leygardagur 3. mai 2003síða 11

Nr. 84 • leygardagur • 3. mai 2003 • 77. árgangur • www.sosialurin.fo B68-KÍ: Allan og Ove ivasamir Hjá B68 eru allir spælararnir tøkir, meðan tveir av lyklaspælarunum hjá KÍ eru rættuliga ivasamir undan fjórðingsfinaluni, sum verður seinnapartin í dag UPPTAKT Jóannes Hansen Tá ið KÍ í 1991 vann FM fyri fyrstu ferð í nítjan ár, var Petur Mohr, sum nú hevur ábyrgdina av B68, venjari. Millum ungu spælararnar, sum vóru við til at vinna FM heitið til Klaksvíkar, vóru Jan Joen- sen og Olgar Danielsen. Nú eru hesir ávikavíst venjari og hjálparvenjari hjá KÍ. Hvørki B68 ella KÍ vóru sannførandi í bólkaumfar- inum, og leingi var møgu- leikin stórur fyri, at bæði toftamenn og klaksvíkingar ikki skuldu halda fram í kappingini. Men so lagaði tað seg soleiðis, at bæði liðini endaðu á næstfremsta plássinum, og tá ið B68 var besti tveyarin hevði tað við sær, at teir eiga heimavøll í fjórðingsfinaluni. Dysturin verður spældur seinnapart- in í dag klokkan 17.15. Felags fyri B68 og KÍ er, at feløgini ikki hava serlig- ar steypatraditiónir. KÍ hev- ur vunnið FM seytjan ferð- ir. Steypahagtølini siga, at KÍ finalusigrarnir bara eru fimm – ísafjarðarsúlusigrar í 1966 og 1967 og finalu- sigrar í kappingini um løg- manssteypið í 1990, 1994 og í 1999. B68 hevur vunnið trý FM heiti – í 1984, 1985 og í 1992 – men B68 hevur framvegis fyrsta finalusig- urin í steypakappingini til góða. Næst við vóru teir í 1995, tá ið teir fyri fyrstu og higartil einastu ferð vóru í finaluni. Tá var Petur Mohr eisini venjari. Ta ferðina tapti B68 ímóti HB. B68 er væl fyri undan fjórðingsfinaluni. Øssur Jacobsen hevur verið skaðaplágaður, men hann venur aftur við fullari ferð. Jan Ingi Petersen og Fróði Benjaminsen skulu í dag vísa, at tað ikki bara er á landsliðnum, at tað er dugur í teimum á miðvøll- inum. Saman við Hans Fróða Hansen vóru teir or- saka av landsdystunum ímóti Kasakstan burtur frá B68 venjingini í eina lítla viku. Lyklaspælarar ivasamir Hjá KÍ er ikki so væl vorðið, sum tað er hjá B68. Allan Joensen er sera iva- samur, og Ove Nysted gavst beinanvegin at venja hóskvøldið. Í gjárkvøldið skuldi KÍ hava lætta venj- ing, og tá fekst at síggja, um haldið í rygginum hjá Ova var horvið. Allan Joensen varð skaddur í tjúkkanum undir venjing á landsliðnum mánadagin. Hann hevur ikki vant síðani, og tað er rættuliga ivasamt, um hann verður tøkur í dag. Ove og Allan verða mettir sum tveir av týdningarmestu spælarunum hjá KÍ. Undan skaðunum kendi KÍ venjarin, Jan Joensen, seg at hava fimtan spælarar, ið bilaðu til tey ellivu plássini. Erling Fles og Eyðun Klakstein hava stað- ið seg væl í álopinum í trimum teimum síðstu dyst- unum í bólkaumfarinum, og Sámal Eyðfinn Poulsen hevur víst sera góðan stríðsvilja. Men nú er tað okkurt, sum bendir á, at venjarin ikki verður noydd- ur at seta fleiri góðar spæl- arar á beinkin í dag.å Fjórðingsfinalurnar í kappingini um Løgmanssteypið 03.05 17.15 B68-KÍ Birgir Sondum 04.05 15.00 GÍ-FSV Eiler Rasmussen 04.05 15.00 EB/S-B36 Petur Skarðenni 04.05 16.00 NSÍ-HB Suni Johansen Nú er eisini gjørt av, hvørjir skulu manna manslandsliðið í flogbólti á Oyggja- leikunum FLOGBÓLTUR Jákup Mørk Eins og hjá kvinnunum, so høvdu Jesper Briox og Suni Hansen ein brutto- hóp til venjingar um viku- skiftið. Venjingar, sum skuldu gera av, hvørjir teir 12 skuldu verða, sum sleppa við á komandi oyggjaleikirnar. Umframt oyggjaleikir- nar, so er ætlanin hjá FBF, at menninir á sama hátt sum kvinnurnar fáa møguleikan at taka lut í evropeisku kappingini í C-bólkinum, umframt at venjingardystir vónandi verða leiktir móti Íslandi. Teir 12, sum nú hava fingið boð, eru hesir: Bartal Eliasen, ÍF Johan Petur á Stongum, SÍ Rúni Weihe, ÍF Andrass Jógvansson, Fleyr Ragnar Petersen, Fram Jan Áki Olsen, ÍF Bárður Bendix Mikkelsen, Holte Volley Johan Nielsen, ÍF Føroyar Jen Heri Bolstad Mortensen, Fram Odd Eliasen, ÍF Heini Weihe, Fram Suni Juul Petersen, Fram Manslandsliðið klárt Allan Joensen er saman við Ova Nysted ivasmur til dystin móti B68, og í so máta man tað koma illa fyri, at hann er framskundaður til leygardagin 21 20 Nr. 84 - 3. mai 2003 UTTAN ÚR HEIMI Setti sjálvur eld á Ein svenskur sløkkiliðsmaður hevur viðgingið, at hann var upphavsmaðurin til fleiri eldsbrunar. Sambært blaðnum Expressen var sløkkiliðsmaðurin komin í fíggjarligar trupulleikar, eftir at hann hevði keypt sær hús, bil, sjónvarp o. a. Hann hevði ilt við at gjalda alt, og tá lánveitararnir fóru at gera vart við seg, fann maðurin upp á ráð. Hann visti, at hann kundi fáa 164 krónur eyka fyri tann fyrsta tíman og síðani 109 krónur hinar tímarnar, hvørja ferð eldur var í onkunstaðni. Løgreglan í Pålsboda stóð á berum, tá ikki færri enn ellivu eldsbrunar herjaðu býin seinasta summar, men sum frá leið eydnaðist tað løgregluni at staðfesta, at her ruggaði ikki rætt. Nú hevur sløkkiliðsmaðurin so viðgingið, at tað var hann, sum setti eld á - fyri at fáa pengar til at gjalda skuldina. Ov nógvir bøndur Kommunistaflokkurin í Kina er komin til ta niður- støðu, at landið hevur alt ov nógvar bøndur. Umleið 69 prosent av øllum kinesarunum ella einar 900 milliónir fólk búgva á bygd, men nú hava myndug- leikarnir gjørt av at flyta ein stóran part av teimum inn í býirnar at búgva. Tilsamans er talan um millum 150 og 380 milliónir fólk, og tey næstu tjúgu árini ætla myndugleikarnir at flyta millum 12,5 og 19 milliónir fólk av bygd inn í býirnar. Málið er, at um tjúgu ár skulu bert millum 40 og 50 prosent av kinesiska fólk- inum búgva á bygd. Samstundis ætla myndugleikarnir at seta eina rúgvu av almennum arbeiðum í gongd fyri at forða fyri ar- beiðsloysi. Eitt nú er ætlanin at bøta um sam- ferðslukervið við at leggja eina jarnbreyt til Tibet og at grava eina veit frá Yangtze-ánni norður til Beijing. Samstundis skal landbúnaðurin nútímansgerast. Kuffertið sprongdist Ein maður, sum arbeiddi á flogvøllinum í jordanska høvuðsstaðnum Amman, doyði, tá eitt kuffert brádliga fór í luftina. Jordanska løgreglan sigur, at ein japanskur tíðinda- maður átti kuffertið, og tíðindamaðurin er nú tikin. Tíð- indastovan Petra skrivar, at tíðindamaðurin hevði verið í Irak, og at hann hevði tikið eina granat við sær sum eitt minni um kríggið í Irak. Kuffertið skuldi umborð á eitt flogfar hjá egyptiska flogfarinum EgyptAir, sum stóð í floghavnini í Amman. Jordanska løgreglan sigur, at bæði starvsfólk og ferðafólk gjørdust ræðslusligin, tá granatin í kuffert- inum brast. Loysir seg ikki at gera pengar Norski tjóðbankin hevur gjørt av at, at arbeiðið at gera norskar myntir og pengaseðlar skal bjóðast út. Orsøkin er stutt sagt, at tað loysir seg ikki hjá bankanum at gera arbeiðið. Útreiðslurnar eru lutfalsliga stórar, og har- afturat noyðist tjóðbankin at gera íløgur í nýggja útgerð um stutta tíð, skal hann framvegis gera seðlarnar og myntirnar. Leiðslan í tjóðbankanum hevur longu tosað við eina finska verksmiðju um at gera tær norsku myntirnar, og hesar samráðingar eru komnar so væl ávegis, at finska verksmiðjan helst fer at gera tær fyrstu myntirnar í 2009. Arbeiðið at prenta pengaseðlarnar verður ætlandi boðið út á altjóða marknaðinum, so prentsmiðjur víða um heimin kunnu bjóða upp á arbeiðið. Tað er kortini ikki tjóðbankin, sum hevur tað enda- liga orðið at siga í slíkum málum, men fíggjarmála- ráðið. Arbeiðaraflokkurin hjá Tony Blair, for- sætisráðharra tapti lokalvalið. Irak-krígg- ið var orsøkin. BRETLAND Árni Joensen Tony Blair, forsætisráðharri og Arbeiðaraflokkurin vóru fyri einum eyðmíkjandi ósigri á bretska lokalvalin- um hósdagin. Arbeiðaraflokkurin misti umleið 700 sessir, meðan teir konservativu vunnu 542 og teir liberalu 150. Úrslitið var so vánaligt hjá Arbeiðaraflokkinum, at undirtøkan er tann minsta, sum flokkurin hevur havt síðani í sjeytiárunum. Hó- ast valið yvirhøvur snúði seg um lokal viðurskifti, iv- ast eygleiðarar ikki í, at tað var mótstøðan ímóti bretsku luttøkuni í Irak- krígnum, sum kostaði stjórnarflokkinum dýrt. Úrslitið hevur ongan beinleiðis týdning fyri Blair og stjórnina, tí flokk- urin hevur avgjørdan meiri- luta í parlamentinum, og parlamentsval verður ikki aftur fyrr enn um trý ár. Hinvegin hevði úrslitið stóran týdning fyri konser- vativa leiðaran, Ian Duncan Smith. Hevði flokkurin ikki fingið framgongd, hevði Duncan Smith ivaleyst ver- ið noyddur at leggja frá sær. Blair fekk ein frammaná Á dekkinum á flog- beranum "Abraham Lincoln" boðaði George W. Bush, for- seti frá, at tað hernað- arliga kríggið í Irak er liðugt. Men hvat nú tað veruliga málið við krígnum? IRAK Árni Joensen Tá amerikanski forsetin í næstsíðsta mánað boðaði frá, at nú var kríggj í Irak, sat hann aftan fyri skriv- stovuborðið í Hvítu Húsun- um. Nú hann boðaði frá, at hetta sama kríggið yvirhøv- ur er at enda komið, var pallurin ein annar. Hesaferð stóð forsetin langt úti í Kyrrahavinum á dekkinum á flogberanum "Abraham Lincoln", sum er á veg úr Persaflógvanum til San Diego í Kalifornia. Undan røðuni var fráboð- að, at forsetin fór at boða frá, at tey stóru hernaðartiltøkini vóru liðug. Orðini eru vald eftir umhugsan. Hevði forsetin sagt, at kríggið var liðugt, høvdu reglurnar í Genevesáttmálanum komið í gildi. Tær siga millum annað, at krígsfangar skulu latast leysir, og at tapararnir kunnu ikki fyribeinast. Tað hevði eitt nú borið í sær, at Saddam Hussein kann ikki fyribeinast, verður hann funnin. Harafturat var tað trupult hjá Bush at kunngera krígg- ið liðugt, tí amerikanskir hermenn verða dagliga álopnir í Irak. So seint sum hósdagin vórðu sjey am- erikanskir hermenn særdir, og fyrr í vikuni skutu her- menninir 16 irakar í saman- bresti í býnum Falluja. Eygleiðarar spyrja nú, um tann uppgávan, sum Bush lovaði at loysa, tá hann boðaði frá krígnum, er loyst. Tá segði forsetin, at tað var neyðugt at leypa á Irak fyri at verja Amerika og onnur ímóti, at Saddam Hussein og hansara yvir- gangsvinmenn skuldu leypa á við sínum hópoyð- ingarvápnum. Hann segði seg vera sannførdan um, at Irak hevði og fjaldi hóp- oyðingarvápn, og at irakar høvdu vant yvirgangs- menn, eisini limir í al- Qaeda. Enn hava amerikanarar- nir ikki kunnað prógva, at forsetin segði satt, siga eygleiðararnir. Nakrar ferð- ir hava teir tosað um, at hermenninir hava funnið illgrunasamar tunnur og annað, men prógv eru eingi. Og teir vilja ikki hava Hans Blix og hansara vápnaeftirlitsmenn at leita. Samstundis er ymiskt hent í Irak, sum Bush neyvan hevði í tonkunum, tá hann boðaði frá krígnum. Shiittiskir muslimar gera vart við seg, og USA leggur Iran undir at eggja teimum til uppreistur. Og 1. mai skipaði irakski kommunistaflokkurin fyri mótmælisgongu í Bagdad. Tað kann tykjast sum lagn- unnar speisemi, siga eyg- leiðarar, at USA fer í kríggj við Irak, so iraksku komm- unistarnir kunnu koma til orðanna. Men har var eing- in tøkk at hóma. Á skeltun- um hjá kommunistunum vóru boðini greið: Amerik- anararnir skulu av land- inum. Tann hernaðarligi partur- in av krígnum er av, men stríðið fyri friðinum er valla byrjað. Kríggið í Irak er liðugt - so at siga Bush forseti á dekkinum á flogberanum "Abraham Lincoln" C M Y K 20