týsdagur 1. apríl 2003síða 26

50 51 Jógvan Martin Olsen heldur menningina, sum hevur verið síðani gras- líkisvallirnir komu og spælararnir frá heilt ung- um av fingu høvi at royna seg í landsdystum, hava verið so góða, at tað av- gjørt ikki er veruleikafjart at rokna við møguleika- num, at Føroyar um 6-8 ár fara at spæla seg í EM ella HM endaumfar JÓANNES HANSEN Vit eru so smáir, vit megna so lít- ið, og vit fara ongantíð at koma í nánd av nøkrum endaumfari í fót- bólti. Tað er og fer altíð at vera soleiðis, at tá ið endaspølini eru og vera á skránni, so verður tað okkara lutur at halda við Ong- landi, Danmark ella onkrari aðrari av teimum eftir okkara máti stóru fótbóltstjóðunum. Hetta hevur verið vanligur før- oyskur hugsunarháttur. Men Jóg- van Martin Olsen, sum síðani í 1994 hevur havt ábyrgdina av yngru landsliðunum, og sum síð- ani 1996 hevur verið hjálparvenj- ari hjá fyrst Allani Simonsen og síðani Henrik Larsen, heldur tað vera ógrundað ikki at halda meiri um framtíðina hjá føroyskum landsliðsfótbólti enn so: – Eg haldi, at vit hava góðar or- søkir til ikki bara at droyma um, men eisini at rokna við møgu- leikanum, at tað um eini 6-8 ár fer at eydnast føroyska landsliðnum at spæla seg í EM ella HM enda- umfar. Hetta eru nýggir tónar fyri før- oyskan fótbólt? – Men teir eru ikki burtur úr vón og viti, undirstrikar Jógvan Martin Olsen, og hann grundgev- ur beinanvegin: – Vit kunnu taka støði í EM undankappingarbólkinum, sum vit nú eru í. Har eru trý lið, sum hava sjey stig í part, Ísland hevur trý stig, og vit hava eitt stig. Tey trý londini, sum hava sjey stig, eru Týskland, Skotland og Litava. Vit hittu tey øll í fjør. Ímóti Skot- landi fingu vit eitt stig á heima- vølli. Vit áttu at havt vunnið øll trý stigini. Ímóti Týsklandi kundu vit havt megnað javnleik. Í Litava stóðu vit okkum ikki væl. Vit tap- tu 2-0, men vit hava áður víst, at vit eiga at megna at spæla upp til Litava. Eg hugsi eitt nú um mál- leysa dystin har yviri í oktober í 1998. Men tað tú nevnir eru einstøk úrslit. Ofta tapa vit við tveimum og trimum málum og onkuntíð meiri enn so ímóti stóru tjóð- unum? – Tað kemur framvegis fyri, og tað fer eisini í framtíðini at koma fyri, at vit tapa við fleiri málum, sjálvt um tað verður longi millum tapini og serliga longri millum stóru tapini. Men í miðal hava vit seinnu árini staðið okkum alt betri. Vit hava tapt ímóti Kekkia við einum máli, og vit hava spælt javnleik ímóti Bosnia-Hersego- vina. Kekkia kappast við Holland um fremsta plássið í teirra EM undankappingarbólki, og Bosnia vann 2. apríl 2-0 í Parkini og spældi danska landsliðið sundur og saman. Alt hetta sigur mær, at vit eru á góðari leið, og um fram- burðurin fer at halda fram, so dugi eg væl at ímynda mær, at tað ikki fara at ganga so ógvuliga nógv ár, áðrenn vit sleppa upp í part millum tey stóru. Ikki hvørja ferð, men vit fara at fáa møgu- leikan, heldur Jógvan Martin Ol- sen. Orsøkirnar Seinastu árini hava Føroyar átt fleiri spælarar, sum hava staðið seg heilt væl í grannalondunum. Felags fyri nógvar av hesum er, at teir nú eru um at fara um besta fótbóltsaldurin. Hesin veruleikin leggur upp til spurningin, um tað ikki fer at verða ivaleysa torført at varðveita støðið, sum landsliðið nú er á, og tískil óhugsandi at rokna við framvegis framburði. – Í landsliðshøpi er eitt av mál- unum hjá okkum, at vit ikki skulu merkja nakað serligt til ættarliðs- skiftini. Tað er rætt, at nakrir av mest royndu spælarunum neyvan fara at spæla á hægsta støði fleiri ár afturat. Men legg til merkis, at tað hava kanska ongantíð verið so nógvir ungir spælarar við í kapp- ingini um landsliðsplássini, sum tað eru nú. Eg vil siga tað soleið- is, at heldur enn at ansa eftir, at miðalaldurin verður ov høgur, sum plagar at vera keðiligur trupulleikin viðhvørt, so mugu vit ansa eftir, at vit ikki heilt skjótt fara at eiga eitt ov ungt landslið. Tað er týdningarmikið at varð- veita blandingina. Men tað er ein veruleiki, at alt fleiri ungir spæl- arar vísa landsliðsstøði, heldur Jógvan Martin Olsen, sum leggur afturat, at tað hevði kanska ikki verið neyðugt at tikið blaðungar spælarar inn á landsliðið, um U- 21 landsliðið hevði verið at ment teir á. Men fyribils hevur FSF valt ikki at hava U-21 landslið, og tí kemur tað meiri enn so fyri, at ungir spælarar verða tiknir fram- um marginalspælarar á A-lands- liðnum. At tað nú tykjast vera fleiri spælarar við altjóða dygdum, enn tað kanska hava verið áður, heldur Jógvan kemst av tveimum høvuðsorsøkum. Onnur er gras- líkisvallirnir og betraða venjingin, sum fleiri feløg hava bjóðað í yngru deildunum seinnu árini, og hin er, at FSF hevur lagað tað so- leiðis, at ungu spælararnir eru slopnir at royna seg í landsliðs- høpi frá tí, teir hava verið 14-15 ára gamlir. – Dreingirnir, sum nú koma til, vita ikki um annað enn graslíkis- vallir, og tað sæst aftur í førleika- num hjá teimum. Sum 15 ára gamlir fáa teir fyrstu landsliðsav- bjóðingarnar. Tá ið teir so verða úttiknir til A-landsliðið hava fleiri teirra spælt 20-25 altjóða dystir. Tí vita teir, hvat tað snýr seg um. Teir hava royndir at spæla undir trýsti, og teir hava hesi seinnu ár- ini aftur og aftur víst í U-17 og U- 19 landsdystum, at teir megna tað, sigur Jógvan Martin Olsen. Royndirnar og snuddirnir Jógvan Martin er nú farin undir 10. árið sum landsliðsvenjari hjá teimum ungu, og hann minnist væl aftur og og kennir kanska framvegis sviðan av, tá ið ung- lingalandsliðini løgdu rygg til tap upp á átta og tíggju mál. – Tá ið eg kom uppí hetta, vóru vit ikki greiðir yvir, hvat vit vildu. Í unglingalandsdystunum í NM og EM kappingunum var tað ein bardagi fyri at avmarka støddina í tapunum. Vit tosaðu so við roynd- ar menn í hinum fótbóltssam- bondunum, sum eru við í hesum kappingunum. Eitt nú Hans Bruun Larsen úr Danmark, Nis- san Andersson úr Svøríki, Morten Olsen úr Noregi og Greg Simons úr Onglandi. Niðurstøðan var, at vit fóru miðvíst undir at menna spælararnar í staðin fyri bara at fokusera upp á at avmarka tapini. Hetta hevur verið gjørt um somu tíð, sum spælarar, sum bara kenna til graslíkisvallir, eru vaksnir upp, og tað hevur eisini í landsliðshøpi givið úrslit. Jógvan Martin minnist aftur á, at millum fyrstu spælararnar, sum hann hevði á unglingalandslið- num, vóru Rógvi Jacobsen, Jákup á Borg, Andrew av Fløtum og Christian Høgni Jacobsen. Síðani er úr 1981 árganginum komin Súni Olsen, frá 1983 árganginum hava Jón Rói Jacobsen og Hjal- grím Elttør og eisini Atli Daniel- sen verið á landsliðnum, Jan Ingi Petersen er frá 1984, og frá 1985 árganginum er millum aðrar Ingi Højsted, sum er í Arsenal. Summ- ir av hesum hava spælt m. a. ímóti Michael Owen og Joe Cole úr Onglandi og John Arne Riise úr Noregi. – Vit hava longu aðrar sera dugnaligar spælarar frá 1985 ár- ganginum í 1. deild. Nógvir av hesum vísa ábyrgd í eitt nú livi- hátti og kosti. Eg haldi ikki, at tað er veruleikafjart at rokna við, at teir, sum júst eru komnir á lands- liðið, og teir, sum eru á gáttini til landsliðið, fara at fáa møguleikan í HM ella EM endaspæli, heldur Jógvan Martin Olsen. Endaspælið er bara 6–8 ár burtur – Eg haldi, at vit hava góðar orsøkir til ikki bara at droyma um, men eisini at rokna við møguleikanum, at tað um eini 6-8 ár fer at eydnast føroyska landsliðnum at spæla seg í EM ella HM endaumfar, sigur Jógvan Martin Olsen, hjálparvenjari hjá føroyska landsliðnum. Mynd: Álvur Haraldsen EM-bólkur 5 Týskland, Skotland, Ísland, Litava og Føroyar 7. september 2002 Litava-Týskland 0-2 Føroyar-Skotland (Toftir) 2-2 10. oktober 2002 Litava-Føroyar 2-0 Ísland-Skotland 0-2 16. oktober 2002 Týskland-Føroyar 2-1 Ísland-Litava 3-0 29. mars 2003 Týskland-Litava 1-1 Skotland-Ísland 2-1 2. apríl 2003 Litava-Skotland 1-0 7. juni 2003 Skotland-Týskland Ísland-Føroyar 11. juni 2003 Føroyar-Týskland (Tórsvøllur) Litava-Ísland 20. august 2003 Føroyar-Ísland (Tórsvøllur) 6. september 2003 Ísland-Týskland Skotland-Føroyar 10. september Týskland-Skotland Føroyar-Litava (Toftir) 11. oktober 2003 Týskland-Ísland Skotland-Litava Landsliðið í EM Málskjúttar Eiður Smári Guðjohnsen Ísland 3 Tomas Razanauskas Litava 3 John Petersen Føroyar 2 Michael Ballack Týskland 2 Heiðar Helguson Ísland 1 Robertas Poskus Litava 1 Paul Lambert Skotland 1 Barry Ferguson Skotland 1 Christian Dailly Skotland 1 Gary Naysmith Skotland 1 Kenny Miller Skotland 1 Lee Wilkie Skotland 1 Miroslaw Klose Týskland 1 Carsten Ramelow Týskland 1 Sjálvmál 2 Støðan 1. Skotland 4 6-4 7 2. Týskland 3 5-2 7 3. Litava 5 4-6 7 4. Ísland 3 4-4 3 5. Føroyar 3 3-6 1 Óli Johannesen, Hvidovre 59 Jens Martin Knudsen, NSÍ 56 Allan Mørkøre, B36 54 Øssur Hansen, B68 51 Julian S. Johnsson, B36 47 Jens Kristian Hansen, B36 44 Todi A. Jónsson, FCK 43 John Petersen, B36 43 Jan C. Dam, HB 39 Kurt Mørkøre 37 Uni Arge 37 Henning Jarnskor 35 Jan Allan Müller 34 Jákup Mikkelsen, Molde 28 Kári Reynheim, Fram 27 Tummas Eli Hansen 27 Magni Jarnskor 27 Jóannes Jakobsen 25 Pól Thorsteinsson, B36 25 Jens Erik Rasmussen, FSV 25 Hesir hava spælt flest landsdystir Todi Jónsson, FCK 43 9 Uni Arge 37 8 John Petersen, B36 43 5 Jan Allan Müller 34 4 Jens Kristian Hansen, B36 44 3 Kurt Mørkøre 37 3 Øssur Hansen, B68 51 2 Christian Høgni Jacobsen, Vejle 14 2 Henning Jarnskor 35 2 Julian Johnsson, B36 47 2 Torkil Nielsen 18 2 Jens Erik Rasmussen, FSV 25 2 Kári Reynheim, Fram 27 2 Fróði Benjaminsen, B68 18 1 Jan C. Dam, HB 39 1 Hans Fróði Hansen, B68 23 1 Rógvi Jacobsen, HB 18 1 Óli Johannesen, Hvidovre 59 1 Allan Mørkøre, B36 54 1 Sjálvmál 2 Mál í alt 54 Málskjúttar á landsliðnum Spælari Dystir Mál Spælari Dystir Mál Spælari Dystir Mál Dystir í 2003 Vinardystur 27. apríl: Føroyar-Kasakstan, Tofta leikvøllir, Toftir Vinardystur 29. apríl: Føroyar-Kasakstan, Tórsvøllur, Tórshavn EM-dystur 7. juni: Ísland-Føroyar, Laugardalur, Reykjavík EM-dystur 11. juni 19:45: Føroyar-Týskland, Tórsvøllur, Tórshavn EM-dystur 20. august: Føroyar-Ísland, Tórsvøllur, Tórshavn EM-dystur 6. september: Skotland-Føroyar, Hampden Park, Glasgow EM-dystur 10. september: Føroyar-Litava, Tofta Leikvøllur, Toftir Soleiðis hevur tað gingið í altjóða dystum Kapping dystir vunnið javnt tapt mál HM 30 4 1 25 17-92 EM 31 3 5 23 20-84 Vinardystir 19 5 4 10 15-28 NM 4 0 1 3 2-6 Í alt 84 12 11 61 54-210 Á heimavølli 35 5 6 24 28-88 Á útivølli 38 5 3 30 19-100 Á uttanveltaðum vølli 11 2 2 7 7-22 Í alt 84 12 11 61 54-210 Fróði Benjaminsen, sum hevur spælt 18 ferðir á landsliðnum, hevur saman við liðfeløgunum nógvar spennandi uppgávur fyri framman. Stórdysturin ímóti Týsklandi í juni er helst mest spennandi dysturin í ár. Mynd: Álvur Haraldsen 2003 2003