týsdagur 1. apríl 2003síða 6

10 Nr. 79 - 26. apríl 2003 Nr. 79 - 26. apríl 2003 11 C M Y K 11 10 FISH FAIR Vilmund Jacobsen Hetta er aðru ferð, at føroy- ingar taka stig til at skipa fyri eini altjóða fiskivinnu- og alistevnu. Grundarlagið undir stevnuni hesaferð, eru góðu royndirnar, tá ið North Atlantic Fish Fair varð hildin í Føroyum seinast. Tá ið stevnan fór av bakkastokki fyri tveimum árum síðan, søgdu stigtak- ararnir, Áki í Skemmuni og Andrias Jacobsen, at hend- an fyrsta stevnan fór at vera avgerandi fyri, um tiltakið verður afturvendandi. Nú stundar so til, at North Atlantic Fish Fair verður sett á øðrum sinni, og enn einaferð kunnu vit bara vóna, at úrslitið verður so mikið gott, at eingin ivi verður um, at altjóða fiski- vinnu- og alistevnan í Før- oyum er komin fyri at vera. Fýra tjald At útvega eitt framsýning- arøkið á havnalagnum, sum táttar í 5.000 fermetrar til- samans, er ikki bara sum at siga tað, men hetta hevur so eydnast stigtakarunum og teimum, sum standa aftan- fyri og hava stuðlað upp- undir hetta stóra tiltak. Áki í Skemmuni sigur, at umframt tjøldini, sum eru fýra í tali, verða goymslu- bygningarnir hjá Skipa- felag Føroya og P/F Beta nýttir sum framsýningar- økið. – Hesaferð verður alt stevnutiltakið savnað niðri á havnalagnum oman móti, har nýggja Norröna fer at liggja sum hotel-skip. Hann vísir á, at í tí eina tjaldinum fer Heimamis- siónin við Sjómansheimi- num í Runavík á odda at reka kafeteria, samstundis sum kunnað verður um ar- beiði hjá sjómansheim- unum og sjómansmissión- ini. – Onkur útróðrarbátur og onkur alibátur verður eisini at síggja við bryggjuna ella uppi á landi, og ætlanin er, at fólk eisini skulu sleppa at síggja nýggju trolararnir hjá P/F Beta, Bak og Stelk. Áki veit at siga, at skipa- smiðjan í Vigo í Spaniu, sum bygdi hesi skipini, verður við á North Atlantic Fish Fair. Nýggja Norröna Umborð á nýggju Norrönu verða fyrilestrar og tíðinda- fundir, og har verða annars aktivitetir alla tíðina við undirhaldi og dansi um kvøldarnar. Um dagin verð- ur døgurði, og um kvøldið kalt borð. Áki sigur, at nógv fólk kemur til landið uppundir stevnuna. Norröna kemur við fullum skipi, flogfar verður chartrað úr Noregi, og eykaflúgving er til Før- oya. North Atlantic Fish Fair, sum byrjar týsdagin, varar í tríggjar dagar, og seinasti framsýningardagurin er 1. mai. Kostnaðurin fyri at vitja stevnuna í ein dag, er 150 kr., og fyri allar stevnudag- arnar er kostnaðurin 350 kr. Áki vísir á, at Hirtshals, sum er vinarbýur hjá Runa- víkar kommunu, hevur stóran bás og ger nógv burtur úr framsýningini. – Tað áhugaverda her er kanska, at danskar havnir eru privatiseraðar og gjørd- ar til partafeløg. Hetta er eitt nýtt modell og eitt nýtt konsept í okkara verð, sigur hann. Á íslendska básinum eru eisini fleiri havnir í Íslandi við. – Úr okkara heimliga um- hvørvi eru norðoyingar við undir einum hatti, og tað er Vágur eisini, sigur Áki í Skemmuni. Alt á einum staði á havnalagnum – Hesaferð verður alt stevnutiltakið savnað niðri á havnalagnum oman móti, har nýggja Norröna fer at liggja sum hotel-skip, sigur Áki í Skemmuni – Nógv fólk kemur til landið uppundir stevnuna. Norröna kemur við fullum skipi, flogfar verður chartrað úr Noregi, og eykaflúgving er til Føroya, sigur Áki í Skemmuni. Mynd: Jens Kr. Vang