leygardagur 10. mai 2003síða 8

8 Nr. 89 - 10. mai 2003 SEV boðaði í tíðinda- skrivi hósdagin frá, at tað nú aftur fer at umsita eftir gamla sáttmálanum við Maskinmeistarafelagi ð, men tað góðtekur formaðurin í felagnum undir ongum umstøðum SÁTTMÁLATRÆTA Stefan í Skorini Mitt í sáttmálatrætuni og verkfalsrokinum á privata arbeiðsmarknaðinum er ein annar torførur sáttmála- knútur, sum skal loysast. Nú landsstýrismaðurin við fíggjarmálum ikki góð- kennir nýggja sáttmálan millum SEV og Maskin- meistarafelagið, mugu partarnir eftir øllum at døma finna eina aðra loysn, sum Karsten Hansen kann góðtaka. SEV boðaði í tíðinda- skrivi hósdagin frá, at tað nú fer aftur til tann gamla sáttmálan, og SEV ásannar eisini, at tað var skeivt at gjalda lønir eftir nýggja sáttmálanum uttan lands- stýrisins góðkenning. – Vit góðtaka undir ong- um umstøðum, at farið verður aftur til tann gamla sáttmálan, sigur ein av- gjørdur Jógvan Nybo, for- maður í Maskinmeistara- felagnum. Hesin trupulleiki verður tó ikki aktuellur fyrr enn síðst í mánaðinum, tá SEV aftur skal gjalda sínum maskinmeistarum løn. Tí er líkt til, at partarnir eru komnir fram til eina aðra loysn, áðrenn næstu lønarú- tgjaldingar frá SEV. Nógv fundarvirksemi Fríggjamorgunin var øgiligt fundarvirksemi í bygninginum hjá SEV á Landavegnum. Klokkan hálvgum níggju var fundur millum SEV og embætis- fólk á Fíggjarmálastýrin- um. Landsstýrismaðurin sjálvur var ikki við á fund- inum. – Einki nýtt kom fram á tí stutta fundinum, sigur Petur Alberg, aðalstjóri í fíggj- armálaráðnum. Hann sigur, at landsstýrismaðurin langt síðan hevur gjørt greitt, at hann ikki fór at góðkenna sáttmálan. – SEV fekk munnliga at vita á fundi tann 28. mars frá landsstýrismanninum, at hann ikki fór at góð- kenna sáttmálan, tí lønar- vøksturin var ov høgur, sigur Petur Alberg. Tó fekk SEV ikki skrivliga fráboð- an um hetta fyrr enn hós- dagin í hesi vikuni. Síðani varð nevndin í Maskinmeistarafelagnum boðsend á fund við SEV klokkan níggju. Hesin fundurin endaði stutt fyri klokkan tíggju, tá umboðs- ráðið hjá SEV hevði fund. SEV og Maskinmeistar- arnir samdust um nýggjan fund klokkan 14 seinna- partin fríggjadagin. – Vit fara á fundin fyri at lurta eftir, hvat SEV hevur at siga okkum, sigur Jógvan Nybo undan fundinum. Onga viðmerking Annars høvdu høvuðsper- sónarnir ikki nakrar við- merkingar til støðuna fríggjamorgunin. Poul Arni Jacobsen, stýrisformaður í SEV, boðaði frá, at hann ongar viðmerkingar hevði til nakran av fjølmiðlunum. – Vit hava avtalað nýggj- an fund klokkan 14, er tað einasta, eg vil siga, segði Jógvan Nybo, formaður í Maskinmeistarafelagnum. Hann legði tó afturat, at nýggjar sáttmálasamráð- ingar als ikki vóru á skránni á fundinum fríggjadagin. Talan er tí enn ikki um, at SEV og Maskinmeistar- arnir fara undir nýggjar samráðingar, hóast núver- andi sáttmáli ikki verður góðkendur.Teir 45 maskin- meistararnir, sum starvast hjá SEV, hava longu fingið løn tvær ferðir eftir nýggja sáttmálanum. Sáttmálin var annars galdandi í tvey ár frá 1. mars at rokna. Lønirnar hjá maskinmeistarunum skuldu hækka 4,3% 1. mars 2003 og 4,3% 1. mars 2004. Eftirlønargjøldini skuldu hækka 1% svarandi til 0,8% í virði tann 1. mars í ár og tað sama aftur kom- andi ár. Nú er óvist, hvussu verður við hesum sáttmál- anum. Tá arbeiðarafeløg- ini boðaðu frá sín- um lønarkrøvum, gjørdu tey greitt, at sáttmálin millum SEV og Maskin- meistarafelagið, hevði lagt støðið fyri teirra krøvum SÁTTMÁLATRÆTA Stefan í Skorini Tað er øllum greitt, at sáttmálin, sum SEV og maskinmeistararnir und- irskrivaðu í mars, hevur stóran týdning á nógvum øðrum økjum í samfelag- num. Hann hevur eitt nú lagt støðið undir lønarkrøv- unum hjá arbeiðarafeløg- unum, sum nú eru í verk- falli. Hetta er orsøkin til, at Karsten Hansen ikki vildi góðkenna sáttmál- an, tí hann óttaðist fyri ovurstórum lønarhækk- ingum í øðrum sáttmála- samráðingum. Tí er spurningurin nú, um arbeiðarafeløgini fara at slaka í sínum lønar- krøvum, um maskin- meistararnir fara góðtaka eina lægri lønarhækkan enn upprunaliga avtalað. – Hatta fái eg ikki gjørt viðmerkingar til, tí enn er einki ítøkiligt hent á tí økinum. Vanligt er at tá ein sáttmáli er undir- skrivaður, so verður ar- beitt út frá honum, sigur Ingeborg Winther, for- kvinna í Føroya Arbeið- arafelag. Hon hevur áður sagt og endurtekur enn einaferð, at støðið bleiv lagt við sáttmálanum millum SEV og Maskinmeist- arafelagið. Maskinmeistararnir í lyklastøðu Tí kunnu maskinmeist- ararnir nú koma í eina lyklastøðu viðvíkjandi sáttmálasamráðingunum á privata arbeiðsmarkn- aðinum. Um teir góðtaka eina lægri lønarhækkan, enn sáttmálin, sum var gald- andi frá 1. mars, sigur, kann tað geva semings- monnunum grundarlag fyri at kalla partarnar innaftur til samráðingar. Sáttmálin hjá maskinmeistarunum: Støðið bleiv lagt Formaður í Maskinmeist- arafelagnum Jógvan Nybo, her á veg á fund við SEV, er veruliga komin í andglettin seinastu dagarnar, nú sáttmáli hjá felagnum við SEV ikki verður góðkendur av Karsten Hansen, samstundis sum Ingeborg Winther vísir til henda sáttmála, tá hon grundgevur fyri sínum lønarkrøvum Mynd: Jens Kr. Vang Jógvan Nybo avgjørdur: Fara ikki aftur til gamla sáttmálan Klæmint Weihe, stjóri í SEV, og Jógvan Nybo, formaður í Maskinmeistarafelagnum taka í hondina á hvørjum øðrum eftir fundin fríggjamorgunin. Allir vóru teir tættir sum tunnan og søgdu "onga viðmerking", tá spurt var um, hvat farið varð fram á fundinum Mynd: Jens Kr. Vang Nevndin í Maskinmeistarafelagnum sita á fundi við stýrið í SEV fríggjamorgunin Mynd: Jens Kr. Vang