týsdagur 1. apríl 2003síða 30

58 59 EYÐUN KLAKSTEIN Óli Johannesen er farin aftur til Danmarkar at spæla fótbólt. Eftir royndarvenjingar í Skot- landi og Kina, har einki ítøkiligt kom burturúr, valdi hann at flyta til Hvidovre, har hann áður hevur spælt – Eg og gentan hjá mær høvdu hug at flyta aftur til Danmarkar, og Hvidovre var áhuga at fáa meg til felagið at spæla, so tað endaði við, at vit gjørdu eina avtalu, sigur Óli. Í fjør spældi hann við TB, sum flutti úr bestu deildini, men lands- liðsmaðurin, sum hevur spælt flestar landsdystir, hevur nú tikið við eini størri avbjóðing. – Tað kennist gott at vera aftur í Hvidovre. Lagið er gott, hóast lið- ið er í botninum í 1. deild, og tað kemst kanska av, at teir spælarar- nir, sum nú eru á liðnum, hava ikki spælt felagið í hesa støðu. Hetta eru flest allir nýggir spælar- ar, sigur Óli. Hava repað seglini Hvidovre stríðist í botninum í næstbestu donsku deildini. Teir hava ligið undir strikuni, men tað er tætt millum tey aftustu liðini. – Vit trúgva upp á, at tað letur seg gera at spæla okkum úr niður- flytingarvandanum. Liðið er gott, og vit hava fingið nøkur góð úrslit her í seinnu hálvu, sigur hann. Ætlaninar vóru stórar í Hvid- ovre, seinast Óli Johannesen var har, men nú hevur felagið repað seglini, tí fíggjarliga baklandið er ikki so sterkt longur. Eingir spælarar hava fulltíðar- sáttmálar, og tað eru ikki eins nógv starvsfólk í felagnum annars. – Nógvir av spælarunum, sum nú eru í felagnum, eru komnir frá feløgum í lægri deildum. Teir vilja sleppa at royna seg í 1. deild, og eg haldi, at felagið hevur dug- að væl at savna eitt gott lið, sigur Óli Johannesen. Venjari í felagnum er Jan Christensen, sum er ein lutvíst ungur venjari. John Heri í felagnum Havnamaðurin John Heri Dam hevur eisini roynt seg í Hvidovre farnu mánaðirnar. Hann var við í hópinum til allar venjingardystir- nar, men síðani hevur hann verið eitt sindur óstøðugur til venjing- ina. Í Hvidovre rokna teir tó fram- vegis við føroyska spælaranum. Óli er komin aftur til øðrvísi felag – Vit trúgva upp á, at tað letur seg gera at spæla okkum úr niðurflytingarvandanum. Liðið er gott, og vit hava fingið nøkur góð úrslit her í seinnu hálvu, sigur Óli Johannesen. Mynd: Álvur Haraldsen Ambitiónirnar og virksemið er ikki longur tað sama, sum tá ið Óli Johannesen seinast var í Hvidovre, men føroyski lands- liðsspælarin trívist væl í felagnum EYÐUN KLAKSTEIN Jón Rói Jacobsen skal næstu mánað- irnar vísa, at hann hoyrir heima á superligaliðnum hjá Brøndby. Jón Rói hevur sáttmála við Brøndby fram til summarsteðgin, og hesa tíðina skulu partarnir hyggja nærri at hvørjum øðrum. Í Brøndby halda teir nógv av fótbóltsevninum hjá unga føroyska landsliðsmanninum, og gongur tað væl hjá Jón Róa í vár, ætlar danska felagið at gera sáttmála við hann. Spældi nógv Í fyrireikingini til seinnu hálvu av don- sku kappingini var Jón Rói nógv við hjá Brøndby. Hann spældi fleiri heilar dystir sum verjumaður, og hann slapp eisini at royna seg longri frammi á vøllinum í venjingardysti í Onglandi, og tá skoraði hann eisini eitt mál. Royndi Per Nielsen, sum onkuntíð er við á danska landsliðnum, er fastur maður í miðverjuni, og Jón Rói var upp á tal til hitt plássið. Tað er tó kapping um plássini, og higartil hevur Dan Anton Johansen spælt á hesum plássi. Jón Rói byrjaði inni fyrsta dystin eftir summarsteðgin, og tá spældi hann í høgru síðu í verjuni. Síðani hevur hann ikki spælt so nógv, men hann er við í kappingini um plássini á liðnum. Landsliðið Jón Rói hevur spælt bæði sum verju- spælari og álopsmaður í HB, men hann verður alsamt meira mettur at vera verjuspælari. Á landsliðnum hevur hann fingið plássið undir liðini á Óla Johannesen, og hesa uppgávu hevur hann røkt til lítar – til dømis í trupla útidystinum ímóti Týsklandi í fjørheyst. Jón Rói verður ein av berandi kreft- unum á landsliðnum komandi árini, og fær hann sáttmála við Brøndby kann hann leggja eitt gott grundarlag undir yrkisleið sína sum fótbóltsspælari. Jón Rói stríðist fyri plássinum Jón Rói Jacobsen, sum hevur fingið fast pláss í verjuni hjá føroyska landsliðnum, roynir nú at sannføra Brøndby um, at samstarvið millum partarnar skal halda fram eftir summarsteðgin. Mynd: Álvur Haraldsen Jón Rói Jacobsen er ikki vorðin fastur maður í Brøndby enn, men hann hevur spælt í superliguni, og næstu mánaðirnar skal hann vísa, at tað loysir seg hjá danska felagnum at gera sáttmála við hann 2003 2003