 1975- 78. Síðan 1978 hevur hann verið lærari við Miðvágs/ Sandavágs skúla. Sanna R. Danielsen 90 ár Leygardagin 5. apríl verður Sanna R. Danielsen, f. Andreasen, vanliga nevnd Sanna á Høvdanum á Strondum 90 ár. Sanna giftist í 1939 við Jóan Karl Danielsen, á Fløtunum, eis- ini av Strondum. Hjúna- lagið vardi stutt, tí Jóan Karl andaðist á útróðri 21. november 1940, bert 28 ára gamal. Saman fingu tey dóttrina Jóhannu, ið nú starvast sum skrivari hjá Havnar Handverkarafelag. Sanna eigur 3 ommubørn, 7 langommubørn og eitt oldurommubarn. Sanna er best kend frá handlinum á Høvdanum á Strondum, har hon hevur arbeitt stóran part av lívi sínum saman við systrini, Bette. Seinastu tíðina hevur hon búð á Eysturoyar Røktar & Ellis- heimi í Runavík, har føð- ingardagurin eisini verður hildin leygardagin 5. apríl frá kl. 15-18. Lars Mohr Nielsen, djóralækni Nýggj djóralæknaviðtala í Havn C M Y K 9 8