týsdagur 6. mai 2003síða 11

20 Nr. 85 - 6. mai 2003 Nr. 85 - 6. mai 2003 21 Ein ringur um Paul Paul McCartney hevði ikki tíð at tosa við journal- istar, tá hann varð í Keypmannahavn. Bara tveir sluppu framat. Ferðin tók bara átta tímar, og tímalønin var góð PAUL MCCARTNEY Ingi Rasmussen Vit gjørdu okkara ítarsta. Men har var onki at gera. Paul McCartney gav onga samrøðu ella svar- aði nøkrum spurningum, tá hann var á konsertferð í Keypmannahavn. Bara tveir journalistar, ein frá donskum útvarpi og ein frá donskum sjónvarpi, sluppu at práta við Paul McCart- ney, upplýsti Trine Sandner frá EMI-Music okkum, eftir at vit í fleiri dagar høvdu roynt at funnið onkran veg inn til sjálvan kongin. Heilt erligt. Tað var heldur ikki óvæntað. Hann man hava svarað øllum spurningunum umaftur og umaftur. Og tað blívir ikki við at vera stuttligt. Tað var heldur ikki langt ímillum Hello og Good- bye hjá Paul McCartney í Danmark. Hann kom seint seinnapartin fríggj- adagin, gjørdi ljóðroynd í Parkini, hevði konsert í tríggjar tímar og fleyg síðan beinanvegin heim- aftur til sín sjálvs í sínum privata Hawker-flogfari um midnáttarleiti. Tilsamans vardi hansara danmarkarferð ikki meira enn átta tímar. Og lønin var ikki so galin. Sum skilst fekk hann 15 milliónir krónur. Persón- liga skuldi hann fáa 10 milliónir burturúr. Ikki so galið eftir átta tímum. Tey flestu tóktust at halda, at hann var verd- ur hvørja krónu av mill- um 500 og 650 krónun- um, sum atgongumerk- ini kostaðu. Sir Paul í toppformi í Parkini Paul McCartney sang, spældi og undirhelt í tveir og ein hálvan tíma út í eitt. Í Park- ini fríggjakvøldið. Hann gav fólkum akkurát tað, tey vildu hava. Og meira aftur- at. 36 løg, teirra mill- um 25 beatles-sangir. Ríkasti beatlin og tónleikarin yvirhøvur var verdur hvørja krónu. Hann gav alt, hann hevði í sær. Tónleik, kærleika og rúsandi kenslur. Vit vóru til staðar, tá lunnar brustu og Parkin skalv PAUL MCCARTNEY Ingi Rasmussen Við einari endaleysari røð av heimsins bestu popp- sangum nakrantíð. Við ein- um orkestri, sum ikki verð- ur nógv betri. Og við einari livandi legendu, einari ímynd, sum gav fólki akk- urát tað, tey vildu hava. So kundi tað ikki ganga heilt galið. Men at Paul McCartney sum 60 ára gamal skuldi sparka beinini undan 47.000 fólkum, so takið mundi flogið av Parkini, tað hevði eg kortini ikki roknað við. Sum hann stóð har á pallinum, í forvask- aðum kovboybuksum, ljósabláum jakka, reyðari blusu og tiltikna bassinum frá beatlestíðini, var hann fullkomiliga í toppformi. Tað sást og hoydist, at langa turnéin »Back in the world«, sum byrjaði í USA, hevur mýkt honum rødd- ina, so hon var næstan líka einaráðandi sum í ungum døgum. Og tað er eitt óhoyrt bragd av einum 60 ára gomlum. Sjálvt um hann er bæði Sir og kongur. Sang og sigraði Paul McCartney kom, sang og sigraði í Keypmanna- havn fríggjakvøldið. Og lat meg bara siga sum er: Mær vantar orð. Tí hvussu kann nakar billa sær inn, at tað ber til at ummæla Paul McCartney. Bara navnið klingar av onkrum gud- dómligum. Onkrum ævig- um sannleika. Í staðin fyri at gera mær nakra vón um at meta ella døma uttanveltað um kon- sertina við Paul McCart- ney, so lurtaði eg bara. Nýtti at vera so priviliger- aður at sleppa at uppliva tað saman við næstan hálvt- hundraðtúsund øðrum beat- lesfjepparum. Once in a lifetime. Tey vóru har í øllum aldri. Kanska tey flestu vóru úr 40 árum og upp- eftir, men eisini vit onnur vóru væl umboðað, hóast vit ikki høvdu sæð dagsins ljós, tá Beatles legði heimin fyri sínar gyltu føtur. Har vóru tey vælbjargaðu og vælklæddu í klædnings- jakkum. Har vóru tey eitt sindur meira slitnu, sum máttu djúpt niður í lumman eftir dýru atgongumerkj- unum. Og so øll tey for- elskaðu pørini í miðjum aldri, sum mintust aftur á góðar løtur við einum smíli og kanska onkrum tári. Eg skal viðganga, at hár- ini reistust fleiri ferðir, og tá McCartney einsamallur við gittarinum spældi »Blackbird« rivaði tað fyri mær, hvussu stórt hetta var. Øll hava sín favoritt, sum sigur teimum okkurt ser- ligt. Hjá teimum flestu við mær, vóru hæddarpunktini fleiri. Bæði bleytu ballad- urnar og hørðu rock-klass- ikararnar fær hann at sita, sum ongin annar. Men einsamallur á pallinum var hann so tætt við, at eg kundi nortið við hann. Mintist tey farnu Alt byrjaði við einum psykodeliskum sirkusi. Myndir á stórskíggjanum frá Akropolis og India. Í stóra rúminum sveimaðu risaballónir, og millum fólkini og á pallinum dans- aðu og tustu fólk, ið vóru ílætin sum fólk í 1700 talin- um. Í parykkum, síðum kjólum og parasollum. Síð- an komu techno-rútmurnar, og alt varð rættiliga undar- ligt, meðan vit royndu at finna okkum til rættis á gólvinum. Tá Paul McCartney loks- ins trein á pallin kl. 20.30 og treiv í Hello Goodbye, fagnaðu fólk honum so stórliga, at hann mátti bakka ein metur fyri lógva- brestunum frá næstan 100.000 hondum. Vit skundaðu okkum fram móti kantinum á brotsteiginum, og hóast vit vóru nakað uttarlaga í vinstru síðu, sóu og hoyrdu vit væl. Fleiri hæddarpunkt vóru løgd inn í skránna, og áveg- is gjøgnum tilsamans 36 løg, harav 25 teirra vóru beatlessangir, vóru eisini nakrar rørandi løtur. Paul McCartney mintist tey mongu týdningarmiklu fólkini í hansara lívi, sum alt ov tíðliga eru farin und- an honum. »Here Today« skrivaði hann fyri 22 árum árum síðan, tá John Lennon doyði, og sangurin var inni- liga framførdur í Parkini, sum gav Lennon eina heils- an, ið illa kann gerast eftir. George Harryson varð heiðraður, tá Paul spældi »Something« á ukulele, eitt fýrstreingjað ljóðføri, sum teir plagdu at skemta sær á. Útsetingin var mergjað og margháttlig samstundis, og var tað einasta lagið, sum McCartney ikki sjálvur átti á konsertini. Og Linda McCartney fekk eisini eina heilsan við vakra kærleiks- sanginum »My Love«, sum er skrivaður til hennara. Meistarligt band Alt var væl spælt og timað av bólkinum, sum bakkaði meistaran so meistarliga væl upp í Parkini. Rusty Anderson spældi sum ein dreymur á gittara og vísti, at Georg Harryson hevði eitt sera gott oyra fyri melodiøsum solospæli. Hin guitarleikarin, Brian Ray, sum eisini loysti Paul McCartney av sum bass- spælara, tá hann heldur vildi spæla gittar ella klav- er, var solidur men meira anonymur. Paul Wickens á tangentunum er so góður, at hann er biðin aftur, tí hann hevur áður verið í vasi saman við Paul McCartney. Og so var tað litfagri trummuleikarin Abe Labr- oil Jr. Eitt orkuhav, sum minti meira um okkara egna James Olsen enn Ringo Starr. Tilsamans kanska tað besta orkestrið, sum Paul McCartney nakrantíð hevur spælt saman við. Og tað sigur ikki so lítið. Tað besta var kortini, at teir vóru trúgvir ímóti gomlu beatl- unum. Tað ljóðaði sum tað átti, og bara heilt smáar broytingar vóru gjørdar onkra hissini ferð. Parkin skalv Tá skráin nærkaðist endan- um, gjørdist alt eitt stórt klimaks. Fyrst »Live and let die« við fýrverki og bumbum. Síðan »Let it be« afturvið túsundtals livandi ljósum. Og at enda »Hey Jude«, har Sir Paul fekk øll at syngja við, so Parkin skalv. Sir Paul takkaði fyri seg. Men kom so brestandi inn- aftur. Tað bleiv bara við. »The long and winding road«, »Lady Madonna« og »I Saw her standing there«. Og uppaftur meira umaftur. Tá kom tann størsti av øllum: »Yesterday!« Sum segði alt um, at vit í Parkini livdu í einari farnari tíð, sum legði so nógv eftir seg. Men ikki sorgarbundið. Tí hvør morgun bjóðar ein nýggjan dag, sum McCart- ney syngur. Paul McCartney rundaði um 23-tíðina av við »Sgt. Peppers« til hann at enda lendi við »The end«. Hann kundi hildið á, men tað mátti jú fáa ein enda. The love you gave Fleiri av løgunum hava ongantíð áður verið spæld live. Og tað sást, at Paul McCartney elskaði at geva tey frá sær. Hann elskaði at býta tey við okkum. Ella sum hann endaði konsert- ina við at syngja: »But in the end. The love you take is equal with the love you give.« Hann gav alt, hann hevði í sær. Tónleik, kærleika og rúsandi kenslur. Well, I saw him standing there... SANG-SKRÁ 1. Hello Goodbye 2. Jet 3. All My Loving 4. Getting Better 5. Let Me Roll It 6. Lonely Road 7. Your Loving Flame 8. Blackbird 9. Every Night 10. We Can Work It Out 11. Carry That Weight 12. The Fool On the Hill 13. Here Today 14. Something 15. Elenor Rigby 16. Here, There and Everywhere 17. I’ve Just Seen a Face 18. Calico Skies 19. Two of Us 20. Michelle 21. Band on The Run 22. Back In the USSR 23. Maybe I’m Amazed 24. Let’em in 25. My Love 26. She’s Leaving Home 27. Can’t Buy Me Love 28. Birthday 29. Live and Let Die 30. Let it be 31. Hey Jude EYKALØG 32. The Long and Winding Road 33. Lady Madonna 34. I Saw Her Standing There EYKA EYKALØG 35. Yesterday 36. Sgt. Peppers Lonely Hearts Club Band / The End Hetta atgongumerkið kostaði 550 krónur. Men tað var eisini hvørja krónu vert 60 ára gamli Paul McCartney sparkaði beinini undan 47.000 fólkum, so takið mundi flogið av Parkini. Mynd: NORDFOTO C M Y K 21 20