mikudagur 14. mai 2003síða 12

Av teimum tíggju liðunum í næstbestu deildini hava seks teoretiskan møgu- leika at flyta upp, og óivað fara tey øll at leggja seg eftir einum plássi millum tey fýra fremstu, ið krevst fyri at fáa møguleikan 2. DEILD BYRJAR Hilmar Jan Hansen Hóast stórur partur av fót- bóltstosinum og umrøðuni ár undan ári snýr seg um ta bestu mansdeildina, er næstbesta deildin avgjørt eisini áhugaverd. Har er tað, at biðlarnir til pláss í 1. deild eru at finna á hvørj- um ári. Verður hugt at, hvørji lið eru at finna í 2. deild í ár, so sæst skjótt, at her eru fleiri lið, sum eina ferð høvdu nógv upp á hjarta í føroysk- um 1. deildarfótbólti. TB, B71 og ÍF kenna øll søta smakkin av einum før- oyameistaraheiti, hóast eftir- hondini mong ár eru liðin, síðani tað gekk teimum so væl. TB vann tað síðsta av sínum seks meistaraheitum í 1987, B71 var meistari í 1989 og ÍF aftur í 1979. Sumba var í 1. deild frá 1998 til 2000, og eingin ivi man vera um, at sumbingar heldur enn fegnir liggja framvið at sleppa uppaftur. Og so eru tað leirvíkingar, ið vóru »fast inventar« í bestu deildini frá 1982 til 1989, men síðstu ferð bara vóru uppi og vendu í 1993. Aftur at hesum fimm, ið altso hava roynt eitt sindur av hvørjum, eru so uppflyt- ararnir úr AB, ið kanska eru teir, ið hava dubbað seg mest til komandi kapping- ina í 2. deild. Hesi seks nevndu feløg- ini fáa so fylgju av næst- bestu manningunum í B36, KÍ, VB og B68, ið meira enn so kunnu blanda seg upp í oddastríð og alt møguligt annað, men tó ikki kunnu flyta upp, tí bestu liðini hjá feløgunum longu frammanundan eru í 1. deild. Einasta vegin, hesi lið kunnu sleppa, er niðureftir, og tað hevur heldur ikki verið óvanligt tey seinnu árini, at tað eru júst nøkur av teimum »næstbestu«, ið ikki klára at sigla millum skerini, tá kappingin nærk- ast endanum. Hava verið nær Fyri at venda aftur til pote- ntiellu uppflytararnar, so er torført at spáa nakað um, hvussu teimum fer at gang- ast. TB endaði aftast í 1. deild og flutti niður, og seinnu árini hevur aldurs- forsetin í føroyskum fót- bólti gjarna lagt nógva orku í at koma uppaftur sum skjótast. Hvussu stórur munurin er á botninum í 1. deild og toppinum í 2. deild, er ringt at siga, men TB vil altíð vera eitt boð upp á ein uppflytara, og verður helst roknað sum ein av favorittunum undan kappingini. Um tú spyrt sandoyingar, so halda teir neyvan, at hepni hevur verið við teim- um síðstu tvey árini. Fyrst endaðu teir næstaftast í 1. deild í fyrraárið og taptu upp- og niðurflytingardyst- irnar móti Skála og fluttu niður. Og hóast B71 í fjør var næstfremst í 2. deild, tapti liðið enn eina ferð dystirnar um upp- og nið- urflyting — hesa ferð móti EB/Streymi. Einki er at ivast í, at tey í B71 vóna, at triðja ferðin verður tann besta ferðin, og at Sandoyggin aftur er við í toppinum í føroyskum fót- bólti næsta ár. Fuglfirðingar halda seg neyvan vera stórt hepnari enn B71, tí eftir at teir í 1999 endaðu eitt fýra ára skeið í 1. deild, hava teir bara verið »næstan« á veg uppaftur. Fyrst taptu teir dyst um upp- og niðurflyt- ing móti FS Vágum í 2000, tá ÍF endaði næstfremst í 2. deild. Og bæði í fjør og fyrraárið vantaði bara eitt- ans stigið í hjá ÍF at røkka næstfremsta plássinum, ið gevur upp- og niðurflyt- ingardystirnar. Slíkt er ikki stuttligt fleiri ár á rað, so tí er hetta árið óivað ein allarsíðstu kjans- ur, fuglfirðingar geva sær sjálvum — skulu teir ikki heilt missa vónina um at sleppa uppaftur í 1. deild. »The dark horse« Sum nevnt, var Sumba fyri bara trimum árum síðani í 1. deild, og tá hevði felagið sín longsta steðg har higar- til — trý kappingarár á rað. Tvey tey fyrstu árini yvir- livdu sumbingar upp- og niðurflytingardystir móti LÍF, men síðsta árið gav aftasta plássið beinleiðis niðurflyting. Hesi bæði árini, sum síðani eru farin, hevur Sumba ikki ordiliga verið frammi í oddinum, tá kapp- ingin er endað, men í fjør var Sumba bara eitt stig frá upp- og niðurflytingardyst- inum, tá fýra umfør restaðu í, men so dragnaði. Leirvíkingar minnast sjálvandi enn tey bæði ár- ini, tá júst sumbingar forð- aðu teimum at koma upp- aftur í 1. deild. Men síðani hava avrikini hjá LÍF ikki verið tað stóra at reypa av, og síðstu trý árini er liðið endað millum tey aftastu. Spurningurin er so, um LÍF hevur orku og evni at leggja seg út í oddastríðið í ár, men givið er, at tað í øllum førum krevur munandi meira av liðnum, enn tað hevur víst undanfarnu árini. At enda er tað so »the dark horse«, AB, sum er spildurnýtt lið í 2. deild, men kortini av mongum verður roknað sum ein upp- lagdur kandidatur til okkurt av fremstu plássunum í næstbestu deildini. Liðið er trimmað til hetta kappingarárið, og eitt nú í teimum báðum innleiðandi dystunum í steypakappingini eydnaðist á útivølli at basa tveimum av komandi kapp- ingarneytunum í 2. deild, ÍF og Sumba, so AB vann sær pláss í bólkaspælinum. Mest rávørutilfeingi Eftir eru so tey fýra liðini hjá B36, KÍ, VB og B68, ið mest mugu sigast at hava eina satelittuppgávu sum rávørutilfeingi hjá 1. deild- arliðunum í somu feløgum. Av teimum plagar B36 at standa seg best, meðan árs- úrslitið hjá KÍ ofta er meira svingandi. VB, sum var uppflytari í fjør, kom upp móti miðjuni og fer kanska at royna eftir meira í ár. Og so fæst at síggja, um B68, sum eftir upp- og niðurflyt- ingardystir móti grannun- um úr NSÍ, fer at halda tørn í næstbestu deildini. Hvussu er og ikki, so plaga hesi liðini, ið ikki kunnu sleppa longur upp, at dríva á fyrra partin av kappingini og kanska meira enn tað. Gjarna eru tey eisini javnan mannað við spælarum, ið hava potentiali til fyrsta lið í feløgunum, og tað kann geva eina styrki, ið spælir fleiri av hinum liðun- um eitt puss av og á. Men tá landskappingin nærkast endanum, tynnast hesi »næstbestu« liðini ofta, tí fólk verður tikið av teimum og upp í 1. deild. Er hetta eftir »strikuna«, sleppa spælararnir ikki niðuraftur. Og so er heldur ikki ókent, at onkur av feløgun- um í síðsta enda — um støðan í 1. deild loyvir tí — velja at senda nakrar fræg- ari spælarar niður á hesi liðini, um tað kann sleppa teimum undan niðurflyting í 3. deild, tí fyri 1. deildar- feløgini hevur tað nógv at siga, at aspirantarnir til 1. deild ikki skulu finnast longur niðri enn í 2. deild. Nr. 91 • mikudagur • 14. mai 2003 • 77. árgangur • www.sosialurin.fo Fleiri eru um boðið Hóast besta deildin oftast fær størstu umrøðuna, so er spenningurin millum tey næstbestu eisini stórur 23 22 Nr. 91 - 14. mai 2003 TÍÐINDASKRIV Árliga musikkstevnan hjá føroysku hornorkestrunum verður í ár í Runavík. Luttakandi orkestrini eru 9 í tali, men av tí, at Sørvágs Tónleikarafelag og Vest- manna Hornorkestur í ár spæla saman, verður talan um 8 framførslur. Konsert- in verður í ítróttarhøllini í Runavík dýra biðidag. Har vera 4 pallar, og orkestrini spæla 12 minuttir í part. Endað verður við at øll orketrini spæla 2 marsjir saman. Um kvøldið verður veitsla á Svangaskarði kl. 19. Musikkstevnan verður sett í ítróttarhøllini í Runa- vík av Rodmundi Nielsen, býráðsformanni kl. 14. Síðan spæla orkestrini í hesi raðfylgju: Nes Sóknar Musikkfelag Sørvágs Tónleikarfelag & Vestmanna Hornorkestur Harmoniorkestrið G.H.M. Klaksvíkar Hornorkestur Havnar Ungdóms- hornorkestur Tvøroyrar Hornorkestur Fuglafjarðar Hornorkestur Havnar Hornorkestur Siður hevur verið, at orkestrini skiftast um at skipa fyri hesum tiltakið, sum má metast at vera hæddarpunktið á tónleika- árinum hjá hornorkestrun- um. Tað eru í ár 40 ár, síðan Nes Sóknar Musikkfelag byrjaði at spæla, og er tað tí sera hóskandi, at NSM hesa ferð skipa fyri stevnuni. 3 spælarar hava verið við alla tíðina, men umframt tað hevur orkestrið havt stóra tilgongd av ungum spælarum í góðum sam- starvi við musikkskúlar og – lærarar. Spælararnir koma úr flestu bygdum í Runavíkar kommunu um- framt av Toftum, av Strond- um, av Skála og úr Oynd- arfirði. Samstarvið millum bygdirnar hevur verið fyri- myndarligt. Við okkara 28 spælarum eru vit eitt av best mannaðu orkstrunum í landinum. Nes Sóknar Musikkfelag vónar, at nógv nýta høvið til at hoyra góðan og fjøl- broyttan horntónleik á konsertini í ítróttarhøllini í Runavík dýra biðidag - 16. mai 2003 kl. 14. Gylta morgunstund Gylta morgunstund blítt summarvindin hitar, lívgandi øll smálomb nemur, hvørt eitt strá á bønum litar. Gylta morgunstund vekur sál úr vetrardvala, vermur seg við fyrstu glæmur, skyggjandi úr kavi spæla. Gylta morgunstund speglar lívsins morgunroða, eins og barn at brósti sýgur, lív frá morgunsól vit fáa. Gylta morgunstund við silvitni á tanga, hagasóljan sprettur glað, rósurunnar anga. Gylta morgunstund er Orfeusi at bana, vaknaði úr døgg og dvalu summardáin væna. Gylta morgunstund nú heiðafuglur letur, gloymt er stríð og strev og tann kaldi vetur. Valdemar á Løgmansbø apríl 2003 TÍÐINDASKRIV: 15.-18. mai skipar Kirkju- liga Heimamissiónin fyri tí vælumtókta ársmøtinum í Leguhúsinum í Nesvík, har nógv fólk úr øllum landin- um plaga at savnast. Evnið í ár er Guds kall. Byrjað verður hósdagin 15. mai og hildið verður á til sunnu- kvøldið 18. mai. Skráin hevur okkurt at bjóða bæði til børn, ung og vaksin. Ein serstøk barna- skrá er eisini, so meðan for- eldur eru til møti og annað, verða børnini ansað í ítriv- rúminum og úti, har spæli- pláss, graslíkisvøllur og ein hylur er at rógva í. Eins og til vanligu tiltøk- ini í Nesvík, so verður nógvur sangur á skránni, bæði felags- og kórsangur. Hvørt kvøld er møti, har ymiskir talarar og kór lut- taka og um dagarnar eru orðaskifti og frágreiðingar á skránni. Sunnudagin verður eisini skipað fyri einum serligum familjumøti við luttøku av barnakóri. Talarar á ársmøtinum í ár eru millum annað Marius Jacobsen, Leirvík, Niels Jacob Nielsen, trúboðari, Strendur, Regin Høgnesen, trúboðari, Leirvík, Sverri Kass, Strendur og Bergur D. Joensen, prestur, Argir. Eisini er vitnisburður, orða- skifti og frágreiðingar á skránni. Nógvur sangur verður eisini á skránni. Byrjað verður til dømis við einum sangmøti, har streingja- kórið úr Vágoynni og "Pet- ur Hans Hansen & Thomas Dam" syngja og spæla. Annars verður tað kórið Gleði úr Klaksvík, Tabor- kórið av Toftum, Thabor- kórið úr Fuglafirði, ung- dómsbólkurin Prayz og barnakórið úr KFUM & K úr Klaksvík, ið luttaka við sangi. Cafe við livandi tónleiki er eisini á skránni. Savnað verður inn til ymisku arbeiðsgreinarnar hjá Heimamissiónini. Eisini verður høvi at keypa ymiskar kristiligar bøkur og fløgur frá Heima- missiónsforlagnum. Møtini eru ókeypis. Um ein ynskir at eta og gista í Nesvík, er neyðugt at boða frá luttøku áðrenn. Leguhúsið í Nesvík fyllir í ár 10 ár. Tað varð vígt og tikið í brúk á Ársmøtinum í 1993, og síðani tá hevur tað verið karmur um ein stóran part av landstiltøkunum hjá Heimamissiónini. Næstan hvørt einasta vikuskiftið í árinum, og alla summarfrí- tíðina verður Leguhúsið nýtt til barnalegur, ung- dómslegur, bygdalegur, skeið og annað, og húsið hevur roynst sera væl. Ársmøtið í Nesvík Nes Sóknar Musikkfelag skipar dýra biðidag fyri 38. musikkstevnuni Gunnbjørn Joensen Hósvík Eftir øllum at døma er tað demokratiska valið, sum fólkaatkvølað var, ikki góð- tikin av minnilutanum, tað vil siga ja-sigarunum. Á kunnandi fundum, sum vóru í øllum bygdunum, umfataðar av fólkaatkvøð- unum um at leggja komm- unurnar, sum hava arbeitt saman í kommunufelags- skapinum í Sundalagnum, varð upplýst, at kommun- urnar høvdu kunnað tikið avgerð um samanlegging á einum bygdaráðsfundi, men at kommunurnar hildu tað verða rættast at fara út til borgaran við eini fólka- atkvøðu, soleiðis at borgar- arnir í hvørjari bygd sær skuldu sleppa at avgera, hvussu bleiv við hesi ætlan. Upplýst varð eisini, at markið var 50 prosent, t.v.s. um tað vórðu 50,1 prosent sum søgdu ja, so varð tað avgjørt, at kommunan skuldi leggja saman við hinum kommununum. Úr- slitið kenna vit, tað vórðu 81 sum atkvøddu Nei og 71 sum atkvøddu Ja. Hetta fall ikki í góða jørð hjá minnilutanum og harvið bygdaráðnum. Eftir hetta, varð lagt har út, ein skipað niðurgerðarherferð av Nei- sigarar fór fram í fjøl- miðlunum. 1 • Hetta vóru aftur- haldskreftirnar í bygdini • Hetta var gamal egg millum Hósvók og Hvalvík frá 50 árun- um • Hann hevði kunna hugsað sær at lagt frá sær, og latið aftur- haldskreftirnar slopp- ið til. Sitat: frá borgar- stjóranum Jógvan Mørkøre, í útvarp- inum valkvøldið 2 • Manglandi vit og skil frá Várharra • Gomlu, negativu og ókonstruktivu bygda- fólkini • Hugsa ikki um fram- tíðina • Tvørir • Uttanfyri alt og øll • Prumpur aftan? Sitat: Sonja F. Mørk- øre, Sosialurin 08/05- 03 3 • Gravarbakkapersónur • Merkt av elli og klandri Sitat: Jonhild Her- manssen, bygdaráðs- limi, í Dimmu 08/05- 03 4 • Gamalt agg • Mugu koma til for- nuft Sitat: Eyðgerð Kruse, Sostatt 09/05-03 5 • Einki sløkkilið • Eingin umhvørvis- nevnd • Mugu á knæ fyri at biðja um samstarv • Koma undir umsiting Sitat: Jógvan Mørk- øre, borgarstjóri í samrøðu við Sosialin 08/05-03 Hetta eru bet nøkur dømir um hvussu Nei-sigararnir hava verið hunddálkaðir í fjølmiðlunum seinastu dag- arnar. Eftir at Ja-sigarar hava verið úti og sett Nei-sgarar í bás, við at skírt tey at vera tvør, bðtt, gravarbakkafólk, fara umborð fyri Ja-sigarar (lærisveinar bygdaráðsins) hús úr húsi og spyrja fólk eftir undirskriftum, um at gera sum minnilutin sigur. Sjálvandi hava fólk ringt við ikki at skriva undir, tú um tú ikki skrivar undir, ja so kanst tú hava trupul- leikar við at liva í hesi bygdini, tí so ert tú ein av hesu tvøru, býttu gravar- bakkafólkunum. Hetta er ein álvarslig hóttan móti demokratinum. Fyrst hevur tú eina fólka- atkvøðu, har tú stendur einsamallur yvirfyri einum Ja ella Nei. Hetta er í trún- aði, eingin hevur krav uppá at vita, hvat ein hevur valt. Eftir hetta fer ein skipað niðurgerð av Nei-sigarun- um fram í fjølmiðlunum, á ein so lágum støði, ið ikki kemmur sín líka. Ikki nokk við tað, eftir hetta fara tey út at savna undirskriftir frá fólki fyri at fáa broytt av- gerðina hjá meirilutanum. Hesar undirskriftir verða savnaðar bert 3 dagar eftir fólkaatkvøðuna og kunnu samstundis brúkast til, við útlíkningshátti, at finna útav, hvør hevur sagt Nei og harvið møguligt at peika tey út, sum tey bðttu, tvøru gravarbakkafólkini. Hetta er so langt úti, at Saddam Hussein og aðrir høvdu neyvan funnið uppá tílíkt. Vónandi kemur ein tílík háðan og vanvirðing av hósvíkingum ikki prent aftur í fjølmiðlunum, og vit í framtíðini koma at góð- taka og virða eitt demo- kratiskt val her í bygdini, soleiðis um tað fellur út. Við vón um, at tað sam- anhald, ið hevur verið í Hósvík ikki verður jarða, men at vit framvegis her í Hósvík kunnu koma at varðveita tann hugburð, at vit øll kunnu hava og siga okkara meining, uttan at verða forfylgd og niður- gjørd. Fólkaatkvøðan í Hósvík, ein hóttan ímóti demokratii VIÐMERKINGAR C M Y K 22