hósdagur 17. apríl 2003síða 5

8 Nr. 75 - 16. apríl 2003 Nr. 75 - 16. apríl 2003 9 Á samfelagsstevnuni, sum brøðrasamkom- urnar kring Skála- fjørðin skipa fyri á páskum, verður leygarkvøldið skipað fyri stórum sangtil- taki, har ætlanin er at borðreiða við sangi fyri øll ættarliðini PÁSKASTEVNA Jan Müller Páskirnar eru ein av teim- um trimum stóru hátíð- unum í kristna heiminum. Í Føroyum sæst hetta aftur í, at nógv verður gjørt burtur- úr í kirkjum og samkomum. Vit hava í bløðunum seinastu dagarnar nevnt fleiri av tiltøkunum, sum verða á skránni. Brøðrasamkomurnar kring Skálafjørðin bjóða til sam- felagsstevnu á páskum. Tað eru samkomur á Skála, í Søldarfirði, í Saltangará og á Toftum. Samkomurnar eru felags um at skipa fyri. Skírisdag og Langa fríggja- dag verða samkomur í Nerija á Skála, og páska- aftan og páskadagarnar fer tað mesta at ganga fyri seg í ítróttarhøllini í Runavík. Har verða fundir leygar- kvøldið klokkan átta, páskadag klokkan 18 og 2. páskadag klokkan 16 og 19. 2. páskadag bjóða samkom- urnar øllum teimum, sum møta upp, eina máltíð ímillum teir báðar fundir- nar. Umframt felagssang verður á øllum fundunum eykasangur. Eitt nú skal sangkórið í Siloa í Fugla- firði, sum hevur manning úr fleiri plássum í Eysturoy, syngja 2. páskadag. Serlig tiltøk vera fyri børn og ung. Páskaaftan verður barnamøti í høllini, har søga, sangur og drama verður á skránni, og sunnu- dagsskúli verður í Berøa páskadag. Langa fríggja- kvøld og páskakvøld eru serlig tiltøk fyri ung á skránni í Berøa. Í ítróttarhølini í Runavík verður høvi at keypa góðan kristiligan lesna. Tað er bókasølan Logos í Havn, sum fer at hava eitt bóka- borð á stevnuni. Felagssangurin Leygarkvøldið klokkan tíggju verður serligt sang- tiltak á skránni, sum er ætl- að øllum ættarliðunum. – At tað verður sagt, at summi tiltøk eru fyri børn og onnur fyri ung ber ikki boð um, at øll ikki eru væl komin. Heldur vil tað siga, at skráin serliga er løgd av teimum ungu, og at hon er rættað ímóti hesum bólk- unum, men sjálvandi eru øll vælkomin, siga fyrireik- ararnir. Fyri tveimum árum síð- ani var skipað fyri sangløtu við fjølbroyttum sangi og tónleiki páskaaftan í ítrótt- arhøllini í Runavík. – Tiltakið varð sera væl fagnað. Fjøldin, sum møtti upp, var rættuliga stór. Tá vóru tað fleiri, sum søgdu seg sakna, at møguleiki var at syngja við. Roknað verð- ur við, at tiltakið, sum verð- ur klokkan tíggju páska- aftan, fer at vera einar tveir tímar, og ætlanin er, at um- leið ein hálvur tími skal brúkast til felagssang, siga fyrireikararnir. Sangúrvalið verður bæði sangir, sum serliga tey ungu plaga at syngja, og so teir góðu gomlu sálmarnir, verður sagt. Bæði ungfólk og meiri tilkomin fara at leiða felagssangin, og nógv verður gjørt burturúr fjøl- broyttum undirspæli. Luttakararnir Á sangløtuni fara sjey bólk- ar at luttaka: Salt, kvinnu- bólkur av Toftum, tveir ungdómsbólkar av Toftum, Tausen systkini av Toftum, Dupult kvartettin í Ebenez- er og Tripletrio úr Ebenez- er. Tá ið so nógvir ymiskir bólkar eru við, og tá ið ætlanin er at hava nógvan felagssang og tíðarkarmur- in er umleið tveir tímar, so sigur tað seg sjálvt, at íkast- ið hjá hvørjum einstøkum verður avmarkað. Summir bólkar fara at syngja ein og tveir sangir, og aðrir fara at syngja einar fðra sangir. Ætlanin er, at øll tey, sum skulu luttaka, skulu sita á pallinum og harvið vera við til at stuðla felagssangi- num, verður sagt av Skála- fjørðinum. Sangbólkurin Saltbrøður er serligur á tann hátt, at tey ofta framføra uttan undir- spæl. Soleiðis verður tað eisini leygarkvøldið. Tað kann kanska roknast við, at tey eru hampuliga væl fyri, tí tey fyrireika seg til kon- sertferð. Um góðar tvær vikur skulu tey til Skot- lands at luttaka í stórum sangtiltaki í Fraserburg. Dupult kvartettin og Triple trio í Ebenezer hava áður tikið lut í hesum árliga afturvendandi tiltakinum. Sambandið úr Fraserburg og til Føroya kemst upp- runaliga frá tí, tá ið skotar fyri mongum árum síðani fiskaðu við sluppum undir Føroyum og plagdu at vera á møti hjá samkomunum, eitt nú í Vági. Dupultkvartettin og Triple- trio í Ebenezer eru í holtur við at fyrireika ferð til Ong- lands. Frá 15. og til 19. mai skulu tey syngja á Gospel Music Convention í Whitby í Yorkshire. Har hava tey sungið tvær ferðir áður. Á stevnuni, sum hvørt kvøld- ið savnar eini 700 fólk, skulu tey syngja saman við bólkum úr t.d. Onglandi, Ír- landi og eisini USA. Í væl umtóktu Bill Gaider send- ingunum, sum eru at síggja í sjónvarpinum, luttaka fleiri, sum Dupultkvartettin og Tripletrio hava sungið saman við í Onglandi. Tausen systkini á Toftum eru Oddmar, Jaspur og Olivia. Tað hevur ikki verið so nógv at hoyrt til teirra trio seinnu árini. Men nú eru Jaspur og Oliva flutt úr Danmark og aftur til Toftir, og nú fara tey trð at syngja saman aftur. Kvinnubólkurin á Toftum hevur sungið tey seinnu ár- ini. Umframt á Toftum hava tær eisini sungið í fleiri øðrum samkomum. Fyri tveimum árum síð- ani varð fløgan Vit eru glað útgivin. Oddmar og Anita Tausen vóru útgevarar. Fleiri av sangarunum vóru av Toftum. Talan er um ungdómar, sum eru millum 14 og 20 ára gamlir. Á sangsamkomuni leygar- kvøldið fara tey at manna tveir sangbólkar. – Gleðiboðskapurin fer á samkomuni at verða boðað- ur ígjøgnum sangin, sum øll ætt arliðini kunnu savn- ast um, siga tey av Skála- fjørðinum, sum vænta nógv fólk og ætla at byrja stundisliga. Ættarliðini syngja saman Kvinnubólkurin av Toftum tá ið hann fyri einum ári síðani sang í Hebron á Argjum Ferðalagið, sum í 2000 var úr Ebenezer og vitjaði í Whitby. Borgarstjórin og Paul Wheater, sum skipar fyri stevnuni, eru her saman við føroyingunum. Fremst eru Jens Christian Guttesen, sangstjóri, og Alexander Samuelsen, ferðaleiðari. Sangbólkurin Saltbrøður. Aftast: Bárður á Lakjuni. Í miðjuni Eydna Jacobsen og Jóan Magnus Olsen. Fremst: Arnvør á Torkilsheyggi, Paula Jespersen og Elsubeth Lassaberg Í hesum døgum hava áhugaleikarar í Suðuroynni tikið stig til eina kabarett. Framført verður á Gistingarhúsinum í Øravík, so ein betri biti fæst eisini, um- framt skemt, men enn hava suðuroyingar ikki rættiliga raggað sær út um bygdar- garðin fyri at hugna sær við skemtileiki, hóast kabarettin hev- ur ymiskt skemtiligt at bjóða og er verd at vitja SJÓNEIKUR Dagfinn Olsen Gistingarhúsið við Á í Øra- vík er góður karmur um Suðuroyarkabarettina, sum í hesum døgum verður framførd. Hóast ofta hoyr- ist, at ov lítið er at fara til í útjaðaranum, so tykist ikki, sum tikið verður av øllum teim møguleikum, sum stinga seg upp. Fríggjakvøldið var kaba- rettin framførd. Møguleiki var at fáa sær ein betri bita undan skemtinum. Men bert eini 20-25 fólk sótu í salinum, tá tjaldið fór frá. Og tað kann ikki sigast at vera tekin um, at fólk keða seg ella hava ov lítið at fara til. Fynd í Men tað skal sigast leikar- unum til rós, at hóast tað er tungt at spæla skemtileik fyri fámentari fjøld, so eydnaðist at fáa láturvødd- arnar til arbeiðis. Hugnaliga umhvørvið, gott ljóð og ljós og livandi hugnatónleikur skapa trygg- an botn at byggja á hjá leik- arunum. Og samstundis liv- ir hetta upp til krøvini hjá áskoðarunum. Leikararnir hittust til skeið hjá MáF og gjørdu av at halda fram við einum hugskoti um lokala kaba- rett. Og væl hevur gingist. Har eru smáleikir ímill- um, sum fynd er í. Serliga kom láturin fram, tá røtt var um løgregluna, sum sjáldan er at hitta, um pizza, taxa- koyring, dálking, Jenis, Óla og Fiskimannafelag, Høgna, Annlis og mong onnur. Leikararnir komu væl frá sínum leiklutum. Sjálvi hava tey skrivað og lagt til- rættis. Evnini eru tey flestu aktuel. Áhugi, yrkisleikur, leikhús, útjaðari Skal hinvegin hvassi penn- urin finnast fram, so er eis- ini okkurt at festa á blað. Hóast vandin ofta er at gera av við spírandi list við ov hvøssum penni, so eru listafólk oftast fegin um vælmeintan kritikk. Og væl meintur er hann, tí áhuga- leikur er áhugaleikur og er sera kærkomin í hesum døgum, tá yrkisleikarar hava nógv um oyruni í leik- húsinum, sum liggur so langt frá útjaðaranum, og sum annars fekk kærkomn- ar vitjanir í teim døgum, tá vanligt var at ferðast við leikum. Sigast kann, at ferðin á leikinum var á leið sum heild, men har vóru løtur, tá ferðin var ov lág til slíkan skemtileik, kabarett. Flog krevur ferð og í løtum misti kabarettin flogið. Skal stutt gerast av við hvassa penni- num, so kann sigast, at tað at vevja longi í einum og sama stað ella evni ber ikki leikinum uppi. Kanska kundi ein vika verið nýtt afturat til síðstu betringar- nar. At stramma upp í leik- ritinum, eru kanska eini góð ráð, so tað er meira »ping pong«, meira ferð á samskiftinum millum leik- arar og pointini koma meira sum maskinbyrsuskot og ikki sum frá gamlari fugla- byrsu. Skiftini eiga eisini at fara skjótari fram og tað kunnu tey óivað, tí pallurin er ikki so trupul at fyrireika og arbeiða við. At enda kann hvesti pennurin minna á hárfína markið millum skemt, og so har skemt, leikarar og áhoyrarar ikki longur grynna og missa hvør annan burtur í tí, sum betri var ósagt, men tó sera skilligt. Tað er í grundini í hesum síðsta, at stórur partur av skemtileiklistini hevur grund- vøll og framdrift. Og so er tíð uppá at leggja hvesta pennin. Tað er so lætt at siga aftaná, at tað kundi verið betri og átti at verið so ella so. Sannleikin er, at Suður- oyarkabarettin borgar fyri góðsku og skemti. Og bæði leikur, tónleikur, leiklongd og ikki minst umstøður eru, sum ein kann ynskja sær. Áhugaleikarar, takk fyri stigið at seta upp kabarett- ina! Tungt er at framføra fyri fámentari fjøld. Um nøkur skomm er, so er hon ikki tykkara, men hana eigur fjøldin, sum ikki stuðlar við at vitja kabarettina, men heldur grenjar, tá einki er at hyggja at. Takk fyri hugnaliga og skemtiliga løtu fríggja- kvøldið. Framførið kaba- rettina fleiri ferðir og hald- ið fram sum leikbólkur, tí dugur er í. Suðuroyarkabarettin – verd at vitja C M Y K 9 8