fríggjadagur 9. mai 2003síða 5

8 Nr. 88 - 9. mai 2003 Nr. 88 - 9. mai 2003 9 Mikumorgunin fóru arbeiðsmenn hjá byggifelagnum MT Højgaard undir at seta tey fyrstu betongele- mentini upp. Prosjekt- leiðarin Jóannes Niclassen vónar, at verkfall ikki fer at órógva tíðarætlanina BYGGING Stefan í Skorini Nýggi bygningurin hjá Føroya Tele skal standa innilokaður áðrenn veturin kemur. Í hesum døgum verða tey fyrstu elementini, sum komu til landið mánadagin, sett upp. – Ætlanin er, at øll tann niðasta hæddin skal vera monterað og dekk lagt á í hesum umfarinum, sigur Jóannes Niclassen. Hann sigur, at tað gongur við rúkandi ferð, at fáa bygningin settan upp. Ele- mentini koma í heilum líki úr Hobro í Danmark. Við at nýta hendan háttin ístaðin- fyri at stoypa her, spara tey nógva tíð. Gólvið kom til landið við Claire í dag, og tað skuldi leggjast onkran av komandi døgunum. Stúra fyri verkfalli Í skrivandi løtu verður framvegis samráðst á Hotel Føroyum, og tí var ikki greitt, um arbeiðarafeløgini fóru í verkfall. Men hetta er sjálvandi nakað, sum byggifelagið hevur í huga. – Tað hevði verið ómeta- liga keðiligt, um øll okkara planlegging, sum vit hava lagt til rættis gjøgnum allan veturin, fór fyri skeyti vegna verkfall, sigur Jóannes Nicl- assen, men hann leggur afturat, at hetta eru viður- skifti, sum hann ikki kann ávirka, og tí nyttar lítið at hugsa ov nógv um hetta. Teir arbeiða ógvuliga de- taljerað og planleggja alla- tíðina, hvussu byggingin skal fara fram, og tann planleggingin fer fyri bakka, um verkfallið gerst veruleiki. Bygningurin kostar til- samans 93 milliónir krónur og skal vera liðugur í okto- ber 2004. Talan er um tríggjar hæddir, sum telja 6606 fermetrar. Til ber at fylgja gongdini á einum vevkamera, sum liggur inni á www.oli- vant.fo. Føroya Tele bygningurin: Tey fyrstu elementini sett upp Arbeiðsmenn eru nú farnir í gongd við at seta bygningin hjá Føroya Tele upp, og tey fyrstu elementini vórðu sett upp mikudagin Mynd0: Jens Kr. Vang Sinnisbati frøist: Psykiatriska deild steingir neyvan í summar – Vit hava fingið upplýst, at psykiatr- iska deild ikki letur aftur í summar, sigur Svenning av Lofti, formaður í Sinnisbata PSYKIATRISKA DEILD Stefan í Skorini Seinastu árini hevur felagið Sinnisbati gjørt vart við sína ónøgd við, at psykiatr- iska deild letur aftur um summarið. Sjúklingar eru fluttir á aðrar deildir, og nakrir eru farnir heim til familjuna. Felagið hevur á hvørjum ári víst á, at hetta ikki kann góðtakast og hevur heitt á landsins myndugleikar um at fáa hetta í rættlag. Nú tykist sum um, at myndug- leikarnir hava tikið atfinn- ingarnar til eftirtektar. Gleðiboð – Í sambandi við psykiatr- isku deild hava vit fingið tey gleðiboð, at talan helst ikki verður um at steingja deildina í summar, sigur Svenning av Lofti, sum varð afturvaldur til for- mann á aðalfundinum leygardagin. – Vit hava gjørt vart við henda trupulleika í fleiri ár, og tað sær nú út til, at tað hevur borið ávøkst, sigur hann. Hann vísir á, at sjúkling- arnir hava verið tiknir úr teirra dagliga umhvørvi, og at hetta órógvar sjúklingar, sum frammanundan eru viðbreknir. Seinasta leygardag hevði Sinnisbati ársaðalfund, og við hesum framstiginum kann sigast, at eitt av teim- um stóru málunum er rokkið. Tó vísir felagið á fleiri onnur viðurskifti, sum skulu betrast framyvir. Formaðurin vísir m.a. á, at umstøðurnar á psykiatr- isku deild mugu betrast. Eitt nú er tað alneyðugt, at sjúklingarnir fáa hvør sítt kamar, og tey ikki liggja fleiri inni í sama rúmi. – Fyri fleiri er psykiatr- iska deild tað einasta heim- ið, tey hava, tí er tað sera umráðandi fyri teirra væl- ferð, at tey hava góðar um- støður. Tað kann vera sera tyngjandi fyri sjúklingar, at fleiri búgva saman, sigur Svenning av Lofti. Sosialurin royndi at fáa eina viðmerking frá Bill Justinussen viðvíkjandi psykiatrisku deild fyri at vátta tíðindini, men hann var tíverri ikki at hitta. Team 85 ímóti Tjóðveldinum: Nýggjur rættarfundur ásettur RÆTTARMÁL Stefan í Skorini Trætan millum Team 85 og Tjóðveldisflokkin við- víkjandi rokningini fyri valkampagnuna fyri ein- um ári síðani er als ikki klár til dómsviðgerð enn, og nýggjur fundur er ásettur. Sorinskrivarin Jørgen B. Petersen upplýsir, at partarnir enn bara leggja ymisk skjøl á borðið og skifta orð um málið, og at tað enn ikki er búgvið til dómsviðgerð. Hann sigur, at nýggjur fundur er ásettur um einar fýra vikur. Team 85 hevur stevnt flokkinum, tí hann ikki vil rinda ta upphædd, sum lýsingarfyritøkan krevur. Flokkurin vil vera við, at alt teirra valstríð minkaði í virði eftir ta nógv um- stríddu lýsingina, sum stóð í Sosialinum dagin fyri valið. Svenning av Lofti varð leygardagin afturvaldur sum formaður á Sinnisbata. Hann fegnast um, at talan neyvan verður um at steingja psykiatrisku deild í summar Mynd: Jens Kr. Vang NØVN Í VIKUNI Telefon 311820 - Fax 314720 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Dagurin 9. mai. Kaspar. Ein av teimum trimum heilagu kong- unum. Føroyska navnið er Jaspur, týdningurin er ókendur. Karl A. Thomsen fyrstilærari í Gøtu Frá 1. august 2003 er Karl A. Thomsen settur sum fyrstilærari í Gøtu Skúla. Karl er 53 ára gamal, sonur Magdu, f. Reinert, úr Kald- bak og Per Martin Thom- sen í Syðrugøtu. Hann er giftur við Annu, f. Simon- sen, úr Vestmanna. Karl tók læraraprógv á Føroya Læraraskúka í 1974 og var lærari í Eysturskúlanum frá 1974-75 og í Gøtu Skúla síðan 1975. Hann hevur verið til ymisk skeið, ser- liga í føroyskum, enskum, lívfrøði og landalæru. Karl sat í skúlaráðnum í Gøtu frá 1981-84 og í bygda- ráðnum frá 1985-88. Eyðbjørn Hansen 60 ár Mikudagin 7. mai fylti Eyðbjørn Hansen í Havn 60 ár. Eyðbjørn er føddur og uppvaksin í Havn, sonur Borghild, f. Niclasen, ættað úr Sørvági, og Hans M. Hansen úr Havn. Eftir lokna skúlagongd fór hann í læru sum maskinsmiður. Hann lærdi hjá Wenzel Petersen og varð útlærdur í 1962. Eftir at hann var út- lærdur, arbeiddi hann á bilverkstaðnum hjá Wenzel Petersen og koyrdi hýru- vogn eina tíð. Síðst í 60-un- um byrjaði hann við egnum bilverkstaði í Djóna í Geilsgøtu. Í 1973/74 flutti verkstaðurin niðan á Varða- gøtu. Síðan 1986 hevur hann havt umboð fyri ja- pansku Suzuki bilarnar. Eybjørn giftist í 1967 við Annie, f. Djurhuus, úr Kollafirði, dóttir Signhild, f. Hansen, úr Leynum, og Poul Jacob Djurhuus, úr Kollafirði. Annie og Eyð- bjørn eiga børnini: Jórun, Durið, Borghild og Kjart- an. Eyðbjørg Kass 20 ár í Norður- landahúsinum 18. apríl hevði Eyðbjørg Fonsdal Kass arbeitt 20 ár í Norðurlandahúsinum. Hon byrjaði góðar tvær vikur áðrenn húsið lat upp 8. mai 1983. Eyðbjørg, f. Fonsdal, er ættað úr Vestmanna. Sum ung fór hon til Dan- markar á handilsskúla. Lið- ug við skúlan hevði hon skrivstovustarv á Hotel Strand í Gilleleje. Tá hon flutti heim aftur til Føroya, arbeiddi hon í trý ár á skrivstovuni á Bacalao í Havn, har sum Fiskavirking er í dag. Eyðbjørg er gift við Ernst Kass, av Strond- um, og tey búgva í Havn. Tey eiga trýggjar synir: Hans, Birgir og Jákup Sverri. Meðan børnini vóru smá arbeiddi Eyðbjørg heima í eini átta ár. Seinni arbeiddi hon sum avloysari á skrivstovuni á Støðisút- búgvingini og á Fróðskap- arsetrinum. Hon hevði skrivstovustarv á Forn- minnissavninum, áðrenn hon byrjaði í Norðurlanda- húsinum í 1983. Hon ar- beiðir á skrivstovuni í Norðurlandahúsinum og hevur ymiskar uppgávur sum t.d. ábyrgdina av billettavgreiðsluni og er við til at samskipa tiltøk í hús- inum. Birgit Arge stjóri í Hoyvíkar Skúla Frá 1. august 2003 er Birgit Arge í Havn sett sum skúlastjóri í Hoyvíkar Skúla. Birgit er 51 ára gomul, dóttir Birthe Helene, f. Egholm, og Niels L. Arge, bæði úr Havn. Hon tók læraraprógv á Jonstrup Statsseminarium í 1978. Síðan 1982 hevur hon verið lærari við Hoy- víkar Skúla, har hon bleiv varaskúlastjóri í 1997. Hon hevur verið til ymisk skeið, sum serliga kunnu nýtast í undirvísingini í føroyskum. Birgit hevur skrivað ung- dómsbókina Sundur og Saman í 1997 og saman við Lydiu Didriksen bøkurnar Kom og skriva 1 í 1996 og Kom og skriva 2 í 1997. C M Y K 9 8