týsdagur 1. apríl 2003síða 10

18 19 JÁKUP MØRK Av mongum verður Klaksvíkin roknað sum staðið í Føroyum, har flestu fótbóltstalentini verða klakt. Verandi flaggskipini í so máta eru í løtuni Todi Jónsson og Jákup Mikkelsen, sum báðir hava verið partur av útlendskum meist- araheitum, men sum í løtuni tó hava minni hugaligar tilverur og beinkinum ella somikið langt úti sum á áskoðaraplássunum í teirra feløgum. Sum so hava úrslitini av mongu evnaríku leikarunum eisini verið sjónlig. KÍ er framvegis tað felag- ið í Føroyum, sum eigur flestu meistaraheitini, men seinnu árini hevur tó ein kanska ikki heilt so hugalig gongd tikið seg upp í fót- bóltslívinum í Klaksvík. Tað tyk- ist nevnliga, sum um KÍ onkurs- vegna hevur fingið støðuna sum eitt slag klekingardepli. Eitt felag, sum gaman í alir hópatals evna- ríkar leikarar, men sum ofta má lata sær lynd, at fuglarnir flúgva úr reiðrinum, so skjótt sum hesir eru nøkunlunda floygdir. Hetta hevur eisini givið úrslit í, at Klaksvíkin hevur átt sín stóra lut í nógvum av fleiri av meistara- heitunum, sum onnur feløg hava vunnið seinnu árini, tá klaksvík- ingar hava spælt við avbygda- feløgum. Og eftir at KÍ í seinnu kappingarhálvu í fjør var kanska sterkasta liðið í kappingini, eru aftur fleiri fráfall at síggja nú í vár. Heðin á Lakjuni og Allan Mørkøre eru farnir til B36, Kurt Mørkøre er fluttur aftur til Nor- egs, meðan Meinhardt Jonesen ikki longur er í málinum. Allir leikarar, sum í nógvar mátar vóru berandi í fjør, og tað merkir so aftur, at KÍ enn einaferð skal seta við. Og aftur í ár verður tað ein lokalur venjari, sum fær hesa upp- gávuna. Eftir nakað av byrjunar- trupulleikum sýndi gongdin í fjør, at Kurt Mørkøre hevði stak gott hegni sum venjari, og ivaleyst hevur hetta viðvirkað til, at felag- ið í vetur tordi at endurtaka av- gerðina um leikandi venjara. Hesa ferð við Jan Joensen við stýrisvøl- in. Og uppgávan hjá Jan verður í nógvar mátar lík teirri, sum fleiri av undanmonnum hansara havt havt seinnu árini. Leikarar sum Erling Fles, Símun Joensen og Karsten Joensen munnu allir telj- ast millum slíkar, sum í framtíðini kunnu bera KÍ, og so er uppgávan at forma framtíðina soleiðis, at hon er ítøkilig. Tað vil siga, at ungu leikararnir sum so ikki fáa nakran serligan frið til eina spaku- liga menning. Tvørtur ímóti verða teir tveittir beint fyri leyvurnar, tí áskoðararnir í Klaksvík eru kræs- nir. Tey vilja hava sigrar til sítt felag, og tó at hetta kann tykjast ræðandi fyri óroyndar leikarar, so hava klaksvíkingar ikki nakra søguliga orsøk at óttast. Ferð eftir ferð hava teir upp á rekord-tíð bygt eitt nýtt lið upp. Eitt lið, sum enn einaferð kann takast við tey sterkastu í dystinum um heiðurs- merki. KÍ byrjar aftur av nýggjum Ove Nysted kann spæla bæði í verjuni og álopinum. Mynd: Álvur Haraldsen Klaksvíkar Ítróttarfelag Stovnað: 24.08.1904 FO-700 Klaksvík Tlf. 456184/456167 Formaður: Gestur Hovgaard Meistarar (17): 1942, 1945, 1952, 1953, 1954, 1956, 1957, 1958, 1961, 1966, 1967, 1968, 1969, 1970, 1972, 1991, 1999 Steypavinnarar (5): 1966, 1967, 1990, 1994, 1999 Greipuvinnarar (3): 1966, 1967, 1999 Í 1. Deild (60 ár): 1942-43, 1945- Í Europa (6): Meistarakapping 1992/93, 2000/2001, Steypavinnarar 1995/96, UEFA Cup 1997/98, 1999/2000, 2002/2003 Málverjar Karstin Joensen LÍF Óli Poulsen John William Joensen Verja Jan Andreasen 9/0 (1-0) Rúni Elttør 14/0 (1-0) Atli Danielsen 17/1 (2-0) Aleksandar Djordjevic (JUG) 17/0 (2-0) Frank Joensen Sámal Eyðfinn Poulsen Kristian Andreasen Miðvøllur Allan Joensen 15/0 (4-0) 7/0 Fríðin Ziskason B68 Símun Joensen 5/1 (1-0) Harley Bertholdsen 17/5 (0-0) 5/0 Arnold Joensen B68 Eyðun Klakstein ÍF Jan Joensen 17/1 (4-0) Álop Ove Nysted 15/5 (3-0) Hjalgrím Elttør 18/11 (2-0) 4/0 Erling Fles 12/2 (1-0) Leon Bjartalíð Tilgongd Arnold Joensen 17/4 (1-1) B68 Fríðin Ziskason 12/1 (1-2) B68 Frágongd Allan Mørkøre 17/2 (0-0) B36 Heðin á Lakjuni 11/8 (1-0) B36 Meinhardt Joensen (m) 18/-25 (1-0) Uttanlands Kurt Mørkøre 14/8 (4-0) Uttanlands Bárður á Lakjuni 10/0 (0-0) GÍ Bjarte Vattelstad 7/1 (1-0) Uttanlands Venjari Jan Joensen JÁKUP MØRK Tað vóru mong, sum hugdu eitt sindur skeivt, tá KÍ fyri knøppum ári síðani skifti formann. Ikki tí at formansskiftið í sjálvum sær var nakað óvanligt, men heldur at tal- an í fótbóltshøpi var um eitt rætti- liga nýtt andlit. Gestur Hovgaard, sum upprunaliga er suðuroyingur, varð valdur til formann, og tó at hann fyri mong var eitt feskt navn í fótbóltshøpi, so heldur Gestur ikki sjálvur, at hetta var eitt lop í nakran ókendan heim. – Fyrst og fremst, so hevði eg longu tá havt nakað at gera við KÍ. Í eini tvey ár hevði eg hjálpt til við ymsum lutum í felagnum, so heilt ókunnugur var eg ikki. Og so haldi eg eisini at mín fakliga bakgrund innan samskipan og organisatión kann vera ein styrki í styrki í so máta. Ikki tí KÍ er ser- liga óorganiserað, men í einum somikið kompleksum bygnaði, er neyv samskipan oftani neyðug. Og seinasta árið er tað eisini júst hesum, sum nevndin í felag- num hevur arbeitt serliga nógv ið, sigur Gestur. – Fyrst og fremst, so hava vit roynt at lagt so nógvar uppgávur sum gjørligt á so nógvar herðar sum gjørligt. Hetta tí vit á tann hátt hava bestan møguleika at fáa tingini gjørd. – Hartil hava vit so eisini sett eina blanding av einum dagligum leiðara og ungdómsvenjara í Bill McLeod Jacobsen fyri at styrkja um organisatiónina. Hetta hongur eisini saman við, at krøvini til eitt fótbóltsfelag verða alsamt økt. Nýggju UEFA-krøvini eru t.d. gjørd til professionellar fyritøkur, men fyri tað mugu vit eisini lúka hesi, og tað eru so avgjørt krøv, sum vit ætla okkum at lúka, sigur formaðurin. Klekingardepil Eitt er, at fáa KÍ at rigga innan- hýsis, soleiðis at fótbóltur, hond- bóltur og ítróttarhøll øll kunnu fá- ast at rigga. Nakað annað – og tað er tað týdningarmesta fyri uttan- fyristandandi – er, hvussu hetta kann síggjast aftur í úrslitunum á vøllinum. Her hevur KÍ altíð verið við í fremstu røð, og tó at tað ofta hev- ur verið nakað langt ímillum snapsirnar, so er KÍ framvegis mest vinnandi føroyska fótbólts- felagið, tá tosað verður um fyrstu- deildarfótbólt. Ein trupulleika, sum KÍ hevur drigist við seinnu árini er tó, at felagið ofta hevur havt stóra frá- gongd av leikarum. Ikki tí hesir gevast, men heldur tí teir vilja royna fótbóltsevnini aðrastaðni. Um hetta heldur Gestur Hov- gaard, at tað sjálvandi er harmi- ligt, tá leikarar fella burturfrá, men hinvegin ásannar hann, at hetta er gongdin í fótbóltinum. – Serliga tá tað eru kappingar- neytarnir, sum fara avstað við monnunum, er tað keðiligt. Tað eru jú leikarar, sum vit hava upp- alt. Men hinvegin kunnu vit illa loyva okkum at standa sum forð- ing fyri leikarum okkara. Er talan um útlendsk feløg, er støðan sjálvandi ein onnur, men tosar tú um føroysk feløg, so mugu vit eisini ásanna, at hetta er gongdin í samfelagnum. Ikki minst tá so stórur partur av arbeiðs- og út- búgvingartilboðunum er í Havn. Fer at broytast Í dagliga yrki sínum er Gestur annars leiðari á granskingardepli- num í Klaksvík. Spurdur, um hann ikki her kundi gjørt okkurt til at betra um umstøðurnar hjá KÍ, svarar hann flennandi, at hetta jú er hvør sítt. Men hann dylur ikki fyri, tingini í ávísan mun hanga saman. – Eitt felag sum KÍ er sjálvandi eisini tengt at samfelagnum. Og tað er einki at ivast í, at støðan hjá felagnum kann gerast øðrvísi, tá eitt nú undirsjóvartunnilin kemur. Akkurát hvussu tað fer at ávirka, er ilt at siga, men tað verður í øll- um førum talan um broytingar, heldur hann. Men fram til tá, so mugu tey í Klaksvík í nógvar mátar taka til takkar við at vera klekingardepil hjá leikarum. – Sjálvandi skulu vit royna at halda fast í okkara leikarum, so teir ikki fara aðrastaðni. Men vit mugu samstundis ásanna, at tað ikki altíð er gjørligt. Samstundis kostar tað ótrúliga nógv, um tú alla tíðina skalt leita styrk aðra- staðni frá, og tí er okkara politikk- ur nú, at vit fyrst og fremst skulu nýta okkara egna fólk, og felagið hevur eisini potentialið til hetta. Skulu leikarar aðra staðni frá tak- ast inn, skulu hetta í øllum førum verða slíkir, sum veruliga kunnu styrkja liðið. Um hetta so er nóg mikið hjá áskoðarunum, er so ein annar spurningur. Vanliga eru teir sera kræsnir, og góðtaka ikki annað enn bert sigrar til seg og síni. Men hinvegin er heldur einki at ivast í, at gleðin um evnini til framhald- andi at ala nýggj fótbóltsstór- menni eisini er stór. Og kanska tað eisini kann kennast sum troyst, tá úrslitið ikki er gylt á hvørjum ári. Leikarahópur Tølini, sum eru viðmerkt, siga, hvussu nógvar dystir/mál leikarin spældi/gjørdi fyri felagið í 2002, og hvussu nógv (gul-reyð) kort leikarin hevur fingið í sama tíðarskeiði. Navn Í fjør Landsdystir Áður spælt við Navn Í fjør Landsdystir Áður spælt við – Sjálvandi skulu vit royna at halda fast í okkara leikarum, so teir ikki fara aðrastaðni. Men vit mugu samstundis ásanna, at tað ikki altíð er gjørligt, sigur Gestur Hovgaard, formaður í KÍ. Mynd: Jens Kristian Vang Ein einaferð skulu klaksvíkingar byggja eitt nýtt lið upp, men hetta hava teir megnað so ofta, at áskoðararnir kortini ikki tykjast hava nakra orsøk til ótta hesum viðvíkjandi Vit skulu nýta okkara egnu Tað er ótrúliga kostnaðarmikið at reka eitt fótbóltsfelag, og tí heldur KÍ-formaðurin, at felagið fyrst og fremst eigur at satsa upp á stóra potentialið, sum býr í felagnum 2003 2003