týsdagur 13. mai 2003síða 4

6 Nr. 90 - 13. mai 2003 Nr. 90 - 13. mai 2003 7 Bæði fríggjakvøldið og leygarkvøldið hava fólk verið inni í Ósa- skúlanum og tømt pulvursløkkjarar. Mánamorgunin var skúlin stongdur vegna upprudding HERVERK Stefan í Skorini Ikki einaferð men heilar tvær ferðir hetta vikuskiftið hava fólk framt umfatandi herverk í Ósaskúlanum í Klaksvík. Skaðarnir fara helst at kosta meira enn 100.000 krónur. Fríggjakvøldið hendi tað fyrru ferð. Ein maður kem- ur inn í skúlan um seks tíð- ina og tømir ein pulvur- sløkkjara í samkomuhøll- ini. Fólk var til staðar og boðaðu løgregluni frá. Maðurin, sum var ávirkað- ur av alkoholi, meldaði seg sjálvan til løgregluna ein tíma seinni. Konsert við kórtónleiki skuldi vera í Ósaskúlanum hetta kvøldið, men hon varð síðani flutt í býráðs- húsið. Leygardagin fóru fólk at rudda og vaska, og sýns- maðurin metti hendan fyrra skaðan til 30-50.000 krón- ur. Umaftur Uppruddingararbeiðið var liðugt leygarkvøldið, men sunnumorgunin varnaðust fólk, at rúturin í úthurðini var brotin, og tað vísti seg aftur nú, at onkur hevði verið inni og tømt tríggjar eldsløkkjarar. Tað var ikki ein tespilig sjón. Pulvurið frá eldsløkkjar- unum fer ímillum alla- staðni, og tað er torført at rudda uppaftur. Seinnuferð var herverkið meira umfatandi. Gern- ingsmaðurin hevur verið inni í fleiri stovum og sprænt við pulvuri. Tveir eldsløkkjarar á sjey kilo eru tømdir í skúlanum. Síðani er viðkomandi farin inn í sethúsini beint norðanfyri skúlan, har 10. flokkur heldur til, og tømt enn ein eldsløkkjara. Á berum Løgreglan í Klaksvík sigur, at hon stendur so at siga á berum í hesum málinum. Tað einasta hon veit er, at herverkið er framt, eftir at fólk eru liðug at vaska leygarkvøldið, tí eingin varnaðist tað fyrr enn sunnumorgun. Løgreglan heitir tí á fólk, sum møguliga hava sæð okkurt illgrunavert um hesar leiðir leygarkvøldið ella sunnunáttina, um at venda sær til støðina. Mánamorgunin fóru fólk aftur at rudda upp eftir her- verkið, og skúlin var stongdur. Símin Petur Hjelm, skúlastjóri í Ósaskúlanum, er sjálvandi ógvuliga harm- ur um hendingarnar og sigur, at skúlin møguliga ikki letur uppaftur fyrr enn mikudagin. Í annaðkvøld skipar Mentanarhúsfelagið í Runavík fyri konsert við kórsangi og klassiskum tónleiki, sum klaksvíkingar fara at framføra KONSERT Í annaðkvøld klokkan 20.00 fara 17 Sangarar úr Klaksvík saman við kvinnukórinum Suð og tón- leikarunum Moniku Stauss Joensen og Helgu Gerðalíð at hava konsert í Runavíka Skúla. Konsertin í Runavík er liður í fyrireikingunum hjá klaksvíkingunum í sam- band við Íslandsferð. Tað vil siga, at kvinnukórið Suð fer ikki við til Íslands. Dýra biðidag, sum er fríggjadagin, fara 17 Sang- arar og tær báðar tónleika- kvinnurnar til Íslands, har vitjað verður á Akranesi og í Kópavogi. Ein konsert verður í hvørju bæinum. Tær báðar, Monika Stauss Joensen, sum er ættað úr Schweits, og Helga Gerðalíð, sum er úr Íslandi, eru millum kendu tónleikarar okkara, og hava verið víða á konsertferðum. Tær leika ávikavist á fiól og klaver. Teir 17 Sangararnir úr Klaksvík hava eisini fleiri ferðir áður verið utanlands á konsertferð, eins og tey hava havt heilt nógvar framførslur í Føroyum. Regluliga eru tey eisini at hoyra í Útvarpinum her. Kvinnukórið Suð er nýggjari kór, sum tó hevur verið at hoyrt bæði í útvarpi og sjónvarpi her heima. Um páskirnar vóru tær at síggja í SvF. Tað er Jógvan við Keldu, sum stjórnar teimum 17 Sangarunum, og Steinvør Fonn plagar at stjórna kvinnuskórinum Suð. Á konsertini í Runavíkar skúla í annaðkvøld fara tey at framføra tað, tey hava vant í vetur, og ivaleyst verður íslandsskráin eisini at hoyra. Atgongumerkini til kon- sertina kosta kr, 50,- og verða at fáa við dyrnar. ej Fjølbroytt konsert í Runavík Ein bóndi á Sandi kom seinnapartin hósdagin fram á lívleysan mann, sum eftir øllum at døma er dottin oman. Rúsdrekka er helst orsøkin til deyðsfallið VANLUKKA Stefan í Skorini Mikudagin fóru tríggir mans til gongu av Líðarenda og norðureftir Traðarhamri á Sand- oynni. Ætlanin var at ganga til Skopunar. Túr- urin endaði tó við einum sorgarleiki, tí bara tveir vunnu upp hús á lívi. Løgreglan á Sandi upplýsir, at hinir báðir menninir komu aftur til hvør sína bygd. Tann eini kom til Skopunar fyri skýming, og hin kom til ein bóndagarð á Sandi í skýmingini og bað um at vera koyrdur heim. Eing- in teirra segði nakað um tann triðja mannin, sum enn ikki var komin til hús. Hósdagin klokkan 14 fann ein bóndi á Sandi tann triðja mannin, sum lá inni í Dal omanfyri Meginskúlan. Sambært kanningunum hjá løg- regluni er maðurin dottin oman av tí seinasta klett- inum, tá hann hevur roynt at koma oman gjøgnum hamaran. Fallið er fýra metrar, og síðani er maðurin bóltaður einar 50 metrar oman ígjøg- num líðina. Løgreglan heldur, at maðurin er deyður á stað- num. Hann var 53 ára gamal og búði í Skopun. Lítil ivi er um, rús- drekka er orsøkin til vanlukkuna. Allir tríggir menninir vóru ávirkaðir, tá teir fóru avstað, og teir høvdu eisini rúsandi løg við sær. Hinir báðir, sum komu aftur, hava lítið at siga løgregluni, tí teir minnast ikki alt, sum fór fram. 53 ára gamal funnin deyður Umfatandi herverk í Ósaskúlanum Umfatandi herverk varð framt í Ósaskúlanum um vikuskiftið. Pulvurið sæst á gólvinum. Tað fer ímillum allastaðni og er torført at rudda uppaftur. Skaðarnir fara helst at kosta meira enn 100.000 krónur Mynd: Jan Müller Meðan tann eini gerningsmaðurin er kendur, hevur løgreglan enn onga ábending um, hvør hevur verið uppá spæl sunnunáttina Mynd: Jan Müller Sitikonsertin í Norð- urlandahúsinum leygarkvøldið var ein misjøvn uppliving. Til tíðir megafeit, men eisini tóm og lítið sigandi. UMMÆLI Sveinur Dam Tað fyrsta, ið eg legði til merkis, tá eg trein inn í stóra salin í Norðurlandahúsinum, var ljósið. Tað var náttar- blátt, og gav rúminum ein serstakan dám. Minti, av einari ella aðrari orsøk, um Grøna tjaldið á Roskilde. Dempaður tónleikur fjálgaði rúmið og undirstrikaði, at talan var um eina rockkon- sert. Sitikonsert, væl at merkja. Ikki tí. Sitikonsertir eru sum oftast feitar, um tón- leikurin er verdur at hoyra. Tað var hesin í stóran mun, hóast okkurt keðiligt eisini var skránni. Stóri salurin í Norður- landahúsinum var nærum á tremur av áhoyrarum, til stóra rockbrakið leygar- kvøldið, sum var ein partur av hátíðarhaldinum, nú húsið hevur 20 ár á bakið. Sveimandi Gestir Prix Føroyar vinnararnir Gestir løgdu út, við teirra sermerkta stemningsfulla tónleiki. Hevði ikki stórar vónir til teir frammanundan konsertini, av tí at teir rætt og slætt ikki hava fangað meg fyrr. Men eg má við- ganga, at eg gjørdist sera positivt yvirraskaður, og varð nærum sligin út av løg- unum, teir borðreiddu við. Ein av orsøkunum til hetta var óivað, at ongir hooligans vóru í salinum, og gjørdi hetta upplivingina meira fullfíggjaða. Í staðin fyri ein bunka av hoppandi reyðum t-shirtum, bar nú til at konsentrerað seg um tón- leikin, eitt, sum var torført til Prix Føroyar finaluna. Niðurstøðan var greið beinan vegin teir byrjaðu: Teir eru feitir. Spældu super væl og gjøgnumført, við nógvum lekrum detaljum. Og slíkar hava tað altíð best á sitikonsertum, tí áhoyrar- in fangar tær lættari, tá tað ikki eru hoppandi fólk og larmur rundan um. Tungir dreingir úr Klaksvík Eftir at Gestir høvdu lovað áhoyrarunum at vera gestir í tónleikaheimi teirra í ein góðan hálvan tíma, trein nu- metal bólkurin Mind’s Eye, úr Klaksvík á pallin. Var spentur at hoyra teir, tí eg hevði hoyrt nógv gott um teir, men bleiv heldur vón- svikin. Við ov nógvum íblástri frá KoRn, spældu teir mainstream nu-metal tón- leik, sum ikki hóskaði serliga væl til eina sitikonsert. Har var snøgt sagt ikki nóg nógv góðs í tónleikinum, til at hann bleiv áhugaverdur. Eisini vóru teir, undantikið sangaran, sera passivir á pallinum, stóðu mest sum bert á sama stað alla tíðina. Tó skal sigast, at bólkurin ivaleyst hevði verið feitur, til eina vanliga standikonsert, har mann kundi flippa út, uttan at noyðast at lurta so væl eftir tónleikaheildini. Makrel stinkar ikki Aftan á Mind’s Eye, áttu Makrel pallin. Hetta var tann bólkurin, sum eg við spenningi hevði bíðað eftir, og teir skuffaðu heldur ikki. Løgdu út við Betty, ið er fyrsta lagið á nýggju fløg- uni Makrel Stinkar. Feitur sangur, sum teir spældu sera væl. Eftir hendan sangin hildu teir fram við løgum, ið mintu meg á nøvn sum eitt nú Nirvana, Sepultura, Staind, U2 og Incubus. Serliga riggaði seinasti sangurin hjá teim- um, Sangur til 200, væl, tá Ári Rouch fór syngjandi niðan millum áhoyrararnar. Makrel eru avgjørt ein av feitastu live bólkunum í Før- oyum í dag. At teir trívast á pallinum er eyðsýnt, og alt sær so leikandi lætt út hjá teimum. Teir levera und- irhald fyri allar pengarnar, serliga Ári Rouch, sum umframt at duga at syngja, eisini er ein framúr skemtari. Farvæl til Krit Havnabólkurin Krit hevur altíð havt sín egna stíl. Teir spæla grótharðan tungan rock, í spennir sera vítt, líka frá Death Metal, yvir til meira melodiøsan metal tónleik. Ein kundi fryktað, at hetta fór als ikki at rigga til eina sitikonsert, men aftur her bleiv eg tikin á bóli. Teir vóru snøgt sagt fram- úrskarandi. Gjøgnumførdur og væl spældur tónleikur, gott show, eitt image, ið ímyndar tónleikin og so duga teir óvanliga væl at fáa stemningin upp at kóka. Málaðir í andlitinum og í løgnum klæðum, komu teir á pallin at spæla vælkenda mega tunga, larmandi tón- leikin. Eftir at hava brøla og rópt seg gjøgnum eina skrá, ið fevndi um alt frá speed metal til melodiøsan kirkju- líknandi tónleik, kom tað veruliga hæddarpunktið ímóti endanum. Í svørtum kyrtli stóð Edmund í Garði á odda fyri tí mest agressiva og intensa, ið eg nakrantíð havi sæð í Føroyum. Hann spældi violinboga á guitaran, sum gav eitt ræðuligt, nærmast óhugnaligt óljóð. Sló, kast- aði og sparkaði guitarin, fyri at enda at slíta streingirnir av honum og taka ein annan guitara í hond. Alt meðan hinir í bólkinum buldraðu ófantaliga illa. Eftir hetta hendi nakað løgið. Teir førkaðu seg úr larminum og ruðuleikan- um, inn í eitt reindyrkað popp stykki, ið allarmest líktist onkrum hjá U2. Endaspurturin var, tá Ed- mund við eitt fór at spæla eitt Wagner-líknandi grav- arferðalag á urguna. Um showið til endans var jarðarferðin hjá Krit, veit eg ikki, tí sambært Ed- mundi, ætla teir sær at hava ein longri steðg nú. So um tú ikki sást teir leygar- kvøldið, misti tú eina av teimum størstu konsert upplivingunum nakrantíð í Føroyum. Tungmálmur úr høvuðsstaðnum Seinast eg var til sitikonsert hjá Hatespeech, var tá Tutl fylti 25 ár, eisini í Norður- landahúsinum. Ta ferðina var eg málleysur, tí teir vóru so vemmiliga feitir og nýskapandi. Fullir í orku. Av tí sama hevði eg stór- ar vónir leygarkvøldið, men eg bleiv nakað vón- svikin. Ikki tí, Hatespeech vóru fínir, men teir høvdu onki nýtt at bjóða. Og tá mann hevur hoyrt teir nakr- ar ferðir, so verða teir forútsigiligir og harvið eis- ini keðiligir, serliga tá mann er noyddur at sita niðri og lurta. Einasta, sum eg leggi til merkis hvørja- ferð eg hoyri Hatespeech, er guitarspælið hjá Heðin Ziska Davidsen. Tað er genialt, og lyftir heildina í bólkinum nógv upp, tí har er allatíðina okkurt nýtt og spennandi at hoyra. Blandaðar kenslur Ímillum hvørt av innsløg- unum hoyrdist sera áhuga- verda orkestrið Aparat, úr Íslandi. Sum skilst verður hetta eitt av tilboðunum á Listastevnuni í august, so tað gleði eg meg longu til. Tað var við blandaðum kenslum, eg fór heim eftir tiltakið. Okkurt í mær segði "WOW," meðan okkurt annað segði "Geisp-Zzz." Har var nógv, sum var ordi- liga feitt, og hóast alt ikki var líka gott, so er tað tað feita, ið situr klárast eftir í minninum. Og tað verður nokk sitandi eina løtu. Í øllum førum fer fram- førslan hjá Krit nokk altíð at teljast millum tær bestu, ið eg havi verið til yvirhøvur. Keðiligt, at teir fara at hava ein steðg, tí tað er avgjørt ein bólkur, sum er verdur bæði at hoyra og síggja. Eisini fari eg ivaleyst at minnast framførsluna hjá Gestum, tí hon opnaði eygu míni fyri einum sera góðum bólki, ið heilt sikkurt er mill- um teir bestu her í Føroyum. Makrel fari eg at minnast, bara tí teir eru Makrel. Ongin er sum teir, og teir eru feitir allan vegin ígjøgnum. Trúgvi ikki at Hatespeech og Mind’s Eye komu til sín rætt, av tí, at tað var ein sitikonsert, og áhoyrararnir í stóran mun vóru edrúir og friðarligir. Hopi at sleppa at síggja onkran av hesum báðum bólkunum aftur skjótt. Kanska ólavsøku- konsertin hevði verið eitt gott høvi at víst, hvør dugur er í teimum. Vóni at skipað verður fyri fleiri líknandi tiltøkum í framtíðini, tí slík tiltøk geva bólkunum ein góðan møguleika at vísa, hvat teir hava at bjóða reint tónlista- rliga. Krit góvu sínum áhoyrarum eina frálíka heilsan, nú teir ætla sær at halda ein longri steðg. Mynd: Ingi Rasmussen Rokk-o-Rudl í Norðurlandahúsinum Razz í Føroyum Danska barnastjørnan Razz var í Føroyum um vikuskiftið. Hann kom til landið úr Danmark sunnudagin, og hann búði á Hotel Vágum á stuttu vitjanini. Hann hevði tvær fram- førslur - eina í Platform í Havn og eina í Mentunar- húsinum í Fuglafirði. Ætlanin var, at Razz skuldi koma til landið nakað herfyri, men vegna sjúku noyddist hann at av- lýsa, men hann kom so og hevði tvær framførslur. Razz gjørdist kendur, tá hann vann barna Melodi Grand Prix í 2002. -HR Razz búði á Hotel Vágum, meðan hann var í Føroyum. Talan var kortini um ein stuttan steðg C M Y K 7 6