leygardagur 3. mai 2003síða 4

6 Nr. 84 - 3. mai 2003 Nr. 84 - 3. mai 2003 7 Annikka og Poul Færø úr Klaksvík høvdu verið gift í 25 ár tann 28. apríl. Og tann 26. hildu tey dagin, og ikki færri enn 750 gestir vóru til veitsluna, sum varð hildin í KÍ høllini SILVURBRÚDLEYP Solby A. Eliasen Tað er kalt og grátt í veðr- inum. Ein skuldi trúð, at tað var í novembur, men so er tað í apríl. Onkur vil vera við, at tað er lambasprænin, sum nú er komin. Um so er ella ikki, skal her ikki verða sagt, men undir øllum um- støðum, so er tað ikki kalt inni í hugnaliga heiminum hjá Annikku og Poul Færø á Jørundsgøtu í Klaksvík. Poul situr við borðið og lesur Sosialin, meðan Ann- ikka ger kaffi og setur á borðið. Lagið er gott á teimum báðum, og tað sást á øllum brøgdum, at tey eru væl nøgd við teirra stóra dag, sum júst er farin fram- við. Annikka hevur fram- vegis silvur í hárinum, sum varð sera vakurt uppsett til dagin. Dagurin eydnaðist til fulnar hjá teimum báðum, og allir gestirnir lótu væl at. Stórt silvurbrúdleyp Líka frá stutt eftir, at tey vórðu gift í 1978, hevur Poul tosað um, at hann gleddi seg til silvurbrúd- leypið. - Hann hevur allatíðina tosað um, at silvurbrúd- leypið skuldi verða stórt, greiðir Annikka frá. Hon helt sjálv, at tað ljóðaði av øgiliga nógvum í fyrstuni at fara at leiga KÍ høllina til dagin, men tá tað avtornaði, so var onki annað høli í Klaksvík, sum var nóg stórt til at hýsa teimum mongu, sum komu at heiðra parin- um á degnum. - Eg var burtur, tá bílegg- ing av hølum fór fram, men vit vóru samd um, veitslan skuldi standa í Betesda - og um tað blivu ov mong til tað, so fóru vit í KÍ høllina, sigur Poul. Annikka setti seg so í samband við fyri- støðumannin í KÍ høllini og bað um at fáa høllina hetta vikuskiftið. Tað var ongin trupulleiki, og so var bara at bíða, til fólk byrjaðu at tekna seg. Rættuliga skjótt var greitt, at Betesda fór at verða alt ov lítið. Tá talið fór upp um tey 400, vistu tey, at tey fóru at halda tað í KÍ høllini. Men talið bleiv við at vaksa og steðgaði ikki fyrr enn tað var farið upp um 700. Og seinasta leygarkvøld sessaðust 750 gestir við tey mongu og vøkru borðini í eini sannari veitsluskríddari KÍ høll. - Eg kendi øll sum vóru har á navni, sigur Poul, meðan Annikka má við- ganga, at hon ikki kendi øll. Men meginpartin kortini. Poul ferðast nógv kring landið sum trúboðari. Og somuleiðis vitjar hann mong menniskju bara av sínum eintingum, og tískil er hann kendur víða hvar. Og tað mundi eisini gera sítt til, at gestirnir gjørdust so nógvir í tali. Tey bæði viðganga, at tað vóru teir stórslignu ábyrgd- ararfundirnir hjá Norðoya Sparikassa, sum vóru íblásturin hjá teimum til at halda veitsluna í KÍ høllini. Og tað var sami frálíki kokkurin, sum stóð fyri matgerðini. Undir borðhaldinum var undirhald av ymsum slagi. Umframt nógvar og góðar røður, so sungu fýra kór. Eitt kvinnukór av Toftum, Betesdakórið, Ebenezer- kórið og so eitt manskór úr Betesda. – Tað seinasta setti rættu- ligt lív í, siga tey bæði. Eftir hesa lítlu konsertina hevði Assa, dóttir Annikku og Poul, sett eina lítla mótasýning saman, har hon og nakrar vinkonur úrval av gomlum kjólum hjá Ann- ikku fram. – Annikku dámar væl at goyma gomul klæðir, so tað var stuttligt at síggja allar tær ymisku útgávurnar av henni gjøgnum hesi 25 ár- ini, sigur Poul og hyggur upp á Annikku. Vakurleiki í fólkinum So flott og so vakurt sum alt var í høllini hetta kvøld- ið, so heldur Poul tó ikki, at vakurleikin kom til sín rætt, fyrr enn fólkið var komið í høllina at sita. - Tástani sást, hvussu vakurt og hugnaligt tað í veruleikanum var, sigur Poul, og hann leggur aftur- at, at tað er ótrúligt, sum nógv fólk hava hjálpt til. - Og so at síggja, hvussu glað tey tóktust fyri at hjálpa okkum, tað vermir, leggur hann afturat og Ann- ikka nikkar samtykkjandi. Bæði vilja tey ikki taka nakran fram um, men tey rósa bæði fyrstøðumannin- um í KÍ høllini fyri hansara hjálpsemi. Bæði eru tey samd um, at kvøldið eydnaðist til fulnar. Nógv fólk kom og eisini avbygdafólk, og øll sluppu heimaftur, tí Dúgvan sigldi eftir veitsluna. Tað vildu tey fegin, tí annars høvdu tey flestu av bygd farið av- stað aftur, áðrenn borðhald- ið var heilt liðugt. Poul og Annikka sita bæði her nú eftir, at dagurin er farin framvið móð og troytt, men so hjartans feg- in og takksom, tí so mong hava gjørt so nógv fyri at gleða tey á teirra silvur- brúdleypsdegi. 25 ár í stórum stíli Annikka og Poul Færø hildu eitt stórsligið silvurbrúdleyp í KÍ høllini leygarkvøldið 26. apríl Mynd: Steinvør Fonn 750 fólk til borðs í KÍ høllini seinasta leygarkvøld Mynd: Steinvør Fonn Lógin um viðgerð av persónsupplýsingum verður ikki broytt í hesi tingsetuni. For- maðurin í Rættar- nevndini, Jógvan á Lakjuni, valdi heldur at súlta málið enn at bera tað ófullfíggjað til 2. og 3. viðgerð. Uppskotstillarin, Høgni Hoydal, dugir ikki at síggja tað sum annað, enn at ting- menn ikki tora at taka eina støðu POLITIKKUR Rúnar Reistrup Lógin um viðgerð av per- sónsupplýsingum, sum løgtingið samtykti í 2001, er sambært løgmálaráð- harranum ikki nóg greið í sínum máli um flyting av persónsupplýsingum av landinum. Tí valdi hann fyrr í ár at leggja eitt broytingarupskot fyri tingi, ið ásetur við lóg, hvussu spurningurin um útflutning av persónsupplýsingum til onnur lond skal handfarast. Men hóskvøldið gjørdist endaliga greitt, at broyt- ingaruppskotið ikki kemur aftur úr rættarnevndini í hesi tingsetuni. Formaðurin í nevndini hevur valt at leggja seg á málið, tí hann metir tað vera ov fløkt at taka støðu til í eftir so stuttari viðgerð. Tað áliggur soleiðis enn sum áður løgmálaráðharran- um at kunngera um, hvussu mannagongdir skuldu vera, tá ið persónsupplýsingar fara av landinum. Tora ikki at taka støðu Tað royndi Høgni Hoydal í fjør, tí hann metti ikki nýggju GjaldSkipanina hjá Elektron vera er í tráð við galdandi lóggávu, men fekk nógv ímóti sær. Eftir stórt trýst frá vinn- uni, serliga frá teimum báð- um størstu peningastovnun- um og Elektron, valdi løg- málaráðharrin, Høgni Hoydal, at sleppa ætlanini um at kunngera og fór ístaðin niðan í tingið við broytingaruppskotinum til lógina um viðgerð av per- sónsupplýsingum. Broyt- ingaruppskotið er í sama anda sum ætlaða kunngerð- in, men tó minni víðgongd. Nú málið er súltað, held- ur Høgni Hoydal, at lobby- arbeiðið hjá ávísum pen- ingastovnum eisini hevur forðað tingviðgerðini av broytingaruppskotinum, og tað er hann rættiliga harm- ur um. - Eg dugi ikki at síggja tað, sum nú hendir, sum annað enn tingmenn ikki tora at taka eina støðu til hetta málið, og tað er ikki nøktandi. Tað verður lagt eitt stórt trýst á tingmenn- inar frá ávísum peninga- stovnum, men tað eigur ikki at forða tingmonnun- um í at taka eina greiða støðu fyri ella ímóti upp- skotinum, sigur ein ónøgd- ur Høgni Hoydal. Ivi allan vegin Tingsins vilji var allatíðina ivasamur í hesum máli, og tað er hann enn. Tað eru skjótt tveir mánaðir síðan at uppskotið var til 1. viðgerð og varð beint í rættarnevnd- ina 10. mars, men tá løgting- ið hevði sín seinasta ting- fund í gjár, var málið enn ikki komið aftur úr nevndini og hervið fall tað burtur. Jógvan á Lakjuni úr Fólkaflokkinum er for- maður í rættarnevndini. Hann hevur allatíðina sagt seg ivast í, hvat rættast er at gera í hesum málinum, og hósdagin, dagin undan seinasta tingfundi, var hann enn í iva. Hósmorgunin helti hann tó til at koyra uppskotið í tingið í evstu løtu til 2. og 3. viðgerð, og boðaði limunum í rættar- nevndini til fundar klokkan 9 fríggjamorgunin, ein tíma áðrenn tingfundin. Men sama kvøld ringdi hann aft- ur til umboð fyri flokkarnar og avlýsti fundin. Harvið var greitt, at uppskotið ikki kemur aftur úr rættarnevnd- ini, og harvið fellur tað burtur í hesi tingsetuni. Ella sum Jógvan á Lakjuni sjálvur sigur tað: - Eg havi valt at súltað málið. Ov stutt tíð Sambært Jógvani á Lakjuni hevur rættarnevndin havt ov stutta tíð at seta seg nøktandi inn í málið. - Málið er snøgt sagt ikki búgvið at koyra niðan í tingið aftur. Vit hava havt nógv fólk inni til hoyringar, men eg kann bara ásanna, at eg ikki enn kenni meg nóg vísan í, hvat er rættast at gera, sigur Jógvan á Lakjuni, sum leggur aftur- at, at um uppskotið fór til 2. viðgerð í gjár, hevði tað verið við einum kravi um, at tað varð endurskoðað í komandi tingsetu. Ein greið ásannan av, at støðan hjá rættarnevndini til uppskotið var ógreið. Ta frágreiðingina gevur Høgni Hoydal, løgmálaráð- harri, ikki nógv fyri. Eftir hansara tykki hava fleiri størri og torførari mál verið viðgjørd uppá styttri tíð, og er sannførdur um, at tað er ein spurningur um politiskt dirvi. - Tað er ov lætt at siga, at man ikki rættiliga veit hvat man skal halda. Eg meini at løgtingið skyldar okkum øllum at taka eina støðu. Við onga støðu at tora at taka lata tingmenn tað vera upp til tilvildarligar pen- ingastovnar at tulka lógina um persónsupplýsingar sum teimum lystir. Tað er ikki haldbært, sigur Høgni Hoydal. Løgtingið fór í summarfrí eftir tingfundin í gjár. Tað ber tó til at kalla løgtingið saman aftur og broytingaruppskotið er prinsipielt ikki burturdottið fyrr enn á ólavsøku. Men tað er óvanligt at tingið savnast aftur í úrtíð. Støðuleysir tingmenn Jógvan á Lakjuni hevur allatíðina ivast í málinum um persónsupplýsingar. Hósmorgunin helti hann tó til at koyra uppskotið í tingið í evstu løtu til 2. og 3. við- gerð, og boðaði limunum í rættarnevndini til fundar. Men sama kvøld ringdi hann aftur til umboð fyri flokkar- nar og avlýsti fundin Mynd: Jens Kr. Vang Í gjár høvdu løgtingsmenn- inir sín seinasta arbeiðsdag áðrenn summarferiuna, sum varir til ólavsøku Mynd: Jens Kr. Vang Húsarannsókn á Hamrinum Fýra mans vóru hóskvøldið handtiknir fyri at hava smærri nøgdir av rúsevnum uppi á sær RÚSEVNI Ingrid Bjarnastein Hóskvøldið varð ein húsarannsókn gjørd á Hamrinum á Argjum í sambandi við, at fýra mans vórðu steðgaðir í einum bili fyrr um kvøldið. Hesir fýra vórðu allir handtiknir. – Ein rannsókn var gjørd, og vit funnu smærri nøgdir av rúsevnum, váttar Bergleif Brimvík á Kriminaldeild- ini á Politigarðinum í Havn. – Vit arbeiða allatíðina við slíkum málum, og tað kann væl vera, at tað er tí vit høvdu eina ábending um rús- evni, at júst hasin bilurin varð steðgaður. Bergleif Brimvík leggur afturat, at allir menninir eru kendir hjá politinum. Leikudagur ‘ 98 Aftur í ár verður Leikudagur ‘ 98 tann 3 mei. Fyrireikarin Elin Mouritsen sjónleikari, takkar øllum,sum seinastu árini hava gjørt leikudagin so væleydnaðan. Hon vónar,at fólk taka líka væl undir við Leikudegi ‘ 98 í ár. Allar leikur eru kærkomnar,tó helst ikki “ vápn-leikur.” Leikurnar verða lætnar børnum úti í heimi.I fjør fingu børn á barnaheimum í Rumenia gleði av leikunum. Innsavning verður frá klokkan 13-18 tann 3. mei uttanfyri Ide-Møblar á Hálsi,har ein bingja stendur til endamálið. C M Y K 7 6