fríggjadagur 9. mai 2003síða 10

18 Nr. 88 - 9. mai 2003 Nr. 88 - 9. mai 2003 19 31 náðardropar BÓKAÚTGÁVA Tíðindaskriv Í farnu viku gav HMF (Heimamissiónsforlagið) út andaktsbókina Dropar av náði, sum Tofleif Johanne- sen, sjómanstrúboðari hev- ur skrivað. Andaktirnar hava fyrr staðið í FF blaðn- um. Bókin, sum er 69 síður, hevur 31 smá andakts- stykkir – eitt til hvønn dag í mánaðinum. Bókin er lítil og handalig og kundi til dømis verið vælegnað til at liggja á soviborðinum, í messuni ella á køksendan- um. Torleif Johannesen, sum er sjómanstrúboðari hjá Heimamissiónini og høv- undur av bókini, valdi heit- ið á bókini av eini serligari orsøk: – Guds náði er sum ein stór, djúp og ótømandi kelda. Meiri tú drekkur úr henni, tess meira tráðar tú eftir at drekka av henni. Tey 31 andaktsstykkini í hesi bók eru sum smáir dropar úr hesi keldu. Hóast drop- arnir eru ymiskir, er enda- málið eitt og tað sama: at bera tær nakað av Guds ótømandi náði, sum hann vil veita tystandi syndarum í og við Jesus Kristi. Drop- ar sløkkja ongan tosta. Teir skapa tó ein longsul eftir at fáa meiri at drekka, skrivar Torleif á baksíðuni. Andaktsbókin, sum er ein vælegnað gáva til øll, útróðrarfólk ella ikki. Hon fæst í bókahandlum kring landið og hjá forlagnum í Nesvík fyri einans 89 krónur. SEV um lønarsáttmálar hjá maskinmeistarum TÍÐINDASKRIV Poul Arni Jacobsen, stýrisformaður Í sambandi við umrøðuna í fjølmiðlunum av lønar- sáttmálanum millum SEV og Maskinmeistarafelagið skal verða kunnað um, at gongdin í málinum hevur verið hendan: 1. Sáttmálin varð av Maskinmeistarafelagnum uppsagdur at fara úr gildi tann 1. mars 2003. 2. Maskinmeistarafelagið sendi SEV tann 25. februar 2003 uppskot til nýggjan sáttmála, og varð sáttmálin samstundis longdur at galda til 10. mars á midnátt. 3. Áðrenn samráðingarnar byrjaðu, royndi SEV uttan úrslit bæði um telefon og skrivtliga at fáa fund í lag við Fíggjarmálaráðið við ynski um at viðgera kom- andi lønarsamráðingarnar. 4. Á fyrsta samráðingar- fundi tann 5. mars settu umboðini fyri SEV fram uppskot um at leingja sátt- málan til 1. oktober 2003 við ávísari lønarhækking. Hettar varð avvíst, og hildu teir fast við, at sam- ráðingarnar skulu snúgva seg um 2-ára sáttmála. 5. Tann 13. mars høvdu partarnir nátt til eina semju, sum skuldi viðgerast av stýrinum fyri SEV. Fíggjarmálaráðið (Lønar- deildin) varð kunnað um úrslitið. 6. Við skrivi frá 20. mars heitti FAG á stýrið fyri SEV um ikki at góðkenna sam- ráðingarúrslitið, men útseta teir, til "stóru" sáttmálarnir á arbeiðsmarknaðinum eru avgreiddir. Stýrið avgjørdi tí at biðja um fund við Fíggjarmála- ráðið og FAG. Hesin fundur var 27. mars. Á fundinum greiddu um- boðini fyri SEV frá samráð- ingarúrslitinum og gjørdu samanburð við aðrar gald- andi sáttmálar, sum Fíggjar- málaráðið og FAG hava gjørt, og sum í lønarhækk- ingum liggja omanfyri sam- ráðingarúrslitið hjá SEV. Karstin Hansen gjørdi vart við, at hann kundi ikki góðtaka eina so stóra lønarhækking. Onnur umboð fyri Fíggj- armálaráðið gjørdu vart við, at tað er ikki siðvenja hjá landsstýrinum at geva SEV formella góðkenning av teirra sáttmálum. Á fundinum var semja um, at SEV átti at royna at taka samráðingarnar uppaft- ur við tí fyri eygað at tilpassa sáttmálalongdina soleiðis, at sáttmálin fer úr gildi samstundis við ella aftan á teir "stóru" sáttmálarnar á arbeiðsmarknaðinum. 7. Á stýrisfundi tann 28. mars fekk stýrisformaðurin heimild at undirskriva sátt- málan, men varð honum álagt áðrenn undirskriving at royna at fáa broytt sáttmálan. 8. Síðani var fundur við Maskinmeistarafelagið sama seinrapart. Maskin- meistarafelagið avvísti at samráðast um broyting av samráðingarúrslitinum. Aft- aná fundin fekk SEV hand- að eitt skriv frá Maskin- meistarafelagnum hesum viðvíkjandi og við frásøgn um, at um sáttmálin ikki verður undirskrivaður bein- anvegin, so er sáttmálaloysi, og felagið má umhugsa, hvørji stig skulu takast í hesum sambandi. Hettar gjørdi, at avgjørt varð at undirskirva sáttmálan sama dag, t.v.s. tann 28. mars. 9. Sama dag varð fíggjar- málaráðharrin kunnaður um hettar, og varð tíð- indaskriv eisini sent út. Í vikuni eftir varð endaligi sáttmálin og annað tilfar sent Fíggjarmálaráðnum, men hevur SEV onki hoyrt aftur fyrr enn í gjár í samrøðu millum stýrisformannin og fíggjarmálaráðharran. 10. Av hesi samrøðu hev- ur stýrisformaðurin skilt, at fíggjarmálaráðharrin kann ikki góðtaka sáttmálan og at tað var skeivt av SEV at praktisera sáttmálan áðrenn landsstýrisins góðkenning. 11. Hervið má staðfest- ast, at fíggjarmálaráðharrin hevur broytt áður galdandi siðvenju, og verður tí neyð- ugt hjá SEV at taka av- leiðingarnar av hesum. Tí er avgjørt nú beinan- vegin at venda aftur til at umsita maskinmeistaraløn- irnar eftir gamla sáttmálan- um, sum varð uppsagdur til 1. mars Fundur er avtalaður við Fíggjarmálastýrið í morgin kl. 8.30 og við Maskin- meistarafelagið kl. 9.00. C M Y K 19 18