týsdagur 1. apríl 2003síða 31

60 61 Nóg illa var Kurt Mørkøre komin til Norra, so vóru boð eftir honum – bæði sum bakari og venjari. Og av og á brúkar hann Jákup Mikkelsen sum málmansvenjara í lítla felagnum Eide. HILMAR JAN HANSEN Ikki kann sigast annað, enn at Kurt Mørkøre fekk væl burtur úr fyrsta árið sínum sum venjari í føroyskum 1. deildarfótbólti. Gamaní tók tað tíð hjá KÍ at koma í gongd í fjør, og steypa- kappingin var liðug, næstan áðr- enn hon var byrjað. Men í lands- kappingini lyfti hann KÍ upp á bronsupláss. Tí væntaðu og vónaðu klaks- víkingar, at Kurt fór at halda fram, so stolta felagið í Norð- oyggjum kundi taka stigið víðari. Men flytifuglurin vildu tað øðr- vísi. Longu tvey umfør fyri kapping- arenda í fjør gjørdi Kurt Mørkøre felagnum greitt, at leiðin av per- sónligum áðum aftur gekk til Norra, og at hann tí ikki var tøkur til venjarasessin hetta kappingar- árið. Men hóast ongar ítøkiligar fót- bóltsætlanir vóru lagdar áðrenn fráferðina úr Føroyum, slapp Kurt ikki leingi at ganga arbeiðsleysur í Norra – hvørki so ella so. – Vit komu til Norra tann 7. oktober, og longu dagin eftir hevði eg fingið arbeiði sum bak- ari. Á hesum sama bakaríinum starvaðist ein, sum spælir við Eide, og soleiðis vildi tað til, at eg longu tann 9. oktober – triðja dag- in í Norra – hevði eg sett undir- skriftina undir ein sáttmála sum venjari hjá felagnum, greiðir Kurt frá. – Sáttmálin er galdandi í tvey ár og eg skal arbeiða sum venjari alt árið. Eg tók við liðnum tann 1. desember, og nú gleða vit okkum bara at koma í gongd við sjálva kappingina, ið byrjar 26. apríl. Vanliga spæla vit dyst leygardag, so tað órógvar heldur ikki baking- ina hjá mær stórvegis. Liðini misjavna dygd Eide spælir í norsku 3. deild, sum er fjórðbesta deildin í norskum fótbólti, og Kurt sigur hetta vera fótbólt á rættiliga breiðum stigi. Tey bestu liðini eru sum botnurin í føroysku 1. deild og tey vánalig- astu sum tey bestu í føroysku 3. deild. – Felagið er júst flutt upp úr 4. deild, og vónirnar vóru ongar um, at liðið skuldi annað enn upp at venda í 3. deild. Men nú vit hava vunnið átta av okkara ellivu venj- ingardystum, er hugburðurin broyttur nakað, greiðir Kurt frá. – Optimisman er blivin nakað størri, tí venjingardystirnir hava verið móti liðum, ið ikki skuldu verið verri enn vit. Eitt nú hava vit vunnið á onkrum liðið úr deildini oman fyri okkum. Tá fyrireikingarnar til komandi kappingarárið byrjaðu í Eide, vóru dygdirnar á liðnum rættiliga misjavnar, men av tí at nakrir spælarar eru komnir til felagið, eftir at eitt annað lið tók seg úr kappingini, hevur Kurt Mørkøre ein breiðan og javnt góðan hóp at arbeiða við. Sjálvur heldur hann, at fleiri av spælarunum á liðnum hjá Eide eru heilt góðir, og einir tríggir ella fýra av teimum høvdu sloppið á eitt og hvørt lið í bestu føroysku deildini. Hjálpandi hond frá Jákupi Eide liggur beint uttan fyri Molde, og tí hevur Kurt gott sam- band við ein annan klaksvíking á leiðini, Jákup Mikkelsen. Molde- málverjin hevur enntá hjálpt til við málmansvenjingini í Eide av og á, so teir samstarva javnan. – Tað er eingin trupulleiki fyri felagið hjá Jákupi, tí í Molde hava teir hava ein politikk, sum sigur, at teir heldur enn gjarna mugu hjálpa teimum smærru feløgunum í nærumhvørvinum, og tað er so komið okkum til góðar við góð- um ráðum frá Jákupi, sigur hann. Sjálvur er 34 ára gamli Kurt Mørkøre eisini virkin á vøllinum, og leiklutur hansara sum spælandi venjari hevur við sær, at hann spælir í miðverjuni á liðnum hjá sær. Nær vit skulu vænta at síggja nakað til Kurt aftur í føroyskum fótbólti, er ivasamt, tí fyribils hev- ur hann so henda tvey ára sáttmál- an at uppfylla í Eide. Men hann ivast ikki í, at hann verður fleiri royndir ríkari, tá ella um hann eina ferð vendir heimaftur til før- oyskan fótbólt: – Tað er sjálvandi eitt sindur øðrvísi at vera venjari her, men eg stórtrívist. Og tær royndir, eg fái her, skuldu bara gjørt meg til ein enn betri venjara, sigur bakarin úr Klaksvík at enda. Forkunnug er norska tilveran honum neyvan, tí gerandisdagurin er nøkulunda tann sami, sum hann hevur verið so ofta fyrr: Upp á miðjari nátt at baka og síðani ein blundur, áðrenn venjingin er á skránni. Kurt hevur úr at gera Í fjør var Ingi Højsted nógv skaddur, men nú spælir hann við fullari ferð og nærkast alsamt A- landsliðnum EYÐUN KLAKSTEIN Eingin føroyskur spælari spælir fyri kendar felag, enn ungi Ingi Højsted ger. Hann kann breggja sær av, at hansara felag er Arsenal. Enska stórfelagið telist millum tey bestu í Europa, og í heimligu kappingini í Ong- landi eru teir meistarar. Næstu vikurnar skulu teir verja hetta meistaraheitið. Ingi Højsted hevur sáttmála við Arsenal, og hann spælir fyri U-17 liðið hjá felagnum. Í fjør var Ingi nógv darvaður av álvarslig- um skaða, men í ár hevur hann spælt við fullari ferð, og tað hevur gingið væl hjá honum. Ingi trívist væl í Arsenal, og tað verður spennandi at fylgja unga spælaranum næstu árini. Tá ið A-landsliðið var á venjingarlegu í Spania fyrr í ár, var Ingi Højsted ein av spælarunum, sum var við á hesi venjingar- legu. Hann stóð seg væl, og tá ið Henrik Lar- sen fer at seta liðið til fyrra dystin ímóti Kasakstan síðst í hesum mánaðinum, kann tað vera, at Ingi Højsted kemur upp á tal. Landsliðsvenjarin ætlar nevniliga at brúka ungar spælarar í fyrra dystinum. Ingi trívist væl í Arsenal Kurt Mørkøre var venjari hjá KÍ í fjør, og tá ið hann fór aftur til Norra varð beinanvegin boð eftir honum sum venjari og bakari. Mynd: Álvur Haraldsen 2003 2003