týsdagur 1. apríl 2003síða 27

52 Nr. 79 - 26. apríl 2003 Nr. 79 - 26. apríl 2003 53 C M Y K 53 52 VIRKISLÝSING Ó. J. Rólantsson 1. mars í ár vóru 4 ár liðin, síðani Reklamuvirkið Petur & Petur lat upp. Teir báðir Petur Mohr Reinert og Petur Slyne, sum fleiri ár framm- anundan høvdu starvast saman á marknaðardeildini hjá Faroe Seafood, stovn- aðu virkið saman við fiska- søluni Farex, og reklamu- virkið kom tí at halda til í R.C. Effersøesgøtu 22, har Farex framvegis heldur til. Tá byrjað var, søgdu teir báðir, at endamálið við virkinum var at veita eina proffessionella og persón- liga viðgerð av marknara- føringsuppgávum við tøtt- um og álítandi samstarvi, har kundin kundi siga sína hugsan, uttan at klamsa við hurðunum. Í høvuðsheitinum kann sigast, at Petur & Petur, umframt at vera beinleiðis reklamuvirki hjá nógvum fyritøkum, við síni markn- aðardeild virkar sum markn- aðarráðgevi fyri hópin av stovnum og fyritøkum, framleiðir og umsitir frá smæstu upp til tær heilt stóru grafisku uppgávurnar og prentlutirnar. Stóru messurnar eru mest týðandi parturin av umsetninginum, har Petur & Petur tekur sær av bæði marknaðarføring, sølu og umsiting, umframt design. Søgan í stuttum Í január 2000 varð felagið gjørt um til partafelag, og eginpeningurin varð hækk- aður úr hundrað upp í fimmhundraðtúsund. Stutt eftir fær felagið til uppgávu frá Menningarstovuni at gera ein føroyskan bás á al- tjóða stevnu í Brússel. Hetta var í apríl, og í mei varð flutt í nýggj høli í Jónas Broncksgøtu. Til jóla verður felagið Petur & Pet- ur Publishing stovnað sam- an við Hanstholm Posten A/S. Endamálið er at geva Vikublaðið út. Í 2001 januar eiga Petur Mohr Reinert og Petur Slyne einsamallir Petur & Petur, og samstundis keypa teir 25% av eini prentsmiðju í Hanstholm, ið fær navnið Hanstholm Bogtrykkeri Í oktober 2001 verður egin skrivstovubygningur keyptur í miðbýnum, flutt verður í nýumvælda bygn- ingin í august 2002. Í oktober 2001 fær felagið til uppgávu at samskipa North Atlantic Fish Fair 2003. Í januar í ár selir felagið partabrøvini í Hanstholm Bogtrykkeri og keypir partabrøvini í Petur & Petur Publishing, soleiðis at Petur & Petur nú eiga 100% av partapeninginum í Viku- blaðnum. Í dag starvast 10 fólk hjá Petur & Petur og Petur & Petur Publishing. Felagið ger í dag marknaðarfør- ingsuppgávur fyri kundar sum t.d. Bónus, Elding, Faroe Seafood, Maersk, Føroya Banka, Føroya Fiskavirking, Havnar Timb- urhandil, Havnar Fótbólt, Hotel Føroyar, Menningar- stovuna, Miklagarð, Reyni Service, SMS, Trygd, Smyril Line, Burger King, Sunset Boulevard og Atlant- ic Fair. NorthAtlantic Fish Fair eitt stórarbeiði North Atlantic Fish Fair er ein sera stór messa, tvær hallir, trý tjøld, uttandura- framsýning, framsýning í bátahylinum, nýggja Norr- öna – umleið 250 framsýn- arar á nærum fimmtúsund fermetrum. Atlantic Fish Fair hesaferð er 30% størri enn seinast og hevur stóran altjóða áhuga. Messan verður hildin í Runavík í døgunum 29. apríl til og við 1. mai. Sein- ast vóru 212 framsýnarar, umleið helvtin vóru útlend- ingar. Fleiri enn 7000 gestir vitjaðu messuna, millum teirra umleið 560 útlend- ingar úr 19 ymsum londum. Roknað verður við tvær ferðir so mongum útlend- skum gestum hesaferð. Hotell og gistingarhús, bæði í Havn og í Eystur- oynni, eru at kalla fullsett hesar dagarnar, men nýggja Norröna kemur at liggja við kai í Runavík sum hotellskip. Umborð verða eis- ini fleiri fyrilestrar, pressu- fundir o.a. Úr Brússel til North Atlantic Fish Fair Petur Mohr Reinert, annar av stjóunumi í Petur & Pet- ur, sigur, at hetta við at fyri- skipa messur komst av, at Menningarstovan bað Petur & Petur um at gera føroy- ska felagsbásin á heimsins størstu fiskivinnumessu í Brússel. Hetta var ein áhugaverd, men sera stór uppgáva. – Hetta er nú fjóðra árið á rað, vit standa fyri hesum arbeiði, og í ár gera vit ein felagsbás upp á 256 fer- metrar við trettan føroysk- um fyritøkum. Í veruleika- num hevur Menningarstov- an verið høvuðssamskipari, men henda leiklut hava vit eisini yvirtikið nú, sigur Petur Mohr Reinert. – Petur Slyne og eg hava í veruleikanum báðir ar- beitt við messum síðani byrjanina av nítiárunum. Og í dag hava vit úr at gera á hesum øki. Vit fyriskipa eisini offshorebásin á olju- messuni í Aberdeen í august, og í september eru vit á Dan Fish í Ålborg saman við Atlantic Fair. Messan í Ålborg líkist Atlantic Fish Fair, og tað eru eisini teir báðir Áki í Skemmuni og Andrias Jacobsen, ið standa fyri før- oyska felagsbásinum, með- an vit standa fyri design og básbygging. Vit kunnu siga, at hetta er ein »avleggari« av tí framúr góða sam- starvinum við teir báðar. – Okkara arbeiði í sam- bandi við North Atlantic Fish Fair umfatar fyrst og fremst at gera eina markn- aðarføringsætlan og síðani at selja framsýningina. Hetta merkir luttøku á ótelj- andi messum í grannalond- um, Evropa og so langt burtur sum í USA og Kina. Vit hava vitjað ótaldar fisk- aríhavnir, havt fundir við nógvar kommunur, skipa felagsbásar og serbásar o.s.fr. Harumframt gera vit alt tilfarið, faldarar, formul- arar og brosjurur, vit umsita eisini ordarmóttøkuna og útvega útgerð til básar, um- framt design, sjálvandi, sig- ur Petur Mohr Reinert. Gott samstarv – Okkum hevur dámt av- bera væl samstarvið við Atlantic Fair. Áki og Andri- as eru menn, sum vita, hvat teir fara eftir og hvar teir gera. Runavíkin er sera væl egnað til slíka messu, tí har eru sera nógv viðkomandi virki á staðnum og í nánd. – Eitt nú halda útlending- ar, at tað er ótrúligt, at vit kunnu skipa slíka framsýn- ing í eini havn, har vit t.d. kunnu hava flótandi fram- sýningar. Tey eru ikki von við at síggja ein trolara »live«, men heldur eitt modell ella eina mynd. Sama er við framsýning av bátum og eitt nú aliringum í sínum rætta umhvørvi, sig- ur Petur Mohr Reinert at enda. Petur Mohr Reinert legg- ur aftrat, at nú góð 4 ár eru liðin, síðan fyritøkan varð stovnað, so sær í baksýni út til at hava gingið rættiliga nógv skjótari, enn teir báðir Slyne og Mohr Reinert nakrantíð roknaðu við. Í dag starvast 10 fólk hjá Pet- ur & Petur og Petur & Petur Publishing, um stutta tíð verða tey helst fleiri. At enda kann nevnast, at fiskimálaráðharrin, Jacob Vestergaard, er boðin at hava fiskimálaráðharrafund í sambandi við stevnuna i Runavik. Hann hevur tikið av, og eftir hvat skilst, so koma fiskimálaráðharrar úr fleiri londum á fund í sam- bandi við stevnuna. Petur & Petur: Nýtt virki við drúgvum royndum Frá smálýsingum til heildarkonsept, frá hugskoti til marknaðarføring. Teir byrjaðu tveir, nú eru tey 10. Petur Mohr Reinert leggur aftrat, at nú góð 4 ár eru lið- in, síðan fyritøkan varð stovnað, so sær í baksýni út til at hava gingið rættiliga nógv skjótari, enn teir báðir Slyne og Mohr Reinert nakrantíð roknaðu við. Í dag starvast 10 fólk hjá Petur & Petur og Petur & Petur Pub- lishing, um stutta tíð verða tey helst fleiri.