týsdagur 1. apríl 2003síða 6

10 11 EYÐUN KLAKSTEIN HB setir sær á hvørjum ári høg mál um at vinna alt í føroyskum fótbólti, og hóast teir í fjør snáv- aðu í avgerandi dystinum um steypagullið, var alt frøi og gaman í landskappingini. Nú skal FM-heitið verjast, og tað ætlar HB at gera við nógvum av somu spælarunum, sum vóru við í fjør, og við nýggjum profil- um. Tað gjørdist nakað rokut í HB í fjørsummar, men endaði alt so sera gott, tá ið spælararnir fingu gullmerkini hongd um hálsin á seinasta leikdegi. Kring summarsteðgin steðgaði tað upp hjá HB, og tá ið felagið hevði tapt týðandi dystir fyri KÍ og B36, fekk venjarin seinastu fýra árini, Ion Geolgau, sekkin. Í hansara stað komu Jóannes Jakobsen og Kári Nielsen, og teir fingu skútuna aftur á beint og fingu gullið í havn. Nú verður tað Frank Skytte, sum skal hava ábyrgdina av HB- liðnum, og afturat sær hevur hann fingið Oddbjørn Joensen, sum áður hevur røkt uppgávuna sum venjari og hjálparvenjari hjá besta HB-liðnum. Verjan skal fóta sær HB hevur mist onkrar spælarar síðani kappingarárið í fjør, og hetta hevur serliga gingið út yvir verjupartin. Jón Rói Jacobsen, sum bæði spældi í verju og álopi, er leigaður til Brøndby, Jóhannis Joensen er farin í Vágarnar at spæla, og Hans á Lag er farin uttanlands. Men HB hevur styrkt seg við donskum verjumanni, sum tó ikki hevur spælt nakað enn, tí hann hevur verið skaddur. Tað kom eis- ini væl við, at Jan C. Dam, sum hugsaði um at gevast við fótbólti- num, í øllum førum spælir hetta árið afturat. Hann er álitið í mið- verjuni og er góður at stuðla nýggjum verjumonnum. Higartil hevur hann spælt nógv saman við unga Eli Thorsteinsson, og sam- starvið hevur verið gott. Á miðvøllinum eru nógvir góð- ir spælarar um boðið, og við dygdarspælarum sum Rúna Nols- øe, Rógva Jacobsen og Nicu Dog- aru á hesum plássum kann mið- vøllurin ikki vera nógv sterkari. Álopið hjá HB var í stórformi í fjør, og nú felagið hevur fingið sær nýggjan styrk úr Danmark, er líkt til, at málskjótingin ikki fer at vera trupulleikin. Andrew av Fløt- um var toppskjútti í kappingini í fjør, og nú ætlar danin Karsten From eisini at bjóða av á hesum øki. Hann hevur longu fingið eina góða byrjan í venjingar- og steypadystum. HB skal verja gullið Havnar Bóltfelag Stovnað: 17.10.1904 FO-110 Tórshavn, Postrúm 1333 Tlf. 314046/Fax 318202 Formaður: Birgir Enghamar Meistarar (16): 1955, 1960, 1963, 1964, 1965, 1971, 1973, 1974, 1975, 1978, 1981, 1982, 1988, 1990, 1998, 2002 Steypavinnarar (25): 1955, 1957, 1959, 1962, 1963, 1964, 1968, 1970, 1971, 1972, 1973, 1975, 1976, 1978, 1979, 1980, 1981, 1982, 1984, 1987, 1988, 1989, 1992, 1995, 1998 Greipuvinnarar (11): 1955, 1963, 1964, 1971, 1973, 1975, 1978, 1981, 1982, 1988, 1998 Í 1. Deild (60 ár): 1942-1943, 1945- Í Europa (8): Meistarakapping 1999/00, Steypavinnarar 1993/94, 1996/97, 1997/98, UEFA Cup 1998/99, Intertoto 1995/96, 2000/01, 2001/02 Málverjar Bárður Johannesen 17/-14 (1-1) Pól N. Joensen 5/0 (0-0) Lars Müller TB, Royn Verja Martin Christiansen (DAN) Eli Thorsteinsson Janus M. Joensen 15/0 (0-0) Jan C. Dam 16/0 (1-0) 39/1 B68, KÍ, Skansin Bergleif Sólsker B71 Rani D. Christiansen 1/0 (0-0) Vagnur M. Mortensen Miðvøllur Kári Nielsen Skála, B71 Nicu Dogaru (RUM) 15/0 (6-0) Rúni Nolsøe 17/2 (3-0) 3/0 VB Rógvi Jacobsen 17/3 (3-0) 18/1 KÍ Símun Eliasen 2/0 ÍF, KÍ Bjarni Jørgensen 6/0 (0-0) Hallur Danielsen 14/0 (1-0) Hendrik Rubeksen Teitur Ellingsgaard Páll M. Joensen 1/0 (0-0) Høgni M. Joensen Álop Karsten From (DAN) Andrew av Fløtum 18/18 (1-0) 7/0 Rókur á Fløtum Jespersen Tór-Ingar Akselsen 16/0 (1-0) FSV Tilgongd Lars Müller 18/0 (2-1) TB Martin Christiansen (DAN) Danmark Bergleif Sólsker B71 Kári Nielsen 13/1 (5-0) Skála Símun Eliasen Heim úr Danmark Karsten From (DAN) FC Midtjylland Frágongd Hans á Lag 17/7 (4-0) Uttanlands Jóhannis Joensen 17/1 (3-0) FS Vágar Jón Rói Jacobsen 18/12 (0-0) Brøndby Nocko Jokovic (DAN) 6/4 (0-0) Uttanlands Pætur M. Dahl 6/0 (2-0) AB Uni J. Arge 5/2 (0-0) Givin Ingi Rasmussen 5/0 (0-0) Givin Eyðun Samuelsen 4-1 (0-0) AB Venjari: Frank Skytte Leikarahópur Tølini, sum eru viðmerkt, siga, hvussu nógvar dystir/mál leikarin spældi/gjørdi fyri felagið í 2002, og hvussu nógv (gul-reyð) kort leikarin hevur fingið í sama tíðarskeiði. Navn Í fjør Landsdystir Áður spælt við Navn Í fjør Landsdystir Áður spælt við EYÐUN KLAKSTEIN HB hevur aftur í ár sent boð eftir einum góðum donskum álops- spælara. Karsten From er maður- in, sum skal gera mál fyri høvuðs- staðarfelagið, og hann hevur sett sær høg mál fyri hetta árið. – Málsetningurin hjá mær er broyttur fleiri ferðir, síðani eg gjørdi av at koma til Føroya. Fyrst var ætlanin bara at koma higar og koma í gongd við fótbóltin aftur. Síðani fekk eg at vita, at HB er meistari, so har er nakað at fara eftir aftur í ár. Og eftir at hava spælt nakrar dystir, haldi eg, at tað er realistiskt at stíla eftir at koma heilt upp á máltindin. – Um eg nú kann spæla væl í eitt ár og kanska gerast toppskjútti í Føroyum, so ivist eg ikki í, at tað kann skapa møguleikar fyri ein- um sáttmála í Danmark ella aðra- staðni, sigur Karsten From, sum hevur spælt einar 10 dystir á besta liðnum í FC Midtjylland. Skuldi kappast við beiggjan 23 ára gamli álopsspælarin hevði sín fótbóltsliga uppvøkstur í Kolding BK, og tað var eisini har, at hann gjørdi vart við seg sum vaksin spælari. Hann skoraði 28 mál í 16 dystum fyri besta liðið hjá felagnum, sum tá spældi í Danmarkseriuni, og tað vakti áhuga í einum av størstu feløg- unum í Danmark. Alt byrjaði við eini royndar- venjing í FC Midtjylland, men tað gekk ikki long tíð, áðrenn partar- nir vóru samdir um ein fulltíðar- sáttmála, sum skuldi ganga yvir trý ár. – Sáttmálin við FC Midtjylland er tað størsta, sum er hent fyri meg fótbóltsliga. Tað var tann stóri dreymurin, sum var uppfylt- ur, sigur Karsten From. Men dreymurin helt ikki fram við at vera ljósareyður. – Eg helt, at FC Midtjylland hevði keypt meg sum áleypara, tí eg gjørdi so nógv mál í Kolding. Men soleiðis var ikki. Beiggi mín, Kenneth, spælir eisini har, og eg haldi, at teir høvdu start seg blind- ar í, at eg var sami spælari, men bara nøkur ár yngri. – Tí kom eg at kappast um plássið sum høgri bakkur við beiggja mín, og tað var als ikki tað, sum eg hevði hug til. Tann føroyski kjansurin Karsten From spældi einar 10 dystir á besta liðnum í FC Midt- jylland, men hann beit seg ikki fastan, og tá ið tvey ár vóru farin av sáttmálaskeiðnum, samdust partarnir um, at tað skuldi steðga. Tað var her, at føroyskur fót- bóltur kom inn í myndina. Gamli venjarin í Kolding, Kim Ziegler, arbeiðir fyri ein fótbóltsumboðs- mann, og hann greiddi frá tí før- oyska møguleikanum. – Eg tosaði eisini við venjaran í HB, men eftir at hava hugsað meg um í nakrar dagar, segði eg nei takk til tilboðið úr Føroyum, greiðir Karsten frá. Óvissan um føroyskan fótbólt og eitt ítøkiligt tilboð frá danska felagnum Fremad Amager fingu Karsten at taka hesa avgerð. Men tá ið hálva avtalan við Amager- felagið fór fyri skeyti, leitaði Kar- sten aftur til føroyska tilboðið. – Og so tók eg kjansin. Í fyrstu syftu snýr tað seg um átta mánað- ir, og um tað ikki gongur eftir vild, so er tað ikki so long tíð. Øll eru vinarlig Nú hevur Karsten From verið í Føroyum í nakrar mánaðir, og hann hevur fingið betri innlit í føroyskan fótbólt. – Eg haldi ikki, at støðið er so høgt, sum eg fekk at vita frammanundan. Tey bestu liðini høvdu ivaleyst klárað seg í 2. deild í Danmark, men tað er sanniliga stórur munur á teimum góðu og vánaligu liðunum í Før- oyum. Hendan munin upplivir tú als ikki í Danmark. Har eru liðini javnt góð, og tað finnast eingir vánaligir spælarar á liðunum. Hóast hann hevur saknað damuna hjá sær fyrstu tíðina, hev- ur hann havt tað gott í Føroyum. – Hold kæft, hvor er færinger flinke, sigur hann. – Eg havi ongantíð áður møtt so fyrikomandi fólki sum føroying- um. Tað ger tað sama, hvar eg eri, so eru øll blíð og vinarlig. Eisini tá ið vit vóru í Klaksvík og spæl- du, komu nógv fólk og heilsaðu upp á meg og spurdu meg, hvussu tað gekk. Eg kenni meg vælkom- nan her. Hann heldur tó, at føroyingar eru sera harðir við hvønn annan á fótbóltsvøllinum. Mest sum ov. – Føroyskir spælarar spæla hart og ikki altíð so fair. Tað er komið fleiri ferðir fyri, at eg havi hugs- að, at hasin spælarin kemur ikki fyri seg aftur eftir hasa takkling- ina, sigur hann og heldur, at ávís- ar taklingar, sum hann hevur upp- livað í Føroyum, so at siga ikki koma fyri í Danmark. Lægri støði Hóast støðið í bestu føroysku deildini ikki er tað sama, sum í teirri bestu donsku deildini, har Karsten From vil sleppa at spæla aftur, so heldur hann, at møgu- leiki er fyri at fáa nakað gott burt- ur úr uppihaldinum í Føroyum. – Tað verður sjálvandi spenn- andi, um eg kann menna meg sum spælari her og halda meg á einum høgum støði. Hetta er ikki sama støðið sum í superliguni, og so er freistandi at hugsa, at so verði eg ein verri fótbóltsspælari, men tað er ikki vist. – Her er betri tíð til alt í dyst- unum, og tað ger, at eg kann ar- beiða meira við teimum pørtunum av spælinum hjá mær, sum eg ynski at betra. – Og so er tað áhugavert, at før- oyskir spælarar fáa kjansin uttan- lands. So her eru møguleikar fyri ein spælara sum meg, sigur Kar- sten From. Karsten stílar høgt – Tað verður sjálvandi spennandi, um eg kann menna meg sum spælari her og halda meg á einum høgum støði. Hetta er ikki sama støðið sum í superliguni, og so er freistandi at hugsa, at so verði eg ein verri fót- bóltsspælari, men tað er ikki vist, sigur Karsten From, sum stílar eftir oddasessinum á toppskjúttaralistanum. Mynd: Álvur Haraldsen Høvuðsstaðarfelagið plagar ikki at fjala út yvir, at teir eru við fyri at vinna. Nú skal meistaraheitið frá í fjør verjast Nú skal FM-heitið verjast, og tað ætlar HB at gera við nógvum av somu spælarunum, sum vóru við í fjør, og við nýggjum profilum. Mynd: Álvur Haraldsen – Eg havi ongantíð áður møtt so fyrikomandi fólki sum føroyingum, men spælararnir eru sera harðir við hvønn annan á fótbóltsvøllinum, sigur danski álopsspælarin hjá HB, sum ætlar sær at gera nógv mál fyri nýggja felag sítt 2003 2003