týsdagur 29. apríl 2003síða 6

10 Nr. 80 - 29. apríl 2003 Nr. 80 - 29. apríl 2003 11 Í dag setur løgmaður fiskivinnustevnuna ”North Atlantic Fish Fair” í Runavík. Hetta er aðru ferð, at tað verður skipað fyri hesum stóra og slóðbrótandi tiltakinum í Eystur- oynni. Á stevnuni luttaka nógvar føroyskar og útlendskar fyritøkur og framleiðarar og fara uttan iva fleiri túsund føroyingar at leggja sær leiðina framvið høllini í Runavík stevnudagarnar. NÚ er tað sum so ikki nakað nýtt at skipa fyri framsýningum av ymsum slag í Føroyum. Men tað nýggja við hesum tiltakinum er støðið og støddin. At fyrireikararnir hava tikið stig til eitt afturvendandi tiltak, sum fevnir um okkara høvuðsvinnur, fiskivinnu og aling og har útlendski parturin er týðandi er at fegnast um. Hetta at føroyskar og út- lendskar fyritøkur kunnu sýna fram lið um lið hevur eisini nógv at siga fyri føroysku framleiðararnar og tær fyritøkur, sum marknaðarføra ymsar vørur við tilknýti til okkara høvuðsvinnur. Hetta gevur íblástur – hetta at kappingarneytar eisini kunnu hittast í einum góðum umhvørvi umframt at føroyski brúkarin hevur atgongd til vørur og tænastur, sum hann annars ikki er vanur við at síggja dagliga. Fyrireikararnir siga endamálið við framsýn- ingini vera at skapa møguleikar hjá føroyskum fyritøkum við tilknýti til fiski- og alivinnuna at sýna fram sínar tænastur fyri altjóða marknaðinum – á heimavølli. Og á henda hátt í størri mun kunna um Føroyar og tær fjøltáttaðu vit kunnu veita á hesum øki. Áhugavert er tað eisini, at okkara nýggja flaggskip Norrøna verður partur av til- takinum. Hetta kann vónandi eisini vera við til at skapa áhuga millum føroyingar og út- lendingar at troyta teir møguleikar, sum hetta stóra ferðamannaskipið gevur. Her verður bæði hugsað um ferðafólk og farm. Sosialurin verður eisini við á fiskivinnu- stevnuni við egnum bási.Vit halda tað hevur týdning fyri allar partar, at fjølmiðlar eru á staðnum alla tíðina og ikki bara koma fyri síðani at rýma aftur. Vit fara at gera okkara til at dekka fiskivinnustevnuna í blaðnum og á netinum alla vikuna og vilja vit við hesum ynskja øllum eina góða fiskivinnustevnu. DAGSINS MEINING Sosialurin Gott tiltak VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Ingrid Bjarnastein ingrid@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Ingi Rasmussen ingi@sosialurin.fo Magnus Gunnarsson maggi@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 225429 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Játtanir í óðum verkum Jógvan Arge Løgtingsmaður fyri tjóðveldisflokkin Heðin Mortensen er vorðin so skrivandi, síðani hann kom aftur úr páskafríi. Sum ein av ímyndunum av kommunala hurlivasanum á Vaglinum er hann av øllum farin at slongja um seg við ákærum. Samstundis verður roynt at draga býráðspolitikk í Havn upp í løgtingspolitikk við teimum ivasomu fylgj- um, sum tað kann fáa fyri borgararnar. Hetta hendir m.a. í sam- bandi við eitt uppskot frá sambandsflokkinum um, at landið skal veðhalda fyri 87 milliónum krónum til at byggja Tekniskan Skúla og partvíst Handilsskúla, ið fara at kosta landskassan- um omanfyri 100 milliónir krónur. Aftrat veðhaldinum skal landskassin einsamallur sambært uppskotinum gjalda allar hesar meir enn 100 milliónirnar sum studning til raksturin hjá somu skúlum tey komandi 25 árini. Hækkingin í rakstrar- studninginum skal brúkast til at gjalda avdráttir og rent- ur aftur við, sum landskass- in fyrst hevur veðhildið fyri. Tað hevur fyrr verið roynt í ólukkumát at rista breiðar álir av landskassan- um. Vit í tjóðveldisflokkinum ásanna, at Tekniski Skúli, Handilsskúlin og fleiri mið- námsskúlar í Havn og aðra- staðni í landinum hava brúk fyri betri hølis- og arbeiðs- umstøðum. Tá vit koma til tann fíggjarliga partin, er okkara grundsjónarmið, at fram- tøkini skula sampakka við tann almenna íløgukarmin hjá landinum. Vit hava eisini ta støðu og ætlan, at játtanin á fíggj- arlógini til íløgur í slíkar skúlar skal økjast munandi komandi árini, so hvørt sum longu samtyktar íløgur í onnur málsøki hæsa av. Verður mannagongdin, at stórur partur av íløgunum í eitt nú skúlar fer sum veðhald og studningur langt fram í tíðina uttanfyri íløgukarmin, sum ætlanin er við sambandsuppskotin- um hjá teimum báðum Jóh- an Dahl og Heðin Morten- sen, er skjótt at koyra landið aftur á ørmundar- hús. Har ein skriðan er lopin, er onnur sum kunnugt væntandi, og fyri so høgan prís plagdi ikki at vera skilagott at handla í óðum verkum. Vandalisma? “í samband við gerð av ríðibreyt niðri við vatn” Holgar Jacobsen Viðmerking til grein í Dimmu 16/4-03. Eg havi ofta lisi greinar í Sonni Jacobsen hevur skriva, við stórum áhuga, hann er jú ein skrivandi maður, so- leiðis var eisini ein miku- dag fyri stuttum, tó so,tá gjørdist eg sera skelkaður?. Tí hesar reglur. Eg veit satt at siga ikki hvat Sonni vil við hesari skriving, í hann hevur um virksemi hjá Vága ríðingar- felag, ella sum hann sjálvur nevnir “rossamennirnir”. Tí sum greinin er skriva, vísir hann ein mótvilja móti Vága ríðingarfelag gjøgn- um alla greinina, og ein so nógv skrivandi maður sum Sonni átti ikki at lati hettar komi fram við síni skriv- ing, so klárt. Eg trúgvi satt at siga ikki, at tað er flúgvarabedingin í Sonni er so keddur yvir, um so var, hevði hann fyri langari tíð síðan havt gjørt vart við seg sum formaður í Sørvágs bygdasavni, tí flúgvarabedingin hevur ikki sæð so gott út, sum hann nevnur í brævinum, slett ikki, tí síðan krígslok hava teymarnir í ganga út frá henni “tað er har í banin liggur” verði karmur um órudd av trolum, lemmun, avfresaðum asfalit v.m. Teir heyggjar í nú eru slættaðir, eru ikki nattúrheyggjar, men gjørdir av maskinum undir seinna heinsbardaga. Annars er ikki nógv av flúgvarabedingini lagt undir, bert tveir teymar og ein partur av bakkanum, so tey søguligu virðini hava neyvan fingi skaða av tí orsøk. Tá tú tosar um banan longri uppi, skilji eg teg slettis ikki, hann liggur oman á gamla bygdavegn- um til Sørvágs í uttan iva man verða eitt fornminni, og at gerða ein ringbana har, hevði skemma náttúr- una óneyðuga nógv ,har er jú stórur jarðarmunur,so har hevði tú sum formaður í Sørvágs bygdasavni verði noyddur at mótmælt, og eg hevði tá verði púra samdur við tær, eisini hevði verði trubult at fingi neyðugu loyvini frá avvarandi mynd- ugleikum, um leiðu v.m. Eg skilji slettis ikki at tú sum formaður í Sørvágs bygdasavn ferð í bløðini við hesum málið, áðrenn tú hevur tosa við avvarandi mynduleikar fyrst, men sjálvandi eru ymiskir mátar at frambera síni sjónarmið. Annars kann eg siga, at eg ikki eri í nevndini hjá Vága ríðingarfelag, so hendan viðmerkingin er frá mær sjálvum, men sum limur í felagnum eri eg glaður fyri at banin er kom- in, og vón mín skal verða at nógv fólk fáða gleði av hesi breyt í frammtíðini, tað verður seg ríðingarfólk og onnur í vilja njóta náttúr- una í hesum avbera vakra umhvørvi, tó spell er at summi fólk altíð mótmæla, tá okkurt verður gjørt, um tað er persónligum orsøk- um, peningaligum ella bara fyri at verða hoyrd,skal verða ósagt. Hettar er ein endalig viðmerking til greinina hjá tær Sonni, eg ætli mær ikki út í nakað blaðkjak, tí tað tími eg slett ikki. Hava ávísir politikarar einki lært av búskaparkreppuni ? Kristina Háfoss Fíggjarpolitiska fram- søgufólk Tjóðveldisfloksins ”Vit skulu læra av okkara feilum”. Soleiðis verður ofta tikið til - og kunnu øll taka undir við hesum. Men tíverri er nógv, ið bendir á, at nógv av teimum umboðum, ið sita á Løgtingi, ikki hava lært av teimum feilum, ið vórðu gjørdir fyri bert fáum árum síðan. Tí í hesu vikuni skal Føroya Løgting taka støðu til eitt uppskot frá Sambands- flokkinum, ið snýr seg um, at landið nú aftur skal til at taka lán, veita veðhald og víkja frá prinsippinum um, at rinda ’kontant’fyri almennar íløgur og prinsippinum um at útreiðslur og virksemi skulu fylgjast at í einum ári. Harvið verður eitt av høvuðs stýr- ingsamboðunum í føroyska búskaparpolitikkinum blakað fyri borð og farið verður aftur til 80’ara politikk. Skúlabygging skal fíggjast við skili Samgonguskjalið sigur m.a., at í hesum valskeiðnum skal farast undir ymsa skúla- bygging - eitt nú bygging av Tekniska skúla og Studenta- skúla í Tórshavn. Og so verður. Men hesar byggingar skulu eins og allar aðrar fíggjast við skili og í trá við ta játtanarskipan, ið vit hava í dag. Eina játtanarskipan, ið tryggjar at landsins útreiðsl- ur mynda tað virksemið, sum er í tí ári tær verða játt- aðar av Løgtinginum, og at landið harvið hevur møgu- leika at stýra almenna virk- seminum og føra ein bú- skaparpolitikk.. Men hesum taka allir løg- tingslimir eftir øllum at døma ikki undir við. Tí í mars mánaða legði Sam- bandflokkurin fram uppskot um at veita landskassaveit- ing til fígging av yrkisút- búgvingarskúlum í Tórs- havn. Ætlanin er, at lands- kassin skal veita veðhald fyri 87 mió. kr., ið skulu nýt- ast at fíggja nýggjan Tekn- iska skúla í Tórshavn. Ikki lántøku og veðhald – tí… Uppskotið hjá Sambands- flokkinum, ið merkir, at landið aftur fer at fíggja íløgur við lántøku og harvið afturrindan eftir fleiri árum – heldur enn at rinda ’kont- ant’ - má ikki gerast veru- leiki av fleiri orsøkum: • Sambandið millum landsins útreiðslur og virk- semið hvørvur • Harvið hvørvur møgu- leikin fyri stýring av al- mennum íløguvirksemi, ið er eitt av høvuðs stýringsam- boðunum í almenna búskap- arpolitikkinum. • Landskassin verður bundin til fastar útreiðslur til rentur og avdráttir í eitt langt áramál. Harvið verður ikki møguligt at laga íløguút- reiðslurnar ár undan ári í mun til búskaparstøðuna og landsins inntøkur. • Landskassin fær stórar og óneyðugar eykaútreiðslur til rentur. Hetta eru útreiðsl- ur, ið annars kunnu verða nýttar til skilagóðar íløgur. Tí tað er ikki peningur í manglar. Landið eigur í dag um 2,5 mia. kr. í tøkum pen- ingi og kann rinda allar íløg- ur kontant. Men roynt verður at býta og avmarka almenna íløguvirksemið soleiðis, at almenna virksemið ikki av- lagar virksemið og kostnað- arstøðið í landinum og so- leiðis at føroyski búskapurin ikki gerst ov ’upphitaður’. • Somuleiðis vil eitt und- antak tá umræður lántøku fyri ein sjálvsognarstovn – í hesum førum Tekniska skúla - merkja, at eitt ovurstórt trýst kemur á alla ta polit- isku skipanina um at seta gongd á hópin av byggivirk- semi. Hetta tí tað við lántøku kann kennast ’bíligt’ pr. ár – men kemur tó at binda fíggj- arorku í eitt langt áramál og kosta landinum eina mun- andi størri upphædd. • Øll eiga at verða líka fyri lógini. Sleppur ein sjálvs- ognarstovnur sum t.d. Tekn- iski skúli at fíggja íløgur við lántøku – ja, so eiga aðrir somuleiðis at fáa henda møguleikan. Og hetta kemur at merkja, at alt sum eitur stýring av føroyskum virk- semi og búskapi hvørvur. Er hetta nakað, ið føroyskir politikarar ynskja ? Undir 1. viðgerð av málinum í Løg- tinginum tók ein meiriluti - Sambandsflokkurin, Javnað- arflokkurin og partar av Fólkaflokkinum - undir við uppskotinum, men vónandi verður annað skil, tá komið verður til 2. og 3. viðgerð av málinum. Annars sær svart út, tá umræður at ’læra av feilum’. Lántøka er ikki alternativ fígging Undir 1. viðgerð varð av upp- skotstillaranum m.a. tosað um, at neyðugt verður við alternativari fígging. Men tað skuldi verið øllum kunnugt, at lántøka í øllum førum ikki er nakað nýtt og alternativt. Somuleiðis varð víst á, at undirsjóvartunlarnir, hava fingið møguleika at fíggja virksemið yvir eitt langt áramál. Kjakað kann verða um, hvørt tað var rætt at nýta henda fíggingarhátt, men undir øllum umstøðum kun- nu hesar íløgur ikki saman- líknast við eitt nú skúlabygg- ing. Undirsjóvartunlarnir vórðu stovnaðir sum partafel- øg og verða partvíst inntøku- fíggjaðir umvegis bumm- gjøld. So er og verður ikki við skúlum, sjúkrahúsum, ellis- og røktarheimum o.l. Raðfesta bygging inn- an skúla-, almanna- og heilsuverk Seinastu árini er nógv tann størsti parturin av íløgu- karminum nýttur til tunnlar, vegir, skip og samferðslu- økið sum heild. Nú er tað al- manna-, heilsu- og útbúgv- ingarøkið, ið eigur tørn. Nevnast kann, at komandi árini verða íløgur gjørdar í ellis- og røktarheim fyri um 19 mió. kr. (+19 mió. kr. frá kommununum) um árið, meðan 35-45 mió. kr. um árið fara til sjúkrahúsverkið og ein enn størri upphædd til skúlabygging. Tá umræður skúlabygging standa Miðnámsskúlin í Vági og Sjódepilin í Vest- manna á skránni í ár, og farið verður somuleiðis undir at fyrireika bygging av Mið- námsdepli (Tekniskur skúli, Handilsskúli og Studenta- skúli) í Tórshavn, Listaskúla á Sandoynni og útbygging av Tekniska skúla í Klaksvík. Alt í alt verða hesar bygg- ingar mettar at kosta umleið 380 mió. kr. yvir eitt áramál. Hetta svarar til kostnaðin av einum undirsjóvartunli ella einum Suðuroyarskipi við samferðsluhavn. Ongin forðing fyri skilagóðari fígging Í ár er samlaði íløgukarm- urin hjá landinum 283 mió. kr. – harav 125 mió. kr. í ár fara til íløgur í Suðuroyar- skipið og samferðsluhavnina í Trongisvági. Nú Suður- oyarskipið verður goldið komandi ár kann hesin part- ur av íløgukarminum ella góðar l00 mió. kr. verða sett- ar av til skúlabygging fylgj- andi 4 árini. Um so verður gjørt, verður komið á mál við omanfyrinevndu skúla- bygginum eftir fáum árum, og tá verður talan um fígging innanfyri landsins íløgu- karm og uttan at órógva bú- skaparstýringina. Tí er ongin fíggjarlig forðing fyri at fara undir skúlabygging, ið verð- ur fíggjað við skili. Búskaparstýring – fortíð ella framtíð ? Tekur meirilutin av Føroya Løgtingi undir við uppskoti Sambandsfloksins, ið merkir eitt farvæl til eitt av høvuðs stýringsamboðunum í før- oyskum búskaparpolitikki – ja, so er als ikki talan um nakra tænastu – men eina bjarnatænastu fyri føroyska samfelagið. Hetta er bert eitt av døm- unum um, at nógv bendir á, at hugsanin frá 1980’unum er við at sníkja seg innaftur um tinggátt. Tað tykist sum onki er óført og verða atlit í alt ov lítlan mun tikin til, at búskaparvøksturin av álvara minkar longu í ár. Tos um meira almennan studning til vinnulívið, umframt lántøku og veðhald til íløgur eru bert nøkur dømi. Greitt er tó, at so leingi Tjóðveldisflokkurin situr við landsins leiðslu verður hetta ikki veruleiki. Tí vit hava lært av búskaparkreppuni - ið rakti alt samfelagið so meint fyri bert fáum árum síðan - og fara at virka fyri, at tryggja vælferðarsamfel- agið eitt nú umvegis skila- góðar íløgur á almanna-, heilsu- og útbúgvingarøkin- um og umvegis trygga og málrættaða búskaparstýring. Grov villeiðing um skúlabygging frá andstøðuflokkunum Høgni Hoydal, landsstýrismaður í mentamálum Í fjølmiðlunum seinastu dagarnar hava umboð fyri andstøðuna ført fram, at landsstýrið forðar fyri bygging av tekniskum skúla í Tórshavn, og at landsstýrismaðurin í mentamálum arbeiðir við “skúlapakkum”, sum vit kendu tað í 80’unum. Ónevndir samgongulimir eru endurgivnir fyri at siga, at íløgurnar í skúlar, sum landsstýrismðaurin hevur lagt fram, kosta omanfyri 700 milliónir krónur. Hetta er alt tikið úr leys- ari luft og er grov villleið- ing. Slíkir ósannir upplýs- ingar kunnu bert hava til endamáls at skapa politiska spjaðing, at seta skúlar upp móti hvørjum øðrum og at tæna seráhugamálum og lokalpolitiskum klandri. Veruleikin er hesin: Samgongan hevur seinastu 5 árini arbeitt eftir eini langtíðarløguætlan. Tað er alneyðugt, um virksemið ikki skal ovurhitast í summum pørtum av landin- um og um føroyski búskap- urin ikki aftur skal rennast um koll. Eftir íløguætlanini hava íløgur í samferðslukervið, nýtt landssjúkrahús og nú eisini íløgur innan eldrabú- staðir og bústaðir til fólk við serligum tørvi, staðið fremst. Avtalað er, at komandi árini skal skúlabygging raðfestast fremst á íløgu- ætlan landsins, saman við almanna- og heilsuøkinum. Tað er í tøkum tíma, tí íløgur í miðnámsskúlar og hægri útbúgving eru ikki gjørdar seinastu 20-25 árini í Føroyum, og viðurskiftini eru út av lagi vánalig hjá flestu miðnámsskúlum. Í tí sambandi havi eg lagt eina ætlan fyri samgongu- flokkarnar, sum skal tryggja, at allir teir mið- námsskúlar, ið hava so bráðneyðugan tørv á ný- bygging ella útbygging verða viðgjørdir eins, og at gongd kann setast á ætlaðu íløgurnar. Talan er um: - Miðnámsskúlan í Suður- oy - Fiskivinnuskúlan í Vest- manna - Tekniska Skúla, Stud- entaskúla og Handilsskúlan í Tórshavn - Ein minni útbygging á Tekniska Skúla í Klaksvík - Og listaskúla í Sandoynni Hetta eru 5 verkætlanir, sum eru væl kendar og hava havt upphæddir á fíggjarlógini til fyrireiking. Bert í einum føri er talan um ein nýggjan skúla, nevniliga listaskúlan í Sandoynni. Sostatt er ikki talan um nakran skúla- pakka, men um at fremja tað, sum er avtalað á lang- tíðaríløgu landsins. Eftir uppskoti mínum verður farið undir tvær íløg- ur í ár og hinar tríggjar næsta ár. Øll tey, sum hava bíðað so leingi, kunnu altso síggja veruligan glotta fyri stavn. Íløgurnar eru ymsar í vavi og tær størru strekkja seg sjálvsagt yvir fleiri ár. Tað snýr seg um eina upphædd á íløguætlan landsins til skúlar uppá í miðal 38 mió. kr. árliga komandi tíggju ára skeiðið. Tað er umleið ein fjórðing- ur av íløgukarmi landsins. Tey komandi 10 árini er upphæddin til miðnáms- skúlar tilsamans góðar 380 mió. kr. sambært uppskot- inum. Hetta svarar á leið til ein undirsjóartunnil um eitt 10 ára skeið, og er sostatt als ikki nøkur stór upphædd í landsins løguætlan í mun til tað, vit seinastu 5 árini hava brúkt til tunlar, vegir, havn- ir og skip. Málið er, at vit á landsins fíggjarætlan megna at seta skúlabygging fremst saman við íløgum innan almanna- og heilsuverkið, nú íløgur í samferðslu hava tikið bróðurpartin av játtanini seinastu 5 árini. Viðvíkjandi byggingini í Tórshavn, snýr uppskotið seg um eina loysn, sum setur bæði Tekniska Skúla, Studentaskúla og Handils- skúlan javnt, og ikki upp móti hvørjum øðrum. Og í løtuni verður fundast við skúlaleiðslur og stýrini fyri skúlarnar til tess at pro- sjektera og fremja bygging- ina soleiðis, at allir skúlarnir kunnu liva við tí. Uppskotið hjá sambandsflokkinum Uppskotið hjá sambands- flokkinum - sum eisini javnaðarflokkurin sigur seg taka undir við – snýr seg bert um at gera eina serloysn fyri Tekniska skúla og Handilsskúla í Havn. Eftir uppskotinum skal landskassin veðhalda fyri lánum uppá 87 mió. kr., sum skúlarnir skulu taka, men landskassin skal sjálvur gjalda lánið aftur við rentum. Bara renturnar av upp- skotinum hjá sambands- flokkinum er nóg mikið til at fíggja tildømis fiskivinnu- skúlan í Vestmanna. Sostatt skal skattgjaldarin rinda líka nógv í rentum til ein fíggingarsto, sum vit annars kundu bygt skúlar fyri. Fáa summir skúlar ser- sømdir við, at landskassin skal fíggja teir uttanum íløgujáttan landsins við rentum, so elvir hetta til dýrari loysnir, vantandi bú- skaparstýring, ójavna við- ferð og klandur og stríð millum skúlar og økir í landinum. Tí verður staðiliga heitt á andstøðuflokkarnar og tær ónevndu røddirnar í sam- gonguni um at gevast við klandrinum og spjaðingini, og heldur taka undir við at raðfesta skúlabygging á fíggjarlógini, soleiðis sum skotið er upp, og soleiðis sum mentanarnevnd Løg- tingsins varð kunnað um á fundi 24. apríl. Tað gagnar ikki bert teimum fáu útv- aldu, men øllum skúlunum í landinum. C M Y K 11 10